جاڭا حابارلار

حۋنان ولكەلىك پارتكوم مەن ۇكىمەتتىڭ ۋاكىلدەر ۇيىرمەسى شينجياڭعا كەلىپ، شينجياڭعا باعىتتامالى كومەكتەسۋ قىزمەتىن تەكسەرىپ سايكەستىردى

    كەلۋ قاينارى: شينجياڭ حالىق راديو ىستانسياسى    2018-07-13 18:24:59  

ستانسيامىزدىڭ حابارى: 7-ايدىڭ 10-كۇنىنەن 12-كۇنىنە دەيىن، حۋنان ولكەلىك پارتكومنىڭ ورىنباسار شۋجيى، ولكە باستىعى شۇي داجى حۋنان ولكەلىك پارتكوم مەن ۇكىمەتتىڭ ۋاكىلدەر ۇيىرمەسىن باستاپ شينجياڭعا باعىتتامالى كومەكتەسۋ قىزمەتىن تەكسەرۋ، ۇشتاستىرۋعا كەلدى. اۆتونوميالى رايوندىق پارتكومنىڭ شۋجيى، شينجياڭ ءوندىرىس قۇرىلىس بيڭتۋانىنىڭ ءبىرىنشى شۋجيى، ءبىرىنشى ساياسي كوميسسارى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ ساياسي كوميسسارى سۇن جينلۇڭ، اۆتونوميالى رايوندىق پارتكومنىڭ ورىنباسار شۋجيى لي پىڭشين قاتىستى قيمىلدارعا قاتىناستى.
7-ايدىڭ 10-كۇنى تۇستەن بۇرىن، حۋنان ولكەسى مەن شينجياڭ ۇيعۇر اۆتونوميالى رايونىنىڭ جانە شينجياڭ ءوندىرىس قۇرىلىس بيڭتۋانىنىڭ باعىتتامالى كومەكتەسۋ قىزمەتى جونىندەگى اڭگىمە ءماجىلىسى ۇرىمجىدە اشىلدى. چىن چۋانگو اۆتونوميالى رايوندىق پارتكوم مەن ۇكىمەت جانە شينجياڭداعى ءار ۇلت حالقى اتىنان حۋنان ولكەلىك پارتكوم مەن ۇكىمەتتىڭ ۋاكىلدەر ۇيىرمەسىنىڭ شينجياڭعا تەكسەرۋگە كەلگەنىن قىزۋ قارسى الاتىنىن ءبىلدىرىپ، حۋنان ولكەسىنىڭ ۇزاق ۋاقىتتان بەرى شينجياڭ قىزمەتىن بارىنشا قولداعانىنا جانە قالتىقسىز كومەك كورسەتكەنىنە شىن جۇرەكتەن العىس ايتىپ، حۋنان ولكەسىنىڭ باس شۋجي شي جينپيڭنىڭ ماڭىزدى نۇسقاۋىنىڭ رۋحىن جاپپاي دايەكتىلەندىرىپ، تياناقتاندىرىپ، ەكونوميكانىڭ، قوعامنىڭ دامۋىن ىلگەرىلەتۋدە قول جەتكىزگەن كورنەكتى تابىستارىن قىزۋ قۇتتىقتادى.
چىن چۋانگو بىلاي دەپ اتاپ كورسەتتى : حۋنان ولكەلىك پارتكوم مەن ۇكىمەت شينجياڭعا باعىتتامالى كومەكتەسۋ قىزمەتىنە قاشان دا وسكەلەڭ ءمان بەرىپ، شينجياڭعا باعىتتامالى كومەكتەسۋ قىزمەتىن ماڭىزدى ورىنعا قويىپ، مۇنى جالپى جاعداي قىزمەتىنە ەنگىزىپ، تۇرپان قالاسى مەن بيڭتۋان 12-شىسى 221-تۋانىنىڭ ورنىقتىلىعىنىڭ جانە دامۋىنىڭ ءتۇرلى ىستەرىن كۇشتى بەيىمدەي وتىرىپ قولداپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە ماڭىزدى ۇلەس قوستى، بۇل ءبىر اۆتونوميالى رايون مەن ءبىر ولكە حالقىنىڭ «بەرەكەلى وتباسى» بولعان قويۋ سۇيىسپەنشىلىگىن تولىق ايگىلەيدى. شينجياڭداعى ءار ۇلت كادرلارى مەن بۇقاراسى بۇعان شىنايى العىس ايتىپ، ماڭگى كوكەيدە بەرىك ساقتايدى. چىن چۋانگو بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميەتىنىڭ مىزعىماس باسشىلىعىندا، شينجياڭداعى ءار ۇلت كادرلارى مەن بۇقاراسى نازاردى باس نىساناعا شوعىرلاندىرىپ، كەشەندى شارالاردى ويداعىداي قولدانىپ، ورنىقتىلىق پەن دامۋدىڭ ءتۇرلى قىزمەتىن تىڭعىلىقتى ىلگەرىلەتىپ، ءتۇرلى ىستەردە تىڭ ىلگەرىلەۋشىلىككە قول جەتكىزدى. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19-قۇرىلتايىنىڭ جانە پارتيا 19-كەزەكتى ورتالىق كوميتەتىنىڭ 2-، 3-جالپى ماجىلىستەرىنىڭ رۋحىن جاپپاي دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە-موتە قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ، تياناقتاندىرىپ، جان-جاقتىلى شارا قولدانىپ، ۇستىنەن جانە تۇبىرىنەن وڭاپ، شينجياڭنىڭ باياندى جاراسىمدىلىعىنا، ورنىقتىلىعىنا كۇش سالا كەپىلدىك ەتىپ، ەكونوميكانىڭ جوعارى ساپالى دامۋىن قۇلشىنا ىلگەرىلەتەمىز. سونىمەن بىرگە، شينجياڭعا كومەكتەسۋ قىزمەتىنە اناعۇرلىم ءمان بەرىپ، شينجياڭعا كومەكتەسۋدىڭ ابزالدىلىعىن جان-جاقتىلى ساۋلەلەندىرىپ، حۋناننىڭ وزىق تاجىريبەلەرىنەن ۇيرەنىپ جانە ودان پايدالانىپ، ۇشتاستىرا قىزمەت وتەۋدى مۇقيات ويداعىداي ىستەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەرەكشە قامقورلىعىن ، حۋنان حالقىنىڭ قالتىقسىز قولداپ-قۋاتتاپ، كومەك كورسەتكەندىگىن شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدىڭ ناقتىلى امالياتىنا اينالدىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ داستانىن كۇش سالا جازامىز.
شۇي داجى اۋەلى حۋنان ولكەلىك پارتكومنىڭ شۋجيى دۋ جياحاۋدىڭ شىنايى سالەمىن جەتكىزىپ، حۋناننىڭ ەكونوميكاسىنىڭ، قوعامىنىڭ دامۋ جاعدايىن جانە شينجياڭعا باعىتتامالى كومەكتەسۋ قىزمەتى احۋالىن تانىستىردى. ول بىلاي دەدى: سوڭعى جىلداردان بەرى، اۆتونوميالى رايوندىق پارتكوم بۇكىل رايونداعى ءار ۇلت كادرلارى مەن بۇقاراسىن ىنتىماقتاسا كۇرەس جاساۋعا ىنتىماقتاستىرا باستاپ، ەكونوميكانىڭ دامۋى، نەگىزگى قۇرىلعى، حالىق تۇرمىسى، ۇلتتار ىنتىماعى سياقتى سالالاردا شىت-جاڭا جاعداي اشتى. شينجياڭدا تۋىلعان وراسان زور وزگەرىس جۇڭگوشا سوتسياليستىك ءتۇزىمنىڭ ابزالدىلىعىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ شينجياڭداعى ءار ۇلت حالقىنىڭ مۇددەسىنە بۇكىلدەي ۇيلەسەتىنىن، بۇكىل ەلدەگى ءار ۇلت حالقىنىڭ شىنايى قولداۋىنا يە بولعاندىعىن تولىق دالەلدەدى.
شۇي داجى بىلاي دەدى: شينجياڭنىڭ تۇرپان قالاسى مەن بيڭتۋان 12-شىسى 221-تۋانىنا باعىتتامالى كومەكتەسۋ، پارتيا ورتالىق كوميتەتىنىڭ حۋنانعا جۇكتەگەن ماڭىزدى ساياسي جاۋاپكەرلىگى. حۋنان شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، «بەسكە ،ءسوزجوق، تاباندى بولۋ»، «التىعا ءتىپتى ءمان بەرۋ»، «نازاردى التىعا بۇلجىماي شوعىرلاندىرۋدى» باتىل تياناقتاندىرىپ، شينجياڭعا باعىتتامالى كومەكتەسۋ ساياسي جاۋاپكەرلىگىن تاباندىلىقپەن ۇستىنە الىپ، حۋنان مەن شينجياڭنىڭ سەلبەسىپ بىرلىكتە دامۋىنىڭ تىڭ داستانىن جازادى. ەكونوميكانىڭ جوعارى ساپالى دامۋىن كۇش سالا ىلگەرىلەتىپ، حۋناننىڭ ەكونوميكالىق قۋاتىن ارتتىرىپ، باعىتتامالى كومەكتەسۋ قۋاتىن ۇزدىكسىز كۇشەيتەدى. شينجياڭعا باعىتتامالى كومەكتەسۋدىڭ امبەباب تىيىمدىلىگىن بار كۇشپەن جوعارلاتىپ، ورنىقتىلىقتى قورعاۋ شينجياڭعا كومەكتەسۋ قىزمەتىنىڭ تەبىنىن ارتتىرىپ، حالىق تۇرمىسىن جاقسارتۋ جاعىندا شينجياڭعا باعىتتامالى كومەكتەسۋدىڭ دالدىگىن جوعارلاتىپ، كاسىپ جاعىندا شينجياڭعا كومەكتەسۋدە ءوز كۇشىنە سۇيەنۋ قۋاتىن ارتتىرىپ، شينجياڭنىڭ ورنىقتىلىعى مەن دامۋىنا بۇرىنعىدان دا كوپ ۇلەس قوسۋعا قۇلشىنادى. ستراتەگيالىق سەلبەستىكتى تەرەڭدەتۋ، ساۋدانى ىلگەرىلەتۋ قىزمەتىن ورىستەتۋ، ساۋدا قوعامىن قۇرۋدى قولداۋ، اۋىس-كۇيىس جاساۋ تەكشەسىن قۇرۋ سياقتى فورمامەن، حۋنان مەن شينجياڭنىڭ بىرلىكتە گۇلدەنىپ-كوركەيۋىن، دامۋىن جەبەيدى. شۇي داجى بىلاي دەدى: گۇلدىڭ بارلىعى قارلى تاۋدا قۇلپىرا اشىلا بەرمەيدى، ءبىراق قارعالداق قارلى تاۋدا قۇلپىرا اشىلادى؛ اعاش اتاۋلى شولگە تەرەڭ تامىر تارتا المايدى، ءبىراق توراڭعى شولگە تەرەڭ تامىر تارتادى. حۋناننان شينجياڭعا كومەككە كەلگەن كادرلاردىڭ توراڭعى سەكىلدى شينجياڭعا تامىر تارتىپ، شينجياڭعا باعىتتامالى كومەكتەسۋ قىزمەتىنىڭ ناتيجەسى مەن ناقتىلى ونىمدىلىگىن قارعالداقتاي قۇلپىرتۋىنءۇمىت ەتەمىن.
اڭگىمە ماجىلىسىندە، شوكىرات زاكىر مەن سۇن جينلۇڭ جەكە-جەكە اۆتونوميالى رايوننىڭ، بيڭتۋاننىڭ ورنىقتىلىعى مەن دامۋىنىڭ، سونداي-اق شينجياڭعا باعىتتامالى كومەكتەسۋ قىزمەتىنىڭ احۋالىن تانىستىردى.
شينجياڭداعى كەزىندە، حۋنان ولكەلىك پارتكوم مەن ۇكىمەتتىڭ ۋاكىلدەر ۇيىرمەسى ىلگەرىندى-كەيىندى ءۇرىمجى، تۇرپان جانە بيڭتۋان 12-شىسىنا بارىپ، شينجياڭعا باعىتتامالى كومەكتەسۋ نىسانىنىڭ اياق الىسىن ۇستىندە تەكسەرىپ، نەگىزگى ساتىنى ارالاپ بۇقارادان حال سۇراپ، تارتۋ ۇسىنۋ جانە توقتامعا قول قويۋ سالتىن وتكىزدى، ءارى شينجياڭعا كومەككە كەلگەن كادرلار مەن دارىندىلارعا امانداسا باردى.
حۋنان ولكەسىنىڭ باسشىلارىنان حۋاڭ لانشياڭ، ۋاڭ كىمين، ۋ گۇييىڭ، جاڭ جيان، اۆتونوميالى رايوننىڭ باسشىلارىنان ما شۋەجۇن، تيان ۋىن، سارقىت اقان ۇلى، لي شۋەجۇن، ماڭلىك سەيىت، يلحام سابىرلار اتالعان قيمىلدارعا قاتىناستى.


بەرىپ كەت ورامالىڭدى

دوستار

الىستاعى اق ەركە