جاڭا حابارلار

رايونىمىزداعى 5 ايماق، وبلىس، قالا بىرلەسىپ، «مايتاۋ-كۇشار تاسجولى» جەكە كولىكپەن ساياحاتتاۋ ماركاسىن بىرگە شىعاردى

    كەلۋ قاينارى: شينجياڭ حالىق راديو ىستانسياسى    2018-07-15 09:02:06  

ستانسيامىزدىڭ ءتىلشىسى جين لەي مەن پراكتيكانت لو يۋانميڭنىڭ حابارى: جەكە كولىكپەن ساياحاتتاۋداعى ەڭ تاماشا ساياحات لەنياسىن قالىپتاستىرۋ ءۇشىن، مايتاۋ-كۇشار تاسجولىنىڭ بويىنداعى 5 ايماق، وبىلىس، قالا بىرلەسىپ، قىزمەت وتەۋ مەن باسقارۋدى كۇشەيتىپ، بىرلەسىپ تيجارات جۇرگىزۋ قيمىلىن ورىستەتىپ، «مايتاۋ-كۇشار تاسجولى» جەكە كولىكپەن ساياحاتتاۋ ماركاسىن جولعا قويدى.
7-اي ساياحاتتىڭ ەڭ قىزاتىن مەزگىلى، مايتاۋ-كۇشار تاس جولىندا، جەكە كولىكتەر تاۋ اڭعارىندا قايشىالىسىپ جاتتى، تۋىس-تۋعان، دوس-جاراندارىن ەرتكەن ساياحاتشىلار جول بويى كوركەم كورىنىستى تاماشالادى. ساياحاتشى ۋىن حانىم بىلاي دەدى: «ءبىز مايتاۋدان اتتانىپ، تيانشان تاۋىن كەسىپ وتكەندە، تاۋ بەتكەيلەرىندەگى نۋ ورماندى، قار جامىلىپ-مۇز قۇرسانعان تاۋلاردى، مىڭعىرعان مالدى كوردىك، تاماشا كورىنىس كىسىنى وزگەشە سەزىمگە بولەيدى ەكەن، مايتاۋ-كۇشار تاس جولى جەكە كولىگىمەن ساياحاتتاۋعا ەرەكشە ۇلەسەتىن جول ەكەن، كوڭىل-كۇيىم جادىراپ، ءبىر سەرگىپ قالدىم».
جالپى ۇزىندىعى 561 كيلومەتر كەلەتىن مايتاۋ-كۇشار تاس جولى تيانشان تاۋىن كەسىپ ءوتىپ، نارات، بايىنبۇلاق، كۇشارداعى تيانشان سىرلى شاتقالى سياقتى ايگىلى كورىنىس رايوندارىن تۇتاستىرادى، جول بويى تاماشا تابيعاتىمەن، مىڭ قۇبىلعان كورىنىسىمەن، ءار جىلى ءبىر ميلليوننان ارتىق ساياحاتشىنى وسى جەرگە ساياحاتتاۋعا باۋرايدى. مايتاۋ-كۇشار تاسجولىندا جەكە كولىگىمەن ساياحاتتاۋدى اناعۇرلىم ىلگەرىلەتىپ، جول بويىنداعى ساياحات كاسىبىىنىڭ دامۋىن جەبەۋ ءۇشىن، تاياۋدا، جول بويىنداعى قارامايلى، قالاسى، تارباعاتاي ايماعى، ىلە قازاق اۆتونوميالى وبىلىسى، بايىنعولىن موڭعۇل اۆتونوميالى وبىلىسى، اقسۋ ايماعى سياقتى 5 ايماق، وبىلىس، قالا بىرلەسىپ مايتاۋ-كۇشار تاسجولى ساياحاتى جاعىنداعى تيجارات وداعىن قۇرىپ، جەكە كولىكپەن ساياحاتتاۋدىڭ ەڭ تاماشا لەنياسىن بىرگە قۇردى. بايىنعولىن موڭعۇل اۆتونوميالى وبىلىستىق پارتكومنىڭ تۇراقتى مۇشەسى، ورىنباسار وبىلىس باستىعى جاڭ شۋشين بىلاي دەدى: «ءبىرتۇتاس ويلاستىرىپ، ءبىرتۇتاس جوبالاپ، ءبىرتۇتاس قۇرىلىس جۇرگىزىپ، ءبىرتۇتاس باسقارىپ، بىرلەسكەن تيجارات وداعىن قالىپتاستىرىپ، تۇتاس تيجارات ءادىسى جاعىندا وي جەلىسىن بىرلىككە كەلتىرىپ، كوپشىلىك بىرگە ارەكەتكە كەلىپ، ۇقساس ريتىم بويىنشا، مايتاۋ-كۇشار تاسجولىن ەڭ كوركەم كورىنىس لەنياسىنا اينالدىرامىز».
قازىر، 5 ايماق، وبىلىس، قالا تۇگەلدەي بەلسەنە جوبا جاساپ، مايتاۋ-كۇشار تاسجولى بويىنا ساياحاتشىلارعا قىزمەت وتەۋ ورتالىعى، ۇيشە كولىكپەن دامىلداۋ ورنى جانە دارەتحانا، قوقىس ساندىسى سياقتى ساياحات قۇرىلعىلارىن سالىپ، قىزمەت وتەۋ ساپاسىن جوعارىلاتۋدى جوسپارلادى. قارامايلى قالاسىنىڭ مايتاۋ رايونى مايتاۋ-كۇشار تاس جولىنىڭ باستالاتىن جەرى، قارامايلى قالالىق ساياحات مەكەمەسىنىڭ باستىعى ۋاڭ حۋا بىلاي دەدى: «قارامايلى قالاسىنىڭ مايتاۋ رايونى ۇيشە كولىكپەن دامىلداۋ ورنىن سالۋدى جوسپارلاپ وتىر، بۇل مايتاۋ-كۇشار تاس جولىنىڭ باستالاتىن جەرىنە سالىنادى، مۇندا مايتاۋ-كۇشار تاسجولىنىڭ بويىنداعى كەيبىر ساياحات قۇرىلعىلارىنىڭ ءالى كەمەلدەنە قويماعانىن ەسكەرىپ وتىرمىز، سوڭعى جىلدارى باي مازمۇندى، كەمەلدەنگەن ساياحات ونىمدەرىن شىعارىپ، ۇيشە كولىكتەردى، جەكە كولىكتەردى توقتاتۋ ورنىن سالۋ ارقىلى ۇيشە كولىكپەن، جەكە كولىكپەن ساياحاتتاۋعا اۋەس اناعۇرلىم كوپ ادامنىڭ مايتاۋ-كۇشار تاس جولىمەن ءجۇرىپ، جول بويىنداعى سۇلۋ تابيعاتتى تاماشالاۋىنا مۇمكىندىك جاسايمىز».
اقسۋ ايماقتىق ساياحات مەكەمەسىنىڭ باستىعى داي شىڭجۇن، جەرگىلىكتى ورىننىڭ كۇشار كۇسان مادەنيەتى، تەمىر شىڭى كورىنىس رايونى سياقتىلاردى مايتاۋ-كۇشار تاس جولى ساياحات ونىمدەرى رەتىندە ۇگىتتەپ جالپىلاستىراتىنىن ايتا كەلىپ بىلاي دەدى: «ايماقتىق ساياحات مەكەمەسى مايتاۋ-كۇشار تاسجولى ساياحاتى سىندى ماڭىزدى لەنيانى اشۋعا ۇشتاستىرا وتىرىپ، قاربالاس تەكسەرۋ-زەرتتەۋ جۇرگىزىپ، جەكە كولىگىمەن، ۇيشە كولىكپەن ساياحاتتاۋ جاعىندا ءتيىمدى ساياسات بەلگىلەدى. ءبىز دە لەنيا بويىنداعى ساياحات تۇرلەرىن جوبالاۋ، ۇيشە كولىك توقتاتۋ قۇرىلعىسى جاعىندا بىرلەسىپ ۇگىت جۇرگىزەمىز جانە جالپىلاستىرامىز، جولاۋشىلاردى سەلبەسىپ جەتكىزۋ سياقتى جاقتاردا بىرلەسىپ ارەكەتكە كەلىپ جانە سايكەسىپ، ءبىر جاعادان باس، ءبىر جەڭنەن قول شىعارىپ، شينجياڭ ساياحاتىن دامىتۋدىڭ تىڭ داستانىن ورتاق جازامىز».


بەرىپ كەت ورامالىڭدى

دوستار

الىستاعى اق ەركە