جاڭا حابارلار

قاھارماندىق رۋحتىڭ سيموۆلى ــ حى مىڭشيۇڭ

    كەلۋ قاينارى: شينجياڭ حالىق راديو ىستانسياسى    2018-07-12 11:57:33  
حى مىڭشيۇڭ ـــ 1898-جىلى 6-ايدا دۇنيە ەسىگىن اشقان، حىنان ولكەسى يانليڭ اۋدانىنىڭ ادامى. ەرتەدە چاڭشادا وقىپ جۇرگەن كەزىندە، ماۋ زىدۇڭ، ساي حىسىن، دىڭ جۇڭشيالارمەن قويۋ بارىس-كەلىس جاساپ، توڭكەرىستىك دوستىق ورناتقان.
1920-جىلى 3-ايدا، لي داجاۋدىڭ جەتەكشىلىگى مەن كومەگىندە، حى مىڭشيۇڭ جانە دىڭ جۇڭشيا، لو جاڭلۇڭدار جۇڭگوداعى تۇڭعىش ماركسيزم ءىلىمىن زەرتتەۋ توبى ـــ بەيجيڭ ۋنيۆەرسيتەتىنىڭ ماركسيزم ءىلىمىن زەرتتەۋ قوعامىن قۇرعان. سول جىلى 11-ايدا، بەيجيڭ سوتسياليستىك جاستار وداعى جانە بەيجيڭدەگى كوممۋنيستىك پارتيانىڭ العاشقى ۇيىمىنا قاتىناسقان.
1921-جىلى 7-ايدا، جۇڭگو كوممۋنيستىك پارتياسى قۇرىلدى، حى مىڭشيۇڭ ــ ەلىمىزدەگى ەڭ العاشقى 50 نەشە پارتيا مۇشەسىنىڭ ءبىرى؛ سول جىلى قىستا، ج ك پ بەيجيڭ جەرگىلىكتى اتقارۋ كوميتەتىنىڭ شۋجيى، سونداي-اق جۇڭگو ەڭبەكشىلەر بىرلەستىگى حاتشىلار باسقارماسى سولتۇستىكتەگى بولىمشەسىنىڭ مۇشەسى بولعان؛ 1925-جىلى 5-ايدىڭ 1-كۇنى حى مىڭشيۇڭ ەندى عانا قۇرىلعان بەيجيڭ-سۇييۋان تەمىرجولى باس جۇمىسشى ۇيىمىنىڭ باس حاتشىسى؛ 1926-جىلى 5-ايدا، ج ك پ تاڭشان ايماقتىق پارتكومنىڭ شۋجيى بولدى؛ 1927-جىلى 4-ايدا، سول كەزدەگى توڭكەرىس ورتالىعى ۋحانعا بارىپ قىزمەت ىستەپ، ج ك پ ۋحان قالالىق پارتكوم ۇيىمداستىرۋ ءبولىمىنىڭ باستىعى بولدى. وسى بارىستا، حى مىڭشيۇڭ سولتۇستىكتەگى پارتيا ۇيىمى مەن جۇمىسشىلار قوزعالىسىنىڭ ماڭىزدى باسشىلارىنىڭ ءبىرى بولىپ، بەيجيڭ-سۇييۋان تەمىرجولى، كايلۋان كومىر كەنى، تاڭشان تەمىرجولى پاراۆوز زاوۆتى، جىڭتاي تەمىرجولى، حانكوۋ تەمىرجولى سياقتى تەمىرجول جۇمىسشىلارىنىڭ كولەمدى جۇمىس تاستاۋىن قامتىعان كوپتەگەن ماڭىزدى كۇرەستەرگە قاتىناستى،ءارى وعان باسشىلىق ەتتى.
زور توڭكەرىس جەڭىلىسكە ۇشىراعاننان كەيىن، 1927-جىلى 9-ايدا، جۇڭگو كوممۋنيستىك پارتياسى ورتالىق كوميتەتى ۋحاننان شاڭحايعا كوشتى، حى مىڭشيۇڭ دا شاڭحايعا بارىپ، جياڭسۋدىڭ جەر-جەرىندە پارتيا ۇيىمىن قايتادان قالپىنا كەلتىرۋ قيمىلىنا قاتىناستى، ءارى وعان باسشىلىق ەتىپ، جۇمىسشى-ديحان قوزعالىسى مەن قارۋلى كۇرەستەردى ورىستەتتى.
1931-جىلى 1-ايدىڭ 17-كۇنى ساتقىننىڭ قۇپيالىقتى اشكەرەلەۋى سالدارىنان، حى مىڭشيۇڭ شاڭحايدا تۇتقىندالدى، 2-ايدىڭ 7-كۇنى حى مىڭشيۇڭ شاڭحايدىڭ لۇڭحۋا دەگەن جەرىندە نەبارى 33 جاسىندا ەرلىكپەن قۇربان بولدى.

بەرىپ كەت ورامالىڭدى

دوستار

الىستاعى اق ەركە