جاڭا حابارلار

«وڭتۇستىك شينجياڭدى ارالاۋ» ساياحات پويەزىنىڭ جالپىلىق ساپاسى جوعارىلاتىلدى

    كەلۋ قاينارى: ءتاڭىرتاۋ تورابى    2018-07-15 22:54:28  

7-ايدىڭ 12-كۇنىنەن باستاپ، «وڭتۇستىك شينجياڭدى ىركىلىسسىز تاماشالاۋ» ساياحات پويەزى قايتا بەزەندىرىلىپ، ۆاگوندارىنىڭ ءىشى-سىرتى شينجياڭ ساياحاتىنىڭ وزگەشەلىگىمەن مەنمۇندالانىپ، شىت جاڭا بەينەگە ەندى.

  7-ايدىڭ 12-كۇنى ساعات 11 دە، قايتا بەزەندىرىلگەن «وڭتۇستىك شينجياڭدى ىركىلىسسىز تاماشالاۋ» ساياحات پويەزى ءۇرىمجى ايالداماسىنا توقتاعاندا، قوس قابات ۆاگوننىڭ سىرتىنداعى سۋرەت جۇرت نازارىن اۋداردى.
  بۇل شينجياڭ تەمىر جول تاراۋلارىنىڭ «وڭتۇستىك شينجياڭدى ىركىلىسسىز تاماشالاۋ» ساياحات پويەزىنە وزگەرىس ەنگىزگەننەن كەيىن تۇڭعىش رەت جۇرتپەن جۇزدەسۋى. جۇڭگو تەمىر جول ءۇرىمجى مەكەمەسى توبى شەكتى سەرىكتەستىگى تيجارات ەتىپ اشۋ ورنىنىڭ قاتىستى جاۋاپتىسى بىلاي دەپ تانىستىردى: «پويەز اشەكەيلەپ وزگەرتىلگەننەن كەيىن، ءبىر تاراۋشا جۇمساق توسەك، ءتورت تاراۋشا قاتتى توسەك، تاماقتانۋ ۆاگونى، كوپ يقۋاتتى ۆاگون، جۋىنۋ ۆاگونى بار بولدى، بۇل شينجياڭ تەمىر جولىنىڭ ‹شينجياڭدى پويەزبەن ساياحاتتاۋداعى› ساياحات پويەزى».
  دالا ىستىق بولعانىمەن، ۆاگوننىڭ ءىشى ساپ-سالقىن. ەكى ادامدىق بولمە كىرگەن 66 جاستاعى لي شۋفاڭ قاريا وتە راحات سەزىندى. بىلتىر، ول جولداسى ەكەۋى شينجياڭدى پويەزبەن ساياحاتتاپ قايتقان بولاتىن. بيىل ۇلى «وڭتۇستىك شينجياڭدى ىركىلىسسىز تاماشالاۋ» ساياحات پويەزىنىڭ تاعى اشىلعاندىعىن ەستىپ تىزىمدەتكەن بولاتىن.
  لي شۋفاڭنىڭ جۇبايى تاماقتانۋ ۆاگونىندا وزگەشە پالاۋ، قوركتىك تاعام جانە تاماق بۇيىرتۋعا بولاتىندىعىن بىلگەندە قۋانىشپەن: «پويەزدە دە ءدامدى تاعام جەپ، جايلى دەمالۋعا بولادى ەكەن، بۇدان بىلاي ۇنەمى پويەزبەن ساياحاتتايمىن»،-دەدى.
  بۇل پويەزدىڭ ۇيىرمەگە قاتىناسۋ اقىسى سولتۇستىك شينجياڭ لەنياسىنان 1000 يۋانداي ارزان، كوپ يقۋاتتى ۆاگوندا KTV كوڭىل اشۋ قىزمەت وتەۋىمەن قامدايدى، جۋىنۋ ۆاگونى بار بولىپ، جولاۋشىلاردىڭ ۇقساماعان قاجەتىن قاناعاتتاندىرادى»،-دەدى ءۇرىمجى تەمىر جول حالىقارالىق ساياحات قوعامى وڭتۇسىك شينجياڭ لەنياسىنىڭ جاۋاپتىسى حاۋ لين.
  «وڭتۇستىك شينجياڭدى ىركىلىسسىز تاماشالاۋ» ساياحات پويەزىنىڭ 7-ءنومىرلى ۆاگونى جۋىنۋ ۆاگونى، جيىنى 20 بولمە بار، سۋ سيىمدىلىعى ءبىر رەتتە 100 ادامنىڭ جۋىنۋىن سۋمەن قامدايدى. سىرتىندا كيىم الماستىرۋ بولمەسى، قىزىل ورىندىعى، ايناسى بار، ىشىندە سۋ شۇمەگىنىڭ استىندا تايعاناۋدان ساقتاناتىن سۇيەنىش بار. شينجياڭعا كەلىپ ساياحاتتاۋ — جىجياڭ جوۋشاندىق بويجەتكەن لي زىليڭنىڭ وزىنە ۇسىنعان مەكتەپ تاۋىسۋ سيلىعى، ۇرىمجىدە بىرنەشە كۇن ويناعان سوڭ، دوسىنىڭ تانىستىرۋىمەن وسى كەزەكتى پويەزدىڭ بەلەتىن ساتىپ الدى. جۋىنۋ ۆاگونىن كورگەن ول بىلاي دەدى: «بۇل توسىن سي بولدى، كەلەسى ساپاردى اسىعا كۇتەمىن».
  «ساپار الىس، ساياحات قىسقا» بولۋ — شينجياڭ ساياحاتىنىڭ دامۋىنا تۇساۋ بولىپ كەلگەن بولاتىن. سوڭعى ەكى جىلدا شينجياڭ تەمىر جولى «شينجياڭدى ارالاۋ»، «حيكىمەتتى وتتى القاپ»، «دۇنحۋاڭدا كەزدەسۋگە ۋادەلەسۋ»، «وڭتۇستىك شينجياڭدى ىركىلىسسىز تاماشالاۋ»، « شيندۇڭفاڭ تەز پويەزى» قاتارلى «1+5» ساياحات ونىمدەرىمەن شينجياڭنىڭ ماڭىزدى ساياحات تۇيىندەرى ۇشتاستىرىپ، ءبىر پويەزبەن كوپ ساياحات ورىندارىن ارالايدى، بۇل ەلىمىز ءىشى-سىرتىنداعى ساياحاتشىلاردىڭ جاقسى باعاسىنا يە بولدى.
  «وڭتۇستىك شينجياڭدى ىركىلىسسىز تاماشالاۋ» ساياحات پويەزىنىڭ قاتتى بولشەكتەرىنە ءمان بەرىلىپ قالماستان، قاتىناۋ ۋاقىتى دا جىڭىشكەلىكپەن ورنالاستىرىلعان. «بۇل پويەزدىڭ قاتىناۋ ۋاقىتى وتە ۇيلەسىمدى ورنالاستىرىلعان، ساعات 11 دەن 41 مينۋت وتكەندە، ءۇرىمجى ايالداماسىنان جولعا شىعىپ، 16 دان 30 مينۋت وتكەندە كورلاعا جەتەدى، ەكىنشى كۇنى 7 دەن 45 مينۋت وتكەندە قاشقارعا جەتەدى»،-دەدى كەزەكشى پويەزدىڭ ءۇرىمجى بولەگى ناننيڭ پويەزىنىڭ باستىعى جاڭ مين تىلشىگە. 4-ايدىڭ 20-كۇنى اشىلعاننان بەرى جولاۋشىلارعا لىق تولىپ كەلەدى. ۇرىمجىدەن پويەزگە شىعاتىن ادام وتە كوپ، ىشكى ولكەدەن كەلگەن ساياحاتشىلار تۇرپانعا ساياحاتتاپ بولعاننان كەيىن، وسى كەزەكتى پويەزدى تاڭداپ وڭتۇستىك شينجياڭعا ساياحاتتايدى.


بەرىپ كەت ورامالىڭدى

دوستار

الىستاعى اق ەركە