جاڭا حابارلار

شينجياڭ جاستارىنىڭ -7كەزەكتى شارۋاشىلىق قۇرۋ، جاڭالىق جاراتۋ جارىسى ءۇرىمجى قالاسىندا باستالدى

    كەلۋ قاينارى: شينجياڭ حالىق راديو ىستانسياسى    2018-07-25 12:42:01  

ستانسيامىزدىڭ ءتىلشىسى دۇڭ جىيۇڭ مەن پراكتيكانت شۇي ۋيفىڭنىڭ حابارى: شينجياڭ جاستارىنىڭ 7-كەزەكتى شارۋاشىلق قۇرۋ، جاڭالىق جاراتۋ جارىسى ءارى 5-كەزەكتى «جاستىق ورالىم» اتتى جۇڭگو جاستارىنىڭ جاڭالىق جاراتۋ، شارۋاشىلىق قۇرۋ جارىسىنىڭ شينجياڭ جارىس رايونىنداعى سارالاۋ جارىسى 7-ايدىڭ 24-كۇنى ءۇرىمجى قالاسىندا باستالدى.
وسى رەتكى جارىس رايونىمىزداعى كاسىپ كوزىن اشقان نەمەسە بەلگىلى شارۋاشىلق قۇرۋ قۋاتىنا يە، كاسىپ كوزىن اشۋ سەنىمدى نىساندارى بار، شارۋاشىلق قۇرعىسى كەلەتىن 45 جاسقا دەيىنگىلەرگە باعىتتالعان، مۇندا، جوعارى مەكتەپ پەن ورتا تەحنيكوم مەكتەپ وقۋشىلارى، ديقان جۇمىسكەرلەر، اۋىلدارىنا قايتىپ كاسىپ كوزىن اشقان جاستار قامتىلعان، جارىستا «تۇلعالىق جارىس پەن گرۋپپا بويىنشا جارىسۋ» سىندى جارىس ءتۇزىمى قولدانىلىپ، ەنەرگيا ۇنەمدەپ قورشاعان ورتانى قورعاۋ، ينفورماتسيالىق عىلىم-تەحنيكا، وزىق ەگىمشىلىك، باعىمشىلىق تەحنيكاسى، زەردەلى سياقتى كوپتەگەن سالالارعا ءتۇيىندى نازار اۋدارىلادى، جارىستا شينجياڭ بويىنشا 16 جارىس ءوڭىرى اشىلادى، رايوندىق جارىس، اۆتونوميالى رايوندىق بىرىككەن جارىس، اۆتونوميالى رايوندىق شەشۋشى جارىس سىندى 3 ساتىعا بولىنەدى. جارىسقا قاتىناسۋشى ۋاڭ بيڭبيڭ: وسىنداي جارىسقا قاتىناسۋ ارقىلى، كەيبىر جاڭالىق جاراتىپ، شارۋاشىلق قۇراتىن كاسىپورىندارمەن كوپتەپ تانىسامىز، ەندى ءبىر جاعىنان، ونىمدەرىمىزدى ءتۇرلى ءادىس-امالدارمەن تانىستىرا الامىز،-دەدى.
ۇعىسۋعا قاراعاندا، وسى كەزەكتى جارىستى اۆتونوميالى رايوندىق كوممۋنيستىك جاستار وداعى كوميتەتى، توراپ ينفورماتسيا كەڭسەسى، ەكونوميكالىق ينفورماتسيا كوميتەتى، ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى سياقتى 11 ورىن سەلبەسىپ وتكىزىپ، «جاستىق شاقتا جاڭا داۋىرگە ەڭبەك ءسىڭىرىپ، شارۋاشىلق قۇرىپ تىڭ تىنىستى ايگىلەيىك» باستى تاقىرىپ ەتىلىپ، سيلانعان شاباندوزدار مەن ۇزدىك نىساندار ءبىر قىدىرۋ ساياساتتىق قارجىمەن سۇيەمەلدەنەدى ەكەن. شينجياڭ جاستار مەن وسپىرىمدەر ءىسىن دامىتۋ ورتالىعىنىڭ مەڭگەرۋشىسى فەي ليگاڭ بىلاي دەدى: قازىنا جاعىندا سۇيەمەلدەۋ تەبىنىن ارتتىرىپ، باجى جاعىندا تيىمدىلىك جاساپ، شارۋاشىلق قۇرۋعا تەگىن كۋرس اشامىز؛ جوعارى مەكتەپ بىتىرگەن وقۋشىلاردان جارىسقا قاتىناسقان ساڭلاقتار شاعىن، ۇساق كاسىپورىن اشسا نەمەسە جەكە تيجاراتپەن شۇعىلدانسا 3 جىلدا باسقارۋعا تىزىمدەلۋ تۇرىندەگى جانە كۋالىك تۇرىندەگى قاتىستى اكىمشىلىك ىستەر اقىسى الىنبايدى، بۇل باجى كىرىسىنەن تىس جۇگىن جەڭىلدەتۋ ەسەپتەلەدى.
7-ايدىڭ 24-كۇنىنەن باستاپ 8-ايدىڭ 15-كۇنىنە دەيىن، شارتقا ۇيلەسەتىن ءارى جارىسقا قاتىناسقىسى كەلەتىن شاباندوزداردىڭ شينجياڭ كوممۋنيستىك جاستار وداعى تورابىنا شىعىپ تىزىمدەلۋىنە بولادى، 9-ايدىڭ باس شەنىندە اۆتونوميالى رايوندىق بىرىككەن جارىس، 9-ايدىڭ سوڭىندا اۆتونوميالى رايوندىق شەشۋشى جارىس پەن سيلىق تاراتۋ سالتى وتكىزىلەدى.


بەرىپ كەت ورامالىڭدى

دوستار

الىستاعى اق ەركە