جاڭا حابارلار

قاشقار ايماعى ەمدەۋ-قىزمەت وتەۋدى جاقسارتۋدىڭ ءبىر قىدىرۋ ءادىس-شارالارىن شىعارىپ، دەنساۋلىقتى قورعاۋدى «ەڭ شالعايداعى ءبىر ءۇيلى جانعا» دەيىن جەتكىزدى

    كەلۋ قاينارى: شينجياڭ حالىق راديو ىستانسياسى    2018-07-12 12:06:03  

ستانسيامىزدىڭ ءتىلشسى زىڭ يە مەن سۇن ۋيدىڭ حابارى: باس شۋجي شي جينپيڭ: «ەكونوميكانى دامىتۋ، دەنساۋلىقتى جاقسارتۋ كەرەك، حالىقتىڭ تابىس سەزىمى، باقىت سەزىمى، حاۋىپسىزدىك سەزىمى تۇگەلدەي دەنساۋلىقتان ايرىلا المايدى»، ــ دەپ اتاپ كورسەتكەن بولاتىن. باس شۋجيدىڭ نۇسقاۋىنا ساي، قاشقار ايماعى ەمدەۋدى جەبەۋدىڭ ءبىر سىپىرا شاراسىن ارت-ارتىنان شىعارىپ، دەنساۋلىقتى قورعاۋدى «ەڭ شالعايداعى ءبىر ءۇيلى جانعا» دەيىن جەتكىزۋگە كۇش سالدى.
ياركەن اۋدانى ىشكول اۋىلى جالى قىستاعىنىڭ تۇرعىنى بيلىققىز سامەت بۇيرەككە سۋ جينالۋ ناۋقاسىنا شالدىققان، ءار جىلى از دەگەندە ءبىر رەت شيپاحاناعا جاتىپ ەمدەلەدى. اۋداندا ەمدەۋ قامسىزداندىرۋ جاعىندا اۋدان مەن قالانى ءبىر تۇلعالاندىرۋ ءتۇزىمى اتقارىلعاننان بەرى، تۇراقتى كىرىسى جوق ول ناۋقاسىن الاڭسىز ەمدەتە الاتىن بولدى. بىرنەشە كۇننەن بەرى، ول اۋىلدىق دەنساۋلىق ساقتاۋ ورنىنا بارىپ، شيپحاناعا جاتۋ راسمياتىن لەزدە ءبىتىرىپ الدى، ءارى دەنساۋلىعىن تولىق تەكسەرتتى. ول بىلاي دەدى: «مەن شيپاحاناعا ۇنەمى جاتىپ تۇرامىن، شيپاحاناعا جاتۋ اقىسى شيپاحانادان شىققاندا ءبىر جولدا ەسەپتەن كوتەرىلەدى، ءوزىمنىڭ تولەيتىنىم كوپ ەمەس، ماسەلەن شيپاحاناعا جاتىپ ەمدەلۋگە مىڭ يۋان اقشا جۇمسالسا، ءوزىم مۇنىڭ 150 ــــ 200 يۋانىن عانا تولەيمىن، قازىر ساياسات وتە جاقسى».
وسى بىرنەشە جىلدا، مەملەكەتتىڭ قولداۋىندا، قالا مەن اۋىل تۇرعىندارىنىڭ ەمدەۋ قامسىزداندىرۋى قىزمەتى بىرتىندەپ ىشكەرىلەي جۇرگىزىلدى، مۇندا الدىمەن قامسىزداندىرۋعا ءتيىستىسىن قامسىزداندىرىپ، قامسىزداندىرۋدى بۇكىلدەي جالپىلاستىرۋ جۇزەگە اسىرىلسا، ىلە-شالا قالا-قالاشىق تۇرعىندارىنىڭ ەمدەۋ قامسىزداندىرۋى ءتۇزىمى مەن اۋىل-قىستاقتىڭ جاڭاشا ەمدەۋ ءتۇزىمى بىرىكتىرىلىپ، قالا مەن اۋىل-قىستاق بۇقاراسىنىڭ نوپوس پارقى كۇشىنەن قالدىرىلىپ، ەگىنشى-مالشىلاردىڭ ەمدەۋ قامسىزداندىرۋ دەڭگەيى بارىنشا جوعارىلاتىلدى.
بۇدان سىرت، نەگىزگى ەمدەۋ دەنساۋلىق ساقتاۋ جاعىندا قىزمەت وتەۋ دەڭگەيىنىڭ جوعارىلاۋى مەن ءار ۇلت بۇقاراسىنىڭ ۇزدىكسىز ارتقان قاجەتى اراسىندا بەلگىلى پارىق بولدى. وسى سەبەپتى، قاشقار ايماعى ەمدەۋدى ءبىر تۇلعالاندىرۋ قۇرىلىسىن كۇش سالا ىلگەرىلەتىپ، ەلىمىزدىڭ شينجياڭعا كومەكتەسەتىن ولكە، قالالارى مەن شينجياڭداعى جوعارى دەڭگەيلى ەمدەۋ قۇرىلىمدارىن اۋدان، اۋىلدىڭ نەگىزگى ساتىداعى ەمدەۋ قۇرىلىمدارىمەن سەلبەستىرىپ، ادام، بايلىق جانە ەمدەۋ جاعىندا قارىم-قاتىناس ورناتۋىنا مۇمكىندىك جاراتىپ، ساپالى ەمدەۋ بايلىعىن نەگىزگى ساتىعا جەتكىزۋدى ىلگەرىلەتتى. پوسكام اۋدانى پوسكام اۋىلى سوگەت ارىق قىستاعىنىڭ تۇرعىنى بۇحالچام مامۇت ءتاج ءتارىزدى اتەريانىڭ قاتايۋىنان بولاتىن جۇرەك اۋرى، وكپە قابىنۋى، كەڭىردەكشە قابىنۋ سياقتى ناۋقاستارعا شالدىققان، بۇرىن اۋرۋى قوزعالسا بولعانى كولىك تاۋىپ، اۋدانعا، ءتىپتى قاشقار قالاسىنا دەيىن بارىپ شيپاگەرگە كورىنەتىن. 2017-جىلى، پوسكام اۋىلدىق دەنساۋلىق ساقتاۋ ورنى قارامايلى قالالىق سەنترلى شيپاحاناسىنا سۇيەنىپ، ءوڭىر ىشىندە ەمدەۋ بايلىعىنان ورتاق يگىلىكتەنۋ مەحانيزمىن ورىناتتى، بۇحالچام مامۇت اۋىلدىق دەنساۋلىق ساقتاۋ ورنىنان مامانداردىڭ الىس ارالىقتى قايتالاي تەكسەرىپ، ەمدەۋىنەن يگىلىكتەندى، ول بىلاي دەدى: «قارامايلى قالاسىنىڭ ماماندارى ناۋقاسىمدى كورىپ ەدى، ونىمدىلىگى وتە جاقسى بولدى، قازىر دەنساۋلىق ساقتاۋ ورنىنىڭ دەڭگەيى دە جوعارىلادى، ولاردىڭ قىزمەت وتەۋىنە وتە رازىمىز».
بۇقاراعا اناعۇرلىم ويداعىداي قىزمەت ەتۋ ءۇشىن، قاشقار ايماعى بيىل قاتىستى قوسىمشا قىزمەت وتەۋدى ىشكەرىلەي ورىستەتتى، قاشقار قالالىق دەنساۋلىق ساقتاۋ مەكەمەسىنىڭ باستىعى شىڭ شينپيڭ بىلاي دەدى: «بيىل تاعى جالپى حالىقتىڭ دەنساۋلىعىن تەكسەرۋ بولەگى مەن نەگىزگى الەۋمەتتىك دەنساۋلىق ساقتاۋ قىزمەتىن كورسەتۋ نىسانى بولەگىنەن ورتاق يگىلىكتەنۋ مەحانيزمىن ىسكە قوسىپ، دەنساۋلىق تەكسەرۋمەن قاتار، كوپ قايتالاناتىن ناۋقاسقا، سوزىلمالى ناۋقاسقا، سالماقتى ناۋقاسقا شالدىققاندىعى كۇماندى بولعان ادامداردى ىرىكتەپ تەكسەرىپ، ولارعا ينفورماتسياسى جاعىندا ەسكەرتۋ بەرۋدى جانە ۇقتىرۋدى جوسپارلاپ وتىرمىز. قىستاق پەن الەۋمەتتىك اۋماقتى بىرلىك ەتىپ ارحيۆ تۇرعىزىپ، كارتچكا تاراتىپ، وتباسى شيپاگەرلەرىمەن ۋادە بويىنشا توقتام جاساسۋ سياقتى قاجەتتى بولعان باي مازمۇندى، سان-سالالى قىزمەت وتەۋ تۇرلەرىن ويداعىداي ورىستەتۋ ارقىلى حالىق بۇقاراسىنىڭ دەنساۋلىعىن قورعاۋشى بولۋعا قۇلشىنامىز».


بەرىپ كەت ورامالىڭدى

دوستار

الىستاعى اق ەركە