جاڭا حابارلار

ءۇرىمجى وڭتۇستىك پويەز ۆاگزالىن وزگەرتىپ جاڭالاۋ جۇمىسى اياقتادى

    كەلۋ قاينارى: شينجياڭ حالىق راديو ىستانسياسى    2018-07-18 11:22:38  

ستانسيامىزدىڭ ءتىلشىسى جين لەي مەن پراكتيكانت ءتىلشى لو يۋانميڭنىڭ حابارى: جۋىردا، ءۇرىمجى وڭتۇستىك پويەز ۆاگزالىن وزگەرتىپ جاڭالاۋ جۇمىسى اياقتاپ، جولاۋشىلاردىڭ بەلەت ساتىپ الۋى، بەلەتتى الۋى، ۆاگزالعا كىرۋى، پويەزگە شىعۋى ءبىر تۇلعالاندى.
ۇعىسۋعا قاراعاندا، وسى رەتكى ءۇرىمجى وڭتۇستىك پويەز ۆاگزالىنىڭ قىزمەت وتەۋ دارەجەسىنىڭ جوعارلاۋى: بەلەتتى تەكسەرىپ ۆاگزالعا كىرۋ قولايلىلانۋ، ناقتى ەسىممەن تەكسەرۋدى تالعامالى ەتۋ، قولايلى بەلەت ساتىپ الۋدى شوعىرلاندىرۋ جانە پويەز اۋىستىرۋدا پويەز كۇتۋدى ءبىر تۇلعالاندىرۋ سىندى ءتورت جاقتى قامتىعان. سوندىقتان پويەز ۆاگزالى ۆاگزال الدىنداعى الاڭعا ورنالاستىرىلعان بۇرىنعى ناقتى ەسىممەن بەلەت تەكسەرۋ تەرەزەلىگىن الىپ تاستاپ، جەتى ناقتى ەسىممەن ۆاگزالعا كىرەتىن اۋىزدى جەكە-جەكە پويەز كۇتۋ عيماراتىنىڭ نەگىزگى كىرەر اۋزى جانە جۇردەك پويەز زالىنىڭ كىرەر اۋىزىنا كوشىرىپ اپارىپ، 4 تالعامالى ناقتى ەسىممەن تەكسەرۋ ماشيناسىن ۇستەمەلەي قوستى. سونىمەن بىرگە، پويەز ۆاگزالى بۇرىنعى اۆتوماتتى بەلەت ساتۋ ورنىن توقتاتتى، ءارى 34 اۆتوماتتى بەلەت ساتۋ، بەلەت الۋ جابدىعىن قايتادان قىزمەتكەرلەر بەلەت ساتاتىن زال جانە پويەز كۇتۋ زالىنىنىڭ ىشىنە كوشىرىپ اپاردى. جولاۋشىلاردىڭ بەلەت ساتىپ الىپ پويەزگە وتىرۋىنا قولايلىلىق جاساۋ ءۇشىن، قىزمەتكەرلەردىڭ بەلەت ساتۋ زالى مەن پويەز كۇتۋ زالى اراسىنا ناقتى ەسىممەن بەلەت تەكسەرۋ اۋىزى ورنالاستىرىلىپ، جولاۋشىلار وسى كۇنگى ساتىپ العان بەلەتى ارقىلى، ناقتى ەسىممەن بەلەت تەكسەرۋدەن وتكەننەن كەيىن پويەز كۇتۋ زالىنا توتە كىرۋىنە بولادى. ءۇرىمجى وڭتۇستىك پويەز ۆاگزالىنىڭ جولاۋشى تاسىمال سەحى پارتيا باس ياچەيكاسىنىڭ ورىنباسار شۋجيى ما يۇيحۇي: «ءۇرىمجى وڭتۇستىك پويەز ۆاگزالىنىڭ شىعار اۋىزىنىڭ جولىنا تىڭنان ءبىر تۇتاستىرۋ ەسىگى جاڭادان اشىلىپ، ۆاگزالدىڭ شىعار اۋىزى، بەلەت ساتۋ زالى جانە پويەز كۇتۋ زالىن تىكەلەي تۇتاستىرادى، جولاۋشىلاردىڭ ۆاگزالدان شىعۋ، بەلەت ساتىپ الۋ، پويەز كۇتۋىن ءبىر تۇلعالاندىرۋدا ۆاگزالدان شىقپاي-اق پويەز اۋىسىترۋدىڭ تىڭ ۇلگىسىن اتقارىپ، بەلەتتى ءبىر جول تەكسەرۋ، تەكسەرۋدەن ءوتىپ ۆاگزالعا كىرۋىن ىسكە اسىرىپ، ۆاگزالدا پويەز كۇتۋ ۋاقىتىن قىسقارتتى»،-دەدى.


بەرىپ كەت ورامالىڭدى

دوستار

الىستاعى اق ەركە