جاڭا حابارلار

رايونىمىزدىڭ جەر-جەرى ءتۇرلى ەرەكشە جازعى كانيكول قيمىلىن ورىستەتتى

    كەلۋ قاينارى: شينجياڭ حالىق راديو ىستانسياسى    2018-07-17 12:31:10  

ستانسيامىزدىڭ جيناق حابارى: ونەر ۇيرەنۋ، دەنە شىنىقتىرۋ، قوعامدىق امالياتتىق قيمىلمەن شۇعىلدانۋ...وسى جازدىق دەمالىستا رايونىمىزدىڭ جەر-جەرى باي مازمۇندى قيمىلدار ۇيىمداستىرىپ، وقۋشىلاردىڭ جازدىق دەمالىس تۇرمىسىنىڭ اناعۇرلىم ءماندى وتۋىنە مۇمكىندىك جاسادى.
شينجياڭ تاقپاق بازارىندا، ءۇرىمجى قالالىق 59-باستاۋىش مەكتەپ ءبىرىنشى جىلدىعىنىڭ وقۋشىسى فاڭ ليجيە جەلدىرمە ۇيرەنۋدە. بالاقاي جەلدىرمەنى قاعىپ تەكستى ايتىپ، بەينەسى نەداۋىر تاماشا بولدى. ول: «اكەم سايىسكەرلىك ونەر مەن جەلدىرمەنىڭ بىرەۋىن تاڭداۋدى ايتتى، سونىمەن الدىمەن جەلدىرمە ۇيرەنەيىن دەدىم، مۇندا كوپتەگەن جاڭىلتپاشتار بار، مول ءبىلىم ۇيرەندىم»،-دەدى.
جازدىق دەمالىستا، وتىز نەشە وقۋشى شينجياڭ تاقپاق بازارىنا بارىپ ونەر ۇيرەندى، ءلازنا ءادىل سولاردىڭ ءبىرى. ول: «جۇڭگو مادەنيەتىن جالعاستىرامىز، كوپشىلىك بىرلىكتە شاتتانا ونەر ۇيرەنۋدە»،-دەدى.
بىرنەشە جىلدان بەرى، ماناس اۋدانى مادەنيەت، دەنە-تاربيە قۇرىلعىلارىن سالۋ تەبىنىن ارتتىردى، وتكەن جىلى سالىنعان يۇيدۋ كىشكەنە دوپ سارايىنا قاۋىرسىن دوپ، ۇستەل دوپ ويناۋعا بارعان بالالاردىڭ اياعى ۇزىلمەدى. 12 جاسقا كەلگەن تان حۋاۋيدىڭ دوپ باستاۋ، قايتارا قاعۋ، كۇشپەن قاعۋ سياقتى ارەكەتتەرى ناعىز دوپشىدان اۋمايدى. ول: «ەكى ايداي ۇيرەندىم، وسى اراداعى وقىتۋشىلار جاقسى ەكەن، ورتامىزدا تاماشا، بۇل ارادان قاۋىرسىن دوپتىڭ ناعىز تەحنيكاسىن يگەرە الاتىن سياقتىمىن»،-دەدى.
حۋاڭ يا-ۋىن وسى جازدىق دەمالىستا بوكسەرلىك كۋرسقا تىزىمدەلدى، ول جاتتىقتىرۋشىعا ىلەسىپ مۇقيات جاتتىقتى، بوكسەرلىكتىڭ ءتۇرلى ارەكەتىن تەز مەڭگەردى، ول: «كۋرسقا كىرۋدەگى ماقساتىم بىرىنشىدەن كوڭىل-كۇيىمدى سەرگىتۋ، ەكىنشىدەن دەنە شىنىقتىرۋ، سپورتقا جاتتىقساڭ سەرگىپ قالاسىڭ»،-دەدى.
باي اۋداندىق مادەنيەت سارايى، كىتاپحانا جانە كوركەمونەر سارايى بىرلەسىپ جۋىقتا كوركەمونەردى جالپىلاستىرۋ جانە اقىسىز تاربيەلەۋ قيمىلىن ورىستەتتى، مۇندا حاتكەرلىك، اسەمونەر، ءبي، مۋزىكا، ءان ايتۋعا جاتتىعۋ سياقتى كاسىپتەر بار.باي اۋداندىق 2-باستاۋىش مەكتەپ 4-جىلدىعىنىڭ وقۋشىسى جياڭ حاۋران سۋرەت سالۋ كۋرسىنە قاتىناستى، ول: «وسى رەتكى كۋرستە سۋرەت سالۋدىڭ ادىستەرىن ۇيرەندىم، ونان سوڭ، وسى رەتكى جازدىق دەمالىستا ءار قانداي ءىستى تاباندى، قاجىرلى بولعاندا عانا ويداعىداي ىستەۋگە بولاتىنىن ءبىلدىم»،-دەدى.
وسى رەتكى جازدىق دەمالىستا، تاعى كوپتەگەن جوعارى مەكتەپ وقۋشىلارى مەن ورتا تەحنيكوم وقۋشىلارى ەرىكتىلەر قيمىلىنا قاتىناستى. شينجياڭ كوركەمونەر شۋەيۋانىنىڭ 30 وقىتۋشى-وقۋشىسى يوپۇرعى اۋدانىنا بارىپ، جازدىق دەمالىستاعى 20 كۇندىك پراكتيكا قيمىلىن باستادى.بارا سالىسىمەن ولار مىندەتتى وقىتۋ قيمىلىنا ات سالىسىپ قىزمەتكە كىرىسىپ كەتتى.
«وتانىمىز باۋ-باقشا، باۋ-باقشاداعى گۇلدەر جايقالا وسكەن؛ ۋاحاحا..ۋاحاحا، ءار ادامنىڭ جۇزىنەن شاتتىق كۇلكىسى ەسكەن». يوپۇرعى اۋدانى يوپۇرعى اۋىلدىق سەنترلى باستاۋىش مەكتەبىنىڭ ءبىر كلاسىندا، ەرىكتى قىزمەت وتەپ ساباق ءوتۋ قىزمەتىن ەندى عانا باستاعان شينجياڭ كوركەمونەر شۋەيۋانىنىڭ «وقىتۋعا كومەكتەسەتىن وقىتۋشىسى» شوكىرات يىلحام بالالارعا اسا ىجداعاتتىقپەن ءان ۇيرەتتى. ول تىلشىگە بىلاي دەدى: «ولاردىڭ ۇيرەنۋ قابىلەتى كۇشتى ەكەن، 5، 6 كۇن بولماي جاتىپ مۇنداعى بالالار 5، 6 قور جانە جەكە اندەردى ۇيرەنىپ الدى؛ ءبيدى دە تەز ۇيرەندى، سوندىقتان اناعۇرلىم كوپ ادامنىڭ ەرىكتىلەر قوسىنىنا قاتىناسۋىن ءۇمىت ەتەمىن».


بەرىپ كەت ورامالىڭدى

دوستار

الىستاعى اق ەركە