جاڭا حابارلار

شينجياڭ جۇمساق بولشەك باقشا رايونى پارتيا قۇرىلىسى ارقىلى جۇمساق بولشەك ينفورماتسيا كاسىبىنىڭ ءۇرتىس دامۋىن ىلگەرىلەتتى

    كەلۋ قاينارى: شينجياڭ حالىق راديو ىستانسياسى    2018-07-14 10:18:54  

ستانسيامىز ءتىلشىسى ساي ليننىڭ حابارى: رايونىمىزداعى تۇڭعىش ونەركاسىپ باقشا رايونى پارتكومى بولعان شينجياڭ جۇمساق بولشەك باقشا رايونى پارتكومى «E بىرىككەن زەردەلى تەكشە. پارتيا مۇشەلەرى مەن دارىندىلار قۇلشىنىسى» اتىنداعى پارتيا قۇرىلىسى قىزمەتى ايگىلى ماركاسىن جاراتىپ، جۇمساق بولشەك ينفورماتسيا كاسىبىنىڭ ءۇرتىس دامۋىن ىلگەرىلەتتى.
7-ايدىڭ 4-كۇنى، شينجياڭ جۇمساق بولشەك باقشا رايونى پارتكومى مەملەكەتتىك ونەركاسىپ جانە ينفورماتسيالاندىرۋ مينيستىرلىگىنىڭ ماماندارىن ۇسىنىس ەتىپ، جۇمساق بولشەك باقشا رايونىنىڭ «مەملەكەتتىڭ شاعىن، ۇساق كاسىپورىندارىنىڭ كاسىپ كوزىن اشۋ، جاڭالىق جاراتۋداعى ۇلگى بازاسى» جونىندە باعالاۋ جۇرگىزدى، ءارى ماماندار باقشا رايونى كاسىپورنىنىڭ دامۋ جوباسى، بايلىقتى بىرىكتىرۋ، ايگىلى ماركا قۇرىلىسى جانە بازاردا جالپىلاستىرۋ سياقتى جاقتارىن تەكسەرىپ زەرتتەپ جەتەكشىلىك ىستەدى. تاياۋدا، باقشا رايونىنا كىرگەن شينجياڭ «تيانيۇي جەتى قاراقشى» عىلىم-تەحنيكا شەكتى سەرىكتەستىگى قارجى جاعىندا قيىنشىلىققا تاپ بولعان، ماماندارمەن اقىلداسۋ ارقىلى ءادىس-شارا تابۋ جاعىندا بەلگىلى ناتيجەگە قول جەتكىزگەن ەدى. سەرىكتەستىكتىڭ تاربيەلەۋ قىزمەتىنە جاۋاپتى كادرى ليۋ ۋىنجىڭ: كاسىپورنىمىزدى ۇكىمەت تاراۋلارىمەن قالاي سايكەستىرۋ-ۇشتاستىرۋ جايلى تالقى ورىستەتتىك. ماماندار ۇكىمەتتىڭ قازىنا تاراۋىمەن جانە دامۋ-رەفورما كوميتەتىمەن سەلبەستىكتى كۇشەيتىۋىمىز جايلى، كاسىپورننىڭ قانداي ابزالدىلىعى بار ەكەندىگى جايلى كەڭەس بەرىپ، قارجى جاعىندا ساياسات جاعىنان قالاي قولداۋعا يە بولۋ ماسەلەسى جايلى بىزگە بەلسەنە ۇسىنىس بەرىپ كەڭەس ايتتى،-دەدى.
شينجياڭ جۇمساق بولشەك باقشا رايونى پارتكومى2017-جىلى 12-ايدا قۇرىلعاننان بەرى، ۇكىمەتتىڭ كاسىپورىنعا قىزمەت كورسەتۋ تەكشەسىن قۇرۋعا كۇش سالىپ، ۇكىمەتتىڭ ەكونوميكا، عىلىم-تەحنيكا، كادرلار تاراۋى سياقتى قاتىستى تاراۋلارىنىڭ ساياسات-شارالارى مەن قارجىسىن باقشا رايونىنا ەنگىزۋگە ۇمتىلىس جاسادى. قازىر شينجياڭ جۇمساق بولشەك باقشا رايونىندا پارتيا ياچەيكاسى قۇرىلعان كاسىپورىن 23 كە، كاسىپورىندارداعى پارتيا مۇشەلەرىنىڭ سانى 150 گە جەتتى. قازىرگە دەيىن، باقشا رايونىنداعى كاسىپورىن جۇمىسشى-قىزمەتكەرلەرى اراسىندا پارتياعا ءوتىنىش بەرگەندەر 90 ادامنان استى، باقشا رايونى پارتيا قۇرىلىسى قىزمەتى مەن كاسىپورىننىڭ دامۋىندا ءبىرىن-بىرى ىلگەرىلەتۋ سىندى تاماشا جاعداي قالىپتاستى. شينجياڭ جۇمساق بولشەك باقشا رايونى پارتيا جانە بۇقارالىق قىزمەت ءبولىمىنىڭ ورىنباسار باستىعى شىن شياۋلي بىلاي دەدى: توراپتىڭ دامۋىن پارتيا قۇرىلىسىمەن تىعىز ۇشتاستىردىق. شينجياڭ جۇمساق بولشەك باقشا رايونى پارتكومى باقشا رايونىنداعى كاسىپورىندارعا، پارتيا مۇشەلەرىنە جانە باقشا رايونىنداعى جۇمىسشى-قىزمەتكەرلەرگە قىزمەت ەتۋدى شىعار ءتۇيىن جانە تياناق ەتىپ، ينتەرنەت سالاسىنىڭ پارتيا ۇيىمىن پارتيانىڭ دارىپتەمەلەرىن ۇگىتتەيتىن، پارتيانىڭ قاۋلى-قارارىن دايەكتىلەندىرەتىن، نەگىزگى ساتىنى جونگە سالىپ، بۇقارانى ىنتىماقتاستىراتىن جانە جۇمىلدىراتىن، رەفورما مەن دامۋدى جەبەيتىن بەرىك قامال ەتىپ قۇرىپ شىعىپ، ينتەرنەت كاسىپورىندارىنىڭ تەز ءارى ويداعىداي دامۋىن ىلگەرىلەتىپ، شينجياڭنىڭ ەكونوميكاسىنىڭ دامۋىنا، قوعام ورنىقتىلىعىنا اناعۇرلىم زور ۇلەس قوسادى.


بەرىپ كەت ورامالىڭدى

دوستار

الىستاعى اق ەركە