جاڭا حابارلار

شاش جۋعاندا ۇنەمى كەزىگەتىن اعاتتىقتار

    كەلۋ قاينارى: شينجياڭ حالىق راديو ىستانسياسى    2018-07-09 12:46:46  

  شاش جۋۋ، شاش قورعاۋ، شاش بۇيرالاۋ، شاش بوياۋ سياقتىلار قازىر ءبىز كوڭىل بولەتىن تۇيىندەردىڭ ءبىرى. دەسەدە شاشىمىزدىڭ ساپاسى كۇننەن-كۇنگە ناشارلاپ، شاش مايلاسۋ، شاش ءتۇسۋ ماسەلەلەرى ۇزدىكسىز كەزدەسۋدە. امالياتتا كوپشىلىكتى مۇنداي مازالايتىن ىستەر شاش جۋۋ بارىسىنداعى ادىستەردىڭ كەمەلسىزدىگىنەن جارىققا شىعادى.
.1 شاشتى تاراماي توتە جۋۋ. باس جۋعان كەزدە باس تەرىسىن تازا جۋۋ ەڭ ماڭىزدى. ەگەر شاشتى تاراماي توتە جۋسا، باس تەرىسىندەگى شاڭ-توزاڭ مەن كىر شاشقا جابىسىپ تازا جۋىلمايدى. شاش جۋۋ الدىندا، شاشتى تاراقپەن ابدەن تاراپ جۋسا، شاش جۋۋ سۇيىقتىعىنىڭ جۇمسالىمىن ازايتىپ، شاش تەرىسىنىڭ تتىركەندىرۋىن دە ازايتادى.
.2 تىرناقپەن باس تەرىسىن تىرناپ جۋۋ. كوپتەگەن ادامدار شاش جۋعاندا، تىرناقپەن باس تەرىسىن تىرناپ جۋسا راحات سەزىنەدى. تىرناق استىندا كوپتەگەن باكتەريا بولاتىن بىلە بەرمەيدى. ەگەر، باس تەرىسىن تىرناپ جارالاپ السا، وڭاي قابىنىپ، تۇك قالتاسىنىڭ قابىنۋى سياقتى تەرى اۋرۋلارىن جارىققا شىعارادى. سوندىقتان، شاش جۋۋ بارىسىندا الاقانمەن شەڭبەر فورماسىندا ۋقالاپ، ساۋساقپەن سالالاپ جۋۋ قاجەت.
.3 شاشتى سۋلاماي تۇرىپ سابىن جاعۋ. ءىشىنارا ادامدار شاشىن جۋار جۋماستان سابىن جاعادى. الايدا، مۇنداي ىستەۋ تازا جۋىلماي قالماستان، شاش ءتۇيىلىپ قالادى دا، قايىزعاق كىردىڭ بارلىعى شاشتىڭ اراسىندا قالادى. ەڭ جاقسىسى تازا سۋدا ابدەن جۋىپ، سابىن جاعۋ قاجەت.
.4شاش سابىندى توتە باس تەرىسىنە جاعۋ. كوپتەگەن ادامدار تەز ءارى قولايلى بولۋ ءۇشىن، شاش سابىندى توتە باس تەرىسىنە جاعادى، مۇنداي جاعدايدا،سابىن سۋمەن تولىق ارالاسپاعاندىقتان، كوپىرشىمەيدى دە، باس تەرىسىن تىتىركەندىرىپ، شاشتى تۇسىرەدى. باس جۋۋ الدىندا ەڭ جاقسىسى، شاش سابىندى قولعا قۇيىپ، سۋ قۇيىپ، كوبىرشىك شىعارعاننان كەيىن بارىپ شاشقا جاقسا، شاش تازا ءارى جىلتىر بولادى.
.5 شاش قورعاعىشتى تەرىگە تىكە جاعۋ. شاش قورعاعىش ارنايى شاشتى تازا ءارى جىلتىراتاتىن بۇيىم. ەگەر، شاش قورعاعىشتى باس تەرىسىنە جاعاتىن بولسا، قۇرامىنداعى حيميالىق قوسىلىس تۇك قالتاسىن بىتەپ، شاش تۇسىرەدى. شاش قورعاعىشتى جاققان كەزدە، شاش تەرىسىنەن 1-2 سانتيمەتر الىستا، قۇلاق تۇسىنان باستاپ شاشتىڭ ۇشىنا قاراي جاعۋ ءتيىس.
.6 شاش قورعاعىشتى شاشتا ۇزاق تۇرعىزباۋ، شاش قورعاعىشتى جاققان ۋاقىت ۇزاق بولسا، شاشتى قورعاۋدىڭ ورنىنا، شاشتىڭ اراسىندا قالىپ قويادى دا، تازا جۋىلمايدى، شاش تۇسەدى. شاش قورعاعىشتى جاققاننان كەيىن ىستىق سۋعا شىلانعان ورامالدى سىعىپ، شاشتى 5 مينۋت وراپ، تازا سۋدا جۋۋ. وسىلاي ىستەگەندە شاش قورعاعىشتى جاقسى ءسىمىرىپ، زاقىمدالعان شاشتى قالپىنا كەلتىرۋگە بولادى  .
.7 وتە ىستىق سۋمەن شاش جۋۋ.  سۋدىڭ تەمپەراتۋراسى قالىپتان تىس جوعارى بولسا، باس تەرىسىندەگى ماي قۇرامىن جويىپ، شاشتى زاقىمداپ، باس تەرىسىن مايلاستىرادى، قايىزعاقتى كوبەيتەدى. ەڭ جاقسىسى سۋدىڭ تەمپەراتۋراسىن 40 سەلتسي  اينالاسىندا تەڭشەسە ەڭ ۇيلەسىمدى بولادى.  .8 شاشتى جۋا سالىپ قۇرعاتقىش پايدالانۋ. شاشتى تەز قۇرعاتۋ ءۇشىن، كوپتەگەن  ادامدار شاش قۇرعاتقىش پايدالانادى. بۇلاي ىستەۋ تۇك قابىرشاعىن زاقىمداپ، سۋ قۇرامىن ازايتىپ، شاشتى سارعايتىپ قۇرعاتادى. ەڭ جاقسى ءادىس  شاش تابيعي قۇرعاعانى ءجون. ەگەر، ءسوزسىز تەز قۇرعاتۋ كەرەك بولسا، شاش قۇرعاتقىشتىڭ سۋىق جەلىنە تەڭگەرىپ كەپتىرۋ، شاشقا دەگەن زيانىن ازايتۋ ءۇشىن، شاشتى قۇرعاتقىشتان 15 سانتيمەتر الىس ۇستاعان ءجون.


بەرىپ كەت ورامالىڭدى

دوستار

الىستاعى اق ەركە