جاڭا حابارلار

رايونىمىزدىڭ تەمىر جول، حالىقتىق اۆياتسيا، تاس جولى بىرلىكتە كۇش سالىپ، جەر-جەردەن كەلگەن ساياحاتشىلار شينجياڭدى ەمىن ەركىن ارالادى

    كەلۋ قاينارى: شينجياڭ حالىق راديو ىستانسياسى    2018-07-17 12:53:23  

ستانسيامىزدىڭ تىلشىلەرى جين لەي، چىن جۇيلي، پراكتيكانت ءتىلشى لو يۋانميڭدەردىڭ حابارى: ءدال قازىر ساياحاتتىڭ قاۋىرت كەزى، رايونىمىز ساياحات ارناۋلى پويەزدەرىن جالعاستى كوپ رەت قاتىناتتى، ءارى شينجياڭ كولەمىندە ايلانىپ ۇشاتىن، تىزبەكتى ۇشاتىن اۋە لەنيالارىن اشتى، تاعى جەكە كولىگىمەن ساياحاتتايتىن 10 سارا جولدى تانىستىردى، تەمىر جول، حالىقتىق اۆياتسيا، تاس جولداردىڭ بىرلىكتە كۇش شىعارۋىندا جەر-جەردەگى ساياحاتشىلاردى مولىنان باۋرادى.
سوڭعى ءبىر مەزگىلدەن بەرى، «حىنان ــ قۇمىل شينجياڭعا كومەكتەسۋ» پويەزى، «جىجياڭ ــ اقسۋ ءنومىرلى»، «بەيجيڭ ـ حوتان ءنومىرلى»، «حيلۇڭجياڭ-التاي ءنومىرلى» سياقتى ءبىر قىدىرۋ ساياحات ارناۋلى پويەزدەرى حىنان، جىجياڭ، بەيجيڭ، حيلۇڭجياڭ، لياۋنيڭ سياقتى ىشكى ولكەدەگى ولكە، اۆتونوميالى رايون، قالالاردان شوعىرلى شينجياڭعا جەتىپ، ىشكى ولكەدەگى قالىڭ ساياحاتشى «پويەزبەن شينجياڭدا» ساياحاتتاپ، شينجياڭنىڭ كوركەم كورىنىسىن تاماشالاپ، شينجياڭنىڭ ۇلتتىق عۇرىپ-ادەت، سالت-ساناسىنا كۋا بولدى.جاسى 60 تى ەڭسەرگەن ساياحاتشى ياڭ ۋىنحۋا «حىنان-قۇمىل شينجياڭعا كومەكتەسۋ» ارناۋلى پويەزىمەن شينجياڭعا ساياحاتتاي كەلگەنىن ايتا كەلىپ بىلاي دەدى: «ايداي اشىق اسپانىن، اقشا بۇلتتاردى، ۇشى-قيىرسىز ساحارانى كوردىم، كەڭ بايتاق جەر ەكەن، ەرەكشە جايلى سەزىندىم».
شينجياڭنىڭ جەرى كەڭ، كورىنىس رايوندارى سالىستىرمالى بىتىراڭقى، ىشكى ولكەدەگى ساياحاتشىلار شينجياڭعا كەلگەننەن كەيىن ساياحات ارا قاشىقتىعىنىڭ ۇزاق، ساياحاتتاۋ ۋاقىتىنىڭ قىسقا بولعانىن سەزىنەتىن. ال بۇگىنگى كۇندە، رايونىمىزدىڭ تەمىر جول، تاس جول، حالىقتىق اۆياتسيا قاتىناس ىستەرىنىڭ دامۋىنا وراي، رايونىمىزدىڭ ساياحات كاسىبىن دامىتۋعا ۇزاق ۋاقىت تۇساۋ بولىپ كەلگەن قاتىناس جاعىنداعى كەدەرگىلەر وڭالۋدا. ەلىمىز بويىنشا تەمىر جولداردىڭ قارقىنى ۇزدىكسىز تەزدەۋىنە وراي، ساياحات ارناۋلى پويەزدەرى كەشتە اتتانىپ تاڭەرتەڭ جەتەدى، بۇل ساياحاتشىلاردىڭ سەيىلدەۋ ۋاقىتىنىڭ ۇزارۋىنا جانە اناعۇرلىم كوپتەگەن جەرلەردى ساياحاتتاۋىنا مۇمكىندىك جاسادى. بيىل، ىشكى ولكەدەگى ءارقايسى ولكە، رايون، قالالاردان شينجياڭعا قاتىنايتىن ساياحات ارناۋلى پويەزى 200 گە جەتەتىندىگى، شينجياڭ تەمىر جولى ارقىلى سولتۇستىك شينجياڭدى اينالا ساياحاتتاۋ، وڭتۇستىك شينجياڭدا ساياحاتتاۋ، ءتىلسىم وتتى القاپ، دۇنحۋاڭدا كەزدەسۋ سياقتى ساياحات ارناۋلى پويەزدەرى ءبىر مىڭنان اساتىندىعى مەجەلەنىپ وتىر. جۇڭگو تەمىر جول ءۇرىمجى مەكەمەسى توبى شەكتى جارنا سەرىكتەستىگى جولاۋشى تاسىمال باسقارماسىنىڭ ورىنباسار باستىعى سى شىنمين تىلشىگە بىلاي دەدى: «تۇتاس ەلىمىز جونىنەن العاندا، جەر-جەردەن شينجياڭعا قاتىنايتىن ساياحات ارناۋلى پويەزىن شينجياڭعا باستاۋ ارقىلى شينجياڭداعى ساياحاتشىلار قاينارىن مولايتتى. قارقىنى، ساياحاتتاۋ ۋاقىتى جاعىندا جىلدامدىعى تەزدەپ، ساپاسى جوعارىلادى، پويەز بەكەتىندەگى قىزمەت وتەۋ جاعىندا ايتارلىقتاي قىزمەت وتەپ، ساياحاتشىلارعا جايلىلىق سيلادى».
سونىمەن بىرگە، ءارقايسى ءىرى اۆياتسيا سەرىكتەستىكتەرى اۋە كەزەكشى ايروپلانىن كوبەيتىپ قاتىناتىپ، اۋە لەنيالارىن جاڭادان قوسىپ، شينجاڭنىڭ ساياحات كاسىبىنىڭ ءۇرتىس دامۋىن جەبەدى. شينجياڭ اۋە جاي توبى شەكتى جارنا جاۋاپكەرلىك سەرىكتەستىگىنىڭ بازار اۋە لەنياسىن اشۋعا جانە كەلىسىمگە جاۋاپتىسى جاڭ چيان بىلاي دەدى: «شينجياڭنان ىشكى ولكەلەرگە توتە ۇشاتىن كوپتەگەن اۋە لەنيالارىن اشتىق، ساياحاتشىلار وڭتۇستىك، سولتۇستىك شينجياڭنان ۇناتقان قالالارىن تاڭداۋىنا بولادى. قازىر، شينجياڭدا شينجياڭ كولەمىندە توراپتانىپ، شىعىس مەن باتىسى جەلپۋىش فورماسىن قالىپتاستىردى، وڭتۇستىك، سولتۇستىك شينجياڭدا ءوزارا قاتىناعان اۋە لەنيالارى بارعان سايىن قولايلىقتار اكەلۋدە».
رايونىمىزدا تاس جول قاتىناس تورابىنىڭ ۇزدىكسىز جاقسارۋىنا وراي، جوعارى قارقىندى تاس جولدار ءارقايسى ايماق، وبلىس، قالالارعا تۇتاستى، جەر-جەردەگى جەكە كولىكتەر مەن ۇيشە اۆتوموبيلدەر تۇراعى قۇرىلىسى دا جەدەل سالىنۋى سەبەپتى، رايونىمىزدا جەكە كولىكپەن ساياحاتتاۋ كۇرت ارتۋ جاعدايى قالىپتاستى. ۇيشە اۆتوموبيلمەن ساياحاتتاپ جۇرگەن چىن لان: «شينجياڭدا جۇرگەندە جولدىڭ ءبارى كورىنىس سەزىلدى، جول بويى كورىنسىتەردى تاماشالادىق، بەينە سىزعان سۋرەت ىسپەتتى ەكەن. مەن 9-ايدىڭ سوڭىنا دەيىن ساياحاتتاپ، مەملەكەت مەرەكەسى كەزىندە ءبىراق قايتپاقشىمىن»،-دەدى.


بەرىپ كەت ورامالىڭدى

دوستار

الىستاعى اق ەركە