جاڭا حابارلار

شي جينپيڭ جۇڭگو − اراب ەلدەرى سەلبەستىك تالقى مىنبەرىنىڭ 8 - كەزەكتى مينيستر دارەجەلىلەر ءماجىلىسىنىڭ اشىلۋ سالتىنا قاتىناستى ءارى ماڭىزدى ءسوز سويلەدى

    كەلۋ قاينارى: شينجياڭ گازەتى    2018-07-12 13:15:41  

جۇڭگو - اراب ەلدەرى سەلبەستىك تالقى مىنبەرىنىڭ 8 - كەزەكتى مينيستر دارەجەلىلەر ءماجىلىسى 7 - ايدىڭ 10 - كۇنى بەيجيڭدەگى حالىق سارايىندا اشىلدى. مەملەكەت ءتوراعاسى شي جينپيڭ اشىلۋ سالتىنا قاتىناستى ءارى «جاڭا داۋىردەگى جۇڭگو - اراب ەلدەرى ستراتەگيالىق سەرىكتەستىك قارىم - قاتىناسىن قول ۇستاسا ىلگەرىلەتەيىك» دەگەن تاقىرىپتا ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن

 شينحۋا اگەنتتىگىنىڭ 7 - ايدىڭ 10 - كۇنى بەيجيڭنەن بەرگەن حابارى (تىلشىلەر ۋاڭ جولۇن، جاۋ شيۋحى). جۇڭگو - اراب ەلدەرى سەلبەستىك تالقى مىنبەرىنىڭ 8 - كەزەكتى مينيستر دارەجەلىلەر ءماجىلىسى 7 - ايدىڭ 10 - كۇنى حالىق سارايىندا اشىلدى. مەملەكەت ءتوراعاسى شي جينپيڭ اشىلۋ سالتىنا قاتىناستى ءارى «جاڭا داۋىردەگى جۇڭگو - اراب ەلدەرى ستراتەگيالىق سەرىكتەستىك قارىم - قاتىناسىن قول ۇستاسا ىلگەرىلەتەيىك» دەگەن تاقىرىپتا ماڭىزدى ءسوز سويلەپ، جۇڭگو مەن اراب ەلدەرىنىڭ جاپپاي سەلبەستىك جاساساتىن، بىرگە داميتىن، بولاشاقتى بەتكە العان جۇڭگو - اراب ەلدەرى ستراتەگيالىق سەرىكتەستىك قارىم - قاتىناسىن ورناتۋدى ءبىر اۋىزدان قۇپتاعاندىعىن جاريالادى.
  تۇستەن بۇرىن ساعات 10دا ءماجىلىس رەسمي اشىلدى. دۋ قول شاپالاق ءۇنى ىشىندە شي جينپيڭ مىنبەگە كوتەرىلىپ، ءسوز سويلەدى.
  شي جينپيڭ مىنالاردى اتاپ كورسەتتى: جۇڭگو مەن اراب ەلدەرى دوستىعىنىڭ تاريحى ۇزاق، ول ۋاقىت وتكەن سايىن جاڭارا تۇسۋدە. ەكى جاقتىڭ بايىرعى جىبەك جولىندا «قايىق - كەمەلەرى قايشالىسىپ، ساۋداگەر - ەلشىلەرى ارالاسىپ تۇرعان»، ۇلتتىڭ دەربەستىگى مەن حالىقتىڭ ازاتتىعىنا قول جەتكىزۋ كۇرەسى بارىسىندا ەكى جاق تىزە قوسا كۇرەس جۇرگىزىپ، قيىندىق پەن تاۋقىمەتتە بىرگە بولىپ، ءوز ەلدەرىنىڭ مەملەكەت قۇرىلىسى ىستەرىندە ءبىر - بىرىنە قولداۋ كورسەتىپ، ءوزارا پايدالى سەلبەستىك جاساسىپ، سەلبەسىپ تەڭ يگىلىككە كەنەلۋدىڭ شۇعىلالى پاراعىن جازدى. حالىقارالىق جاعداي قالاي وزگەرسە دە، قانداي قيىندىقتار مەن تار جول، تايعاق كەشۋلەرگە جولىقسا دا، جۇڭگو مەن اراب ەلدەرىنىڭ ءارقاشان ءوزارا تيىمدىلىك، ءوزارا پايدا جەتكىزەتىن جاقسى سەرىكتەستەر، بەينەت پەن زەينەتتە بىرگە بولاتىن جاقسى باۋىرلاستار ەكەنىن تاريح پەن اماليات دالەلدەپ وتىر.
  شي جينپيڭ مىنالاردى باسا دارىپتەدى: جۇڭگو «ءبىر بەلدەۋ، ءبىر جولدى» بىرگە قۇرۋ تۋرالى باستاما كوتەرىپ، اراب دۇنيەسىن قامتىعان حالىقارالىق قوعامنىڭ جاپپاي قولداۋى مەن بەلسەندى ات سالىسۋىنا قول جەتكىزدى. جىبەك جولى وركەنيەتىنىڭ تاريحتاعى ماڭىزدى قاتىسۋشىلارىنىڭ جانە قۇرۋشىلارىنىڭ ءبىرى ساناتىنداعى اراب ەلدەرى «ءبىر بەلدەۋ، ءبىر جولدىڭ» توعىسقان جەرىنە ورنالاسقان، «ءبىر بەلدەۋ، ءبىر جولدى» بىرگە قۇرۋدىڭ تابيعي سەلبەستىك سەرىكتەسى بولىپ تابىلادى. ەكى جاق قول ۇستاسىپ، بىرگە ىلگەرىلەپ، «ءبىر بەلدەۋ، ءبىر جولدى» وڭىرلەردىڭ ناقتى جاعدايىمەن بىرلەستىرىپ، توپتىق ارەكەتتى ەكى جاقتى سەلبەستىكتەرمەن بىرلەستىرىپ، دامۋدى جەبەۋدى بەيبىتشىلىكتى قورعاۋمەن بىرلەستىرىپ، باسىمدىقتارمەن ءبىر - ءبىرىن تولىقتاپ، سەلبەسىپ، بىرگە يگىلىككە كەنەلىپ، وڭىرلەردەگى حالىققا جانە الەم حالقىنا باقىت سيلادى. «ءبىر بەلدەۋ، ءبىر جول» قۇرىلىسى جۇڭگو - اراب ەلدەرى قارىم - قاتىناسىنىڭ دامۋىن جاپپاي جەبەدى، جۇڭگو - اراب ەلدەرىنىڭ جان - جاقتى سەلبەستىگى جاڭا كەزەڭگە ءوتتى. جۇڭگو اراب ەلدەرىمەن ستراتەگيالاردى جانە ءىس - قيمىلداردى ءتۇيىستىرۋدى كۇشەيتۋدى، «ءبىر بەلدەۋ، ءبىر جول» قۇرىلىسىن قول ۇستاسا ىلگەرىلەتۋدى، بىرلەسە وتىرىپ ورتا شىعىستىڭ بەيبىتشىلىگى مەن ورنىقتىلىعىن قورعاۋشى، ادىلدىك پەن تۋراشىلدىقتى جاقتاۋشى، بىرگە دامۋدى ىلگەرىلەتۋشى، ءبىر - بىرىنەن ۇيرەنەتىن، ۇلگى الاتىن جاقسى دوس بولۋدى قالايدى.
  ءبىرىنشى، ستراتەگيالىق ءوزارا سەنىمدىلىكتى نىعايتۋ. كەڭەس ارقىلى اقىلداسۋعا تاباندى بولىپ، يەلىك ۇقىق پرينسيبىنە باتىل بويسۇنىپ، كەڭ پەيىلدىكپەن راقايلاسۋدى دارىپتەپ، لاڭكەستىككە قارسى تۇرۋ كەرەك. شي جينپيڭ جۇڭگونىڭ «شارۋاشىلىقتى گۇلدەندىرۋ ارقىلى ەكونوميكالىق قايتا قۇرۋعا باستاماشىلدىق ەتۋ ارناۋلى جوسپارىن» جاسايتىندىعىن، سونداي - اق قاتىستى اراب ەلدەرىنە قايىرىمدىلىق كومەك بەرەتىندىگىن جاريالادى.

جۇڭگو - اراب ەلدەرى سەلبەستىك تالقى مىنبەرىنىڭ 8 - كەزەكتى مينيستر دارەجەلىلەر ءماجىلىسى 7 - ايدىڭ 10 - كۇنى بەيجيڭدەگى حالىق سارايىندا اشىلدى. مەملەكەت ءتوراعاسى شي جينپيڭ اشىلۋ سالتىنا قاتىناستى ءارى «جاڭا داۋىردەگى جۇڭگو - اراب ەلدەرى ستراتەگيالىق سەرىكتەستىك قارىم - قاتىناسىن قول ۇستاسا ىلگەرىلەتەيىك» دەگەن تاقىرىپتا ماڭىزدى ءسوز سويلەدى. سۋرەتتە: اشىلۋ سالتىنان بۇرىن شي جينپيڭ كۆەيتتىڭ امىرىمەن جانە ماجىلىسكە قاتىناسۋعا كەلگەن ءار ەل ۋاكىلدەر ۇيىرمەلەرىنىڭ باستىقتارىمەن بىرگە سۋرەتكە ءتۇستى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

 ەكىنشى، گۇلدەنۋ ارمانىن جۇزەگە اسىرۋ. جۇڭگو مەن اراب ەلدەرى ءبىر - ءبىرىنىڭ دامۋ ستراتەگيالارىن ءتۇيىستىرىپ، ەكى ۇلى ۇلتتىڭ گۇلدەنۋ ارمانىنىڭ تىعىز جالعاسۋىنا مۇمكىندىك جاساۋ كەرەك. ءوزارا بايلانىستىرۋ، ءوزارا تۇتاستىرۋ سىندى «تۇتقانى» مىقتاپ يگەرۋ، مۇناي، تابيعي گاز سەلبەستىگى، تومەن كومىرتەكتى ەنەرگيا سەلبەستىگى سىندى «قوس تەگەرشىكتىڭ» اينالۋىن بەلسەنە ىلگەرىلەتۋ، فينانس سەلبەستىگى، جوعارى جاڭا تەحنيكا سەلبەستىگى سىندى «قوس قاناتپەن ۇشۋدى» قۇلشىنا جۇزەگە اسىرۋ كەرەك. جۇڭگو «جۇڭگو - اراب ەلدەرى بانكە بىرلەستىگىن» قۇرادى.
  ءۇشىنشى، ءوزارا پايدا جەتكىزىپ، تەڭ يگىلىكتەنۋدى جۇزەگە اسىرۋ. جۇڭگو رەفورمانى جاپپاي تەرەڭدەتۋگە تاباندى بولادى، سىرتقا ەسىك اشۋ سىندى نەگىزگى مەملەكەت ساياساتىنا تاباندى بولادى، مەملەكەت قاقپاسىن اشىق ۇستاپ قۇرىلىس جۇرگىزۋگە تاباندى بولادى. جۇڭگو اراب ەلدەرىنىڭ بيىل 11 - ايدا شاڭحايدا وتەتىن تۇڭعىش كەزەكتى جۇڭگو حالىقارالىق يمپورت كورمەسىنە قاتىناسۋىن قارسى الادى.
  ءتورتىنشى، سيىسىمدى بولۋدى، ءبىر - بىرىنەن ۇلگى الۋدى جەبەۋ. جۇڭگو - اراب ەلدەرى رەفورما، دامۋدى زەرتتەۋ ورتالىعىن ۇلعايتىپ، الۋەتتەندىرىپ، ەكى جاققا اناعۇرلىم كوپ اقىل - پاراساتتىق قولداۋ كورسەتۋ كەرەك. بەيبىتشىلىككە دەن قوياتىن، جاراسىمدىلىقتى قادىرلەيتىن، ناعىز بىلىمگە تالپىناتىن ۇستانىمدى تاراتۋ، كەڭەس ارقىلى جاڭساق تۇسىنىكتى جويۋ، كەڭ پەيىلدىلىك ارقىلى الاۋىزدىقتى شەشۋ، ينتەرنەت وركەنيەتىن سەلبەسىپ قۇرۋ كەرەك. ءتوراعا شي جينپيڭ جۇڭگونىڭ جۇڭگو - اراب ەلدەرى حالىقتارىنىڭ سۇيىسپەنشىلىك توعىستىرۋىن، كوڭىل تۇتاستىرۋىن ىلگەرىلەتۋ ماقساتىنداعى ءبىر قاتار جاڭا شارالارىن جاريالادى، سونداي - اق جۇڭگو - اراب ەلدەرى اقپارات اۋىس - كۇيىس ورتالىعىنىڭ رەسمي قۇرىلعاندىعىن جاريالادى.
  شي جينپيڭ مىنالاردى اتاپ كورسەتتى: جۇڭگو جانە اراب ەلدەرى تۇگەلدەي حالىقارالىق ساحناداعى ماڭىزدى ساياسي كۇشتەر، ءبىز تاريحتىڭ اۋقىمىن دۇرىس يگەرىپ، حالىقتىڭ ۇنىمەن شىنايى ۇندەسىپ، ورتا شىعىس ءوڭىرىنىڭ جاپپاي وركەندەۋدىڭ جاڭا جولىنا ءتۇسۋىن بىرگە ىلگەرىلەتۋىمىز كەرەك. ورتا شىعىستاعى الۋان تۇرلىلىك ءوڭىردىڭ ومىرشەڭدىك كۇشىنىڭ قاينارىنا اينالۋى ءتيىس. ءار ەلدىڭ مەملەكەت جاعدايىنداعى پارىقتارعا جانە دەربەس تالعام جاساۋىنا قۇرمەت ەتىپ، تەڭ مامىلە جاساۋعا، پارىقتاردى ساقتاپ، ورتاقتىققا ۇمتىلۋعا تاباندى بولۋ، ورتاق، جالپىلىق، سەلبەسىمدى، باياندى حاۋىپسىزدىك ارناسىن تۇلعالاۋ كەرەك. دامۋ − ورتا شىعىستاعى جونگە سالىناتىن كوپتەگەن ماسەلەلەردى شەشۋدىڭ كىلتى. ەكى جاق باستان - اياق سەلبەستىكتى كوڭىلدە ساقتاپ، تەڭ يگىلىككە كەنەلۋدىڭ قوسۋ امالى مەن كوبەيتۋ امالىن كوبىرەك ىستەپ، ابزالدىلىق ارقىلى ءبىر - ءبىرىن تولىقتاپ، گۇلدەنۋدەن ورتاق يگىلىكتەنۋ كەرەك. شي جينپيڭ قاتىستى ەكى جاقتى حالىقارالىق ورتاق تانىمعا بويسۇنىپ، پالەستينگە قاتىستى ماسەلەنى ءادىل ءبىر جاقتى ەتۋگە ۇندەپ، جۇڭگونىڭ «ەكى ەل جوباسىن» جانە «اراب بەيبىتشىلىك دارىپتەمەسىن» نەگىز ەتىپ، پالەستين مەن يزرايلدىڭ بەيبىتشىلىك جونىندەگى كەلىسسوزىنىڭ توقىراۋلى كۇيدەن تەزىرەك ارىلۋىن جەبەۋدى قولدايتىندىعىن باسا دارىپتەدى.
  شي جينپيڭ سوڭىندا مىنالاردى باسا دارىپتەدى: جۇڭگو - اراب ەلدەرىنىڭ تالقى مىنبەرى كەڭەسىن ورىستەتۋ، سەلبەستىكتى كۇشەيتۋ جاعىنداعى مۇمكىندىكتەرى اسا زور. جاڭا داۋىردەگى جۇڭگو - اراب ەلدەرى قاتىناسىنىڭ دامۋىنا ۇيلەسىپ، تالقى مىنبەرى قۇرىلىسى جاڭا بەينە، جاڭا ىسكەرلىك كورسەتۋى كەرەك. اۋىس - كۇيىستى كۇشەيتۋ ارقىلى ەكى جاقتىڭ يدەياسىندا ءتىپتى دە كوپ توعىسۋ قالىپتاستىرۋ كەرەك. جىبەك جولى رۋحىن ساۋلەلەندىرىپ، ءار قادامنان ءىز قالدىرىپ، نىسانانى بەتكە الىپ ىلگەرىلەپ، جۇڭحۋا مەن اراب ەكى ۇلى ۇلتتىڭ ۇلى گۇلدەنۋىن جۇزەگە اسىرىپ، جۇڭگو - اراب ەلدەرىنىڭ مۇددەلەس جانە تاعدىرلاس ورتاق تۇلعاسىن قۇرۋدى ىلگەرىلەتۋ جولىندا قاجىماي - تالماي قۇلشىنايىق!
  كۆەيتتىڭ ءامىرى ساباح، ءماجىلىستىڭ اراب ەلدەرى تاراپىنىڭ ءتوراعاسى، ساۋد ارابياسىنىڭ سىرتقى ىستەر ءۋازىرى جۋبەير، اراب ەلدەرى وداعىنىڭ باس حاتشىسى گەيت جەكە - جەكە ارناۋ ءسوز سويلەدى. ولار اراب ەلدەرى مەن جۇڭگونىڭ ءداستۇرلى دوستىعىن جوعارى باعالاپ، بىلاي دەستى: اراب ەلدەرى - جۇڭگو سەلبەستىگىنىڭ مۇمكىندىگى زور، اراب ەلدەرى «ءبىر بەلدەۋ، ءبىر جول» قۇرىلىسىنا توپتىق قاتىناسۋدى قالايدى، ءتوراعا شي جينپيڭنىڭ جۇڭگو - اراب ەلدەرى تاعدىرلاس ورتاق تۇلعاسىن قالىپتاستىرۋ، ادامزاتتىڭ تاعدىرلاس ورتاق تۇلعاسىن قۇرۋ تۋرالى دارىپتەمەسىن قۇپتايدى. اراب ەلدەرى جۇڭگونىڭ حالىقارالىق ىستەردە «بىرلەسكەن مەملەكەتتەر ۇيىمى ەرەجەسىنىڭ» ماقساتى مەن پرينسيبىنە تاباندى بولىپ، ماڭىزدى رول اتقارعانىن ايرىقشا القاپ، جۇڭگونى سەنىمدى سەرىكتەس دەپ قارايدى. ورتا شىعىستىڭ بەيبىتشىلىگى مەن حاۋىپسىزدىگى قاتاڭ سىنعا ءدوپ كەلگەن جاعدايدا، اراب ەلدەرى جۇڭگومەن پىكىرلەسۋدى، سايكەسۋدى كۇشەيتىپ، ءوڭىردىڭ بەيبىتشىلىگى مەن ورنىقتىلىعىن، دامۋى مەن گۇلدەنۋىن بىرگە جەبەۋدى، جاڭا داۋىردەگى اراب ەلدەرى - جۇڭگو ستراتەگيالىق سەرىكتەستىك قارىم - قاتىناسىن قول ۇستاسا ىلگەرىلەتۋدى كۇتەدى.
  ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق سىرتقى ىستەر قىزمەتى كوميتەتى كەڭسەسىنىڭ مەڭگەرۋشىسى ياڭ جيەچى قاتارلىلار اشىلۋ سالتىنا قاتىناستى. مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي اشىلۋ سالتىن باسقاردى.
  اشىلۋ سالتىنان بۇرىن، شي جينپيڭ كۆەيتتىڭ امىرىمەن جانە ماجىلىسكە قاتىناسۋعا كەلگەن ءار ەل ۋاكىلدەر ۇيىرمەلەرىنىڭ باستىقتارىمەن بىرگە سۋرەتكە ءتۇستى.
  جۇڭگو − اراب ەلدەرى سەلبەستىك تالقى مىنبەرىنىڭ 8 - كەزەكتى مينيستر دارەجەلىلەر ءماجىلىسى 7 - ايدىڭ 10 - كۇنى بەيجيڭدە وتكىزىلدى، ءماجىلىس «ءبىر بەلدەۋ، ءبىر جولدى بىرگە قۇرىپ، بەيبىت دامۋدى بىرگە جەبەپ، جاڭا داۋىردەگى جۇڭگو - اراب ەلدەرىنىڭ ستراتەگيالىق سەرىكتەستىك قارىم - قاتىناسىن قول ۇستاسا ىلگەرىلەتۋدى» تاقىرىپ ەتتى. جۇڭگو مەن اراب ەلدەرى وداعىنا مۇشە ەلدەردىڭ ۋاكىلدەرى، اراب ەلدەرى وداعىنىڭ باس حاتشىسى جانە جۇڭگونىڭ قاتىستى تاراۋلارىنىڭ جاۋاپتىلارى بولىپ 300گە تارتا ادام ماجىلىسكە قاتىناستى.


بەرىپ كەت ورامالىڭدى

دوستار

الىستاعى اق ەركە