جاڭا حابارلار

شي جينپيڭ پرەتورياعا بارىپ، وڭتۇستىك افريكا رەسپۋبليكاسىنداعى مەملەكەتتىك ساپارىن باستادى

    كەلۋ قاينارى: شينجياڭ گازەتى    2018-07-26 19:04:26  

 شينحۋا اگەنتتىگىنىڭ 7 - ايدىڭ 23 - كۇنى پرەتوريادان بەرگەن حابارى (تىلشىلەر جاۋ شي، لي جيانمين). 7 - ايدىڭ 23 - كۇنى مەملەكەت ءتوراعاسى شي جينپيڭ پرەتورياعا بارىپ، وڭتۇستىك افريكا رەسپۋبليكاسىنداعى مەملەكەتتىك ساپارىن باستادى.
  جەرگىلىكتى ۋاقىت كەشكى ساعات 8دەن 40 مينۋت مولشەرىندە، شي جينپيڭ وتىرعان ارناۋلى ۇشاق پرەتوريا ۋاتەركلۋپ اسكەري اۋەجايىنا كەلىپ قوندى. شي جينپيڭ مەن حانىمى پىڭ لييۋان وڭتۇستىك افريكا ۇكىمەتىنىڭ سىرتقى ىستەر مينيسترى سيسۇلۇ قاتارلى جوعارى دارەجەلى ءمانساپتىلارىنىڭ ىستىق ىقىلاسپەن قارسى الۋىنا بولەندى. وڭتۇستىك افريكالىق ورەندەر پىڭ لييۋانعا گۇل ۇسىندى. رەتتى كيىنىپ، تىك تۇرعان قۇرمەت قاراۋىلدارى قىزىل كىلەمنىڭ ەكى جاعىندا قۇرمەتپەن قاراپ تۇردى.
  شي جينپيڭ جۇڭگو ۇكىمەتى مەن جۇڭگو حالقى اتىنان وڭتۇستىك افريكا ۇكىمەتى مەن حالقىنا شىن ىقىلاستى سالەم جولدادى جانە ىزگى تىلەك ءبىلدىردى. شي جينپيڭ مىنالاردى باسا دارىپتەدى: جۇڭگو مەن وڭتۇستىك افريكا ديپلوماتيالىق قارىم - قاتىناس ورناتقان 20 جىلدان بەرى، ەكى ەلدىڭ قارىم - قاتىناسى جان - جاقتى، ىشكەرىلەي دامىپ، سەرىكتەستىك قارىم - قاتىناستان ستراتەگيالىق سەرىكتەستىك قارىم - قاتىناسقا، ونان جاپپاي ستراتەگيالىق سەرىكتەستىك قارىم - قاتىناسقا دەيىنگى ەلەۋلى سەكىرىستى جۇزەگە اسىردى. ەكى ەلدىڭ ساياسي سەنىمى ۇزدىكسىز نىعايىپ، سىندارلى سەلبەستىك تىڭعىلىقتى ىلگەرىلەپ، گۋمانيتارلىق اۋىس - كۇيىس الۋان مازمۇنمەن جۇرگىزىلىپ، ستراتەگيالىق سايكەسۋ ۇزدىكسىز تەرەڭدەدى. مەن وسى رەتكى ساپارىم كەزىندە، راماپوسا زۇڭتۇڭمەن ەكى جاقتى قارىم - قاتىناس، جۇڭگو - افريكا ەلدەرى تالقى مىنبەرىنىڭ بەيجيڭدەگى باسشىلار باس قوسۋى، سونداي - اق بىرگە نازار اۋدارىپ وتىرعان حالىقارالىق جانە وڭىرلىك ماسەلەلەر جونىندە ىشكەرىلەي پىكىر الماسىپ، جاڭا داۋىردەگى جۇڭگو - وڭتۇستىك افريكا قارىم - قاتىناسىنىڭ تاعى دا تىڭ بيىككە ورلەۋىن بىرگە ىلگەرىلەتىپ، ەكى ەل حالقىن اناعۇرلىم مول باقىتقا كەنەلتۋدى كۇتەمىن.
  شي جينپيڭ مىنالاردى اتاپ كورسەتتى: بريكس ەلدەرى باسشىلارى يوحاننەسبۋرگتە كەزدەسۋ وتكىزەدى.
  مەن باسقا بريكس ەلدەرىنىڭ، افريكا ەلدەرىنىڭ، سونداي - اق بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ باسشىلارىمەن بىرگە سەلبەسىپ دامۋدىڭ ۇلى جوسپارىن اقىلداسىپ، وركەندەپ كەلە جاتقان ەلدەردىڭ ىنتىماقتى سەلبەستىگىن تىڭ دەڭگەيگە كوتەرىپ، الەمنىڭ بەيبىتشىلىگى مەن دامۋىن جەبەۋ ءۇشىن اناعۇرلىم كەسەك ۇلەس قوسۋدى كۇتەمىن.
  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار سول ۇشاقپەن بىرگە باردى.
  جۇڭگونىڭ وڭتۇستىك افريكاداعى باس ەلشىسى لين سۇڭتيان دا اۋەجايعا بارىپ قارسى الدى.
  شي جينپيڭ رۋانداداعى مەملەكەتتىك ساپارىن اياقتاتقان سوڭ وڭتۇستىك افريكاعا باردى. كيگاليدەن اتتاناردا، شي جينپيڭ رۋاندا زۇڭتۇڭى كاگاميدىڭ اۋەجايدا وتكىزگەن اتتاندىرۋ سالتىنا قاتىناستى.
  ەكى ەلدىڭ مەملەكەت باسشىلارى مەن حانىمدارى ىقىلاسپەن قوشتاستى. شي جينپيڭ رۋاندانىڭ ۇلتتاردى راقايلاستىرۋ جانە مەملەكەتتى قايتا قۇرۋ ۇردىسىندە قول جەتكىزگەن ماڭىزدى جەتىستىكتەرىن القاپ، رۋاندانىڭ اناعۇرلىم زور دامۋدى جۇزەگە اسىرۋىن تىلەدى. شي جينپيڭ مىنانى ءبىلدىردى: رۋاندانىڭ ىستىق ىقىلاسپەن كۇتىپ العانىنا راقىمەت. مەنىڭ وسى رەتكى ساپارىم تولىق تابىسقا قول جەتكىزدى. جۇڭگو حالقى دا، رۋاندا حالقى دا بەيبىتشىلىكتى قادىرلەيدى. جۇڭگو رۋاندامەن قول ۇستاسا قۇلشىنىپ، ەكى ەل حالقىنىڭ تاماشا تۇرمىسىن بىرگە جاراتۋدى قالايدى. كاگامي مىنانى ءبىلدىردى: رۋانداعا مەملەكەتتىك ساپارمەن كەلگەن ءتوراعا شي جينپيڭدى كۇتىپ العانىمدى ايرىقشا داڭق سەزىنەمىن. وسى جولعى ساپاردىڭ تابىسى مول بولىپ، ەكى ەلدىڭ قارىم - قاتىناس نەگىزىن ونان ارى بەكەمدەدى. رۋاندا جۇڭگومەن جوعارى جىكتەگىلەر بارىس - كەلىسىن جيىلەتۋدى، رۋاندا - جۇڭگو دوستىق سەلبەستىك قارىم - قاتىناسىن تاعى دا تىڭ ساتىعا كوتەرۋدى قالايدى.
  شي جينپيڭ مەن پىڭ لييۋان رۋاندا جاقتان اتتاندىرا شىققاندارمەن قول الىسىپ قوشتاستى. رۋاندا جۇرتشىلىعى ادەمى ۇلتتىق كيىمدەرىن كيىپ، ويناقى بارابان مۋزيكاسىمەن جانە جالىندى بيلەرىمەن جۇڭگولىق سيلى قوناققا دەگەن دوستىق سۇيىسپەنشىلىگىن جانە قيماس سەزىمىن جەتكىزدى. ەكى ەلدىڭ مەملەكەت باسشىلارى كوزدەن كەشىرۋ مىنبەرىنە شىقتى، اسكەري وركەستر جۇڭگو مەن رۋاندانىڭ مەملەكەت ءانىن ورىندادى. شي جينپيڭ مەن پىڭ لييۋان كاگاميمەن جانە ونىڭ حانىمىمەن ۇشاق باسپالداعىنىڭ جانىندا قول الىسىپ قوشتاستى.
  وڭتۇستىك افريكاداعى كەزىندە، شي جينپيڭ يوحاننەسبۋرگكە بارىپ، بريكس ەلدەرى باسشىلارىنىڭ 10 - رەتكى كەزدەسۋىنە قاتىناسادى. وڭتۇستىك افريكاداعى ساپارىن اياقتاتقان سوڭ، شي جينپيڭ جولشىباي ماۋريتيۋستا ايالدايدى جانە دوستىق ساپاردا بولادى.


بەرىپ كەت ورامالىڭدى

دوستار

الىستاعى اق ەركە