جاڭا حابارلار

رايونىمىزدىڭ قالا-قالاشىقتارىندا تىڭنان كاسىپتەنگەندەردىڭ سانى ورنىقتى ارتتى

    كەلۋ قاينارى: شينجياڭ حالىق راديو ىستانسياسى    2018-07-14 10:53:04  

ستانسيامىزدىڭ ءتىلشىسى دۇڭ جىيۇڭ مەن پراكتيكانت ءتىلشى لو يۋانميڭنىڭ حابارى: بيىل الدىڭعى جارىم جىلدا، رايونىمىزدىڭ قالا-قالاشىقتارىندا تىڭنان كاسىپتەنگەندەردىڭ سانى، جوعارى مەكتەپتى بىتىرگەن وقۋشىلاردان كاسىپتەنگەندەردىڭ سانى، كاسىپتەنۋى قيىنعا سوققان بۇقارالىق توپتان كاسىپتەنگەندەردىڭ سانى سياقتى ءۇش ءتۇرلى ولشەم تۇگەلدەي تىڭ دەڭگەيگە جەتىپ، تۇتاس رايونىمىزدىڭ كاسىپتەنۋ اۋقىمى ورنىقتى جاقساردى.
بيىل رايونىمىز «كاسىپتەندىرۋ ساياساتىن تياناقتاندىرۋ جىلى» قيمىلىن ۇزدىكسىز ورىستەتىپ، جەر-جەردىڭ كاسىپتەندىرۋ ساياساتىن تياناقتاندىرۋدىڭ ەسەبىن انىق جاساۋىنا نۇسقاۋشىلىق ەتىپ، ەسەپتى باسقاردى. سونىمەن بىرگە، كاسىپورىندى وزەك ەتكەن كاسىپتەندىرۋدى جەبەيتىن قوعامدىق سەلبەستىك سەرىكتەستىكتىڭ بىرگە ارەكەت جاساۋ مەحانيزمىن اتقارىپ، قامداۋ مەن قاجەتسىنۋدىڭ سايكەسۋى، ساياساتتىق تۇسىنىك جاساۋ، اۋقىمدى زەرتتەۋ، بولجاۋ سياقتى قيمىلداردى ورىستەتىپ، جەر-جەردىڭ كاسىپتەندىرۋ قىزمەتىن جەبەۋ مەن ساياساتتى تياناقتاندىرۋدى رەتىمەن ىلگەرلەتۋىن قامتاماسىزداندىردى. الدىڭعى جارىم جىلدا تۇتاس رايونىمىزدىڭ قالا-قالاشىقتارىندا تىڭنان كاسىپتەنگەندەردىڭ سانى 342 مىڭ 100 ادامعا جەتىپ، تۇتاس جىلدىق نىسانا، مىندەتتىڭ %74.4 تى ورىندالدى.
مۇندا جوعارى مەكتەپتى بىتىرگەن وقۋشىلاردىڭ كاسىپتەنۋى نىق قاداممەن ىلگەرلەدى، 6-ايدىڭ سوڭىنا دەيىن، رايونعا قاراستى جاي جوعارى مەكتەپتەردەن وسى كەزەكتە وقۋ بىتىرگەن وقۋشىلاردان كاسىپتەنگەندەردىڭ سانى 55 مىڭ 440 قا، تۇڭعىش رەت كاسىپتەنۋ مولشەرى %61.79 كە جەتتى. اۆتونوميالى رايوندىق ادام كۇشى بايلىعى جانە قوعامدىق قامسىزداندىرۋ مەڭگەرمەسى كاسىپتەنۋدى جەبەۋ باسقارماسىنىڭ قىزمەتكەرى مياۋ ۋىنلياڭ بىلاي دەدى: «2018-جىلعى جوعارى مەكتەپ بىتىرگەن وقۋشىلاردى نەگىزگى ساتىدا جەتىلدىرۋ جوسپارىن اتقارۋ جوباسىن» باسىپ تاراتىپ، جان-جاقتىلى سوڭىنا ءتۇسىپ قىزمەت وتەۋدى كۇشەيتىپ، دالمە-ءدال سۇيەمەلدەپ، مەكتەپ بىتىرگەن وقۋشىلاردى ءتۇرلى ارنادا، ءتۇرلى ۇلگىدە نەگىزگى ساتىعا بارىپ كاسىپتەنۋگە، كاسىپورىنعا بارىپ كاسىپتەنۋگە جانە دەربەس كاسىپ كوزىن اشۋعا جەتەكتەدى جانە شابىتتاندىردى. «جوعارى مەكتەپ بىتىرگەن وقۋشىلاردى شينجياڭعا كومەكتەسەتىن ولكە-قالالارداعى كاسىپورىندارعا بارىپ كاسىپتەنۋگە ۇيىمداستىرىپ جەتەكتەۋدى اتقارۋ جوباسىن» جاساپ، ىشكى ولكەدەگى جوعارى مەكتەپتەردەن وقۋ تاۋىسقان از ۇلت وقۋشىلاردى كاسىپتەندىرۋ قىزمەتىن سايكەستىرۋدى ىلگەرلەتۋ مەحانيزمىن ورناتىپ، ىشكى ولكەدەگى جوعارى مەكتەپتەردەن وقۋ تاۋىسقان شينجياڭدىق از ۇلت وقۋشىلاردىڭ ءتۇرلى ارنادا كاسىپتەنۋى مەن كاسىپ كوزىن اشۋىن نىق قاداممەن ىلگەرلەتتى.
تاعى ءبىر جاعىنان، كاسىپتەنۋدە قيىنشىلىققا ءدوپ كەلگەندەرگە قاراتا، رايونىمىز « ادام باسىنا سايكەستى ءادىس قولدانۋ» ارناۋلى كومەكتەسۋ تۇزىمىنە تاباندىب بولدى. «كاسىپتەنۋ جاعىندا كومەكتەسۋ، شىن پەيىلمەن كومەكتەسۋ، قيىنشىلىعى بار بىردە-ءبىر بۇقارانى قاتاردان قالدىرماۋ» باستى تاقىرىبىنداعى كاسىپتەندىرۋ جاعىندا كومەكتەسۋ ايى ارناۋلى قيمىلىن ورىستەتتى. الدىڭعى جارىم جىلدا، كاسىپتەنۋدە قيىنشىلىققا ءدوپ كەلگەندەردەن 25 مىڭ 700 ادامدى كاسىپتەندىرىپ، بىردە ءبىر ادامى كاسىپتەنبەگەن 916 وتباسىنداعىلاردى كاسىپتەندىرىپ، بىردە ءبىر ادامى كاسىپتەنبەگەن وتباسىلارىنىڭ كاسىپتەنە الماۋ جاعدايىن وزگەرتتى.
كاسىپ كوزىن اشۋ ارقىلى كاسىپتەنۋدى جەبەۋ جاعىندا، رايونىمىز «كاسىپ كوزىن اشۋدا ايماق-وبلىستارعا قىزمەت ەتۋ ساپارىن» جانە جاڭالىق ەنگىزۋ، كاسىپ كوزىن اشۋ جارىسى سياقتى قيمىلداردى ۇيىمداستىرىپ ورىستەتتى. سونىمەن بىرگە، كاسىپ كوزىن اشۋ دانەكەر قۇرىلىسىن بەلسەنە ىلگەرلەتىپ، ءۇشىنشى توپتاعى كاسىپ كوزىن اشۋ تۇرىندەگى اۋدان-قالالاردى قۇرۋدى جانە ءتورتىنشى توپتاعى اۆتونوميالى رايون دارەجەلى كاسىپ كوزىن اشىپ كەمەلدەنۋدەن ۇلگى كورسەتۋ بازاسىن قۇرۋ قىزمەتىن باستادى. الدىڭعى جارىم جىلدا، بۇكىل رايونىمىزدا تىڭنان كاسىتپەنگەندەردىڭ سانى 37 مىڭ 200 ادامعا جەتىپ، وتكەن جىلدىڭ وسى مەزگىلىنەن %33.33 ارتتى، 83 مىڭ 500 ادامدى كاسىپتەنۋگە جەتەكتەدى، بۇل وتكەن جىلدىڭ وسى مەزگىلىنەن %29.46 ارتتى. سوڭعى جارىم جىلدا، رايونىمىز تاعى كاسىپ كوزىن اشۋشىلاردى ساياساتتىق جاقتان دەمەۋ تەبىنىن ۇزدىكسىز ارتتىرادى. مياۋ ۋىنلياڭ بىلاي دەدى: «كاسىپ كوزىن اشۋداعى كەپىل قارىزى مەن ءوسىمىن قازىنادان بەرۋ سياقتى ءتۇرلى ساياسات شارالاردى ۇزدىكسىز ىلگەرلەتىپ، كاسىپ كوزىن اشۋ تۇرىندەگى اۋدان-قالا قۇرىلىسىن، كاسىپ كوزىن اشىپ كەمەلدەندىرۋدەن ۇلگى كورسەتۋ بازا-باقشا رايون قۇرىلىسىن نىق قاداممەن ىلگەرلەتىپ، بايلىقتان بىرگە يگىلىكتەنەتىن، تۇتاس تۇلعا بويىنشا بىرگە ارەكەت جاسايتىن، ساپالى، جوعارى ءونىمدى كاسىپ كوزىن اشۋعا قىزمەت ەتەتىن بىرگە ارەكەت جاساۋ مەحانيزمىن ورناتىپ،كەمەلدەندىرىپ، كاسىپ كوزىن اشۋشىلارعا ساپالى بايلىق تەكشەسىن ازىرلەپ، كاسىپ كوزىن اشۋدىڭ كاسىپتەنۋدى جەبەۋدەگى ونىمدىلىگىن شىنايى ساۋلەلەندىرەدى».


بەرىپ كەت ورامالىڭدى

دوستار

الىستاعى اق ەركە