جاڭا حابارلار

« اققۋ كولى» اتتى بالالار بالەت ءبيى ءۇرىمجى كوركەمونەر تەاترحاسىندا قويىلدى

    كەلۋ قاينارى: شينجياڭ حالىق راديو ىستانسياسى    2018-07-27 18:00:33  

ستانسيامىزدىڭ ءتىلشىسى دۇڭ جىيۇڭنىڭ حابارى: 7-ايدىڭ 26-كۇنى، ۋكراينانىڭ كيەۆ قالاسىنداعى بالەت ءبيى ۇيىرمەسى اكەلگەن «اققۋ كولى» اتتى بالالار بالەت ءبيى ءۇرىمجى كوركەمونەر تەاترحاسىندا قويىلدى.
ويىندا، ارتيستەردىڭ اياقتارىنىڭ ۇشىمەن ەپپەن باسىپ جۇرگەنى قۇددى اققۋدىڭ ۇشىپ-قونعانىن كوز الدىڭا ەلەستەتەدى. سىرىقتاي ەكى اياعى اسەم تەربەلەدى، كويلەكتەرى شامنىڭ جارىعىمەن شاعىلىسىپ جالتىلداپ، تۇنگى اسپاندا سامسىعان جۇلدىزداي كورگەن جاندى ەرىكسىز باۋرايدى. بالەت ءبيىن تاماشالاعان كىشكەنتاي كورەرمەن ءپان حۇڭيىڭ ەرەكشە سۇيىنگەنىن ايتا كەلىپ بىلاي دەدى: بۇگىن ۆكراينالىق وقىتۋشىنىڭ بالەت ءبين بيلەگەنىن كوردىم ەرەكشە ادەمى ەكەن، بالەت ءبيىن ۇيرەنگەنىمە 2 جىلداي بولدى، وتە جاپالى، الايدا، ساحنادا بيلەگەندە ەرەكشە كوركەم كورىنەدى، بالەت ءبيىن جالعاستى جاقسى بيلەپ، ساحىنادا ورىنداپ كوپشىلىككە سيلايتىن بولامىن. «اققۋ كولى» اتتى بالەت ءبي تەاترىن رەسەي كومپوزيتورى چايكوۆسكي 1876-جىلى جاساعان ، 100 جىلدان ارتىق ۋاقىتتان بەرى، ءبي تەاترى كوپتەگەن نۇسقاسى بارلىققا كەلدى، وسى رەتكى ويىن نومەرلەرى «اققۋ كولى» اتتى كلاسسيكالىق اڭگىمەمەن جالعاسىم تاپتى. تەاتردا اققۋ ءبين سومداعان ءارتيس ۆەكتوريا بىلاي دەدى: ءبي نومەرىمىز ءساتتى شىقتى، كورەرمەندەر ەرەكشە قىزىعىپ، ءالسىن-ءالسىن دۋ قول شاپالاق سوقتى، مەن جۇڭگونى، وسى جەردىڭ ادامدارىن وتە ۇناتامىن، جالعاستى قۇلشىنىپ، كوپشىلىككە اناعۇرلىم تاماشا بيلەردى سيلايتىن بولامىن. ۇعىسۋعا قاراعاندا، ۋكراينانىڭ كيەۆ قالاسىنداعى بالالار بالەت ءبي ۇيىرمەسىنىڭ قۇرىلعانىنا 30 جىل بولعان، قازىر، 100 دەن استام ءارتىس بار، دۇنيە جۇزىندە وتە جوعارى بەدەلگە يە ەكەن. كەلەسى قادامدا، ياعىني، بۇگىننەن باستاپ 7-ايدىڭ 28- كۇنىنە دەيىن ءۇرىمجى تەاترحاناسىندا 3 كەزەك ويىن قويىلادى. ءبي ۇيىرمەسىنىڭ جاۋاپتىسى دىميتري بىلاي دەدى: كورەرمەندەردىڭ قىزۋ القاۋىنا بولەنۋمەن قوسا، وسى ارادا بالەت بيىنە قاتتى قىزىعاتىن بالالاردىڭ بار ەكەنىن دە بايقادىق، كوپشىلىكتى ءبىزدىڭ ەلگە بارىپ، ويىن نومەرلەرى جاعىندا تاجىريبە اۋىستىرۋىن ءۇمىت ەتەمىن. الدا، شاڭحاي، فۋجوۋ، نانجيڭ سياقتى جۇڭگونىڭ 13 قالاسىنا بارىپ، ارالاپ ويىن قويامىز، بالەت ءبيى ارقىلى ەكى ەل اراسىنىڭ مادەنيەت اۋىس-كۇيىسىن ىلگەرىلەتۋدى ءۇمىت ەتەمىن.


بەرىپ كەت ورامالىڭدى

دوستار

الىستاعى اق ەركە