جاڭا حابارلار

شي جينپيڭ دۇنيە بانكەسىنىڭ باستىعى كيم يۇڭمەن كەزدەستى

    كەلۋ قاينارى: شينجياڭ گازەتى    2018-07-18 16:21:46  

 شينحۋا اگەنتتىگىنىڭ 7 - ايدىڭ 16 - كۇنى بەيجيڭنەن بەرگەن حابارى (ءتىلشى ليۋ حۋا). مەملەكەت ءتوراعاسى شي جينپيڭ 7 - ايدىڭ 16 - كۇنى دياۋيۇيتايداعى مەملەكەتتىك قوناق ۇيدە دۇنيە بانكەسىنىڭ باستىعى كيم يۇڭمەن كەزدەستى.
  شي جينپيڭ بىلاي دەپ اتاپ كورسەتتى: جۇڭگونىڭ دۇنيە بانكەسىمەن ۇزاق ۋاقىتتىق تاماشا سەلبەستىگى بار. ءبىز دۇنيە بانكەسىنىڭ «ءبىر بەلدەۋ، ءبىر جول» باستاماسىن بەلسەنە قولداعاندىعىن، سونداي - اق سوڭعى جىلدارى كاپيتال قورىن ارتتىرۋ جانە جارنا ۇقىعى رەفورماسىن بارىنشا ىلگەرىلەتىپ، جۇڭگونى قامتىعان بازارى جاڭادان گۇلدەنگەن ەلدەر مەن دامۋ ۇستىندەگى ەلدەردىڭ ۋاكىلدىك سيپاتىن جانە ءسوز بيلىگىن جوعارىلاتقاندىعىن القايمىز. دۇنيە بانكەسى − كوپ جاقتىلىق پەن ەكونوميكانىڭ جاھاندانۋىن قورعاۋداعى ماڭىزدى كۇش. جۇڭگو دۇنيە بانكەسىمەن عالامدىق دامۋداعى سەرىكتەستىك قاتىناسىن تەرەڭدەتىپ، ساۋدا مەن قارجى قوسۋدىڭ ەركىن، قولايلى بولۋىن جەبەپ، دۇنيە ءجۇزى بويىنشا كەدەيلەر سانىن ازايتۋدى جانە باياندى دامۋدى بىرگە ىلگەرىلەتىپ، اشىق الەمدىك ەكونوميكانى قورعاپ، ادامزاتتىڭ تاعدىرلاس ورتاق تۇلعاسىن قۇرۋدى قالايدى.
  شي جينپيڭ بىلاي دەپ باسا دارىپتەدى: بۇگىنگى دۇنيە ءجۇزى جەر شارى قىستاعى ىسپەتتى. سىڭار جاقتىلىقتىڭ، قورعانىمپازدىقتىڭ جاڭا بەينەلەرى توقتاۋسىز جارىققا شىققانىمەن، ءار ەل مۇددەلەرىنىڭ توعىسۋى، تاعدىرلاستىعى، ەكونوميكانىڭ جاھاندانۋى كەرى قايتپايتىن ءۇردىس، سەلبەسىپ تەڭ يگىلىككە كەنەلۋ − ءداۋىر بەتالىسى. جۇڭگونىڭ دامۋىنا ەكونوميكانىڭ جاھاندانۋىنىڭ جانە ساۋدا ەركىندىگىنىڭ ارقاسىندا قول جەتتى، سونىمەن قاتار، ول دۇنيە ءجۇزى ەكونوميكاسىنىڭ ارتۋىنا ماڭىزدى ۇلەس قوستى. ءبىز جۇڭگوعا قاراتقان ورىنسىز جازعىرۋلارعا قارسى تۇرامىز، ءوزىمىزدىڭ ورىندى مۇددەمىزدى باتىل قورعايمىز. جاۋاپتى ءىرى ەل جانە قازىرگى حالىقارالىق جۇيەنىڭ قۇرۋشىسى، ۇلەس قوسۋشىسى رەتىندە جۇڭگو كوپ جاقتىلى ساۋدا ءتۇزىلىسىن كەمەلدەندىرۋدى بۇلجىماي قولداپ، ساۋدا مەن قارجى قوسۋدىڭ ەركىن، قولايلى بولۋىن ىلگەرىلەتىپ، ءار جاقپەن بىرگە سەلبەستىكتىڭ كولەمىن ۇلعايتىپ، ءوزارا پايدا جەتكىزىپ، تەڭ يگىلىككە كەنەلۋدى ىسكە اسىرادى. ءبىزدىڭ «ءبىر بەلدەۋ، ءبىر جول» باستاماسىن العا قويۋىمىزدىڭ ءوزى حالىقارالىق ەرەجە نەگىزىندە اقىلداسۋ، بىرگە قۇرۋ، بىرگە يگىلىكتەنۋ ارقىلى حالىقارالىق دامۋ سەلبەستىگىن جەبەۋ بولىپ تابىلادى. جۇڭگو دۇنيە بانكەسىمەن «ءبىر بەلدەۋ، ءبىر جول» جۇلگەسىندەگى سەلبەستىكتى كۇشەيتۋدى قالايدى.
  كيم يۇڭ بىلاي دەدى: جۇڭگونىڭ ۇزاق ۋاقىتتان بەرى دۇنيە بانكەسىن بارىنشا قولداپ كەلگەندىگىنە العىس ايتامىن. دۇنيە بانكەسى ءتوراعا شي جينپيڭنىڭ بىلتىر الەمدىك ەكونوميكا تالقى مىنبەرىنىڭ جىلدىق ماجىلىسىندە سويلەگەن ماڭىزدى سوزىنە جوعارى باعا بەردى، ءسىز ورتاعا قويعان دۇنيە ءجۇزى بازارىنىڭ تەلەگەي تەڭىزىندە باتىلدىقپەن ءجۇزۋ كەرەك دەگەن ءسوزدى بۇكىلدەي قۇپتايمىن ءارى ونى كوپ رەت سيتات رەتىندە پايدالاندىم. جاھاندانۋ داۋىرىندە ءار ەل توماعا تۇيىق كۇيدە قالۋىنا بولمايدى، بارلىعى ەرەجەگە بويسۇنۋى كەرەك. دۇنيە بانكەسى جۇڭگونىڭ كوپ جاقتىلىقتى جانە ەكونوميكانىڭ جاھاندانۋىن قولداعاندىعىن، دۇنيە بانكەسىنىڭ كاپيتال قورىن ارتتىرۋىن جانە جارنا ۇقىعى رەفورماسىن قولداعاندىعىن القايدى. ءتوراعا شي جينپيڭ العا قويعان «ءبىر بەلدەۋ، ءبىر جول» باستاماسى كورەگەندىكتى ايگىلەيدى، ول حالىقارانىڭ دامۋ سەلبەستىگىنە جانە كەدەيلەر سانىن ازايتۋ ىسىنە بارىنشا پايدالى. دۇنيە بانكەسى جۇڭگومەن «ءبىر بەلدەۋ، ءبىر جول» جۇلگەسىندەگى سەلبەستىكتى ونان ارى تەرەڭدەتىپ، دۇنيە ءجۇزى بويىنشا كەدەيلەر سانىن ازايتۋ جانە دامۋ ىستەرىندە ۇزبەي تىڭ جەتىستىكتەرگە قول جەتكىزۋدى بىرگە ىلگەرىلەتۋدى قالايدى.
  ياڭ جيەچى، ۋاڭ ي، ت.ب كەزدەسۋگە قاتىناستى.


بەرىپ كەت ورامالىڭدى

دوستار

الىستاعى اق ەركە