جاڭا حابارلار

اۆتونوميالى رايون قوعامدىق قامسىزداندىرۋداعى سۇيەمەلدەۋ ينجەنەرياسىن جاپپاي اتقارىپ، كەدەيلىكتەن قۇتىلدىرۋدى قامتاماسىزداندىرۋدى نىعايتتى

    كەلۋ قاينارى: شينجياڭ حالىق راديو ىستانسياسى    2018-07-25 13:15:22  

ستانسيامىزدىڭ جيناق حابارى: باس شۋجي شي جينپيڭ بىلاي دەپ اتاپ كورسەتتى: حالىق بۇقاراسى ەڭ كوڭىل بولەتىن، ەڭ تىكە، ەڭ ناقتىلى مۇددە ماسەلەسىنەن باستاپ كىرىسىپ، باعىتتامالىلىعى اناعۇرلىم كۇشتى، قامتۋ اۋماعى اناعۇرلىم كەڭ، رولى اناعۇرلىم تىكە، ونىمدىلىگى اناعۇرلىم كورنەكتى شارالاردى قولدانىپ، كۇشتى شوعىرلاندىرىپ نەگىزدىك، ءتۇيىندى حالىق تۇرمىسى قۇرىلىسىن كۇشتى شوعىرلاندىرىپ ويداعىداي ىستەۋ كەرەك. كەزەكتە، رايونىمىز نازاردى ەرەكشە كەدەي رايوندار مەن ەرەكشە كەدەي بۇقاراعا شوعىرلاندىرىپ، «ءبىردى كۇشىنەن قالدىرۋ، ەكىنى جوعارىلاتۋ، ءبىردى تومەندەتۋ» سىندى قوعامدىق قامسىزداندىرۋداعى باعىتتامالى سۇيەمەلدەۋ ساياساتىن شىعارىپ جانە اتقارىپ، كەدەيلىكتەن قۇتىلدىرۋدان قامال الۋدى دەمەدى.
بىرنەشە كۇننەن بەرى، ءۇشتۇرپان اۋدانى اقيار قالاشىعىنىڭ يايلاقتۇر قىستاعىنداعى كەدەي وتباسى ميجيت موللاح راسىمياتىن ءساتتى ءبىتىرىپ اۋرۋحانادان شىقتى. بيىل 71 جاستاعى ول جوعارى قان قىسىمى، كەڭىردەكشە قابىنۋى سياقتى اۋرۋعا شالدىعىپ، ۇنەمى اۋرۋحاناعا جاتىپ ەمدەلۋىنە تۋرا كەلەتىن. ول تىلشىگە: «بيىل ەسەپتەن كوتەرۋ سالىستىرماسى ارتتى، قازىرگە دەيىن ءۇش رەت اۋرۋحاناعا جاتتىم، وتكەن جىلداعىمەن سالىستىرعاندا ءار جىلى بىرنەشە ءجۇز يۋاننان مىڭ يۋانعا دەيىن اقشا ۇنەمدەلەدى، پارتيانىڭ ءتيىمدى ساياساتىنا العىس ايتامىن»،-دەدى.
بيىل ءۇشتۇرپان اۋدانى كەدەي جان سانىنىڭ نەگىزگى ەمدەۋ قامسىزداندىرۋىنىڭ ەسەپتەن كوتەرۋ سالستىرماسىن %5 جوعارىلاتۋ ساياساتىن جاپپاي تياناقتاندىرىپ، ارحيۆ ورناتىپ كارتشىكا بەرىلگەن كەدەي جان سانىنىڭ نەگىزگى زەينەتكەرلىككە، نەگىزگى ەمدەۋ قامسىزداندىرۋىنا قاتىناسقانداعى جەكەنىڭ اقى تاپسىراتىن بولەگىنە قازىنالىق قوسىمشا قاراجات بەرىپ، تۇتاس اۋدانداعى كەدەيلەردىڭ جەكە تولەيتىن اقى سالستىرماسىن %7 تەن %5 كە تومەندەتىپ، كەدەيلەردىڭ ەمدەلۋ اۋىرتپالىعىن ءونىمدى جەڭىلدەتتى. ءۇشتۇرپان اۋداندىق قوعامدىق قامسىزداندىرۋدى باسقارۋ مەكەمەسىنىڭ قىزمەتكەرى گو باۋيۋە: « كەدەيلەردىڭ الدىمەن ەمدەلىپ سوڭىنان اقى تاپسىرۋ ءتۇزىمىن تياناقتاندىرىپ، اۋدان دارەجەلى ەمدەۋ قۇرىلىمىنىڭ نەگىزگى ەمدەۋ قامسىزداندىرۋى، ساۋدالىق قامسىزداندىرۋداعى سالماقتى اۋرۋلار مەن حالىقتىق ىستەر كومەك بەرۋ اقىسى ءبىر تۇتاس ەسەپتەن كوتەرىلدى»،-دەدى.
جەمسارى اۋدانىندا جەرگىلىكتى قوعامدىق قامسىزداندىرۋ تاراۋلارى اۆتونوميالى رايوننىڭ ەمدەۋ قامسىزداندىرۋىنداعى بەيىمدەۋ ساياساتى بويىنشا، كەدەي بۇقاراعا لايىقتى تىڭ شارالاردى شىعارىپ، كەدەيلەردىڭ اۋرۋدان قايتا كەدەيلەسۋىنىڭ الدىن الدى.
ياڭ يۇيچين: «اكەم تاياۋدا اۆتونوميالى رايوندىق حالىق شيپاحاناسىنا جاتىپ 310 مىڭ يۋان جۇمسادى، مەن وسىنى ەسەپتەن قالاي كوتەرەتىندىگىن ۇعىسىپ كورمەكشىمىن»،-دەدى.
سول ارانىڭ قىزمەتكەرى: «بيىلعى ساياسات بويىنشا، جەكەنىڭ كوتەرەتىن اقىسىن قىسقارتىپ، قالعان ءبولىمى %55 بويىنشا ەسەپتەن كوتەرىلەدى»،-دەپ ءتۇسىندىردى.
جەمسارى اۋداندىق قوعامدىق قامتاماسىزداندىرۋ مەكەمەسىنىڭ جۇمىس ءبىتىرۋ ۇلكەن زالىندا، قىزمەتكەر ەمدەۋ قامسىزداندىرۋى ەسەبىن كوتەرۋ جۇمىسىن بىتىرۋگە كەلگەن تۇرعىن ياڭ يۇيچينعا ەسەپتەن كوتەرۋ ساياساتىن ءتۇسىندىردى، ياڭ يۇيچيننىڭ اكەسى بىرنەشە اۋرۋعا شالدىققان، ولار ناۋقاس سەبەبىنەن كەدەيلەسكەن تيىپتىك وتباسى. بيىل جىل باسىندا، ونىڭ وتباسىن جەرگىلىكتى ورىن قالا-اۋىل ەمدەۋ قامسىزداندىرۋ كولەمىنە ەنگىزدى، سودان كەيىن ياڭ يۇيچيننىڭ كوڭىلى اقىرى ءجاي تاپتى، ول بىلاي دەدى: «اكەمدە قولقا قاباتى قابىنۋ ناۋقاسى بار ەكەنىن بىلەمىز، ول كىسىدە تاعى باسقا شۇعىل حارەكترلى اۋرۋ، ميداعى قان تامىردىڭ توسىلۋ سياقتى اۋرۋلار بار، بۇرىن ناۋقاس كورسەتۋ ءۇشىن كوپ قاراجات كەتەتىن، وسى رەت قوعامدىق قامتاماسىزداندىرۋ مەكەمەسىنە كەلىپ اقىل-كەڭەس سۇراعاننان كەيىن، 190 مىڭ يۋان ەسەپتەن كوتەرىلدى، وتباسىم ءۇشىن ۇلكەن ءبىر قيىنشىلىق شەشىلدى».
جىل باسىنان بەرى، رايونىمىزدىڭ جەر-جەرى كەدەي جان سانىنىڭ نەگىزگى ەمدەۋ قامسىزداندىرۋىنداعى ءبىر رەتكى شيپاحاناعا جاتقاندا تولەيتىن جوعارعى شەگىن كۇشىنەن قالدىرۋ؛ كەدەي جان سانىنىڭ نەگىزگى ەمدەۋ قامسىزداندىرۋىنداعى، سالماقتى ناۋقاس قامسىزداندىرۋىنداعى ەسەپتەن كوتەرۋ سالىستىرماسىن 5 پايىز جوعارىلاتۋ؛ كەدەي جان سانىنىڭ سالماقتى ناۋقاس قامسىزداندىرۋىنداعى باستاپ تولەيتىن شەگىن %60 كە تومەندەتۋ سىندى «ءبىردى كۇشىنەن قالدىرۋ، ەكىنى جوعارىلاتۋ، ءبىردى تومەندەتۋ» بەيىمدەۋ ساياساتىن بەلسەنە تياناقتاندىردى. بۇدان سىرت، رايونىمىز كەدەي جان سانىن جالپى حالىقتى قامسىزداندىرۋعا قاتىناستىرۋ جوسپارىنداعى قامسىزداندىرۋعا ءسوزسىز قاتىناستىرىلاتىندار كولەمىنە ەنگىزىپ، مەحانيزمدى كەمەلدەندىرۋ، اۋىل-قىستاق تۇرعىندارىن قامسىزداندىرۋعا قاتىناستىرۋدى ورىستەتۋ، كاسىپورىنداردى قامسىزداندىرۋعا قاتىناستىرۋ سياقتى ارناۋلى ارەكەتتەر ارقىلى، كەدەي جان سانىنىڭ نەگىزگى زەينەتكەرلىك قامسىزداندىرۋعا، نەگىزگى ەمدەۋ قامسىزداندىرۋىنا جانە سالماقتى ناۋقاس قامسىزداندىرۋىنا تۇگەلدەي قاتىناسۋىنا كەپىلدىك ەتتى. بيىل 6-ايدىڭ اياعىنا دەيىن، رايونىمىزداعى 5 تۇردەگى قوعامدىق قامسىزداندىرۋعا قاتىناسقاندار سانى 38 ميلليون 294 مىڭ 600 مىڭ ادام بولىپ، 2017-جىلدىڭ اياعىنداعىدان ءبىر ميلليون 240 مىڭ ادام ارتتى. الدىڭعى جارىم جىلدا، رايونىمىزداعى 22 ەرەكشە كەدەي اۋدانداعى كەدەي جان سانىنىڭ اۋرۋحانادا جاتقاندار، ەمحاناعا كورىنگەندەر، سوزىلمالى ناۋقاسىن كورسەتكەندەر سانى 818 مىڭ 600 مىڭ ادام رەتكە جەتىپ، جالپى قاراجات سوماسى 559 ميلليون يۋان بولىپ، قوردان تولەنگەن قاراجات 389 ميلليون يۋان بولدى، قالعان بولەگى ساۋدا قامسىزداندىرۋىنان سالىستىرما بويىنشا ەسەپتەن كوتەرىلدى. اۆتونوميالى رايوندىق ادام كۇشى بايلىعى جانە قوعامدىق قامسىزداندىرۋ مەڭگەرمەسى ەمدەۋ تۋىت قامسىزادندىرۋى باسقارماسىنىڭ ورىنباسار باستىعى مۋ شينۋي بىلاي دەدى: «سوڭعى جارىم جىلدا، قاتىستى تاراۋلارمەن بىرلەسىپ، جەر-جەردى كەدەي جان سانىنىڭ قالا-اۋىل تۇرعىندارىنىڭ نەگىزگى ەمدەۋ قامسىزداندىرۋىنداعى جەكە تاپسىراتىن قاراجاتى جاعىندا كومەك اقشا بەرۋ ساياساتىن جاپپاي تياناقتاندىرۋعا قۋزايمىز؛ ›ءبىردى كۇشىنەن قالدىرۋ، ەكىنى جوعارىلاتۋ، ءبىردى تومەندەتۋ‹ سىندى بەيىمدەۋ قامتاماسىزداندىرۋ ساياساتىن جالعاستى ويداعىداي تياناقتاندىرىپ، قامتاماسىزداندىرۋ جاعدايىنا تالداۋ جاساۋ مەن ونى زەرتتەۋدى كۇشەيتىپ، ساياساتتى ۇيلەسىمدى رەتكە سالامىز؛ نەگىزگى ەمدەۋ قامسىزداندىرۋى، سالماقتى ناۋقاس قامسىزداندىرۋى جانە ەمدەۋ جاعىندا قۇتقارۋ-كومەكتەسۋ جاعىندا › ءبىر ورىندا ءبارىن ءبىتىرۋ ۇلگىسىندەگى‹ ەسەپ جاساۋدى جالعاستى ىلگەرىلەتەمىز».


بەرىپ كەت ورامالىڭدى

دوستار

الىستاعى اق ەركە