جاڭا حابارلار

يۇننان حالىق ازاتتىعىنىڭ كوشباسشىسى جانە نەگىزىن قالاۋشى ـــ ۋاڭ دىسان

    كەلۋ قاينارى: شينجياڭ حالىق راديو ىستانسياسى    2018-07-11 18:39:06  
ۋاڭ دىساننىڭ بۇرىنعى اتى ۋاڭ ماۋتيڭ، 1898-جىلى 7-ايدا، يۇننان ولكەسىنىڭ شياڭيۇن اۋدانىندا دۇنيە ەسىگىن اشقان. 1921-جىلى، بەيجيڭ ۋنيۆەرسيتەتىنە قابىلدانىپ، كوپ وتپەي ەلىمىزدەگى تۇڭعىش ماركسيزمدى ۇيرەنۋ جانە زەرتتەۋ ۇيىرمەسى ـــ بەيجيڭ ۋنيۆەرسيتەتىنىڭ ماركسيزم ءىلىمىن زەرتتەۋ قوعامىنا مۇشە بولعان؛ 1922-جىلى دىڭ جۇڭشيانىڭ تانىستىرۋىمەن جۇڭگو كوممۋنيستىك پارتياسىنا قابىلدانعان.
1924-جىلى كۇزدە، ج ك پ سولتۇستىك رايون كوميتەتىنىڭ ۇيعارۋىمەن، ۋاڭ دىسان شانشيدىڭ سولتۇستىگىندە پارتيا ۇيىمىن قۇرعان، ول شانشيدىڭ سولتۇستىگىندەگى كوممۋنيستىك پارتيا ۇيىمىن قۇرۋشىلاردىڭ جانە ماڭىزدى باسشىلاردىڭ ءبىرى.
1925-جىلى ۋاڭ دىسان بيجيڭ ۋنيۆەرسيتەتىنە قايتىپ، وقۋىن جالعاستىرادى ءارى ىلگەرىندى-كەيىندى ج ك پ بەيجيڭ رايوندىق كوميتەتىنىڭ مۇشەسى، جۇڭگو كوممۋنيستىك جاستار وداعى بەيجيڭ قالالىق جەرگىلىكتى كوميتەتىنىڭ مۇشەسى جانە ەكونوميكالىق كۇرەس كوميتەتىنىڭ شۋجيى سياقتى قىزمەتتەردى اتقارىپ، بەيجيڭ جۇمىسشىلار قوزعالىسىنا باسشىلىق ەتۋ قىزمەتىنە قاتىناسقان.
1927-جىلى 2-ايدا، سول كەزدەگى حۋاڭپۋ اسكەري مەكتەبىنىڭ ساياسي تاربيەشىسى بولعان ۋاڭ دىسان پارتيانىڭ ۇيعارۋىمەن يۇننانعا بارىپ، قىزمەت ىستەپ، ج ك پ يۇننان ولكەلىك ەرەكشە كوميتەتتىڭ، ۋاقىتتىق كوميتەتتىڭ، ولكەلىك پارتكومنىڭ شۋجيى، 6-رەتكى پارتيا قۇرىلتايىنىڭ ۋاكىلى بولعان. 1930-جىلى 1-ايدا، ۋاڭ دىسان ج ك پ يۇننان 1-كەزەكتى ولكەلىك كوميتەتتىڭ شۋجيى بولدى. 1930-جىلى 11-ايدا، ساتقىنداردىڭ وپاسىزدىق جاساۋىمەن، ۋاڭ دىسان باقىتقا قارسى تۇتقىندالدى. تۇرمەدە جاۋدىڭ ۇرەيلەندىرۋى مەن ازدىرۋى الدىندا، ول ءوز مايدانىندا بەرىك بولدى. 1930-جىلى 12-ايدىڭ 31-كۇنى، ۋاڭ دىسان كۇنميڭدە، 33 جاسىندا ەرلىكپەن قۇربان بولدى.

بەرىپ كەت ورامالىڭدى

دوستار

الىستاعى اق ەركە