جاڭا حابارلار

قارامايلى-شاۋەشەك تەمىر جولىنداعى باستاماشى ــ جۇڭگو تەمىر جول ءبىرىنشى مەكەمەسى قارامايلى-شاۋەشەك تەمىر جول نىسانى پارتيا قىزمەتى كوميتەتى

    كەلۋ قاينارى: شينجياڭ حالىق راديو ىستانسياسى    2018-07-12 11:59:59  
ستانسيامىزدىڭ ءتىلشىسى ما شينحۇي مەن ەرىكتى ءتىلشى لي جيانفىڭنىڭ حابارى: قارامايلى-شاۋەشەك تەمىر جولىنىڭ ەكىنشى مەرزىمدىك قۇرىلىسى باستاپ سالىندى، بۇل قۇلىستاي ويپاتىنا پويەز قاتىناماۋ تاريحىن اياقتاتادى. قۇرىلىس جۇرگىزۋشى جاقتىڭ ءبىرى-جۇڭگو تەمىر جول ءبىرىنشى مەكەمەسى تۇتاس لەنيا بويىنشا كوپىر سالۋ جانە كوپىر ارقاۋى قىزمەتىن ۇستىنە الدى، بيىلعى كوپىر سالىپ، كوپىر ارقاۋىن تۇتاستىرۋ جۇمىسىن ءساتتى ورىنداۋ ءۇشىن، جۇڭگو تەمىر جول ءبىرىنشى مەكەمەسى قارامايلى-شاۋەشەك تەمىرجول نىسانى پارتيا قىزمەتى كوميەتى پارتيا مۇشەلەرى اتويشىلار اتىرەتىن، پارتيا مۇشەلەرىنىڭ ۇلگى كورسەتۋ ورنىن قۇردى، ءار ءبىر پارتيا مۇشەسى ءبىر-ءبىر پاراۆوز سياقتى، ۇدىرە العا تارتاتىن تاماشا رۋحتى ساۋلەلەندىرۋ ارقىلى قارامايلى-شاۋەشەك تەمىر جولى بويىنداعى كوپىرلەردى ۇزدىكسىز العا ۇزارتىپ سالدى.
شىلىڭگىر جاز كوپىر سالۋعا باپ كەلەتىن ەڭ تاماشا مەزگىل، جۇڭگو تەمىر جول ءبىرىنشى مەكەمەسى قارامايلى-شاۋەشەك تەمىر جول نىسانى ءدوربىلجىن كوپىر سالۋ الاڭىندا، قۇرىلىسشىلار الدىن الا جاسالاتىن كوپىر ارقالىعىن جاساۋمەن قاربالاس بولدى. تەمىر جولدىڭ الدىن الا جاسالاتىن كوپىر ارقالىعىنىڭ ءبىر بولەگىنىڭ اۋىرلىعى 142 توننا، ءوندىرىس تارتىبى 19 تۇردەن اسادى، مۇنىڭ ءار وتكەلەگى وتە مۇقيات يگەرىلىپ، اراسى ەش ساڭلاۋسىز جاسالۋى قاجەت. ۋاقىت قىسىلتاياڭ، مىندەت اۋىر بولعان جاعدايدا، كوپىر سالۋ الاڭى پارتيا مۇشەسى اتويشىلار اتىرەتىن قۇرىپ، ساپا جاعىندا الدىمەن ۇلگى كورسەتىپ، قارقىن جاعىندا تەزدىك بايقاتتى. كوپىر سالۋ الاڭى اماندىق جانە ساپا ءبولىمىنىڭ ورىنباسار باستىعى، پارتيا مۇشەسى چىن ۋيجى ساپا حاۋىپسىزدىگىن باقىلاۋ-تەكسەرۋگە جاۋاپتى بولدى. ول قايتا-قايتا مۇقيات تەكسەرىپ، ءار قانداي كىناراتتى قالت جىبەرمەي كۇنى بويى قاداعالاعاندىقتان كوزى دە قاتتى اۋىردى. الايدا ونىڭ وتكەلدى مىقتى يگەرۋىنىڭ ارقاسىندا، قازىر كوپىردىڭ تولىمدىلىق مولشەرى %100 كە جەتتى، ول بىلاي دەدى: «بۇل قىزمەت قاراعاندا وڭاي سياقتى بولعانمەن، وتە كۇشتى جاۋاپكەرلىكتى قاجەت ەتەدى، ماسەلەنى دەر كەزىندە بايقاي الماساق، ونى الدىڭعى بولەكتەگى كوپىر ارقالىعىن جاساۋ بولىمىنىڭ ءوندىرىس تارتىبىنە جاۋاپتىلارعا اڭىس ەتپەسەك، تۇتاس كوپىر ينجەنەرياسىندا مەجەلەۋگە بولمايتىن كومەسكى قاتەر تۋىلادى».
قارامايلى-شاۋەشەك تەمىرجولىنىڭ 2-مەرزىمدىك قۇرىلىسىندا جيىنى 437 كوپىر سالىنادى، قازىر مۇنىڭ 284 سالىنىپ بولدى. 9-ايدىڭ اياعىندا تۇتاس لەنيا بويىنشا تەمىرجول كوپىرىن سالۋ نىساناسىن ورىنداۋعا كەپىلدىك ەتۋ ءۇشىن، جالپى پارتيالى كادرلار دەمالىسىنان ىرىقتىلىقپەن باز كەشتى، وتە-موتە تۇندە كوپىر سالۋدىڭ قاربالاس كەزىندە، ءار جۇمىس كەزەگىندە ءبىر پارتيا مۇشەسىنىڭ جۇمىس ورنىندا بولۋىنا تولىق كەپىلدىك ەتتى.
كوپىر سالۋ جۇمىسىن ۇستەمەلەپ، كەزەكپەن ىستەۋمەن بىرگە، كوپىردى قۇراستىرۋ جۇمىسى دا وڭايعا تۇسپەدى. قارامايلى-شاۋەشەك تەمىرجولىنىڭ 2-مەرزىمدىك قۇرىلىسىنىڭ جالپى لەنياسى 170 نەشە كيلومەتردەن اسادى، مۇنىڭ ىشىندە كوپىردىڭ جالپى ۇزىندىعى 12.58 كيلومەتر، باسىم كوبى شينجياڭعا اتى ءمالىم مايتاس جەل وتىنە شوعىرلانعان. داعدى بويىنشا، 6 بالدان جوعارى كۇشتى بوراندا قۇرىلىس جۇرگىزۋ توقتاتىلادى، الايدا مايتاس كورىنىس رايونىندا 8 بالدان جوعارى كۇشتى بوراندى اۋا رايى جىلىنا 150 نەشە كۇننەن اسادى. وسىنداي ماڭىزدى ساتتە، پارتيا مۇشەلەرى تاعى دا كەۋدە كەرىپ العا شىقتى. جۇڭگو تەمىرجول ءبىرىنشى مەكەمەسى قارامايلى-شاۋەشەك تەمىرجول نىسانى كاسىپتىك قوسىن اتىرەتىنىڭ جاۋاپتىسى، پارتيا مۇشەسى ۋاڭ چىڭگىن، باقىلاۋ تالداۋ جاساۋ ارقىلى كوپشىلىكتىڭ قىزمەت ۋاقىتىن ۇزارتىپ، بوران توقتاعان ارالىقتاعى ۋاقىتتى ۇتىپ قۇرىلىس جۇرگىزۋ ادىسىنەن پايدالانعانىن تانىستىرا كەلىپ بىلاي دەدى: «بۇل جەردىڭ بورانى قاتتى، ادامنىڭ ءوزىن ۇشىرىپ كەتە جازدايدى، ءبىز امالسىزدان بوران باسەيگەن ۋاقىتتى ۇتىپ، تەز ىستەۋدى ءجون كوردىك، ەگەر ءبىر كوپىردى كەشىكتىرسەك، جالپى قۇرىلىسقا اسەرى تيەدى. پارتيا مۇشەلەرى جۇمىس ىستەۋ ۋاقىتىن ۇزارتىپ، كادرلار دەمالىسىنان باز كەشۋدى ىرىقتى العا قويدى، مۇنداعى ماقسات شەكتى ۋاقىتتى مىقتى يگەرىپ، مىندەتتى ۋاعىندا ورىنداۋ ءۇشىن».
جۇڭگو تەمىر جول ءبىرىنشى مەكەمەسى قارامايلى-شاۋەشەك تەمىر جول نسىانى پارتيا قىزمەتى كوميتەتىندە نە بارى 17 پارتيا مۇشەسى عانا بار، الايدا ءار ءبىر پارتيا مۇشەسى ءبىر تۋ، ولار قارامايلى-شاۋەشەك تەمىرجول قۇرىلىسىن جەدەل جۇرگىزۋگە جەتەكشى بولدى. جۇڭگو تەمىر جول ءبىرىنشى مەكەمەسى قارامايلى-شاۋەشەك تەمىرجول نىسانى پارتيا قىزمەتى كوميتەتىنىڭ ورىنباسار شۋجيى لي دىشۋە بىلاي دەدى: «نەگىزگى ساتىداعى ءار ءبىر پارتيا ۇيىمى-جاۋىنگەرلىك، قامالدىق رول اتقارادى، ءار ءبىر پارتيا مۇشەسى ءبىر تۋ. قارامايلى-شاۋەشەك تەمىر جول قۇرىلىسىن جۇرگىزۋگە جاۋاپتى پارتيا قىزمەت كوميتەتىندەگى ءار ءبىر پارتيا مۇشەسى تۇگەلدەي اۋەلگى ماقساتتى ۇمىتپاي، ۇمتىلا العا باسۋى كەرەك، ولاردىڭ ماڭىزدى ساتتە كەۋدە كەرىپ العا شىعاتىن، شۇعىل جاعدايدا اتويلاپ الدا جۇرەتىن رۋحىن تولىن ساۋلەلەندىرگەندىگى سەبەپتى، جۇڭگو تەمىر جول ءبىرىنشى مەكەمەسى قارامايلى-شاۋەشەك تەمىرجول نسىانى ءبولىمى كوپىر جاساۋ، سالۋ مىندەتىن ءتارتىپتى ىلگەرىلەتۋگە كەپىلدىك ەتە الدى».

بەرىپ كەت ورامالىڭدى

دوستار

الىستاعى اق ەركە