جاڭا حابارلار

اۆتونوميالى رايونىمىزدا جازعى استىق ساتىپ الۋ ورنىقتى باستالدى

    كەلۋ قاينارى: شينجياڭ حالىق راديو ىستانسياسى    2018-07-16 10:15:14  

ءتىلشىمىز ليۋ ي 7 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق استىق مەكەمەسىنەن ۇعىسۋىمىزشا، بيىل اۆتونوميالى رايونىمىزدا جازعى استىق ساتىپ الۋ قىزمەتىنىڭ باستاماسى ورنىقتى بولعان، اۆتونوميالى رايونداعى ءار دارەجەلى اۋىل شارۋاشىلىق دامۋ بانكەلەرى ءبيداي ساتىپ الۋ نەسيەسىنەن 7 ميلليارد 500 ميلليون يۋاندى تياناقتاندىرعان، ساتىپ الۋشى كاسىپورىندار 2 ميلليون 510 مىڭ توننا قامبا سيىمدىلىعىن بوساتىپ بىرىكتىرگەن، ساتىپ الۋ قاجەتىن جالپى جاقتان قاناعاتتاندىرا الادى ەكەن.
  اۆتونوميالى رايوندىق استىق مەكەمەسىنىڭ باس ەكونوميسى ليۋ شۋەميڭ مىنالاردى تانىستىردى: 7 - ايدىڭ 11 - كۇنىنە دەيىن، بۇكىل اۆتونوميالى رايونداعى ءار دارەجەلى كاسىپورىندار جالپى 591 مىڭ 584 توننا ءبيداي ساتىپ العان، بۇندا جەرگىلىكتى مەملەكەت يەلىگىندەگى استىق ساتىپ الۋ - ساتۋ كاسىپورىندارى 461 مىڭ 955 توننا ساتىپ العان، جۇڭگو زاپاس استىق باسقارۋ باس سەرىكتەستىگىنىڭ شينجياڭ بولىمشەسىنە توتە قاراستى كاسىپورىندار 62 مىڭ 85 توننا ساتىپ العان، كۇندەلىكتى مانەرلەۋ قابىلەتى 100 توننادان جوعارى ءبيداي ۇنىن مانەرلەۋ كاسىپورىندارى 52 مىڭ 43 توننا ساتىپ العان، باسقا كاسىپورىندار 15 مىڭ 501 توننا ساتىپ العان.
  ليۋ شۋەميڭ بىلاي دەدى: قازىر وڭتۇستىك شينجياڭداعى اۋدان، قالالاردا استىق ساۋداسى جالپى بەتتىك باستالدى، كاسىپورىنداردىڭ ءبيداي ساتىپ الۋ جاريا باعاسى كيلوگرامى 2.34 يۋان (3 - دارەجە) مولشەرىندە ساقتالعان، ىرگەلەس دارەجەنىڭ ءار كيلوگرامىنىڭ پارقى 0.01 − 0.04 يۋان، 1 - دارەجەلى ءبيداي ساتىپ الىنعان ءبيدايدىڭ جالپى مولشەرىنىڭ %20ىن ۇستايدى. سولتۇستىك شينجياڭداعى سانجى حۇيزۋ اۆتونوميالى وبلىسى سياقتى جەرلەر ىركەس - تىركەس ساۋدا باستاپ، ساتىپ الا باستادى، كاسىپورىندار ءبيدايدىڭ ساپاسىنا نەگىزدەلىپ ساتىپ الۋ باعاسىن ءار ءتۇرلى بەلگىلەپ وتىر، ساپاسى جوعارى بولسا، باعاسى دا جوعارى بولۋ ءبىرشاما كورنەكتى ايگىلەندى، قازىر ساتىپ الىنعان ءبيداي نەگىزىنەن 1 - دارەجەلى، ساپاسى وتكەن جىلداعىدان جاقسى، كاسىپورىنداردىڭ ناقتى قامبالىق ساتىپ الۋ باعاسىنىڭ ءار كيلوگرامى2.46 يۋان (3 - دارەجە)، ساپالى ءبيداي شيندۇڭ 22نىڭ ناقتى قامبالىق ساتىپ الۋ باعاسىنىڭ ءار كيلوگرامى 2.55 يۋان.
  جازعى استىق ساتىپ الۋدىڭ ورنىقتى باستالۋىن ىسكە اسىرۋعا كەپىلدىك ەتۋ ءۇشىن، اۆتونوميالى رايوندىق استىق مەكەمەسى ءونىمدى شارا قولدانىپ، ساتىپ الۋدىڭ دايىندىق قىزمەتتەرىن كۇن ىلگەرى جاقسى ىستەدى. ليۋ شۋەميڭ مىنالاردى تانىستىردى: بيىل الدىڭعى جارتى جىلدا اۆتونوميالى رايوندىق استىق مەكەمەسى ارناۋلى قىزمەت گرۋپپاسىن ۇيىمداستىرىپ، وڭتۇستىك شينجياڭداعى 27 استىق وندىرەتىن اۋدان، قالاداعى 32 نەگىزگى ساتى ساتىپ الۋ تۇيىنىنە، 5 ءبيداي مانەرلەۋ كاسىپورنىنا ىشكەرىلەي بارىپ، اۆتونوميالى رايوننىڭ ءتۇرلى رەفورما ساياساتتارىنىڭ تياناقتانۋى، جازعى استىق ساتىپ الۋدىڭ دايىندىعى جانە ءبيداي ءوندىرىسى مەن قاجەتىنىڭ تەڭدىگى سياقتى جاعدايلار جونىندە تەكسەرۋ - زەرتتەۋ جۇرگىزىپ، جازعى استىق ساتىپ الۋ بارىسىندا ورىن تەبۋى مۇمكىن قيىنشىلىقتار مەن ماسەلەلەردى سايكەستىرىپ شەشىپ، مەملەكەت يەلىگىندەگى استىق كاسىپورىندارىن باستاماشىلىق رولدارىن ساۋلەلەندىرۋگە قۋزادى. سوڭعى كۇندەرى تاعى دا 2 قىزمەت گرۋپپاسىن سولتۇستىك شينجياڭنىڭ جەر - جەرىندەگى نەگىزگى ساتىنىڭ ءبىرىنشى شەبىنە ىشكەرىلەپ ساتىپ الۋ قىزمەتىنە تەكسەرىپ - زەرتتەۋ جۇرگىزىپ، جەتەكشىلىك ەتۋگە جىبەردى. قاشقار، اقسۋ سياقتى جەرلەردە بيىل ءبيداي ءوندىرىسىنىڭ قاجەتتەن ارتىق بولۋ ماسەلەسىنە سايكەس، حوتان ايماعى، بايىنعولين موڭعۇل اۆتونوميالى وبلىسى، ءۇرىمجى سياقتى ساتۋشى رايوندارداعى كاسىپورىنداردى قاشقار، اقسۋ سياقتى ءوندىرۋشى رايوندارعا بارىپ ءبيداي ساتىپ الۋعا دەر كەزىندە جۇمىلدىرىپ، بازار اينالىمىن جەبەپ، استىق ەگۋشى شارۋالاردىڭ مۇددەسىن قورعادى.
  تانىستىرۋعا قاراعاندا، بيىل بۇكىل اۆتونوميالى رايوندا جازعى استىق ساتىپ الۋ قىزمەتى باستالعاننان بەرى، ءارقايسى ايماقتار (وبلىس، قالا) مەن اۋداندار (قالا) ساتىپ الۋعا الدىن الا تاپسىرىس بەرۋدى بەلسەندىلىكپەن ۇيىمداستىرىپ، قىزمەت كورسەتۋ شارالارىن ساپالىلاندىرىپ، شارۋالاردىڭ استىق تاپسىرۋىنا قولايلىلىق تۋدىرىپ، «استىق باسقاراتىن ادام بولۋعا، استىق الاتىن ادام بولۋعا، استىق الاتىن اقشا بولۋعا، استىق قوياتىن قامبا بولۋعا» كەپىلدىك ەتىپ، ساتىپ الۋ قىزمەتىن ورنىقتى، ءتارتىپتى جۇرگىزگەن.


بەرىپ كەت ورامالىڭدى

دوستار

الىستاعى اق ەركە