جاڭا حابارلار

ءوز كولىگىمەن ساياحاتتاۋ مەن ەرەكشە ساياحات رايونىمىز ساياحاتىنىڭ جارقىن تۇيىنىنە اينالدى

    كەلۋ قاينارى: شينجياڭ حالىق راديو ىستانسياسى    2018-07-15 09:53:56  

ستانسيامىزدىڭ ءتىلشىسى چىن جۇيلەي مەن پراكتيكانت ءتىلشى جاۋ لينانىڭ حابارى: باس شۋجي شي جينپيڭ، ساياحات ــ امبەباب كاسىپ، ەكونوميكانىڭ دامۋىن جەبەيتىن ماڭىزدى قوزعاۋشى كۇش دەپ اتاپ كورسەتتى. ءدال قازىر ساياحاتتىڭ قاۋىرت مەزگىلى، رايونىمىزدىڭ جەر-جەرى جەرگىلىكتى ابزال ساياحات بايلىعىنا ۇشتاستىرىپ ءوز كولىگىمەن ساياحاتتاۋ، ەرەكشە ساياحات تۇرلەرىن قوسىپ، ءبىر توپ تاماشا ساياحات لەنياسىن اشتى.
گۋاڭدۇڭدىق ساياحاتشى ءتان چاڭچيڭنىڭ شينجياڭعا كەلگەنىنە جارىم ايدان استى، دوسى ەكەۋى ۇشاقتان تۇسىسىمەن اۆتوكولىكتى جالعا الىپ، ۇرىمجىدەن جامبۇلاققا ونان قاناسقا، سوڭىندا مايتاۋ-كۇشار تاس جولمەن وڭتۇستىك شينجياڭعا باردى، ولار جول بويى شينجياڭنىڭ كوركەم تابيعات كورىنسىن تاماشالادى. ءتان چاڭچيڭ: «وسىندا كەلگەننەن كەيىن ءبىر اۆتوكولىكتى جالعا الىپ، ساياحات جوسپارىمىز بويىنشا قاي جەردىڭ كورىنسى كوركەم بولسا سول اراعا دامىلداپ، سۋرەت تارتىپ، ساياحاتتادىق، مۇندا ەركىن ساياحاتتاۋعا، نەداۋىر كوپ جەرگە بارۋعا بولادى،-دەدى.
قازىر، رايونىمىز جەر-جەردىڭ تاماشا ساياحات كورىنىس رايونىنا، كوركەم تابيعات كورىنىسىنە، ماڭىزدى قاتىناس تۇيىنە سۇيەنىپ، جوعارى قارقىندى تاس جولدى، مەملەكەتتىك، ولكەلىك تاس جول نەگىزگى لەنياسىن، وڭتۇستىك-سولتۇستىك شينجياڭدى اينالىپ ساياحاتتاۋ لەنياسىن، تيانشاندى بويلاعان ساياحات كورىنس جەلىسىن نەگىز ەتىپ، جەكە كولىكپەن ساياحاتتاۋ تورابى جۇيەسىنىڭ كەمەلدەنۋىن جەدەلدەتۋدە. جەكە كولىكپەن ساياحاتتاۋعا جانە ءۇي اۆتوموبيلى ساياحاتىنا اناعۇرلىم ويداعىداي قىزمەت ەتۋ ءۇشىن، اۆتونوميالى رايوندىق ساياحات ىستەرىن دامىتۋ كوميتەتى جەكە كولىكپەن ساياحاتتايتىن 10 تاماشا ساياحات لەنياسىن اشتى، مۇندا بويلۇق، جامبۇلاق، كاسي بايىرعى جولى سياقتى ءداستۇرلى جەكە كولىكپەن ساياحاتتاۋ كورىنىس رايونىنان سىرت، ادىرلى گۇلباق، قۇمىل كەرىشتى جولى سياقتى جاڭادان كوركەيگەن جەكە كولىكپەن ساياحاتتاۋ كورىنىس رايونى بار. وسى ساياحات لەنياسىنداعى 200 دەن ارتىق ءۇي اۆتوموبيلى ساياحاتى، جەكە كولىكپەن ساياحاتتاۋ كورنىس رايونى رايونىمىزدىڭ جەر-جەرىنە ورنالاسقان، ولار ساياحاتشىلارعا تاماقتانۋ، قونالقى جەر، ساياحاتتاۋ قۇرىلعىلارىن دايىنداپ بەرىپ وتىر. شياڭگاڭدىق ساياحاتشى فىڭ فاڭحۇي ءبىر ۇيشە اۆتوموبيلدى جالعا الىپ، ءبىر ايعا جۋىق ۋاقىت شىعارىپ، وڭتۇستىك-سولتۇستىك شينجياڭ ءوڭىرىن ساياحاتتاماقشى بولدى. ول: «شينجياڭعا كەلمەگەن كەزىمدە، شينجياڭدى مۇنداي كوركەم دەپ ويلاماعان ەدىم، جول بويى شينجياڭنىڭ سان الۋان كوركەم تابيعات كورىنسىن تاماشالادىم، شولدەن وتتىك، ساحارانى ارالادىق، شىنىندا وتە كەرەمەت ەكەن. شينجياڭنىڭ جەمىس-جيدەگى وتە ءدامدى، حالقى مەيماندوس، وراي بولسا شينجياڭعا تاعى كەلەمىن»،-دەدى.
الدىن الا كەلىسىپ جەكە اۆتوكولىكپەن ساياحاتتاۋ جاندانۋمەن بىرگە، تومەن كەڭىستىكتە ۇشاقپەن ۇشۋدى نەگىز ەتكەن ەرەكشە ساياحات نىسانى دا جەر-جەردە قارىشتاپ دامىدى. قازىر، بۇراتالانىڭ اراسان ءوڭىرى سايرام كولىنە دەيىنگى ءوڭىردى تومەن كەڭىستىكتە تىك ۇشاقپەن ساياحاتتاۋ لەنياسىن اشتى. 7-ايدا جاڭادان اشىلعان كوكتوعايدان قاناسقا دەيىنگى تومەن كەڭىستىك ساياحات لەنياسى دا قاناس پەن كوكتوعاي سىندى 5A دارەجەلى ساياحات كورىنس رايونىن ءوزارا تۇتاستىردى. التاي ايماقتىق ساياحات مەكەمەسىنىڭ ورىنباسار باستىعى ليۋ كىچۋان بىلاي دەدى: «التاي ساياحات كاسىبىنىڭ جوعارى ساپالى دامۋى ىلگەرىلەپ، وڭىرلىك ساياحاتتىڭ توعىسۋى بارىنشا نىعايدى. اۋە جولى، تاسجول، تەمىر جول، كوش جولى ءبىر تۇلعالانعان مىڭ شاقىرىمدىق قاتىناس تاسىمال جۇيەسى قالىپتاستى. بولاشاقتا وسى ساياحات لەنياسىن ايماق كولەمىنە، اۋەلى رايونىمىز كولەمىنە ۇزبەي تۇتاستىرىپ، رايونىمىزدىڭ ساياحات بايلىعىن بۇكىل ەلىمىز حالقىنا بارىنشا ويداعىداي ايگىلەيمىز».


بەرىپ كەت ورامالىڭدى

دوستار

الىستاعى اق ەركە