جاڭا حابارلار

انحۇي ولكەلىك پارتكوم مەن ۇكىمەتتىڭ ۋاكىلدەر ۇيىرمەسى شينجياڭعا كەلىپ، شينجياڭعا باعىتتامالى كومەكتەسۋ قىزمەتىن تەكسەرىپ سايكەستىردى

    كەلۋ قاينارى: شينجياڭ حالىق راديو ىستانسياسى    2018-07-14 22:04:34  

ستانسيامىزدىڭ حابارى: 7-ايدىڭ 10-كۇنىنەن 12-كۇنىنە دەيىن، انحۇي ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى لي جينبين انحۇي ولكەلىك پارتكوم مەن ۇكىمەتتىڭ ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتتەرىن تەكسەردى جانە سايكەستىردى. اۆتونوميالى رايوندىق پارتكومنىڭ شۋجيى، شينجياڭ ءوندىرىس قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ ساياسي كوميسسارى سۇن جينلۇڭ، اۆتونوميالى رايوندىق پارتكومنىڭ ورىنباسار شۋجيى لي پىڭشين قاتىستى قيمىلدارعا قاتىناستى.
انحۇي ولكەسى مەن شينجياڭ ۇيعۇر اۆتونوميالى رايونىنىڭ باعىتتامالى كومەكتەسۋ قىزمەتى جونىندەگى اڭگىمە ءماجىلىسى 7-ايدىڭ 10-كۇنى تۇستەن كەيىن ۇرىمجىدە اشىلدى. چىن چۋانگو اۆتونوميالى رايوندىق پارتكوم مەن حالىق ۇكىمەتى جانە شينجياڭداعى ءار ۇلت حالقى اتىنان انحۇي ولكەلىك پارتكوم مەن ۇكىمەتتىڭ ۋاكىلدەر ۇيىرمەسىن قىزۋ قارسى الاتىنىن ءبىلدىرىپ، انحۇي ولكەسىنىڭ ۇزاق ۋاقىتتان بەرى شينجياڭ قىزمەتىن زور كۇشپەن قولداپ كەلگەنىنە جانە قالتىقسىز كومەك كورسەتكەنىنە شىن جۇرەكتەن العىس ايتتى. چىن چۋانگو بىلاي دەدى: سوڭعى جىلداردان بەرى، انحۇي ولكەسى باس شۋجي شي جينپيڭنىڭ انحۇيدى تەكسەرگەن كەزدە سويلەگەن ماڭىزدى ءسوزىنىڭ رۋحىن باتىل دايەكتىلەندىرىپ، ەكونوميكادا،مادەنيەتتە، ەكولوگيادا، عىلىم-تەحنيكادا جانە دارىندى جاعىندا كۇشتى ولكە قۇرۋدا كورنەكتى ناتيجەلەرگە قول جەتكىزدى، ءبىز بۇعان ايرىقشا قۋانىشتامىز.
چىن چۋانگو بىلاي دەپ اتاپ كورسەتتى: انحۇي ولكەلىك پارتكوم مەن ۇكىمەت شينجياڭعا باعىتتامالى كومەكتەسۋ قىزمەتىنە باستان-اياق وسكەلەڭ ءمان بەردى، شىنايى يگەرىپ ناقتى ىستەۋگە تاباندى بولىپ، شىن ىقىلاسىمەن، انحۇي ەرەكشەلىگىنە يە، كومەككە يە بولاتىن جەردىڭ ءىس جۇزىندىك جاعدايىنا ۇيلەسەتىن باعىتتامالى كومەكتەسۋ جولىن اشىپ، حوتان ايماعىنىڭ ءتۇرلى ىستەرىنىڭ دامۋىنا پارمەندى كۇش قوسىپ، مىعىم تىرەك بولدى. شينجياڭداعى ءار ۇلت حالقى مۇنى ماڭگى ۇمىتپايدى. چىن چۋانگو بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭدى جونگە سالۋ جالپى جوباسىن باتىل دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-قۇرىلتايىنىڭ جانە پارتيا 19-كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ورنىقتىلىق پەن دامۋ جاعىنداعى قىزمەتتەردى تىڭعىلىقتى ىلگەرىلەتىپ، شينجياڭدا جالپى جاعداي ورنىقتى، جاعداي مەڭگەرۋگە بولاتىن، بەتالىس جاقسى جاققا بەتالعان اۋقىم قالىپتاسىپ، ءتۇرلى ىستەردە تىڭ ىلگەرىلەۋشىلىك بولدى. ءبىز» ءتورت تانىمدى «اناعۇرلىم كۇشەيتىپ، باس شۋجي شي جينپيڭنىڭ ۇيتقى ورنىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن شوعىرلى ءبىرتۇتاس باسشىلىعىن باتىل قورعاپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ويداعىداي دايەكتىلەندىرىپ، نازاردى باس نىساناعا شوعىرلاندىرىپ، كەشەندى شارالاردى جاقسى اتقارىپ، شينجياڭعا باعىتتامالى كومەكتەسۋ ابزالدىلىعىن تولىق ساۋلەلەندىرىپ، انحۇي ولكەسىنىڭ وزىق تاجىربەلەرىنەن ۇيرەنىپ جانە ونى اينا ەتىپ، شينجياڭنىڭ قوعام ورنىقتىلىعى مەن باياندى تىنىشتىعىن كۇش سالا ىلگەرىلەتىپ، 3 ۇلكەن قامال الۋ شايقاسىن جاقسى جۇرگىزىپ، ەكونوميكانىڭ جوعارى ساپالى دامۋىن جەبەپ، حالىق تۇرمىسىن بار كۇشپەن قامتاماسىز ەتىپ، ۇلتتار ىنتىماعىن بەكەمدەپ جانە دامىتىپ، ءدىننىڭ بەرەكەلى، جاراسىمدىلىعىن جەبەپ، يدەيالوگيا سالاسىنىڭ حاۋىپسىزدىگىن قورعاپ، بيڭتۋاننىڭ رەفورما-دامۋ-ورنىقتىلىق ىستەرىن قولداپ، پارتيانى جاپپاي قاتاڭ جونگە سالۋ قىزمەتىن ىلگەرىلەتىپ، جۇڭحۋا ۇلتىنىڭ ۇلى كوركەيۋى سىندى جۇڭگو ارمانىنىڭ شينجياڭ داستانىن جازىپ، ناقتىلى ارەكەتىمىز ارقىلى شي جينپيڭ جولداستى ۇيتقى ەتكەن پارتيا ورتالىق كوميتەتىن الاڭسىز ەتىپ، بۇكىل رايونىمىزداعى ءار ۇلت حالقىنا باقىت جاراتىپ، انحۇي حالقىنىڭ قالىتقىسىز كومەگىنە جاۋاپ قايتارامىز.
لي جينبين ولكەلىك پارتكوم مەن ۇكىمەت اتىنان شينجياڭ ۇيعۇر اۆتونوميالى رايوندىق پارتكوم مەن ۇكىمەتتىڭ ۇزاق ۋاقىتتان بەرى انحۇي ولكەسىن قولداپ جانە كومەكتەسىپ كەلگەنىنە العىس ايتتى. ول بىلاي دەدى: پارتيا 18-قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە وسكەلەڭ ءمان بەردى، باس شۋجي شي جينپيڭ ءبىر قىدىرۋ ماڭىزدى سوزدەر سويلەپ، پارتيانىڭ جاڭا جاعدايداعى شينجياڭدى جونگە سالۋ جالپى جوباسىن قالىپتاستىردى. وسى رەت شينجياڭعا كەلىپ ۇيرەنۋ، تەكسەرۋ قىزمەتىن ورىستەتۋدەگى ماقساتىمىز ــ پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرلەي ۇيرەنۋ، دايەكتىلەندىرۋ، باس شۋجي شي جينپيڭنىڭ شينجياڭ قىزمەتى جونىندەگى ءبىر قىدىرۋ ماڭىزدى ءسوزىنىڭ رۋحىن ىشكەرلەي ۇيرەنۋ، دايەكتىلەندىرۋ، جاڭا داۋىردەگى شينجياڭعا باعىتتامالى كومەكتەسۋ قىزمەتىن تىڭعىلىقتى، ايتارلىقتاي ىستەپ، پارتيا ورتالىق كوميتەتىنىڭ انحۇيعا جۇكتەگەن ساياسي مىندەتىن تابىسپەن ورىنداۋ. سوڭعى جىلداردان بەرى، اۆتونوميالى رايوندىق پارتكوم مەن ۇكىمەت شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرعاندىقتان، قوعامدىق جالپى جاعداي جاراسىمدى دا ورنىقتى بولدى، بۇقارانىڭ باقىت كورسەتكىشى ۇزدىكسىز جوعارىلادى، ۇلت، ءدىن ىستەرى بەرەكەلى بولىپ، ەكونوميكاسى ورنىقتى، اقاۋسىز دامىدى. اۆتونوميالى رايوننىڭ ەكونوميكاسى مەن قوعامىن دامىتۋدا قول جەتكىزگەن كورنەكتى ناتيجەلەرىنە شىنايى سۇيىندىك؛ اۆتونوميالى رايوننىڭ ورنىقتىلىقتى قورعاۋ جانە باياندى تىنىشتىقتى جۇزەگە اسىرۋ جاعىنداعى قۇندى تاجىريبەلەرى مەن ۇتىمدى ادىستەرىن مۇقيات ۇيرەنىپ ۇلگى الامىز.
لي جينبين بىلاي دەپ اتاپ كورسەتتى: انحۇي مەن شينجياڭنىڭ سەلبەستىك جاساۋ قاينارى تەرەڭ، نەگىزى بەرىك، سەلبەستىكتى ۇزدىكسىز تەرەڭدەتۋ كومەسكى كۇشى زور، سەلبەستىك جاساۋ بولاشاعى كەڭ. ەكى جەردىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، «ءتورت تانىمدى» بەرىك ورناتىپ، «ەكىنى باتىل قورعاۋدان» جازباي، «ءتورت سەنىمدى» بەكەمدەۋىن، ءارى شينجياڭعا باعىتتامالى كومەكتەسۋ مەملەكەت ستراتەگياسىن تەكشە ەتىپ، «4+1» سەلبەستىك جۇلگەسىن قالىپتاستىرۋعا كۇش سالۋىن ءۇمىت ەتەمىن. مۇنداعى «1» ـــ نازاردى شينجياڭعا باعىتتامالى كومەكتەسۋ سىندى وسى ءتۇيىندى مىندەتكە شوعىرلاندىرىپ، شينجياڭنىڭ رەفورما جاساۋ، دامۋ، ورنىقتىلىعىنا قاتىستى ءتۇبىرلى، نەگىزدىك، ۇزاق بولاشاقتىق ماسەلەگە دالمە-ءدال كۇش شىعارىپ، باعىتتامالى كومەكتەسۋدىڭ كولەمىن كەڭەيتۋ، تەرەڭدەتۋ، تەبىنىن كۇشەيتۋ جاعىنا كۇش سالىپ، جوبانى كەمەلدەندىرۋ، كەدەيلىكتەن دالمە-ءدال قۇتىلدىرۋ، كاسىپتى دامىتۋ، ۇلتتار ىنتىماعى سياقتى قىزمەتتەردە شىندىققا جۇگىنىپ ناقتىلى ىستەر ىستەۋ بولىپ وتىر. ال مۇنداعى «4» ـــ ءارقايسىسى ءوز ابزالدىلىعىن تياناق ەتىپ، سىرتقا ەسىك اشۋ، ەلەكتر ەنەرگيا، كاسىپتى دامىتۋ، ورنىقتىلىقتى قورعاۋ سياقتى ءتورت جاقتا سەلبەستىكتى تەرەڭدەتىپ، ەكى جەردىڭ حالقىنا باقىت جاراتىپ، «ۇلتتار ىنتىماعىنىڭ بەرەكەلى شاڭىراعىنىڭ» تاماشا جاعدايىن اناعۇرلىم بەكەمدەۋ بولىپ تابىلادى.
اڭگىمە ماجىلىسىندە، شوكىرات زاكىر اۆتونوميالى رايوننىڭ ورنىقتى دامۋ جانە باعىتتامالى كومەكتەسۋ قىزمەت جاعدايىن تانسىتىردى، انحۇي ولكەلىك پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار ولكە باستىعى دىڭ شياڭياڭ انحۇي ولكەسى ەكونوميكاسىنىڭ، قوعامىنىڭ دامۋ جاعدايىن جانە باعىتتامالى كومەكتەسۋگە قاتىستى ورنالاستىرۋلاردى تانىستىردى.
شينجياڭداعى كەزىندە، انحۇي ولكەلىك پارتكوم مەن ۇكىمەتتىڭ ۋاكىلدەر ۇيىرمەسى اۆتونوميالى رايوندىق مۇراجايدى ەكسكۋرسيالاپ، حوتان ايماعىنىڭ گۇما اۋدانىنا بارىپ ونەركاسىپ باقشاسىن، شيپاحانالاردى، مەكتەپتەردى، كەدەيلەردى وزگە جەرگە كوشىرىپ سۇيەمەلدەۋدەگى كوشىپ باراتىن جاڭا قىستاقتارعا بارىپ، شينجياڭعا كومەكتەسۋ نىساندارىنىڭ اتقارىلۋ اياق الىسىن ۇستىندە ۇعىسىپ، كەدەي بۇقارانى ارالاپ حال سۇراپ، باعىتتامالى كومەكتەسىپ كەدەيلەردى سۇيەمەلدەۋ قىزمەتى اڭگىمە ءماجىلىسىن اشىپ، بيڭتۋان 14-شىسى گۇما ەگىس الاڭىنا تارتۋ ۇسىنۋ سالتىن وتكىزدى، ءارى شينجياڭعا كومەكتەسەتىن كادرلارعا امانداسا باردى.
انحۇي ولكەسىنىڭ، اۆتونوميالى رايوننىڭ جانە بيڭتۋاننىڭ باسشىلارىنان تاۋ ميڭلۇن، ما شۋەجۇن، سارقىت اقان ۇلى، جاڭ چۇنلين، جاۋ چيڭ، ليۋ جيانشين، كۇڭ شيلۇڭ، لي جيدۇڭدار جوعارداعى قيمىلدارعا قاتىناستى.


بەرىپ كەت ورامالىڭدى

دوستار

الىستاعى اق ەركە