جاڭا حابارلار

ۇرىمجىدە دەمالىپ تىنىعاتىن تاماشا ورىندار كوپ بولدى

    كەلۋ قاينارى: شينجياڭ حالىق راديو ىستانسياسى    2018-07-12 11:05:33  
ستانسيامىزدىڭ ءتىلشىسى چىن جۇيلي مەن پراكتيكانت جاۋ لينانىڭ حابارى: بىرنەشە كۇننەن بەرى، ۇرىمجىدە تەمپەراتۋرا جالعاسى جوعارىلادى، ءتىلشى ورتالىق قالانىڭ ۇلكەندى-كىشىلى كوشەرلەرىن ارالاپ ءجۇرىپ باقشا، كوگال، كىتاپحانالاردىڭ دەمالىپ تىنىعاتىن تاماشا ورىنعا اينالعانىن كوردى.
شىلىڭگىر ىستىقتا ۇرىمجىدەگى حالىق باقشاسى، شۇيموگۋ باقشاسى سياقتى باقشالاردا سەيىلدەۋشىلەر مول بولدى. حالىق باقشاسىنا بارا قالساڭىز كول جاعالاۋىنداعى يرەلەڭدەپ جاتقان سەرۋەن جولدارىنىڭ بويىنداعى سامال جەلمەن ىرعالعان جىلاۋىق تالداردى، جىلىستاپ اققان ءموپ-ءمولدىر سۋلاردى كورەسىز. باقشاعا كىرىسىمەن جۇرت جانعا جايلى سالقىن سامالمەن كەڭ تىنسىتايدى. كوپ ساندى قالا تۇرعىنى بالالارىن ەرتىپ وزەن جاعاسىنا بارىپ سالقىندادى، ءالسىن-ءالسىن سىڭعىرلاپ كۇلگەن داۋىستار ەستىلىپ، باع ءىشى ەرەكشە شاتتىققا شومدى. ءۇرىمجى قالاسىنىڭ تۇرعىنى شياۋ حۇيباۋ: «اۋا تاماشا، بالالارىمدى ويناتقالى ەرتىپ كەلدىم، سەيىلدەپ، دەنە شىنىقتىرىپ ءجۇرمىز»،-دەدى.
جازدىق دەمالىس قارساڭىندا، كىتاپحانالار دا قالا تۇرعىندارىنىڭ كوڭىل اشىپ، تىنىعاتىن جەرىنە اينالدى. وسى دەمالىستا، ءۇرىمجى قالاسىنداعى كىتاپحانالاردا ورەندەر كىتابىن تىڭنان ءبىر مىڭ 553 دانا كوبەيتىلىپ، وقۋشىلاردى كەلىپ كىتاپ وقۋعا باۋرادى. 12 جاستاعى شىن يۇيتۇڭ وسى دەمالىستا كىتاپحاناعا ەرىكتى جۇمىس ىستەپ كىتاپ وقي ءجۇرىپ دوستارىمەن كىتاپ وقۋ بارىسىنداعى اسەرىن بولىسۋدى جوسپارلاعانىن ايتا كەلىپ: «ادەتتە كىتاپ وقۋدى ۇناتامىن ءارى باسقالارعا قىزمەت ەتەمىن، بۇل وتە ماعىنالى»،-دەدى.
بىرنەشە كۇننەن بەرى، وڭتۇستىك ازاتتىق كوشەسىندەگى ءۇرىمجى شينحۋا كىتاپحاناسى كىتاپ ساتىپ الۋ ورتالىعى كىتاپ وقۋدىڭ قىزۋ ورلەۋىن كوتەردى. كىتاپحانانىڭ كىتاپ وقۋ بولمەسىندە ينە شانشار ورىن جوق، بۇل اراعا ءار كۇنى قىرىۋار بالا جينالىپ، ۇقساماعان جاستاعى بالالار وزدەرى قىزىعىناتىن كىتاپتاردى تاۋىپ وقىدى. ءۇرىمجى قالالىق 16-ورتا مەكتەپتىڭ وقۋشىسى ۋاڭ يفان بىلاي دەدى: «جازدىق كانيكولدا كىتاپحانادان كىتاپ وقۋ ساباقتان سىرتقى بىلىمدەردى تولىقتىرادى، ۇيدە تەلەفون اقتارىپ، تەلەۆيزور كورۋ سياقتى ءمان-ماعىناسىز جۇمىستارمەن اينالىسامىز، كىتاپحاناعا بارىپ كىتاپ وقۋ وتە ماعىنالى ەكەن».
شينحۋا كىتاپحاناسىنىڭ كىستاپ ساتىپ الۋ ورتالىعى مادەنيەت-وقىتۋ ءبولىمىنىڭ مەڭگەرۋشىسى ءمان لي تىلشىگە، تاياۋدان بەرى كىتاپحاناعا كەلەتىندەردىڭ سانى جاي كۇندەردەگىدەن ەكى ەسەگە جۋىق ارتتى، مۇنىڭ باسىم كوبى وقۋشى. كىتاپحانالار دا جازدا بالالار ءۇشىن كىتاپ وقۋعا قاتىستى باي مازمۇندى قيمىلدار ورىستەتتى دەي كەلىپ: «جازدىق كانيكولدا بالالار ءۇشىن مەرزىم سايىن كىتاپ وقۋ قيمىلىن ورىستەتىپ، بالالاردى كانيكولدا كىتاپ وقۋعا باۋرايمىز، ءتۇرلى كىتاپتاردى ءبىر جەرگە شوعىرلاندىرىپ، بالالارعا تانىستىرامىز، جالپى حالىقتىڭ كىتاپ وقۋىنا مۇمكىندىك جاسايمىز»،-دەدى.

بەرىپ كەت ورامالىڭدى

دوستار

الىستاعى اق ەركە