جاڭا حابارلار

شينجياڭ داشۋەسىنىڭ ءۇي قۇرىلىسى كاسىبى مەملەكەتتىك ينجەنەريا وقىتۋ كاسىبىندەگى كۋالاندىرىلعان مەكتەپتەر قاتارىنان ورىن الدى

    كەلۋ قاينارى: شينجياڭ حالىق راديو ىستانسياسى    2018-07-09 12:36:22  
ستانسيامىزدىڭ حابارى: جۋىردا، تۇرعىن ءۇي جانە قالا-اۋىل قۇرىلىسى مينيسترلىگى جاريالاعان مەملەكەتتىك ينجەنەريا وقىتۋ كاسىبىندەگى كۋالاندىرىلعان مەكتەپتەردىڭ ەسىمدىگىندە، شينجياڭ داشۋەسىنىڭ ءۇي قۇرىلىسى كاسىبى وسى قاتاردان ورىن الدى، بۇل وسى كاسىپتىڭ حالىقارالىق ينجەنەريا وقىتۋىنىڭ «ۆاشينگتون كەلىسىمى» ۇيىمىنا قوسىلىپ، تۇتاس جەر شارى بويىنشا ينجەنەريا وقىتۋىنىڭ «ءبىرىنشى قوسنىنا» ءساتتى ەنىپ، وسى مەكتەپتەن حالىقارالىق ينجەنەريا وقىتۋ كۋالاندىرۋىنا يە بولعان تۇڭعىش تەحنيكالىق ءپان كاسىبىنە اينالعانىن اڭعارتادى.
ۇعىسۋعا قاراعاندا، «ۆاشينگتون كەلىسىمى» حالىقاراداعى ەڭ ىقپالدى ينجەنەريا وقىتۋ ماعلۇماتىن ءوزارا كۋالاندىرۋ كەلىسىمىنىڭ ءبىرى سانالىپ، قازىر 18 مۇشە ەل جانە رايون بار ەكەن. ەلىمىز 2016-جىلى «ۆاشينگتون كەلىسىمى» ۇيىمىنا رەسمي قوسىلىپ، وسى كەلىسم ەسىمدىگىندەگى جوعارى مەكتەپتەر اشقان تەحنيكالىق ءپان كاسىبىنە ەنگىزىلدى، بۇل كاسىپتىك ساپا ولشەمى حالىقارالىق جاقتان مويىندالادى دەپ قارالادى، وسى ارادان بىتىرگەن وقۋشىلار «ۆاشينگتون كەلىسىمىندەگى» قاتىستى مەملەكەت جانە رايونداردا ينجەنەريا كاسبىنىڭ تولىمدىلىعىنا نەمەسە اسپيرانت ماعلۇماتىنا ءوتىنىش ەتكەندە، ولارعا جەرگىلىكتى وقۋ تاۋىسقان وقۋشىلارمەن بىردەي مامىلە جاسالىپ، جۇڭگو تەحنيكالىق ءپان وقۋشىلارىنىڭ دۇنيە جۇزىنە قادام تاستاۋىنا حالىقارالىق ءبىر تۇتاس قاتىناۋ كۋالىگىن بەرەدى ەكەن. سونىمەن بىرگە، كۋالاندىرۋ ناتيجەسى كاسىپ جانە كاسىپورىن ىشىندە نەداۋىر جوعارى بەدەلگە يە بولىپ، كاسىپتىك ينجەنەر تولىمدىلىعى ەمتيحانى نەمەسە قابىلەت باعالاۋىندا تۇرلىشە جەڭىلدىكتەر جانە تيىمدىلىكتەر جاسالادى.

بەرىپ كەت ورامالىڭدى

دوستار

الىستاعى اق ەركە