جاڭا حابارلار

شينجياڭدىق تۇرعىنداردىڭ باسقا جەردە ازاماتتىق كۋالىگىن بىتىرۋىنە قولايلىلىق جاراتىلدى

    كەلۋ قاينارى: شينجياڭ حالىق راديو ىستانسياسى    2018-07-16 10:15:06  

ستانسيامىزدىڭ ءتىلشىسى ايبىننىڭ حابارى: قوعام حاۋىپسىزدىگى ورگانى «ۇكىمەت ءىسىن قاراپايىمداستىرىپ، ۇقىقتى تومەنگە ءتۇسىرۋ، ۇقىقتى تومەنگە ءتۇسىرۋ مەن باسقارۋدى ۇشتاستىرۋ، قىزمەت وتەۋدى ساپالاندىرۋ» جانە «ەڭ كوپ بولعاندا ءبىر-اق رەت بارۋ» قىزمەت ورنالاستىرۋى بويىنشا، وسى ايدان باستاپ، رايونىمىزدىڭ قوعام حاۋىپسىزدىگى ورگاندارى رايونىمىز بويىنشا شينجياڭداعى تۇرعىنداردىڭ ازاماتتىق كۋالىگىن باسقا جەردە ءبىتىرۋ قىزمەتىن ورىستەتىپ، شينجياڭدىق تۇرعىنداردىڭ باسقا جەردە ازاماتتىق كۋالىگىن بىتىرۋىنە قولايلىلىق جاراتتى.
7-ايدىڭ 14-كۇنى تۇستەن بۇرىن، ءۇرىمجى قالالىق قوعام حاۋىپسىزدىگى مەكەمەسى شۇيمۋگۋ رايوندىق بولىمشە مەكەمەسىنىڭ نوپوس-ازاماتتىق كۋالىك بىتىرۋ زالىندا، شينجياڭ بويىنشا باسقا جەردە ازاماتتىق كۋالىك بىتىرگەن تۇڭعىش توپتاعى 4 تۇرعىن جاڭا ازاماتتىق كۋالىگىن الدى. جەمسارى اۋدانىنان كەلگەن جۋ يانشيا تىلشىگە بىلاي دەدى: «ازاماتتىق كۋالىگىم جوعالىپ قالعان بولاتىن، ءاسىلى تۇرعان جەرىمە قايتىپ بارىپ بىتىرۋىم كەرەك ەدى، توراپتان تەكسەرۋ ارقىلى، 7-ايدىڭ 1-كۇننەن باستاپ ۇرىمجىدە باسقا جەردىڭ ازامات كۋالىگىن بىتىرۋگە بولاتىنىن ءبىلدىم، مەن 7-ايدىڭ 4-كۇنى ازاماتتىق كۋالىگىمدى بىتىرىۋ راسمياتىن وتەگەنمىن، 7-ايدىڭ 14-كۇنى ازاماتتىق كۋالىگىم قولىما ءتيىپ، قاتتى قۋاندىم، جۇمىس ءبىتىرۋ ونىمدىلىگى ەرەكشە جوعارى ەكەن، شينجياڭنىڭ قوعام حاۋىپسىزدىگى ورگانىن ماقتانىش تۇتامىن».
بيىل 7-ايدىڭ 1-كۇنىنەن باستاپ، شينجياڭ نوپۇسىنداعى تۇرعىنداردىڭ ازامات كۋالىگىنىڭ ءونىمدى ۋاقىت مەرزىمى تولسا، بۇلىنسە نەمەسە جوعالسا، شينجياڭ كولەمىندە نوپۇسى نەمەسە ءونىمدى ۋاقىت مەرزىمى ىشىندەگى شوفەرلىك كۋالىگى نەمەسە پاسپورتى ارقىلى باسقا جەردە ازاماتتىق كۋالىگىن بىتىرۋىنە بولادى، ازاماتتىق كۋالىگىن بىتىرەتىن قوعام حاۋىپسىزدىگى ورگانى تۇرعىنداردىڭ سۋرەت، بارماق ءىزى ينفورماتسياسىن ۇستىندە الادى، نوپۇسى تۇرعان جەردىڭ قوعام حاۋىپسىزدىگى ورگانى تەكسەرىپ قول قويعاننان كەيىن، قوعام حاۋىپسىزدىگى مەڭگەرمەسىنىڭ كۋالىك جاساۋ ورتالىعى ءبىرتۇتاس جاساپ، كۋالىك بىتىرەتىن قوعام حاۋىپسىزدىگى ورگانىنا 20 جۇمىس كۇنىندە تاپسىرادى. بۇقارانىڭ قاجەتىنە ساي پوچتا ارقىلى جەدەل جىبەرتكىزىپ بەرۋىنە دە بولادى. اۆتونوميالى رايوندىق قوعام حاۋىپسىزدىگى مەڭگەرمەسى اماندىقتى ساقتاۋ باسقارۋ باس اتىرەتى حالىق سانىن باسقارۋ تارماق اتىرەتىنىڭ باستىعى شۋە چي ەسكەرتە كەلىپ، تومدەگىدەي جاعدايدا تۇرعىنداردىڭ ازاماتتىق كۋالىگىن باسقا جەردە بىتىرۋىنە بولمايتىنىن ەسكەرتە كەلىپ بىلاي دەدى: «تۇڭعىش رەت ازاماتتىق كۋالىك ءبىتىرۋدى ءوتىنىش ەتكەندەر، بەت-الپەت ەرەكشەلىگىندە نەداۋىر زور وزگەرىس بولىپ، سالاۋاتىن تۇراقتاندىرۋ قيىنعا سوققاندار، اتى-ءجونى، ۇلتى، تۋىلعان ۋاقىتى، ۇزاق ۋاقىت تۇرعان جەرىنىڭ مەكەن-ءجايى سياقتى تۇرعىنداردىڭ ازامات كۋالىگىندەگى تىزىمدەلگەن مازمۇندارىندا وزگەرىس بولعاندار؛ تۇرعىنداردىڭ نوپوسىن، تۇرعىنداردىڭ ازاماتتىق كۋالىگىن، پاسپورتىن، شوفەرلىك كۋالىگىن جالعاننان جاساۋ، وزگەرتىپ جاساۋ، ساۋدالاۋ، اتىن جامىلۋ، الداپ الۋ، جانە جالعاننان پايدالانۋ سونداي-اق تۇرعىنداردىڭ نوپوسى، ازاماتتىق كۋالىگى، پاسپورتى، شوفەرلىك كۋالىگى سياقتى مەملەكەت ورگانىنىڭ قاتىستى كۋالىكتەرىن ساۋدالاۋ، پايدالانۋ، جالعاننان جاساۋ ارەكەتى بارلار؛ مەملەكەتتىڭ سەنىمدى ينفروماتسياسىنان ورتاق يگىلىكتەنۋ ايىرباستاۋ تەكشەسى جىبەرگەن سەنىمدىلىگى ناشار ادامدار، زاڭ جانە ساياساتتا بەلگىلەنگەن ازاماتتىق كۋالىگىن بىتىرۋگە بولمايدى دەپ بەلگىلەنگەن باسقا دا ادامدار باسقا جەردە ازاماتتىق كۋالىگىن بىتىرە المايدى».


بەرىپ كەت ورامالىڭدى

دوستار

الىستاعى اق ەركە