جاڭا حابارلار

اۆتونوميالى رايون باس نىسانانى جۇزەگە اسىرۋ ءۇشىن، ءتارتىپتى، ىركىلىسسىز، حاۋىپسىز، جاسىل، وركەنيەتتى جول قاتىناس ورتاسىن كۇش سالا قالىپتاستىردى

    كەلۋ قاينارى: شينجياڭ حالىق راديو ىستانسياسى    2018-07-25 12:56:54  

ستانسيامىزدىڭ حابارى: اۆتونوميالى رايوندىق وركەنيەت كەڭسەسى مەن اۆتونوميالى رايوندىق قوعام حاۋىپسىزدىگى مەڭگەرمەسى قاتىناس ساقشى باس اترەتى 7-ايدىڭ 24-كۇنى شينجياڭ كولەمىندە «وركەنيەتتى قاتىناس ارەكەتىن» ورنالاستىرىپ، جەر-جەردەن نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ءار ۇلت بۇقاراسىنىڭ جول قاتىناس حاۋىپسىزدىگى تانىمىن، زاڭدىق تانىمىن، ەرەجە تانىمىن، وركەنيەت تانىمىن ۇزدىكسىز جوعارىلاتىپ، ءتارتىپتى، ىركىلىسسىز، حاۋىپسىز، جاسىل، وركەنيەتتى جول قاتىناس ورتاسىن كۇش سالا قالىپتاستىرۋدى تالاپ ەتتى.
اۆتونوميالى رايوندىق وركەنيەت كەڭسەسى جەر-جەردەگى وركەنيەت كەڭسەلەرىنەن «وركەنيەتتى قاتىناس ارەكەتىن» ىلگەرىلەتۋدى «زامانا سالتىن ساۋلەلەندىرۋ» قيمىلىنداعى ناقتى ارەكەت، بۇقارالىق رۋحاني وركەنيەت قۇرۋ قيمىلىنداعى ماڭىزدى مازمۇن ەتىپ، قوعام حاۋىپسىزدىگى قاتىناس ساقشى تاراۋلارىمەن تىعىز سايكەسىپ، ۇزاق ۋاقىت مىقتى يگەرىپ، قوماقتى ناتيجەلەرگە قول جەتكىزىپ، ءار ۇلت بۇقاراسىنا ءتارتىپتى، ىركىلىسسىز، حاۋىپسىز، جاسىل، وركەنيەتتى جول قاتىناس ورتاسىن جاراتۋدى تالاپ ەتتى. جەر-جەردەگى وركەنيەت كەڭسەلەرى قاتىناس ءتارتىبىن جانە «وركەنيەتتى قاتىناس ارەكەتىن» اتقارۋ جاعدايىن 2019-جىلعى جاڭا كەزەكتى اۆتونوميالى رايوندىق وركەنيەتتى قالا، (رايون، اۋدانداردى)، وركەنيەتتى قىستاق، قالاشىقتاردى، وركەنيەتتى ورىندى، وركەنيەتتى وتباسىلارىن، وركەنيەتتى مەكتەپتەردى باعالاۋ، سارالاۋداعى ماڭىزدى مازمۇن ەتىپ، جەر-جەردىڭ بۇقارا كوڭىل ءبولىپ وتىرعان قاتىناس ءتارتىبى ناشار بولۋ جانە بىلىعۋ ماسەلەسىن مۇقيات شەشۋىن جەبەۋ. وركەنيەتتى قاتىناسقا جول كورسەتۋ، ەرىكتىلەر قوسىنىن قۇرۋ، قالانىڭ نەگىزگى قاتىناس جول ايىرىقتارى، الەۋمەتتىك قاتىناس بەكەتتەرى سياقتى اۆتوكولىكتەر مەن ادامدار شوعىرلانعان جول بولەكتەرىندە وركەنيەتتى قاتىناسقا جول كورسەتۋ، وركەنيەتتى ساپارلاۋ ەرىكتىلەر قىزمەتىن وتەۋ قيمىلىن شوعىرلى ورىستەتىپ، ءار ۇلت بۇقاراسىن اۆتوكولىكتى وركەنيەتتى جۇرگىزۋ، الەۋمەتتىك قاتىناسقا وركەنيەتتى وتىرۋ، وركەنيەتتى ساپارلاۋ تاماشا ادەتىن قالىپتاستىرۋىنا جەتەكشىلىك ەتۋ قاجەت.
اۆتونوميالى رايوندىق قوعام حاۋىپسىزدىگى مەڭگەرمەسىنىڭ قاتىناس ساقشى باس اترەتى ءار دارەجەلى قوعام حاۋىپسىزدىگى قاتىناس ساقشى تاراۋلارىنان «وركەنيەتتى قاتىناس ارەكەتى» بارىسىندا زاڭدى قاتاڭ اتقارىپ، موتورلى كولىكتەر قاتىناس بەلگىسىنە قايشى كەلۋ، الا سىزىقتان بەتالدى ءوتۋ، اۆتوكولىك جۇرگىزىپ كەلە جاتىپ تەلەفون قابىلداۋ، تەلەفون سوعۋ، اۆتوكولىكتىڭ تەرەزەسىنەن بەتالدى قوقسىق لاقتىرۋ، ماتورسىز كولىكتەر، جۇرگىنشىلەر قاتىناس بەلگىسىنە قاتاڭ بويسىنباۋ، جۇرگىنشىلەر راشەتكادان اسىپ ءوتۋ سياقتى ءار ۇلت بۇقاراسىنىڭ باس اماندىعى مەن مال-مۇلىك حاۋىپسىزدىگىنە نۇقسان جەتكىزەتىن قاتىناس زاڭىنا قايشى ارەكەتتەردى ءتۇيىندى شوعىرلى رەتتەپ وڭاۋدى تالاپ ەتتى.


بەرىپ كەت ورامالىڭدى

دوستار

الىستاعى اق ەركە