جاڭا حابارلار

ءىز - دەرەكسىز كەتكەن ادامداردى ىزدەۋ - قۇتقارۋعا بارىنشا كۇش شىعارۋدى تالاپ ەتتى

    كەلۋ قاينارى: شينجياڭ گازەتى    2018-07-09 18:24:57  

شي جينپيڭ تايلاندتىڭ پۋكەت ارالىندا ساياحات كەمەسىنىڭ اۋدارىلۋ شىرعالاڭى جونىندە ماڭىزدى نۇسقاۋ بەردى
لي كىچياڭ بەكىتۋ جازدى

 شينحۋا اگەنتتىگىنىڭ 7 - ايدىڭ 6 - كۇنى بەيجيڭنەن بەرگەن حابارى. 7 - ايدىڭ 5 - كۇنى ساعات 18 دەن 45 مينۋت وتە بەرگەندە، جۇڭگولىق ساياحاتشىلار وتىرعان 2 ساياحات كەمە تايلاندتىڭ پۋكەت ارالىنىڭ ماڭىنداعى تەڭىز ايدىنىندا كەنەتتەن سۇراپىل نوسەرلى داۋىلعا جولىعىپ اۋدارىلىپ كەتتى. قازىرگە دەيىن كەمەدەگى 127 جۇڭگولىق ساياحاتشىنىڭ 16 سى قازا بولىپ، 33ى ءىز - دەرەكسىز كەتتى، 78 ادام قۇتقارىلدى، جارالانعان ساياحاتشىلار جەرگىلىكتى ورىنداعى شيپاحاناعا ەمدەلۋگە جەتكىزىلدى.
  شىرعالاڭ تۋىلعاننان كەيىن، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ سىرتقى ىستەر مينيسترلىگىنىڭ جانە ەلىمىزدىڭ تايلاندتا تۇراتىن باس ەلشىلىگى مەن ەلشىحاناسىنىڭ قىزمەت تەبىنىن كۇشەيتۋى كەرەكتىگى جونىندە ماڭىزدى نۇسقاۋ بەردى، تايلاند ۇكىمەتىنەن جانە قاتىستى تاراۋلاردان ءىز - دەرەكسىز كەتكەن ادامداردى ىزدەۋگە - قۇتقارۋعا بارىنشا كۇش شىعارىپ، جارالانعانداردى بەلسەنە قۇتقارۋدى جانە ەمدەۋدى تالاپ ەتتى. مادەنيەت - ساياحات مينيسترلىگى قاتىستى قىزمەتتەردى ويداعىداي ىستەۋگە سايكەسۋ كەرەك. شي جينپيڭ مىنانى باسا دارىپتەدى: قازىر ءدال جازدىق دەمالىس كەزى، سىرتقا شىعاتىن ساياحاتشىلار ءبىرشاما كوپ، كەيبىر جەرلەردە جاۋىن - شاشىن جانە تاسقىن سياقتى جاعدايلار كورنەكتى بولۋدا، جەر - جەر، قاتىستى تاراۋلار حاۋىپ - قاتەردى دەر كەزىندە قۇلاق قاعىس ەتىپ، ساياحات مەكەمەلەرى مەن ساياحاتشىلارعا حاۋىپ - قاتەردەن ساقتانۋ تانىمىن كۇشەيتۋدى ەسكەرتىپ، حاۋىپسىزدىككە قاتىستى كومەسكى كىناراتتاردى الاستاپ، حاۋىپسىزدىكتى تەكسەرۋ - باقىلاۋ جانە شۇعىل جاعدايعا توتەپ بەرۋ قىزمەتىن كۇشەيتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىن مانىندە قامتاماسىز ەتۋ كەرەك.
  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ، مىنالاردى تالاپ ەتتى: ەلىمىزدىڭ ءىز - دەرەكسىز كەتكەن ساياحاتشىلارىن ىزدەۋگە - قۇتقارۋعا، جارالانعانداردى قۇتقارۋعا - ەمدەۋگە بارىنشا كۇش شىعارىپ، سوڭعى جۇمىستاردى ۇيلەسىمدى تۇردە ويداعىداي ىستەۋ كەرەك. سىرتقا شىققان ساياحاتشىلاردىڭ حاۋىپسىزدىك جاعىنداعى ساقتىق قىزمەتتەرىن ويداعىداي ىستەۋگە ءمان بەرىپ، شەكارا سىرتىنداعى جۇڭگولىق ازاماتتاردى قورعاۋ مەحانيزمى ارقىلى ەلىمىز ازاماتتارىنىڭ زاڭدى ۇقىق - مۇددەسىن شىن مانىندە ويداعىداي قورعاپ، ساياحاتقا شىعۋداعى حاۋىپسىزدىككە شىنايى كەپىلدىك ەتۋ كەرەك.

  شي جينپيڭنىڭ نۇسقاۋى جانە لي كىچياڭنىڭ تالابى بويىنشا، سىرتقى ىستەر مينيسترلىگى مەن ەلىمىزدىڭ تايلاندتا تۇراتىن باس ەلشىلىگى مەن ەلشىحاناسى شۇعىل جاعدايعا توتەپ بەرۋ مەحانيزمىن اتقارىپ، تايلاند جاقتىڭ ىزدەۋ - قۇتقارۋ قىزمەتىن بار كۇشپەن قانات جايدىرىپ، جارالانعانداردى قۇتقارۋىنا - ەمدەۋىنە بەلسەنە سايكەستى. تايلاند جاق قۇتقارۋ - كومەكتەسۋگە ارالاساتىن كۇشتەردى ۇزبەي كوبەيتىپ، ىزدەۋ - قۇتقارۋ قىزمەتىن بار كۇشپەن ورىستەتۋدە. كەزەكتە سىرتقى ىستەر مينيسترلىگى، قاتىناس - تاسىمال مينيسترلىگى، مادەنيەت - ساياحات مينيسترلىگى بىرلەسكەن قىزمەت گرۋپپاسىن تايلاندتىڭ پۋكەت ارالىنا بارىپ ناق مايدان جۇمىستارىنا ارالاسۋعا جىبەردى.


بەرىپ كەت ورامالىڭدى

دوستار

الىستاعى اق ەركە