جاڭا حابارلار

بيىلعى شينجياڭ جازعى دارىندىلار اۋىس-كۇيىسى ءماجىلىسى شينجياڭ حالىقارالىق كورمە ورتالىعىندا وتكىزىلدى

    كەلۋ قاينارى: شينجياڭ حالىق راديو ىستانسياسى    2018-07-17 12:33:37  

ستانستيامىزدىڭ ءىلشىسى دۇڭ جىيۇڭ مەن پراكتيكانت شۇي ۋيفىڭنىڭ حابارى: 7-ايدىڭ 14-، 15-كۇندەرى، اۆتونوميالى رايوندىق وداق كوميتەتى، شينجياڭ حالىقارالىق كورمە ورتالىعى ۇيىمداستىرعان 2018-جىلعى شينجياڭ جازعى دارىندىلار اۋىس-كۇيىسى ءماجىلىسى شينجياڭ حالىقارالىق كورمە ورتالىعىندا وتكىزىلدى.
جاڭا عانا وتكەن اپتا سوڭىندا، شينجياڭ حالىقارالىق كورمە ورتالىعىنىڭ ءبىرىنشى نومىرلى كورمە سارايى ادامعا لىق تولدى، كاسىپ ىزدەپ كەلگەن جوعارى مەكتەپ بىتىرگەن وقۋشىلاردىڭ اياعى ۇزىلمەدى. ءتىلشى كاسىپ ىزدەۋشىلەرگە تىلشىلىك ىستەدى، ونىڭ باسىم كوبى تۇراقتى قىزمەتى بولۋدى قالايتىنىن، ەڭبەك اقىسى تۋرالى تالابىنىڭ جوعارى ەمەس ەكەنىن ايتتى. حىبەي ءادليا، ساقشى كاسىپتىك مەكتەبىنەن وقۋ تاۋىسىپ اۋىلىنا كەلگەن شياۋيۇي: «وقۋدى جاڭا تاۋىسقان سوڭ، قىزمەت تاجىرىيبەم كەمشىل، ەڭبەك اقىم 2 مىڭ 500 يۋاننان 3 مىڭ يۋان ارالىعىندا بولسا بولعانى»،-دەدى، كاسىپ ىزدەۋشى جاڭ يۇڭ: «مەن كاسىپورىن باسقارۋشىسى، تاربيەلەۋشى سياقتى قىزمەت ورىندارىن قاراستىردىم، ءۇش ورىنمەن سويلەستىم، ەڭبەك اقىم تۇرمىسىما جەتسە بولعانى، باستى ماقساتىم ۇيرەنۋ»،-دەدى.
وسى رەتكى دارىندىلار اۋىس-كۇيىسى ءماجىلىسىنە ەرەكشە ترانسفورماتور سەرىكتەستىگى، جۇڭگو عۇمىر قامسىزداندىرۋى، جۇڭشين بانكەسى سياقتى شينجايڭنىڭ ءىشى-سىرتىنداعى 160 تانىمالى كاسىپورىن قاتىناستى. ولار تيجارات باسقارۋ، قازىنا، فينانيس باعالى قاعاز، احپارات باسپا سياقتى 40 نەشە ءتۇر بويىنشا 2 مىڭ 367 قىزمەت ورىنىمەن قامدادى. شينجياڭ چاڭتاي كاسىپورىن باسقارۋ كەڭەس بەرۋ شەكتى جارنا سەرىكتەستىگىنىڭ تيجارات باس باقىلاۋشىسى جوۋ فانشىڭ تىلشىگە بىلاي دەدى: «وسى رەتكى قابىلداۋ ماجىلىسىندە جۇزگە جۋىق ادام كەلىپ اۋىزشا ەمتيحانعا قاتىناستى، ونىڭ %80 تى العاشقى ەمتيحاننان ءوتتى، ءبىز وقۋ ماعلۇماتىنىڭ جوعارى تومەنىنە ەرەكشە ءمان بەرمەيمىز، ونىڭ ۇيرەنۋ ىنتاسىنا قارايمىز. تالىقپاي ۇيرەنۋشىلەر كاسىپرىنداردىڭ ناقتىلى قاجەت ەتىپ وتىرعان دارىندىلارى ەسەپتەلەدى، شينجياڭنىڭ وسى تەكتەس كولەمدى دارىندىلار اۋىس-كۇيىس ءماجىلىسىن كوبىرەك وتكىزۋىن ءۇمىت ەتەمىز».
ساناققا قاراعاندا، وسى رەتكى جازعى دارىندىلار اۋىس-كۇيىسى ماجىلىسىنە قىزمەت ىزدەگەن 8 مىڭ 761 ادام قاتىناسىپتى. شينجياڭ جاستار مەن ورەندەردى دامىتۋ ورتالىعى كاسىپتەندىرۋ، كاسىپ اشۋ ءبولىمىنىڭ ورىنباسار باستىعى يلشات عالىپ بىلاي دەدى: «ءبىز 8-ايدىڭ -11، 12-كۇندەرى، ونان سوڭ 10-ايدىڭ اياعىندا ەكى رەت كولەمدى دارىندىلار اۋىس-كۇيىسى ماجىلىسىن وتكىزەمىز.ءبىز تاعى قىزمەت وتەۋ ادىستەرىن جاڭالاپ، قىزمەت وتەۋ مازمۇنىن بايىتىپ، قوس باعىتتاعى ۇشتاستىرۋ تەكشەسىن قۇرىپ، قىزمەت ىزدەۋشى اناعۇرلىم كوپ جاستار مەن كاسىپورىندارعا قىزمەت كورسەتەمىز».


بەرىپ كەت ورامالىڭدى

دوستار

الىستاعى اق ەركە