جاڭا حابارلار

ءتۇزىمنىڭ ومىرشەڭدىك كۇشىن قاۋلاتىپ، نەگىزگى ساتىنىڭ تاجىريبەلەرىن جانداندىرىپ، كادرلاردى ىسكەرلىك كورسەتۋگە ىنتالاندىرىپ، رەفورمانى جاپپاي تەرەڭدەتۋدى ونان ارى تىڭعىلىقتى ىلگەرىلەتۋ كەرەك

    كەلۋ قاينارى: شينجياڭ گازەتى    2018-07-09 18:28:57  

شي جينپيڭ ورتالىقتىڭ رەفورمانى جاپپاي تەرەڭدەتۋ كوميتەتىنىڭ 3-رەتكى ماجىلىسىندە مىنالاردى باسا دارىپتەدى
ۋاڭ حۋنيڭ، حان جىڭ ماجىلىسكە قاتىناستى

 شينحۋا اگەنتتىگىنىڭ 7 - ايدىڭ 6 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىقتىڭ رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 7 - ايدىڭ 6 - كۇنى تۇستەن كەيىن ورتالىقتىڭ رەفورمانى جاپپاي تەرەڭدەتۋ كوميتەتىنىڭ 3 - رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنالاردى باسا دارىپتەدى: پارتيانىڭ 19 - قۇرىلتايىنان بەرى، پارتيا ورتالىق كوميتەتى پارتيانىڭ 18 - قۇرىلتايىنان بەرگى رەفورما جەتىستىكتەرىن تەرەڭدەتۋ نەگىزىندە، ورايدى مىقتى يگەرىپ، ەلەۋلى جالپى جاعدايلىق رەفورمالاردى ىلگەرىلەتىپ، رەفورمانى جاپپاي تەرەڭدەتۋدە تىڭ دا ەلەۋلى ىلگەرىلەۋشىلىكتەرگە قول جەتكىزدى. رەفورمانى ۇزدىكسىز ىلگەرىلەتۋدە اناعۇرلىم كوپ زەيىن - زدەردەنى ءتۇيىندى، قيىن ماسەلەلەرگە شوعىرلاندىرىپ، كۇشتى ۇيىستىرىپ قامال الۋ شايقاسىن جۇرگىزىپ، ءتۇزىمنىڭ ومىرشەڭدىك كۇشىن قاۋلاتىپ، نەگىزگى ساتىنىڭ تاجىريبەلەرىن جانداندىرىپ، كادرلاردى ىسكەرلىك كورسەتۋگە ىنتالاندىرىپ، رەفورمانى جاپپاي تەرەڭدەتۋدى ونان ارى تىڭعىلىقتى ىلگەرىلەتۋ كەرەك.
  ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىقتىڭ رەفورمانى جاپپاي تەرەڭدەتۋ كوميتەتىنىڭ ورىنباسار مەڭگەرۋشىلەرى ۋاڭ حۋنيڭ، حان جىڭ ماجىلىسكە قاتىناستى.
  ءماجىلىس «حىبەي شيۇڭ - ان جاڭا رايونىنىڭ رەفورمانى جاپپاي تەرەڭدەتۋىنە جانە ەسىك اشۋدى كەڭەيتۋىنە قولداۋ كورسەتۋ جونىندەگى جەتەكشى پىكىردى»، «جاڭا ءداۋىر وركەنيەت امالياتى ورتالىعىن قۇرۋ سىناق ءتۇيىنى قىزمەتى جونىندەگى جەتەكشى پىكىردى»، «مەكتەپكە دەيىنگى تاربيە قۇرىلىمدارىنىڭ دامۋىن ارناعا ءتۇسىرۋ جونىندەگى پىكىردى»، «مەكتەپكە دەيىنگى تاربيە رەفورماسىن تەرەڭدەتۋ، ارناعا ءتۇسىرىپ دامىتۋ جونىندەگى ءبىرقانشا پىكىردى»، «مەجە ەسەپ ناتيجەسىن باسقارۋدى جاپپاي اتقارۋ جونىندەگى پىكىردى»، «تۇتىنۋدى جەبەۋ ءتۇزىلىس مەحانيزمىن كەمەلدەندىرۋ، تۇرعىنداردىڭ تۇتىنۋ مۇمكىندىكتەرىن ونان ارى قوزعاۋ جونىندەگى ءبىرقانشا پىكىردى»، «تۇتىنۋدى جەبەۋدىڭ ءتۇزىلىس مەحانيزمىن كەمەلدەندىرۋ جونىندەگى اتقارۋ جوباسىن (2018 − 2020 جىل)»، «نەگىزگى الەۋمەتتىك قىزمەت كورسەتۋدىڭ ولشەم جۇيەسىن ورناتۋ جانە كەمەلدەندىرۋ جونىندەگى جەتەكشى پىكىردى»، «مادەني ەسكەرتكىشتەردى قورعاۋ جانە ونان پايدالانۋ رەفورماسىن كۇشەيتۋ جونىندەگى ءبىرقانشا پىكىردى»، «قىزمەت كورسەتۋدى ۇكىمەتتىك ساتىپ الۋدىڭ ونىمدىلىگىن ءۇشىنشى جاق باعالاۋ قىزمەتىن ىلگەرىلەتۋ جونىندەگى جەتەكشى پىكىردى»، «ساناقتاعى كوزبوياۋشىلىقتان، الدامكوستىك ىستەۋدەن ساقتانۋعا جانە ونى جازالاۋعا باقىلاۋ - تەكسەرۋ جۇرگىزۋ قىزمەتى بەلگىلەمەسىن»، «جىجياڭ قاتارلى جەرلەردىڭ ەڭ كوپ بولعاندا ءبىر رەت بارۋ رەفورماسىن تەرەڭدەتۋدە ورتالىق دەڭگەيىندە شەشۋ قاجەت بولعان ىستەردىڭ ءتىزىمى جانە قىزمەتى جونىندەگى ۇسىنىستاردى»، «اۋداننان تومەن ءىسورىندارىنداعى باسقارۋ جۇمىس ورنىنداعى قىزمەتكەرلەردىڭ دارەجەسىن ءوسىرۋ ءتۇزىمىن تۇيىندە سىناق ەتۋ قىزمەتىن ورىستەتۋ جونىندەگى اتقارۋ پىكىرىن»، «ارميا مەن حالىقتىڭ توعىسىپ تەرەڭدەي دامۋىن ىلگەرىلەتۋگە قاتىستى قازىنالىق ساياساتتار جونىندەگى پىكىردى»، «بەيجيڭ ينتەرنەت سوتى مەكەمەسىن، گۋاڭجوۋ ينتەرنەت سوتى مەكەمەسىن كوبەيتىپ قۇرۋ جونىندەگى جوبانى»، «ەڭ جوعارى حالىق پروكۋراتۋراسى الەۋمەتتىك ارىز - شاعىم پروكۋراتۋرا مەڭگەرمەسىن قۇرۋ جونىندەگى جوبانى» قاراپ ماقۇلدادى.
  ءماجىلىس مىنالاردى اتاپ كورسەتتى: حىبەي شيۇڭ - ان جاڭا رايونىنىڭ رەفورمانى جاپپاي تەرەڭدەتۋىنە جانە ەسىك اشۋدى كەڭەيتۋىنە قولداۋ كورسەتۋدە، بەيجيڭنىڭ استاناعا جاتپايتىن فۋنكتسيالارىن بىتىراتۋدى شوعىرلى ۇستىنە الاتىن جەر سىندى ورىندى مىقتاپ يگەرىپ، «شيۇڭ - ان ساپاسىن» جاراتۋدى ارقاۋ ەتىپ، شيۇڭ - ان جاڭا رايونىنا رەفورمادا ءتىپتى دە كوپ ءوز ءىسىن ءوزى باسقارۋ ۇقىعىن بەرىپ، جاڭالىق اشىپ دامۋ، قالانى جونگە سالۋ، الەۋمەتتىك قىزمەت كورسەتۋ سياقتى جاقتاردا الدىمەن ىسكە كىرىسىپ، الدىمەن سىناپ، الدىمەن ناتيجە شىعارىپ، جوعارى ساپالى دامۋ تالابىنا جانە كەلەشەكتەگى دامۋ باعدارىنا ۇيلەسەتىن ءتۇزىم جۇيەسىن ورناتىپ، جوعارى ساپالى دامۋدى ىلگەرىلەتۋدىڭ بۇكىل مەملەكەتتىك ۇلگىسىن تۇلعالاۋ كەرەك.
  ءماجىلىس مىنالاردى باسا دارىپتەدى: جاڭا ءداۋىر وركەنيەت امالياتى ورتالىعىن قۇرۋ − شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇگىتتەۋدەگى ماڭىزدى دانەكەر، بۇقارانى ۇيىستىرۋدى، بۇقارانى جەتەكتەۋدى كوزدە ۇستاپ، مادەنيەت ارقىلى ادام تاربيەلەپ، سالت قالىپتاستىرىپ، داعدى جەتىلدىرىپ، تۇرلىشە جاقتارداعى كۇشتەردى اتتانىسقا كەلتىرىپ، ءار الۋان بايلىقتى بىرىكتىرىپ، ءتاسىل مەن ءادىستى جاڭالاپ، جۇڭگوشا سوتسياليستىك مادەنيەت، سوتسياليستىك يدەيالىق ءمورال ارقىلى اۋىل - قىستاقتىڭ يدەيالىق مادەنيەت شەبىن بەرىك يەلەپ، اۋىل - قىستاقتارداعى قالىڭ بۇقارانى سوتسياليستىك وسىزامانداندىرۋ قۇرىلىسىنا بەلسەندىلىكپەن ات سالىسۋعا جۇمىلدىرۋ جانە شابىتتاندىرۋ كەرەك.
  ءماجىلىس مىنالاردى اتاپ كورسەتتى: مەكتەپتەن سىرت تاربيەلەۋ قۇرىلىمدارىنىڭ دامۋىن ارناعا تۇسىرۋدە پارتيانىڭ وقۋ - اعارتۋ باعىتىن جان - جاقتى دايەكتىلەندىرىپ، ءمورال ارقىلى ادام تاربيەلەۋدەن جازباي، ساپا وقۋ - اعارتۋىن دامىتىپ، مەكتەپتەن سىرت تاربيەلەۋ قۇرىلىمدارىن باقىلاۋ - باسقارۋ ءتۇزىلىسىن ورناتۋدى، كەمەلدەندىرۋدى كۇش سالۋ ءتۇيىنى ەتىپ، مەكتەپتەن سىرت تاربيەلەۋ قۇرىلىمدارىنىڭ ارناعا ءتۇسىپ، ءتارتىپتى دامۋىنىڭ باياندى مەحانيزمىن ورناتىپ، حالىق بۇقاراسىنىڭ اڭىسى كۇشتى بولىپ وتىرعان ورتا، باستاۋىش مەكتەپ وقۋشىلارىنىڭ ساباقتان سىرتقى اۋىرتپالىعىنىڭ تىم اۋىر بولۋ ماسەلەسىن شىن مانىندە شەشۋ كەرەك. مەكتەپتەردىڭ وقىتۋ ساپاسىن جوعارىلاتىپ، مەكتەپ ءتالىم - تاربيەسىنىڭ نەگىزگى شەپتىك رولىن كۇشەيتۋ كەرەك.
  ءماجىلىس مىنالاردى باسا دارىپتەدى: مەكتەپكە دەيىنگى تاربيە رەفورماسىن تەرەڭدەتۋ، ارناعا ءتۇسىپ دامۋىن ىلگەرىلەتۋ − پارتيا مەن ۇكىمەتتىڭ بۇقارا ءۇشىن ناقتى ىستەر تىندىرۋىنداعى ماڭىزدى حالىق تۇرمىسى ينجەنەرياسى. پارتيانىڭ وقۋ - اعارتۋ باعىتىن جان - جاقتى دايەكتىلەندىرىپ، مەكتەپتە دەيىنگى تاربيەنىڭ زاڭدىلىعىنا بويسۇنىپ، مەكتەپتە دەيىنگى تاربيەنىڭ ءتۇزىلىس - مەحانيزمىن كەمەلدەندىرىپ، مەكتەپكە دەيىنگى تاربيەنىڭ ساياساتتىق قامتاماسىزداندىرۋ جۇيەسىن كەمەلدەندىرىپ، مەكتەپكە دەيىنگى تاربيەنىڭ جالپىلاسۋىن، جالپىعا تيىمدىلىك جەتكىزۋىن، حاۋىپسىز، ساپالى دامۋىن ىلگەرىلەتىپ، حالىق بۇقاراسىنىڭ بالالاردى تاربيەلەۋگە دەگەن ءۇمىت - تىلەگىن قاناعاتتاندىرۋ كەرەك.
  ءماجىلىس مىنالاردى اتاپ كورسەتتى: مەجە ەسەپ - ناتيجە باسقارۋدى جاپپاي اتقارۋ − ۇكىمەتتىڭ جونگە سالۋ فورماسىنداعى تەرەڭ وزگەرىس. دۇرىس ساياسي ناتيجە كوزقاراسىن بەرىك ورناتىپ، مەجە ەسەپ باسقارۋ فورماسىندا جاڭالىق اشىپ، ناتيجەنىڭ جەتەكشىلىگىن كورنەكتىلەندىرىپ، سۋبيەكتتىك جاۋاپكەرلىكتى تياناقتاندىرىپ، مەجە ەسەپ - ناتيجە باسقارۋدى جان - جاقتى، جالپى بارىس بويىنشا، جاپپاي قامتىپ اتقارىپ، مەجە ەسەپ - ناتيجە باسقارۋدىڭ ءبىر تۇلعالانۋىن جۇزەگە اسىرىپ، قازىنالىق بايلىقتى ورنالاستىرۋ ونىمدىلىگى مەن پايدالانۋ ونىمدىلىگىن كۇش سالا جوعارىلاتۋ كەرەك.
  ءماجىلىس مىنالاردى باسا دارىپتەدى: تۇتىنۋدى جەبەۋدىڭ ءتۇزىلىس - مەحانيزمىن كەمەلدەندىرۋدە تۇرعىنداردىڭ تۇتىنۋىنداعى جاڭا بەتالىسىنا ۇيلەسىپ، قامداۋ جانە قاجەتسىنۋ سىندى ەكى جاقتان كۇش سالىپ، ءتۇيىندى تۇتىنۋ سالالارىنىڭ جىنتىكتەي بولىنگەن بازارلارىن بەلسەندىلىكپەن جەتىلدىرىپ، حاۋىپسىز دە الاڭسىز تۇتىنۋ ورتاسىن تۇلعالاپ، تۇرعىنداردىڭ تۇتىنۋ قابىلەتىن جوعارىلاتىپ، ۇيلەسىمدى تۇتىنۋ مەجەسىن قالىپتاستىرۋعا جەتەكتەپ، تۇتىنۋدىڭ ەكونوميكانى دامىتۋ جاعىنداعى نەگىزدىك رولىن شىن مانىندە كۇشەيتۋ كەرەك.
  ءماجىلىس مىنالاردى اتاپ كورسەتتى: مادەني ەسكەرتكىشتەردى قورعاۋ، ونان پايدالانۋ رەفورماسىن كۇشەيتۋ − ەلىمىزدىڭ مادەنيەت مۇرالارىن قورعاۋدا، جالعاستىرۋدا كەلەلى ماڭىز الادى. مادەني ەسكەرتكىشتەردىڭ حاۋىپسىزدىگىنە كەپىلدىك ەتۋدى ماڭداي الدى ورىنعا قويىپ، نازاردى مادەني ەسكەرتكىشتەردى قورعاۋداعى ماڭىزدى، قيىن ماسەلەلەرگە شوعىرلاندىرىپ، تۇزىمدىك جوبالاۋ مەن دالمە - ءدال باسقارۋدى كۇشەيتىپ، مادەني ەسكەرتكىشتەر بايلىعىن جانداندىرۋعا كوڭىل ءبولىپ، قورعاۋ بارىسىندا دامىتۋ، دامىتۋ بارىسىندا قورعاۋ كەرەك.
  ءماجىلىس مىنالاردى باسا دارىپتەدى: قىزمەت كورسەتۋدى ۇكىمەتتىك ساتىپ الۋدىڭ ناتيجەسىن 3 - جاق باعالاۋ قىزمەتىن ىلگەرىلەتۋدە، كەزەكتەگى قىزمەت كورسەتۋدى ۇكىمەتتىك ساتىپ الۋدا ورىن تەپكەن ماسەلەلەردى كوزدەي وتىرىپ، 3 - جاق قۇرىلىمدى قىزمەت كورسەتۋدى ساتىپ الۋ ءىس - ارەكەتىنىڭ ەكونوميكالىق، ولشەمدىك، ونىمدىلىك، ادىلدىك سيپاتىنا باعالاۋ جۇرگىزۋگە بەلسەنە ەنگىزىپ، ولشەمدەنگەن، تۇزىمدەنگەن باسقارۋ دەڭگەيىن جوعارىلاتىپ، قازىنا قارجىلارىنىڭ ونىمدىلىگى مەن ۇكىمەتتىڭ الەۋمەتتىك قىزمەت كورسەتۋدى باسقارۋ دەڭگەيىن ءوسىرۋ كەرەك.
  ءماجىلىس مىنالاردى اتاپ كورسەتتى: ساناقتا كوز بوياۋشىلىق، الدامكوستىك ىستەۋدەن ساقتانۋعا جانە ونى جازالاۋعا باقىلاۋ - تەكسەرۋ جۇرگىزۋ قىزمەتىن ورىستەتۋدىڭ ماقساتى − ساناق مالىمەتتەرىنىڭ شىنايىلىعى مەن دالدىگىنە كەپىلدىك ەتۋ. نازاردى ساناق زاڭىندا بەلگىلەنگەن قىزمەت جاۋاپكەرشىلىكتەرىنىڭ اتقارىلۋىنا، ساناقتاعى تارتىپكە، زاڭعا قايشى قۇبىلىستاردى جونگە سالۋعا، ساناق مالىمەتتەرىنىڭ ساپاسىن جوعارىلاتۋعا شوعىرلاندىرىپ، ماڭىزدى ءتۇيىندى كورنەكتىلەندىرىپ، ماسەلەلەردى بايقاپ، ءتارتىپتى قاتايتىپ، ساناق زاڭ - ەرەجەلەرىنىڭ بەدەلىن قورعاپ، ەكونوميكالىق، قوعامدىق دامۋدى ساناق تۇزىمىمەن ويداعىداي قامتاماسىز ەتۋ كەرەك.
  ءماجىلىس مىنالاردى باسا دارىپتەدى: جىجياڭ قاتارلى جەرلەردىڭ «ەڭ كوپ بولعاندا ءبىر رەت بارۋ» رەفورماسىن تەرەڭدەتۋى ورتالىقتىڭ دەڭگەيىندەگى تۇزىمدەر مەن ساياساتتاردى جوبالاۋعا سايادى. ورتالىقتىڭ دەڭگەيىندە شەشۋ قاجەت بولعان ماسەلەلەر جونىندە ءتىزىم جاساپ، ءبىر تۇتاس ەسكەرىپ، تۇرلەر بويىنشا ءبىر جاقتى ەتۋ، قۇرىلىم رەفورماسى، قارجى قوسۋدى تەكسەرىپ - بەكىتۋ رەفورماسى، ينفورماتسيالاردان تەڭ يگىلىكتەنۋ، زاڭدارعا وزگەرىس ەنگىزۋ سياقتى شارالار ارقىلى قاتىستى ماسەلەلەردى شەشۋدى جەدەل اقىلداسۋ كەرەك.
  ءماجىلىس مىنالاردى اتاپ كورسەتتى: اۋداننان تومەن ءىسورىندارىنداعى باسقارۋ جۇمىس ورنىنداعى قىزمەتكەرلەردىڭ دارەجەسىن ءوسىرۋ ءتۇزىمىن تۇيىندە سىناق ەتۋ قىزمەتىن ورىستەتۋدە پارتيا كادرلاردى باسقارۋعا، پارتيا دارىندىلاردى باسقارۋعا تاباندى بولىپ، قازىرگى ءىسورىندارىنداعى باسقارۋشى قىزمەتكەرلەردىڭ جۇمىس ورنى دارەجەسىنىڭ ورنالاستىرىلۋ جانە ءوسىرىلۋ ءتۇزىمىن وزگەرتپەي ساقتاپ، قازىرگى قىزمەتكەرلەردىڭ دارەجەسىن وزگەرتىپ، قىزمەتكەرلەردىڭ، باستىسى، ءمورال مەن دارىن ساپاسىن، جەكە ستاجىن، قىزمەتتەگى ناقتى ناتيجەسىن ايگىلەيتىن دارەجە ءوسىرۋ ءتۇزىمىن ورناتىپ، نەگىزگى ساتى ءىسورىندارىنداعى باسقارۋشىلاردىڭ كاسىپتىك دامۋ ءورىسىن كەڭەيتۋ كەرەك.
  ءماجىلىس مىنالاردى باسا دارىپتەدى: ءار دارەجەلى قازىنا تاراۋلارى نازاردى ارميا مەن حالىقتىڭ توعىسپالى دامۋىنداعى ءتۇيىندى سالالار مەن جاڭا كوركەيگەن سالالارعا شوعىرلاندىرىپ، ۇكىمەت پەن بازاردىڭ، ورتالىق پەن جەرگىلىكتى ورىنداردىڭ قاتىناسىن ويداعىداي ءبىر جاقتى ەتىپ، قارجىمەن قامتاماسىزداندىرۋدى تياناقتاندىرىپ، كوپ نەگىزدى ۇسىنىلىم قوسۋعا جەتەكتەپ، بايلىقتىڭ سەپتەلۋىن جاقسارتىپ، سايكەستى ساياساتتاردى كەمەلدەندىرىپ، قازىنا ساياساتىنىڭ ارميا مەن حالىقتىڭ توعىسىپ، تەرەڭدەي دامۋىن ىلگەرىلەتۋدەگى رولىن اناعۇرلىم جاقسى ساۋلەلەندىرۋ كەرەك.
  ءماجىلىس مىنالاردى اتاپ كورسەتتى: بەيجيڭدە، گۋاڭجوۋدا ينتەرنەت سوتى مەكەمەسىن كوبەيتىپ قۇرۋ − ءادىليانىڭ ينتەرنەت دامۋىنىڭ ۇلكەن بەتالىسىنا ىرىقتىلىقپەن ۇيلەسۋىندەگى ماڭىزدى شارانىڭ ءبىرى. حاڭجوۋ ينتەرنەت سوتى مەكەمەسى سىناق ءتۇيىنىنىڭ تاجىريبەلەرىن قورىتىندىلاۋ، جالپىلاستىرۋ نەگىزىندە، قوعامنىڭ ءادىليالىق سۇرانىسىنا بەيىمدەلىپ، باسقارۋ كولەمىن عىلمي بەلگىلەپ، ارىز - شاعىم ەرەجەسىن اقاۋسىزداندىرىپ، كەمەلدەندىرىپ، ارىز - شاعىمنىڭ ءبىر تۇتاس تۇعىرىن ورناتىپ، ينتەرنەت كەڭىستىگىن جونگە سالۋدىڭ زاڭمەن باسقارىلۋىن ىلگەرىلەتۋ كەرەك.
  ءماجىلىس مىنالاردى باسا دارىپتەدى: ەڭ جوعارى حالىق پروكۋراتۋراسى الەۋمەتتىك ارىز - شاعىم پروكۋراتۋرالىق مەڭگەرمەسىن قۇرۋدا، زاڭدىق باقىلاۋدى كۇشەيتۋدى، دەلو ءبىتىرۋ ونىمدىلىگىن جوعارىلاتۋدى، مامانداندىرۋ قۇرىلىسىن ىلگەرىلەتۋدى بەتالىس ەتىپ، سەپتەلۋى عىلمي، جۇمىس اينالىمى ۇتىمدى الەۋمەتتىك ارىز - شاعىم پروكۋراتۋرالىق قۇرىلىمىن قۇرىپ، پروكۋراتۋرانىڭ الەۋمەتتىك ارىز - شاعىم قىزمەت جاۋاپكەرشىلىگىن اناعۇرلىم ويداعىداي اتقارۋىن ۇيىمدىق جاقتان قامتاماسىزداندىرۋ كەرەك.
  ءماجىلىس مىنالاردى اتاپ كورسەتتى: رەفورمانى جاپپاي تەرەڭدەتۋدە، ءسوز جوق، تياناقتاندىرۋدى اناعۇرلىم كوبىرەك مىقتى ۇستاپ، ونىمدىلىككە قول جەتكىزۋ كەرەك. ءار قىزمەتتە جاۋاپكەرشىلىكتى ادامعا دەيىن تۇراقتاندىرۋ، قۋزاستىرۋ كەرەك. ءتۇزىمنىڭ ومىرشەڭدىگىن قاۋلاتىپ، باتىلدىقپەن سەرپىلىس جاساپ، ىرىقتىلىقپەن ىسكەرلىك كورسەتىپ، بايلىقتىڭ سەپتەلۋىن جاقسارتۋ جاعىنا كۇش سالىپ، ءتۇزىم ارقىلى بايلىقتى جانداندىرىپ، ونىمدىلىكتى جوعارىلاتۋ كەرەك. نەگىزگى ساتى تاجىريبەلەرىن جانداندىرىپ، الدىمەن سەرپىلىس جاساپ، قول جەتكىزگەن تاجىريبەلەردى دەر كەزىندە زەرتتەپ، دالەلدەپ، شارت - جاعدايى كەمەلدەنگەندەرىن دەر كەزىندە جالپىلاستىرۋ كەرەك. قاي دەڭگەيدە بولسىن، رەفورما تاجىريبەلەرىن قورىتىندىلاعان، جالپىلاستىرعان كەزدە وبيەكتيۆ زاڭدىلىق بويىنشا ءىس ءبىتىرۋ، ءىس جۇزىندىك جاعدايعا قاراي پارىقتى تۇردە ءبىر جاقتى ەتۋ كەرەك. كادرلاردى ىسكەرلىك كورسەتۋگە ىنتالاندىرىپ، ارنايى شارالار الىپ شىعىپ، رەفورماشىلاردىڭ ءىس تىندىرۋدى قالاۋىنا، ءىس ىستەي الۋىنا، ءىستى تىندىرا الۋىنا مۇمكىندىك جاساۋ كەرەك. رەفورما جاساپ، ەسىك اشۋدىڭ 40 جىلدىعىن قۇتتىقتاۋ قيمىلدارىمەن بىرلەستىرىپ، رەفورماداعى اتويشىل ۇلگىلەردەن ءبىر توبىن ماراپاتتاپ، بۇكىل قوعامدا رەفورما رۋحىن بار كۇشپەن اسقاقتاتۋ كەرەك.
  ورتالىقتىڭ رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىقتىڭ جانە مەملەكەتتىك ورگاندارداعى قاتىستى تاراۋلاردىڭ جاۋاپتىلارى ماجىلىسكە سىرتتاي قاتىناستى.


بەرىپ كەت ورامالىڭدى

دوستار

الىستاعى اق ەركە