جاڭا حابارلار

ءۇرىمجى، سانجى، تۇرپان سياقتى 3 جەر ساياحات بايلىعىن بىرىكتىرىپ، وڭىرلىك ساياحاتتىڭ ۇلكەن تەكشەسىن قۇرماقشى

    كەلۋ قاينارى: شينجياڭ حالىق راديو ىستانسياسى    2018-07-26 13:10:06  

ستانسيامىزدىڭ ءتىلشىسى چىن جۇيلي، پراكتيكانت جاۋ لينا، سانجى وبلىستىق راديو ستانسياسىنىڭ ءتىلشىسى چاڭ ي-يدىڭ حابارى: ءۇرىمجى قالاسى، سانجى حۇيزۋ اۆتونوميالى وبلىسى، تۇرپان قالاسى سياقتى 3 جەر ساياحات بايلىعىن بىرىكتىرىپ، وڭىرلىك ساياحاتتىڭ ۇلكەن تەكشەسىن قۇرماقشى.
جۋىردا، گۋاڭدۇڭدىق ساياحاتشى لىڭ يۇيلياڭ وتباسىنداعىلارمەن بىرگە ءۇرىمجى قالاسى، سانجى حۇيزۋ اۆتونوميالى وبلىسى، تۇرپان قالاسى سياقتى 3 جەردىڭ ساياحات كورىنىس تۇيىندەرىن ارالاپ كورىپ شىقتى. ولار وسى رەتكى ساياحاتقا نەبارى 4 اق كۇن ۋاقىت جۇمساپ، ءۇستىرت، كول، قۇمدى ءشول، ساحارا-جايلاۋ سياقتى كوپتەگەن كوركەم كورىنىستەردى كوردى. وسى 3 جەردىڭ الۋان ءتۇرلى، باي مازمۇندى، وزىندىك ەرەكشەلىگى بار ساياحات بايلىعى وسى وتباسىنداعىلارعا تەرەڭ اسەر قالتىردى.لىڭ يۇيلياڭ تىلشىگە بىلاي دەدى: «تۇرپان، سانجى، ءۇرىمجى سياقتى جەرلەرگە باردىق، شينجياڭنىڭ كورىنىسى ەرەكشە كوركەم ەكەن.ءبىز تۇرپانعا بارعان كۇنى وتە ىستىق ەكەن، سول كۇنگى اۋا تەمپەراتۋراسى تۇتاس جىل بويىنشا ەڭ جوعارى ەكەن. ءبىز تاعى تيانشان تاۋىنداعى بوعدا كولى مەن تۇرپانداعى يالقۇنتاعقا باردىق، جول بويى شينجياڭنىڭ تابيعات كورىنىسىن تاماشالادىق».
لىڭ يۇيلياڭ وتباسىنداعىلاردىڭ تاڭداعان ساياحات لەنياسى ءۇرىمجى قالاسى، سانجى حۇيزۋ اۆتونوميالى وبلىسى، تۇرپان قالاسى سياقتى 3 جەر ساياحات بايلىعىن بىرىكتىرگەننەن كەيىنگى «تيانشان تاۋىن اينالىپ ساياحاتتايتىن سارا جول لەنياسى» ەكەن.مۇندا ۇرىمجىدەن شىعىپ جەمىسارى، موري، ءپىشان اۋداندارىن، تۇرپان قالاسىن ارالاپ، سوڭىندا ۇرىمجىگە قايتىپ كەلەدى. ول تيانشان ۇلكەن شاتقالى، بەسبالىق بايىرعى قالاشىعى، كاسي بايىرعى جولى، يالقۇنتاع، يارعول سياقتى كورىنىس تۇيىندەرىن قامتيدى. ساياحات لەنياسىن جوبالاۋ مامانى مىڭ جيڭ تانىستىرىپ بىلاي دەدى: وسى قىسقا ارالىقتى لەنيادان شينجياڭنىڭ وسى كورىنىس تۇيىندەرىن تۇگەل كورۋگە بولادى، مىسالى، ۇستىرتتەگى كول بوعدا كولىن، ەڭ ىستىق جەر تۇرپاندى، نانسانداعى ءجايىلىم مەن مال فەرمالارىن كورۋگە بولادى. ساياحات مەكەمەلەرى ساياحاتشىلار ءۇشىن لەنيا بەلگىلەپ، ولاردىڭ شينجياڭنىڭ كوركەم كورىنىسىن تاماشالاۋىنا مۇكىندىك جاسايدى.
كوركەم كورىنىستەردى تاماشالاۋدان تىس، تيانشان تاۋى باۋرايىنداعى جەر-جەردىڭ ساياحات تاراۋى تاعى دا بايلىقتى بىرىكتىرىپ، دەمالىس ساياحاتى، اۋىل-قىستاق ساياحاتى، وتباسى ساياحاتى سياقتى ونىمدەردى شىعارىپ، ۇقساماعان تۇردەگى 1، 2، 3 كۇندىك ساياحات لەنياسىن اشتى.ساياحاتشىلار ساياحاتتاۋ بارىسىندا تاعى دا كوكونىس اتىزى مەن جەمىس باعىنداعى ونىمدەردى وزدەرى ءۇزىپ-تەرىپ، ناعىز شينجياڭ ەرەكشەلىگىندەگى اۋىل تاعامدارىنان ءدام تاتىپ، جەر-جەردىڭ جەرگىلىكتى سالىت-ساناسىمەن تانىسادى.تايۋاندىق ساياحاتشى چىن جۇن: «شينجياڭعا تۇڭعىش كەلۋىم، كەلگەننەن كەيىن شينجياڭنىڭ جەرىنىڭ ۇلان-بايتاق، كورنىسىنىڭ اسا كوركەم ەكەنىن ءبىلدىم.مەن دوستارىمنىڭ مۇمكىن بولسا شينجياڭعا كوبىرەك كەلىپ ساياحاتتاپ ارالاپ كورىپ، بۇل جاقتىڭ سالت-ساناسى مەن تاريحىن جانە مادەنيەتىن ءتۇسىنۋىن ءۇمىت ەتەمىن»، ـــ دەدى.
ءۇرىمجى قالالىق ساياحات مەكەمەسى جوبالاۋ باسقارماسىنىڭ باستىعى لۋ زىحاي: «سانجى حۇيزۋ اۆتونوميالى وبلىسى، تۇرپان قالاسى سياقتى كورشى ورىندارمەن جوبالاۋ قىزمەتىن ۇشتاستىرىپ، ساياحات قاتىناس قۇرىلىسى، ساياحات بايلىعىن اشۋ سياقتى جاقتارداعى سەلبەستىكتى كۇشەيتىپ، تۇتاس وڭىرلىك ساياحات ۇلكەن تەكشەسىن قۇرامىز. بيىل ءۇرىمجى-سانجى ساياحاتىن سايكەستى دامىتىپ، ۇگىت-تيجارات سياقتى بايلىقتان ورتاق يگىلىكتەنۋ جاعىنداعى سىناق ءتۇيىنى قىزمەتىندە سەلبەستىكتى كۇشەيتىپ، بايلىقتان ورتاق پايدالانۋ، بازاردان ورتاق يگىلىكتەنۋدى جۇزەگە اسىرامىز. كەلەسى قادامدا، مۇنى شىحىزى قالاسى، بايىنعولين وبلىسى سياقتى جەرلەرگە كەڭەيتىپ، تۇتاس وڭىرلىك اينالمالى ساياحات لەنياسىن قالىپتاستىرامىز»،-دەدى.


بەرىپ كەت ورامالىڭدى

دوستار

الىستاعى اق ەركە