جاڭا حابارلار

جاسىل دامۋعا تاباندى بولىپ، كوركەم شينجياڭ قۇرايىق

    كەلۋ قاينارى: شينجياڭ حالىق راديو ىستانسياسى    2018-07-15 09:56:00  

ستانسيامىزدىڭ جيناق حابارى: باس شۋجي شي جينپيڭ: جاڭا دامۋ تانىمىنا تاباندى بولىپ جانە ونى دايەكتىلەندىرىپ، ەكونوميكانى دامىتۋ مەن ەكولوگيالىق ورتانى قورعاۋدىڭ قارىم-قاتىناسىن دۇرىس ءبىر جايلى ەتىپ، تاماشا ەكولوگيالىق ورتانى حالىق تۇرمىسىنداعى ارتۋ تۇيىنىنە، ەكونوميكا مەن قوعامنىڭ باياندى، اقاۋسىز دامۋىنىڭ تىرەگىنە اينالدىرۋ كەرەك، ــ دەپ اتاپ كورسەتتى. كەزەكتە، رايونىمىز ەكولوگيالىق وركەنيەت قۇرىلىسى مەن ورتانى قورعاۋ قىزمەتىن كورنەكتى ورىنعا قويىپ، جاسىل دامۋ تانىمىن امالياتتا ايگىلەپ، ەكونوميكا مەن قوعامنىڭ ءتىپتى دە ساپالى، ءتىپتى دە ءونىمدى، ءتىپتى دە باياندى دامۋىن ىلگەرىلەتۋدە.
شينجياڭ بوعدا ەنەرگيا شەكتى جاۋاپكەرلىك سەرىكتەستىگىنىڭ شىعىس جوڭعار كومىر الابى شاحتا رايونىنداعى وڭتۇستىك ءوڭىر اشىق كومىر كەنىنىڭ كومىرى تۇتاستاي جابىق كۇيدە كومىر جەتكىزۋ جولىمەن پويەزعا جانە اۆتوموبيلدەرگە تيەلەدى، مۇندا كومىر كەڭىستىكتەگى جول ارقىلى جەتكىزىلەدى، ول جەرگە تۇسپەيدى، شاڭ-توزاڭ دا شىقپايدى. سەرىكتەستىكتىڭ ورىنباسار باس مەڭگەرۋشىسى ديڭ زايشيڭ بىلاي دەدى : ءبىزدىڭ بۇل اراداعى كومىر قازىلعان سوڭ تىكەلەي ۇساقتاۋ جۇيەسىنە جەتكىزىلىپ ۇساقتالعاننان كەيىن، كومىر تاسۋ جولىنداعى 3 ۇڭگىردەن توتەلەي پويەز ۆاگونىنا جەتكىزىلەدى، ونى تيەگەن سوڭ،تۇتاسىمەن تۇيىق كۇيدە جاپقىشپەن قىمتاپ جابىلادى، تۇتاس بارىستا وسىزاماندانعان جۇمىس ءتاسىلى قولدانىلادى. كەن رايونىمىز ورتانى كورىكتەندىرۋ، جارىقتاندىرۋ، جولدى سەمەنتتەۋ، ورتانى جاسىلداندىرۋ جۇمىسىن جاقسى ىستەگەندىكتەن، جاسىل كەن تاۋى دەپ اتالدى.
شىعىس جوڭعار ەكونوميكا-تەحنيكا اشۋ رايونى سوڭعى جىلدارى 5 ميلليارد يۋان قارجى قوسىپ، قورشاعان ورتانىڭ نەگىزدىك قۇرىلعىلارىن تولىقتاپ، باقشا رايونىنىڭ ورتانى لاستاۋىن وڭاۋ دەڭگەيىن جوعارىلاتىپ، جاسىل، تومەن كومىرتەكتى، اينالمالى دامۋ كاسىبى قۇرىلىسىن جەبەدى. باقشا رايونىنداعى كاسىپورىندار ءبىر-بىرىمەن ۇشتاستى، كومىر شاحتادان شىققان سوڭ، كومىر تاسۋ جولى ارقىلى ەلەكتر ستانسياسىنىڭ كومىر جاعۋىنا تىكە جەتكىزىلەتىن بولدى ؛ ودان شىققان كومىر كۇلىن باقشا رايونىنداعى قۇرىلىس ماتەريالدارى زاۆودىنا جەتكىزىپ، ودان ورتانى قورعاۋ ماتەريالدارى مانەرلەنەدى؛ پايدا بولعان بۋدان ۆينيل وندىرۋگە بولادى، وسىلايشا «كاسىپ تىزبەگىن كەڭەيتۋ-ۇزارتۋ ارقىلى جوعارى-تومەنگى كاسىپ تىزبەگى ءبىرتۇلعالاندىرىلعان، ءوندىرىس تىزبەگى جالعانعان ءوندىرىس ۇلگىسى قالىپتاسىپ، ءار جىلى 2 ميلليون 500 مىڭ توننا قاتتى كۇيدەگى جاراقسىز زات بايلىعى كادەگە جارايتىن بولدى. شىعىس جوڭعار ەكونوميكا-تەحنيكا اشۋ رايونىن باسقارۋ كوميتەتىنىڭ مەڭگەرۋشىسى شياۋ رىنجۇن: «ءبىز جاسىل اينالمالى كاسىپ باقشا رايونىن قۇرىپ، بۇل جەردەگى بايلىق پەن ودان شىققان جاراقسىز زاتتاردى مانەرلەپ كادەگە جاراتىپ، اينالمالى شارۋاشىلىقتى شىنايى جۇزەگە اسىردىق»،-دەدى.
شىعىس جوڭعار ەكونوميكا-تەحنيكا اشۋ رايونى سياقتى بۇكىل رايونىمىزدا 92 باقشا رايونى مەن 570 ءتۇيىندى كاسىپورىن ەنەرگيا ۇنەمدەۋدى، سۋ ۇنەمدەۋدى، ماتەريال ۇنەمدەۋدى نەگىز ەتكەن بايلىق ۇنەمدەۋ قيمىلىن ورىستەتىپ، ەنەرگيا سارىپ ەتۋى از، ورتانى لاستاۋ مولشەرى تومەن، جاراقسىز گاز شىعارۋ مولشەرى تومەن بولۋ ۇلگىسىن قالىپتاسىردى.
شينجياڭنىڭ جاسىل دامۋىندا، جاڭالىق اشۋ نەگىزگى باستاماعا اينالىپ، كاسىپورىنعا سارقىلماس قوزعاۋشى كۇش قوستى. بىلتىر 12-ايدا، نەبارى 108 قىزمەتكەرى بار شينجياڭ فۋكى مۇناي ونىمدەرى شەكتى جارنا جاۋاپكەرلىك سەرىكتەستىگى مەملەكەتتىڭ پاتەنت سيلىعىنا يە بولىپ، جۇڭگونىڭ پاتەنت سيلىعىن شينجياڭ كاسىپورىندارىنىڭ الا الماۋ تاريحىن اياقتاتتى. سەرىكتەستىك سيلىققا يە بولعان « جۇمسارتقىش مايدان سابىن شىعارۋ ءادىسىن پايدالانۋ جابدىعى » ەنەرگيا قۇراۋىن %80 تومەندەتىپ، زياندى گاز شىعارۋ مولشەرىن %10 ازايتتى. شينتى ەنەرگيا شەكتى جارنا جاۋاپكەرلىك سەرىكتەستىگى ساتىلىم كىرىسىنىڭ %6 ىن جاڭا تەحنيكا زەرتتەپ اشۋعا جۇمسادى، مۇندا ولار جاسىل جاساۋ جۇيەسىنىڭ نىسانىن اتقارۋ مەن جاسىل زاۆود قۇرىلىسىن شوعىرلى كۇشەيتتى. بۇگىنگى تاڭدا سەرىكتەستىكتىڭ كوپ كريستالدى كرەمني ءوندىرىس قۋاتى بۇكىل ەلىمىز بويىنشا 2-ورىندا تۇرادى. بيىل 1-ايدا، شينجياڭ جۇمساق بولشەك باقشا رايونىنداعى زەردەلى باقشا رايونىنىڭ امبەباپ باسقارۋ تەكشەسى مەن قول تەلەفوننىڭ «APP» جۇيەسى اينالىمعا ءتۇسىپ، قوجالىق ىستەرگە قىزمەت وتەۋ، زەردەلى اۆتوكولىك توقتاتۋ ورنى، تاربيەلەۋ ورنىنا تەكشە ارقىلى كۇنى بۇرىن كەلىسۋ، توراپتا اقى تاپسىرۋ سياقتى جۇمىستارى اتقارىلىپ، ينفورماتسيا تەحنيكاسى اينالمالى شارۋاشىلىق پەن ەنەرگيا ۇنەمدەپ لاس زاتتاردى ازايتۋعا تەحنيكا جاعىنان پارمەندى تىرەك بولدى، مۇندا ءبىر قول تەلەفوننىڭ «APP» يقۋاتى ارقىلى باقشا رايونىنا كىرگەن 129 كاسىپورىن كەڭسە جۇمىسى مەن تۇرمىستى زەردەلەندىرۋدى جۇزەگە اسىرا الاتىن بولدى. شينجياڭ جۇمساق بولشەك باقشا رايونى ينفورماتسيا تەحنيكا ءبولىمىنىڭ ورنباسار باستىعى فەي لەي : قازىر توراپتا تىكە جۇمىس اتقارامىز، تەك «APP» يقۋاتىمەن سۋرەتكە تارتىپ، ونان سوڭ ينفورماسياسىن جولداساق، قوجالىق سەرىكتەستىگى بارلىق ينفورماتسيانى كورە الادى، قاريدارلار دا توراپتان ينفورماتسيا مەن راسميات ءبىتىرۋ بارىسىن انىق كورىپ باعا بەرۋىنە بولادى، بۇل كاسىپورىنداردىڭ جوعارى ءونىمدى قىزمەت وتەۋىنە تاماشا جول اشتى،-دەدى.
سونىمەن بىرگە، رايونىمىز جاسىل فينانسپەن قولداۋ تەبىنىن كۇشەيتىپ، ەكونوميكالىق قۇرىلىم مەن ەنەرگيا قۇرىلىمىنىڭ تيۆىنە بۇرىلىس جاساپ دارەجەسىن كوتەرۋگە باستاماشى بولىپ، ەكونوميكانى دامىتۋدىڭ تىڭ يقۋاتىن جەتىلدىردى. بىلتىر 6-ايدا، قۇمىل قالاسى ەلىمىز بويىنشا تۇڭعىش توپتاعى جاسىل فينانس رەفورماسىنداعى جاڭالىق اشۋدىڭ ۇلگى رايونى بولىپ بەلگىلەندى. ءبىر جىلدان بەرى، قۇمىل قالالىق ساۋدا بانكەسى ورتانى قورعاۋدا ءبىر داۋىسپەن تەرىستەۋ ءتۇزىمىن سەنىمدى قارىز بەرۋدىڭ وزەكتى مازمۇنى ەتىپ، تازا ەنەرگيا، ەنەرگيا ۇنەمدەپ لاس زاتتاردى ازايتۋ، بىلعانىشتىڭ الدىن الۋ سياقتى 9 سالانىڭ دامۋىنا دەم بەرىپ، جاسىل كاسىپورىنداردىڭ جارناسىن بازارعا سالۋعا جول اشتى. قۇمىل قالالىق ساۋدا بانكەسى پارتكومىنىڭ ورىنباسار شۋجيى، بانكە باستىعى سۇڭ لياڭچيڭ : جاسىل دامۋ تانىمىن امالياتتا ايگىلەپ، جاسىل كاسىپتى جانە جاسىل فينانىستى دامىتۋ قىزمەتىن ورنىقتى ىلگەرىلەتىپ، «جاسىل نىسان» مەن «جاسىل ارنا» اشىپ، جاسىل نىساندارعا ءونىمدى قولداۋ كورسەتىپ، كاسىپورىننىڭ وزىندىك قۇنىن تومەندەتىپ، قۇمىل سىناق رايونىنىڭ جاسىل فينانىس ارقىلى قارىشتاپ دامۋىنا ۇلەس قوسامىز،-دەدى.


بەرىپ كەت ورامالىڭدى

دوستار

الىستاعى اق ەركە