جاڭا حابارلار

رايونىمىزدىڭ جەر-جەرى نەگىزدى بەكەمدەپ، دالمە-ءدال كۇش شىعارىپ، كەدەيلەردى وزگە جەرگە كوشىرىپ سۇيەمەلدەۋ قىزمەتىن تىڭعىلىقتى ىلگەرلەتتى

    كەلۋ قاينارى: شينجياڭ حالىق راديو ىستانسياسى    2018-07-12 12:10:06  
ستانسيامىزدىڭ جيناق حابارى: باس شۋجي شي جينپيڭ بىلاي دەپ باسا دارىپتەدى: «كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋدىڭ تەتىگى ــــ ەرەكشە كەدەي وڭىرلەردىڭ كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋ، مۇندا باستىسى، كەدەي جان سانى شوعىرلانعان اۋىل-قىستاقتاردا قامال الۋ. كەدەيلەردى وزگە جەرگە كوشىرىپ سۇيەمەلدەۋدى نەگىز ەتكەن كوشىرۋ ارقىلى سۇيەمەلدەۋ كەدەيلەردىڭ «كەدەي ورنىنان كوشۋ، كەدەيلىك بەينەسىن وزگەرتۋ، كەدەيلەسىتىرەتىن كاسىپتى وزگەرتۋ، كەدەيلىكتىڭ تامىرىنا بالتا شابۋداعى» تۇبىرىنەن وڭاۋ ءادىسى، سوڭعى جىلداردان بەرى، رايونىمىزدىڭ جەر-جەرى كەدەيلەردى وزگە جەرگە كوشىرىپ سۇيەمەلدەۋ قىزمەتىن بەلسەنە ىلگەرلەتىپ، باقىت كارتيناسىن سالدى.
باي اۋدانى قىزىل اۋىلى چوناق ءمالى قىستاعىنداعى جاڭا قىستاقتا قاتار-قاتار تىزىلگەن حالىقتى اۋقاتتاندىرۋ بەيقۇت ءۇيى جاسىل اعاش پەن كوگىلدىر اسپان استىنداعى اقشا بۇلتتىڭ ايشىقتاۋىندا ءتىپتى كوركەم كورىندى. كورشىلەرىمەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاقتا تۇراتىن قىزمەت اترەتىنىڭ كومەگىندە، قىستاق تۇرعىنى تۇراگۇل مامەت جاڭا ۇيگە كوشۋمەن قاربالاس ءجۇر. ول: «بۇرىن تۇرعان ءۇيىمىز قاراڭعى ءارى توپىراعى بۇرقىراپ جاتاتىن، وتە تار ەدى، ءتورت ادامنىڭ بىرگە تۇرۋى قولايسىز بولاتىن، بۇرىنعى ءۇيىمىز 40 شارشى مەتر، قازىر پارتيا مەن ۇكىمەت بىزگە 80 شارشى مەترلىك كەڭ ءارى جارىق ءۇي سالىپ بەردى، بۇل تەگىن بەرىلگەن ءۇي، ءبىز ءبىر تيىن اقشا شىعارمادىق. قازىر وتە كوڭىلدىمىز، پارتيا مەن ۇكىمەتكە شەكسىز العىس ايتامىن»،-دەدى.
تۇراگۇل مامەت بۇرىن تۇرعان چوناق ءمالى قىستاعى ەكىنشى گرۋپپاسىندا 39 ديحان وتباسى بار بولاتىن، بۇل جەر قىزىل سۋ قويماسىنىڭ شەتىنە ورنالاسقاندىقتان، جەر استى سۋىنىڭ دەڭگەيى جوعارلاپ، سوڭعى جىلداردان بەرى جەردىڭ سورتاڭدانۋ ءجايتى اۋىرلاسىپ، كوپتەگەن تۇرعىننىڭ تۇرار ءۇيى قاتەرلى ۇيگە اينالعان بولاتىن. سول سەبەپتى باي اۋدانى كەدەيلەردى وزگە جەرگە كوشىرىپ سۇيەمەلدەۋ قىزمەتىن اتقارىپ، كوشەتىن جاڭا قىستاقتى شوعىرلاندىرىپ، تۇتاستىرا سالىپ، بارلىق كوشەتىن وتباسىنىڭ ۇيىنە سۋ، توك جەتكىزىلىپ، جول جاسالدى، سىمدى تەلە باعدارلامالارى دا جالعانىپ، تۇرعىنداردىڭ ءتۇرعىن ءۇي ماسەلەسى جوعارى ولشەمدە شەشىم ەتىلدى. كەلەسى كەزەكتە باي اۋدانى كوشىرىلەتىن وسى ديحانداردى تەحنيكالىق جاقتان شوعىرلى تاربيەلەپ، سىرت ورىندارمەن حابارلاسىپ، ولاردىڭ سىرتقا شىعىپ جۇمىس ىستەۋىنە نەمەسە قىزىل مىڭ ءۇي شارۋالار تاعامجايى ساياحاتىمەن شۇعىلدانۋىنا كومەكتەسىپ، كەدەيلىكتەن قۇتىلىپ اۋقاتتانۋىن شىنايى ىسكە اسىرماقشى.
سوڭعى جىلداردان بەرى، رايونىمىز وزگە جەرگە كوشىرىپ سۇيەمەلدەۋ قىزمەتىن بەلسەنە ورىستەتتى، 2017-جىلدىڭ وزىندە، تۇتاس رايونىمىزدان 110 مىڭ كەدەيدى وزگە جەرگە كوشىرىپ سۇيەمەلدەۋگە قاجەتتى تۇرعىن ءۇي قۇرىلىسى مىندەتىن ورىندادى. بيىل رايونىمىز 9 اۋدان، قالا، 47 اۋىل-قالاشىق، 517 قىستاق، 30 مىڭنان استام كەدەيدى وزگە جەرگە كوشىرىپ سۇيەمەلدەۋ قىزمەتىن جالعاستى ىستەيدى.
2017-جىلى 5-ايدا، ۇلۇقشات اۋدانىنداعى قىرعىز مالشى تۇرعان مامۇت 406 اۋىلداسىمەن بىرگە تەڭىز دەڭگەيىنەن بيىك ءارى ەرەكشە سۋىق تاۋلى وڭىردەگى تويۇن اۋىلىنىڭ مال شارۋاشىلىق تۇيىنىنەن تورعات شەكارا وتكەلىنىڭ جانىنداعى مالشىلاردى كوشىرىپ قونىستاندىرۋ تۇيىنىنە كوشىپ كەلدى. ءاربىر وتباسى 10 مىڭ يۋان اقشا تولەپ كولەمى 80 شارشى مەتردەن اساتىن ءۇي جانە 50 مىڭ يۋان وسىمسىز قارىز بەرىلگەن دۇكەنگە يە بولادى. اۋىلداستار ەڭبەككۇشتى سىرتقا شىعارۋ، دۇكەن اشىپ، تيجارات جۇرگىزۋ، شەكارا وتكەلى ورىندارىندا كاسىپتەنۋگە سۇيەنۋ سياقتى تاسىلدەرمەن تەز ارادا ورنىقتى. تۇرعان مامۇت: «قازىر اۆتوكولىككە جۇك تيەپ-ءتۇسىرۋ ورنىندا جۇمىس ىستەيمىن، ال جۇبايىم اسحانادا ىستەيدى. دۇكەندى جالعا بەرىپ جىلىنا 10 مىڭ يۋانداي كىرىس كىرگىزەمىز. قازىرگى تۇرارجاي شارت-جاعدايىمىز بۇرىنعىدان كوپ جاقساردى، كىرىسىمىزدە ورنىقتى، مەن تاعى ءتۇرلى جۇمىس ىستەپ، ورتالاۋ مەكتەپتە وقيتىن ەكى بالامنىڭ ءتىپتى جاقسى تۇرمىس وتكىزۋىنە مۇمكىندىك جاساسام دەيمىن»،-دەدى.
باس شۋجي شي جينپيڭ: «كەدەيلەردى وزگە جەرگە كوشىرىپ سۇيەمەلدەۋدە ادامداردىڭ تۇرار جاي شارت-جاعدايىن جاقسارتۋمەن قاتار، ەڭ اۋەلى باياندى دامۋدى ىسكە اسىرۋ كەرەك»،ـ دەپ اتاپ كورسەتكەن بولاتىن. ماناس اۋدانى سۋساتقان اۋىلى مينما ەكولوگيالىق قىستاعى رايونىمىزداعى نەداۋىر ەرتەرەك سالىنعان مالشىلار وتىرىقتانعان قىستاق، تاۋدان جازىق وڭىرگە كوشىپ، قاتىناسى قولايلى بولىپ، ينفورماتسيا ىركىلسسىزدەنىپ، وتىرىقتانعان ەگىنشى-مالشىلاردىڭ يدەياسى دا بارعان سايىن اشىلا ءتۇستى. مينما ەكولوگيالىق قىستاعى ساياحات، جىلىجايدا كوكونىسىن ەگۋ، مال بورداقىلاپ ءوسىرۋ سياقتى بىرنەشە ءتۇرلى ءىرى تىرەكتى كاسىپتى دامىتتى، قازىر قىستاقتا بەس ەگىن-مال شارۋاشىلىق سەلبەستىك كوپەراتيۆى بار، 15 قىستاق تۇرعىنى شارۋالار شاتتىعى تاعامجايىن اشتى. بيىل قىستاق قوسىمشا قۇنى جوعارى بولعانءشوپ دارىلەردى سىناق رەتىندە ەگە باستادى، قىستاق تۇرعىنى لۇي دابيڭ ەڭ الدىمەن 300 مۋ جەرگە قىزىل ميا جانە ۇشقات ەكتى. ول: «ءبىر مۋ جەرگە جۇمسالاتىن قارجى 3 مىڭ 500 ــــ 4 مىڭ يۋان ارالىعىندا بولادى، كاسىپتەستەرىمىزدىڭ وسى جەردى باپتاپ باسقارۋداعى مەجەسىنە قاراعاندا جىل سوڭىنا دەيىن ءبىر مۋ جەردەن از دەگەندە ءبىر جارىم تونناداي ءونىم الىنادى ەكەن، ەندەشە قازىرگى 6 يۋان 20 فىن ــــ 6 يۋان 50 فىنعا دەيىنگى بازار باعاسى بويىنشا ەسەپتەگەندە، ءبىر مۋ جەردەن 8 ـــــ 9 مىڭ يۋان پايدا تۇسەدى، شىعىندى شىعارىپ تاستاعاندا مۋ باسىنان تۇسەتىن تازا كىرىسىم 3 مىڭ يۋانداي بولادى ەكەن»،-دەدى.

بەرىپ كەت ورامالىڭدى

دوستار

الىستاعى اق ەركە