جاڭا حابارلار

جاڭا داۋىردەگى پارتيانىڭ ۇيىمدىق لۋشيانىن شىن مانىندە دايەكتىلەندىرىپ، تياناقتاندىرىپ، بۇكىل پارتيانىڭ پارتيانى اناعۇرلىم بەرىك، پارمەندى ەتىپ قۇرىپ شىعۋعا قۇلشىنۋى باسا دارىپتەلدى

    كەلۋ قاينارى: شينجياڭ گازەتى    2018-07-06 20:10:27  

شي جينپيڭ ۇيىمداستىرۋ قىزمەتى جونىندەگى مەملەكەتتىك ماجىلىستە مىنانى باسا دارىپتەدى
ۋاڭ حۋنيڭ، جاۋ لىجي ماجىلىسكە قاتىناستى

ۇيىمداستىرۋ قىزمەتى جونىندەگى مەملەكەتتىك ءماجىلىس 7 - ايدىڭ 3 - كۇنىنەن 4 - كۇنىنە دەيىن بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

 شينحۋا اگەنتتىگىنىڭ 7 - ايدىڭ 4 - كۇنى بەيجيڭنەن بەرگەن حابارى. ۇيىمداستىرۋ قىزمەتى جونىندەگى مەملەكەتتىك ءماجىلىس 7 - ايدىڭ 3 - كۇنىنەن 4 - كۇنىنە دەيىن بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. ول بىلاي دەپ باسا دارىپتەدى: جۇڭگوشا سوتسياليزم جاڭا داۋىرگە ءوتتى، پارتيامىزدا، ءسوز جوق، جاڭا بەينە، جاڭا تەبىن بولۋى كەرەك، مۇنىڭ تەتىگى پارتيا قۇرىلىسىنىڭ جاڭا ۇلى ينجەنەرياسىنىڭ جاڭا جاعدايىن اشۋ بولىپ تابىلادى. ۇلى كۇرەستىڭ، ۇلى ينجەنەريانىڭ، ۇلى ءىستىڭ، ۇلى ارماننىڭ ىشىندە پارتيا قۇرىلىسىنىڭ جاڭا ۇلى ينجەنەرياسى شەشۋشى رول اتقارادى. جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ سىندى ۇلى قوعامدىق توڭكەرىستى ويداعىداي جۇرگىزۋ ءۇشىن، پارتيامىز، ءسوز جوق، باتىلدىقپەن وزىنە توڭكەرىس جۇرگىزىپ، پارتيانى اناعۇرلىم بەرىك، پارمەندى ەتىپ قۇرىپ شىعۋعا قۇلشىنۋى كەرەك.
  شي جينپيڭ بىلاي دەپ باسا دارىپتەدى: ۇيىمدىق لۋشيان − پارتيا باسشىلىعىنا تاباندى بولۋدا، پارتيا قۇرىلىسىن كۇشەيتۋدە، پارتيانىڭ ۇيىمداستىرۋ قىزمەتىن جاقسى ىستەۋدە اسا كەلەلى ماڭىز الادى. جاڭا داۋىردەگى پارتيانىڭ ۇيىمدىق لۋشيانى: جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ۇيىمدىق جۇيە قۇرىلىسىن ءتۇيىن ەتىپ، ادال، كىرشىكسىز، جاۋاپكەرلىكتى باتىل ارقالايتىن جوعارى ساپالى كادرلاردى باۋلۋعا، وتاندى سۇيەتىن، ۇلەس قوساتىن ءار جاقتاعى تاڭداۋلى دارىندىلاردى توپتاۋعا كۇش سالىپ، ءمورالدى دا دارىندى بولۋعا، ءمورالدى الدىڭعى ورىنعا قويۋعا، جارامدى ادامداردى عانا قىزمەتكە قويۋعا تاباندى بولىپ، پارتيانىڭ جاپپاي باسشىلىعىنا تاباندى بولۋ مەن ونى كۇشەيتۋگە، جۇڭگوشا سوتسياليزمگە تاباندى بولۋ مەن ونى دامىتۋعا پارمەندى ۇيىمدىق كەپىلدىك ازىرلەۋ. جاڭا داۋىردەگى پارتيانىڭ ۇيىمدىق لۋشيانى نازاريالىق جانە امالياتتىق سيپات الادى، ونى پارتيا قۇرىلىسىنىڭ ۇلى جاڭا ينجەنەرياسىن ىلگەرىلەتۋ، پارتيانى جاپپاي قاتاڭ جونگە سالۋ امالياتىن تياناقتاندىرۋدا شىن مانىندە دايەكتىلەندىرۋ، تياناقتاندىرۋ كەرەك.
  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى جاۋ لىجي ماجىلىسكە قاتىناستى.
  شي جينپيڭ سوزىندە بىلاي دەپ اتاپ كورسەتتى: پارتيانىڭ 18 - قۇرىلتايىنان كەيىن، پارتيا ورتالىق كوميتەتى پارتيانى جاپپاي قاتاڭ جونگە سالۋ ستراتەگيالىق ورنالاستىرۋىن جاساپ، تاباندى بەكىم، موينىماس ەرىك - جىگەرمەن ىلگەرىلەتىپ، پارتيانىڭ جاپپاي باسشىلىعىنا تاباندى بولدى جانە ونى كۇشەيتتى، جاڭا داۋىردەگى پارتيا قۇرىلىسىنىڭ باس تالابىنا تاباندى بولدى، پارتيانى پارتيا باسقارۋعا، پارتيانى جاپپاي قاتاڭ جونگە سالۋعا تاباندى بولدى، پارتيانىڭ ساياسي قۇرىلىسىن ماڭداي الدى ورىنعا قويۋعا تاباندى بولدى، پارتيانىڭ يدەيالىق قۇرىلىسىن كۇشەيتۋ مەن پارتيانى ءتۇزىم ارقىلى جونگە سالۋعا بىردەي كۇش سالۋعا تاباندى بولدى، جاڭا داۋىردەگى جاقسى كادر بولۋ ولشەمىن دايەكتىلەندىرۋگە تاباندى بولدى، نەگىزدى كۇشەيتىپ، ءتۇپ تاعاندى بەكەمدەۋگە تاباندى بولدى، ستيلدى تۇزەتىپ، ءتارتىپتى قاتايتۋعا، ءىرىپ - شىرىگەندەردى قاتاڭ جازالاۋعا تاباندى بولدى، پارتيانىڭ ىشكى ساياسي ەكولوگياسى كورنەكتى تۇردە جاقساردى، پارتيانىڭ جاسامپازدىق قۋاتى، ۇيىستىرۋ قۋاتى، جاۋىنگەرلىك قۋاتى كورنەكتى تۇردە كۇشەيدى، پارتيا مەن بۇقارانىڭ قاتىناسى كورنەكتى تۇردە جاقساردى، پارتيا توڭكەرىستىك شىنىعۋ بارىسىندا اناعۇرلىم بەكەمدەلە ءتۇستى، پارتيا وزىنە جۇرگىزگەن ۇلى توڭكەرىس ارقىلى ۇلى قوعامدىق توڭكەرىستى ىلگەرىلەتتى. اماليات ءبىزدىڭ بيلىك باسىنداعى ماركسيزمدىك پارتيا قۇرىلىسىنىڭ زاڭدىلىعى جونىندەگى تانىمىمىزدى تەرەڭدەتتى. قول جەتكىزگەن امالياتتىق جەتىستىكتەرىمىز بەن نازاريالىق جەتىستىكتەرىمىزگە، ءسوز جوق، ۇزاق ۋاقىت تاباندى بولۋىمىز ءارى ونى ۇزدىكسىز بايىتۋىمىز، دامىتۋىمىز كەرەك.
  شي جينپيڭ مىنالاردى باسا دارىپتەدى: پارتيانىڭ 18 - قۇرىلتايىنان بەرى، ءبىز پارتيانى جاپپاي قاتاڭ جونگە سالۋدا كورنەكتى ونىمدىلىككە قول جەتكىزدىك، ءبىراق كەسەك شارۋا تىندىردىق دەپ ايتاتىن كەزگە ءالى جەتە قويعامىز جوق. پارتيامىز ءدوپ كەلگەن «ءتورت ۇلكەن سىن»، «ءتورت ءتۇرلى قاتەر» ۇزاق ۋاقىتقا جالعاسادى، قيان - كەسكى بولادى، پارتيانىڭ العاباسارلىعىنا ىقپال جاسايتىن، پارتيانىڭ كىرشىكسىزدىگىن السىرەتەتىن فاكتورلار دا كۇردەلى، پارتيا ىشىندە ءومىر ءسۇرىپ وتىرعان يدەيانىڭ كىرشىكسىز، ساياسيدىڭ كىرشىكسىز، ۇيىمنىڭ كىرشىكسىز، ستيلدىڭ كىرشىكسىز بولماۋى سياقتى ەلەۋلى ماسەلەلەر ءالى تۇبىرىنەن شەشىلە قويعان جوق. اسىرەسە، مىنانى كورە ءبىلۋىمىز كەرەك: جاڭا داۋىردە پارتيامىزدىڭ حالىققا باسشىلىق ەتىپ ۇلى قوعامدىق توڭكەرىس جۇرگىزۋىنىڭ قامتيتىن سالاسىنىڭ كەڭدىگى، ساياتىن مۇددە جاعدايىن رەتتەۋىنىڭ تەرەڭدىگى، ساياتىن قايشىلىق پەن ماسەلەنىڭ قيان - كەسكىلىگى، تۇزىلىستىك، مەحانيزمدىك كەدەرگىلەردى تالقانداۋدىڭ جاپالىلىعى، ۇلى كۇرەس جۇرگىزۋ جاعدايىنىڭ كۇردەلىلىگى بۇرىن بولماعان. ءبىز، ءسوز جوق، تاۋقىمەت تانىمىن، جاۋاپكەرلىك تانىمىن كۇشەيتىپ، پارتيانىڭ وزىنە جاساعان ۇلى توڭكەرىسىن سوڭىنا دەيىن جۇرگىزۋىمىز كەرەك. جاڭا داۋىردەگى پارتيا قۇرىلىسىنىڭ باس تالابىن جاپپاي دايەكتىلەندىرىپ، پارتيا قۇرىلىسىنىڭ ساپاسىن ۇزدىكسىز جوعارىلاتىپ، پارتيانى قاشاندا ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، باتىلدىقپەن وزىنە توڭكەرىس جۇرگىزەتىن، ءتۇرلى داۋىلدى تولقىنداردىڭ سىنىنان وتە الاتىن، جالىن - جىگەرى قاۋلاعان ماركسيزمدىك بيلىك باسىنداعى پارتيا ەتىپ قۇرىپ شىعۋىمىز كەرەك.
 شي جينپيڭ بىلاي دەپ باسا دارىپتەدى: پارتيانىڭ كۇش - قۋاتى ۇيىمنان كەلەدى. پارتيانىڭ جاپپاي باسشىلىعى، پارتيانىڭ بارلىق قىزمەتى پارتيانىڭ پارمەندى ۇيىمدىق جۇيەسى ارقىلى جۇزەگە اسادى. پارتيا ورتالىق كوميتەتى − ۇلكەن مي جانە ورتالىق جۇيكە، پارتيا ورتالىق كوميتەتىندە، ءسوز جوق، اسقاق ابىروي، بۇلجىماس كەسىم جاسايتىن بەدەل بولۋى كەرەك. پارتيانىڭ جەرگىلىكتى ۇيىمدارىنىڭ ءتۇبىرلى مىندەتى − پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ دايەكتىلەندىرىلۋىن، تياناقتاندىرىلۋىن قامتاماسىز ەتۋ، بۇيرىقتى تاباندا اتقارۋ، تيىم سالىنعاندى تاباندا تيۋ. پارتيا ۇيىمىنىڭ پارتيانىڭ ۇيىمدىق جۇيەسىندە ەرەكشە ورنى بار، پارتيا ورتالىق كوميتەتىنىڭ جانە جوعارى دارەجەلى پارتيا ۇيىمىنىڭ شەشىمدەرى مەن ورنالاستىرۋلارىن دايەكتىلەندىرۋ، تياناقتاندىرۋ كەرەك. ءاربىر پارتيا مۇشەسى، اسىرەسە، باسشى كادرلار پارتيا جونىندەگى تانىم مەن ۇيىمدىق كوزقاراستى كۇشەيتىپ، يدەيادا ۇيىمدى شىنايى مويىنداۋدى، ساياسيدا ۇيىمعا سۇيەنۋدى، قىزمەتتە ۇيىمعا بويسۇنۋدى، سۇيىسپەنشىلىك جاقتا ۇيىمعا سەنۋدى سانالى تۇردە ىسكە اسىرۋى كەرەك.
  شي جينپيڭ بىلاي دەپ اتاپ كورسەتتى: پارتيانىڭ نەگىزگى ساتى ۇيىمدىق قۇرىلىسىن كۇشەيتۋدىڭ كىلتى تياناقتاندىرۋدى قاتاڭ مىقتى يگەرۋدە. ۇيىمداستىرۋ قابىلەتىن ءوسىرۋدى ءتۇيىن ەتىپ، ساياسي يقۋاتتى كورنەكتىلەندىرىپ، نەگىزگى ساتى ۇيىمىن اقاۋسىزداندىرىپ، ۇيىمدىق ورنالاسۋدى ساپالىلاندىرىپ، تاۋەلدىلىك قاتىناسىن جونگە سالىپ، قيمىل تاسىلىنە جاڭالىق ەنگىزىپ، نەگىزگى ساتى پارتيا ۇيىمىنىڭ قامتۋىن جانە قىزمەتتىڭ قامتۋىن كەڭەيتۋ كەرەك. كاسىپورىن، اۋىل - قىستاق، ورگان، ءىسورىندارى، الەۋمەتتىك اۋماق سياقتى سالالارداعى پارتيا قۇرىلىسى قىزمەتىن كۇشەيتىپ، نەگىزگى ساتى پارتيا ۇيىمىنىڭ جاپپاي العا باسۋىن، جاپپاي شىڭدالۋىن ىلگەرىلەتۋ كەرەك. قوعامدىق ۇيىمداردىڭ پارتيا قۇرىلىسىن كۇشەيتىپ، جاڭا كاسىپ كۇيى مەن ينتەرنەت پارتيا قۇرىلىسى قىزمەتىن كۇشەيتۋ جونىندە ىزدەنىس جاساۋ كەرەك. ياچەيكانىڭ ولشەمدەنۋ، ارناعا ءتۇسۋ قۇرىلىسىن كۇشەيتۋ كەرەك. نەگىزگى ساتى پارتيا ۇيىمدارى دايەكتىلەندىرۋ، تياناقتاندىرۋ بارىسىندا باسشىلىق رولدى ساۋلەلەندىرىپ، ساياسي جەتەكتەۋدى كۇشەيتىپ، پارتيانىڭ بۇقارالىق قىزمەتىنىڭ باسىمدىعىن جانە پارتيا مۇشەلەرىنىڭ ۇزدىك، ۇلگىلىك رولىن ساۋلەلەندىرىپ، نەگىزگى ساتىداعى ءتۇرلى ۇيىمداردى پارتيانىڭ دارىپتەمەسىن سانالى تۇردە دايەكتىلەندىرۋگە جەتەكتەپ، نەگىزگى ساتىنى جونگە سالۋدىڭ دۇرىس باعدارىنا شىنايى كەپىلدىك ەتۋى كەرەك.
  شي جينپيڭ بىلاي دەپ باسا دارىپتەدى: پارتيا قۇرىلىسىنىڭ ساپاسىن جوعارىلاتۋ − پارتيانىڭ 19 - قۇرىلتايىندا امالياتتىق تاجىريبەلەردى قورىتىندىلاپ، جاڭا داۋىردە پارتيا قۇرىلىسىنىڭ باس تالابىنا سايكەسۋ ءۇشىن العا قويىلعان كەلەلى تاقىرىپ. پارتيا قۇرىلىسىنىڭ ساپاسىن جوعارىلاتۋدا، پارتيامىزدىڭ ءوز قۇرىلىسىن كۇشەيتۋدە قالىپتاستىرعان تاڭداۋلى داستۇرلەرى مەن تابىستى تاجىريبەلەرىنە تاباندى بولۋ جانە ونى ساۋلەلەندىرۋ ءارى پارتيا قۇرىلىسىندا ءدوپ كەلىپ وتىرعان جاڭا جاعداي، جاڭا ماسەلەلەر نەگىزىندە رەفورما جاساۋدى، جاڭالىق اشۋدى كۇش سالا ىلگەرىلەتىپ، جاڭا وي جەلى، شارا، ءادىس ارقىلى جاڭا قايشىلىقتار مەن ماسەلەلەردى شەشۋ كەرەك.
  شي جينپيڭ مىنالاردى اتاپ كورسەتتى: جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرۋدە، ادال، كىرشىكسىز، جاۋاپكەرلىك ارقالايتىن، جوعارى ساپالى كادرلار قوسىنىن قۇرۋ − تەتىك، كادرلاردى باۋلۋ، تاڭداپ ءوسىرۋ، باسقارۋ، ىستەتۋ قىزمەتىن ويداعىداي ىستەۋ − ماڭىزدى ءتۇيىن بولىپ تابىلادى. تۋ باستان باۋلۋ، ۇزبەي باۋلۋ، تۇتاس بارىستىق باۋلۋ سىندى ساپالىق باۋلۋ جۇيەسىن ورناتىپ، كادرلاردى پارتيالىلىق ساپانى كۇشەيتۋگە، سەنىم نەگىزىن بەكەمدەۋگە تاربيەلەپ جانە جەتەكتەپ، ساياسي ءمورال ساپاسىن كۇشەيتىپ، بيلىك نەگىزىن بەكەمدەپ، ءتارتىپ - قاعيدانى قاتاڭ ساقتاپ، ۇكىمەت ىسىندەگى كىرشىكسىزدىك نەگىزدى نىعايتىپ، نەگىزگى ءبىلىم جۇيەسىن كەمەلدەندىرىپ، قابىلەت نەگىزىن نىعايتىپ، كادرلاردى ساپالىق باۋلۋدىڭ جۇيەلىلىگىن، باياندىلىعىن، باعىتتامالىلىعىن كۇشەيتۋ كەرەك. كۇندەلىكتى باعالاۋ، تۇرلەر بويىنشا باعالاۋ، جاقىن ارالىقتان باعالاۋ سىندى ىستەردى ءبىلۋ، ادامداردى تانۋ جۇيەسىن ورناتىپ، تۇرلەر بويىنشا باعالاۋدى كۇشەيتىپ، كادرلارمەن جاقىننان ارالاسىپ، تاڭدالعان كادرلارعا ۇيىمنىڭ الاڭسىز بولۋىنا، بۇقارانىڭ رازى بولۋىنا، كادرلاردىڭ يلانۋىنا مۇمكىندىك جاساۋ كەرەك. ءمورالدى الدىڭعى ورىنعا قوياتىن، جارامدى ادامداردى عانا قىزمەتكە قوياتىن، ءىس پەن ادام سايكەسەتىن تاڭداپ ءوسىرۋ، مىندەتكە قويۋ جۇيەسىن ورناتىپ، جاقسى كادر ولشەمىنە تاباندى بولىپ، ساياسي ولشەمدى ءبىرىنشى ورىنعا قويىپ، كادرلار شار تاراپتان بولۋعا، جارامدى ادامداردى عانا قىزمەتكە قويۋعا تاباندى بولىپ، جارامدىلاردىڭ كەلۋ جولدارىن كەڭ اشىپ، ءىستى جوعارى ورىنعا قويۋعا، ىسكە قاراپ ادام تاڭداۋعا، ادام مەن قىزمەت ورنىنىڭ ءوزارا ۇيلەسۋىنە تاباندى بولۋ كەرەك. يدەيانى باسقاراتىن، قىزمەتتى باسقاراتىن، ستيلدى باسقاراتىن، ءتارتىپتى باسقاراتىن قاتاڭ باسقارۋ جۇيەسىن ورناتىپ، جان - جاقتى باسقارۋدى كۇشەيتىپ، پارتيا ىشىندەگى باقىلاۋدى نىعايتىپ، شەشۋشى ادامداردى ويداعىداي باسقارۋ، باسقارۋدى شەشۋشى بۋىنداردا تياناقتاندىرۋ، شەشۋشى ىستەردى مىقتاپ يگەرۋ، شەشۋشى ساتتەردى مىقتاپ يگەرۋ، اسىرەسە، ءبىرىنشى باسشىنى مىقتاپ يگەرۋ، جاقسى باسقارۋ كەرەك. ناقتى ىسكەرلىكتى قادىرلەيتىن، جاۋاپكەرلىك ارقالاۋعا باستاماشى بولاتىن، قايرات قوسىپ، دەم بەرەتىن، بەتالىسى دۇرىس ىنتالاندىرۋ جۇيەسىن ورناتىپ، جاۋاپكەرلىك ارقالاۋدى دارىپتەۋدى، جاۋاپكەرلىك ارقالاۋعا ءمان بەرۋدى ايگىلەيتىن ايقىن بەتالىس قالىپتاستىرۋ كەرەك. كادرلارعا شىنايى سۇيىسپەنشىلىكپەن قامقورلىق جاساپ، ناقتى قيىنشىلىقتارىن شەشۋگە كومەكتەسىپ، ءتان ساۋلىق پەن جان ساۋلىققا كوڭىل ءبولىپ، نەگىزگى ساتى كادرلارىنا، اسىرەسە، قيىنشىلىعى بار، جاپالى وڭىرلەر مەن كەدەيلىكتەن قۇتىلدىرۋدان قامال الۋدىڭ ءبىرىنشى شەبىندە شايقاس جاساپ جاتقان كادرلارعا كوبىرەك تۇسىنىستىكپەن قاراۋ جانە ولارعا قولداۋ كورسەتۋ كەرەك.
  شي جينپيڭ مىنالاردى باسا دارىپتەدى: ۇزاق بولاشاقتىق نەگىزدىك ءىس − دارىندىلاردى نەگىز ەتەدى. دارىندىلار ارقىلى مەملەكەتتى قۇدىرەتتەندىرۋ ستراتەگياسىن جەدەل اتقارىپ، دارىندىلار ارقىلى دامۋعا جەتەكشىلىك ەتۋدىڭ ستراتەگيالىق ورنىن بەلگىلەپ، وتاندى ءسۇيىپ، ۇلەس قوسۋدى، باتىلدىقپەن جاڭالىق اشىپ، جاسامپازدىق جاراتۋدى مۇرات ەتكەن ۇزدىك دارىندىلار قوسىنىن قۇرۋعا قۇلشىنۋ كەرەك. دارىندىلاردىڭ دامۋ ءتۇزىلىسى، مەحانيزمى رەفورماسىن تەرەڭدەتىپ، قالىڭ دارىندىلاردىڭ وتاننىڭ ءۇمىتىن اقتاۋ سۇيىسپەنشىلىگىن، كۇرەسكەرلىك رۋحىن، جاسامپازدىق ومىرشەڭدىگىن مۇمكىندىگىنشە قاۋلاتۋ كەرەك. كادرلاردى باۋلۋ مەحانيزمىن كەمەلدەندىرىپ، كادرلاردى باعالاۋ مەحانيزمىن جاقسارتىپ، كادرلاردىڭ اۋىسۋ مەحانيزمىندە جاڭالىق اشىپ، كادرلاردى ىنتالاندىرۋ مەحانيزمىن كەمەلدەندىرۋ كەرەك. دارىندى ەنگىزۋدىڭ اناعۇرلىم بەلسەندى، اناعۇرلىم اشىق، اناعۇرلىم ۇتىمدى ساياساتىن اتقارىپ، الەمدەگى ۇزدىك دارىندىلاردى توپتاۋ، ىستەتۋ كەرەك. وتاندى ءسۇيىپ، وتاننىڭ ءۇمىتىن اقتاعان، پارتيا مەن حالىق ىستەرى ءۇشىن كورنەكتى ۇلەس قوسقان ۇزدىك دارىندىلاردى كەڭىنەن ۇگىتتەپ جانە ماراپاتتاپ، زيالىلار مەن قالىڭ دارىندىلار اراسىندا وتاندى ءسۇيۋ، ۇلەس قوسۋ رۋحىن بار كۇشپەن اسقاقتاتۋ كەرەك.
  شي جينپيڭ مىنالاردى اتاپ كورسەتتى: جۇڭحۋا ۇلتىنىڭ ۇلى گۇلدەنۋىن جۇزەگە اسىرىپ، جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ تەتىگى پارتيادا، ادامدا، ول، تۇپتەپ كەلگەندە، الدىڭعى بۋىننىڭ ءىزىن سوڭعى بۋىن باساتىن سەنىمدى ءىزباسارلار باۋلۋعا، قالىپتاستىرۋعا سايادى. بۇل − پارتيا مەن مەملەكەت ىستەرى دامۋىنىڭ عاسىرلىق ۇلى جوباسى. جاڭا ءداۋىر جۇڭگوشا سوتسياليزم يدەياسىن ادالدىقپەن دايەكتىلەندىرەتىن، جاڭا داۋىردەگى جاقسى كادر ولشەمىنە ساي كەلەتىن، ادال، كىرشىكسىز، جاۋاپكەرلىك ارقالايتىن، سانى جەتكىلىكتى، ومىرشەڭدىگى قاۋلاعان، جوعارى ساپالى ماماندانعان جاس كادرلار قوسىنىن قۇرۋ كەرەك. ۇزدىك جاس كادرلار، ءسوز جوق، پارتياعا ادال بولۋعا، جۇڭگوشا سوتسياليزم جولىمەن جۇرۋگە تاباندى بولۋ، مىزعىماستان پارتيانىڭ سوزىنە قۇلاق اسۋ، پارتياعا ىلەسۋ كەرەك. ۇزدىك جاس كادرلاردا ءىزباسار بولۋعا جەتەرلىك قابىلەت بولۋى، ۇيرەنۋدى كۇشەيتىپ، تاجىريبە جيناقتاۋى، قابىلەت - قارىمىن ارتتىرۋى، سانالى تۇردە امالياتتان ۇيرەنىپ، حالىقتى ۇستاز تۇتۋى كەرەك. كوڭىلدى ورنىقتىرىپ قىزمەت ىستەپ، كوڭىلگە ەش الاڭ بۇكپەي كاسىپكە دەن قويىپ، قاي سالادا ىستەسە، سول سالانى ءسۇيىپ، سول سالانىڭ جۇمىسىنا ىسىلۋ كەرەك. مىزعىماس بەرىك سەنىممەن، بولاتتاي مىعىم ەرىك - جىگەرمەن باتىلدىقپەن ۇدەرە العا تارتىپ، ساتسىزدىكتەرگە جولىققاندا شىدامدىلىق كورسەتە الاتىن، شەشۋشى ساتتە توتەپ بەرە الاتىن، اۋىر مىندەت ارقالاي الاتىن، سۇراپىل شايقاس جۇرگىزە الاتىن، قيىندىققا توزە الاتىن بولۋ كەرەك. ۇزدىك جاس كادرلار شىنايى ادام بولۋدى، شىنايى سويلەۋدى، شىنايى ءىس ىستەۋدى ومىرلىك مۇراتى ەتۋ كەرەك. ۇزدىك جاس كادرلاردى ءوزىن تاربيەلەۋدى كۇشەيتۋگە، ءادىل دە قالتقىسىز بولىپ، اقيقاتتى تانۋعا، الدىن الا ساقتانۋعا، پرينسيپ، تومەنگى شەك، قاعيدا بولۋعا تاربيەلەۋ، جەتەكتەۋ كەرەك.
  شي جينپيڭ مىنالاردى باسا دارىپتەدى: ۇزدىك جاس كادرلاردىڭ سانى جەتكىلىكتى بولۋمەن بىرگە، ساپاسى دا جاقسى بولۋ كەرەك. جەر - جەر، تاراۋلار جاقىن مەرزىمدىك سۇرانىس پەن ۇزاق بولاشاقتىق ستراتەگيالىق قاجەتتى كوزدەي وتىرىپ، بەلگىلى سانداعى ۇزدىك جاس كادرلاردى باۋلۋ، تاڭداپ ءوسىرۋ كەرەك. ۇزدىك جاس كادرلاردى باۋلۋدا، تاڭداپ وسىرۋدە ءار شەپكە، ءار سالاعا، ءار كاسىپكە نازار سالىپ، ماماندىق كەشىرمەسى بار، قابىلەتى جان - جاقتى باسشى كادرلاردى باۋلۋعا كوڭىل ءبولۋ كەرەك. مۇمكىندىگى بار ۇزدىك جاس كادرلاردى كۇش - قارىمدى تالاپ ەتەتىن قىزمەت ورىندارىندا، ماڭىزدى قىزمەت ورىندارىندا شىنىقتىرۋدان وتكىزىپ، اۋىر جۇكتى سولارعا جۇكتەۋ كەرەك. باۋلۋ كەلەشەگى بار ۇزدىك جاس كادرلاردى ءبىر سارىندىلىققا سالىنباي باتىلدىقپەن ىستەتۋ كەرەك. ءار دارەجەلى پارتكومدار جاس كادرلاردىڭ اقاۋسىز ءوسىپ - جەتىلۋىنە كوڭىل ءبولۋدى، ءسوزسىز، ورىنداۋعا ءتيىستى ساياسي جاۋاپكەرشىلىك ەتىپ، ۇزاق بولاشاقتىق جوبانى كۇشەيتىپ، قىزمەت جاۋاپكەرشىلىگى ءتۇزىمىن كەمەلدەندىرىپ، ۇزدىك جاس كادرلاردى دەر كەزىندە بايقاۋ، باۋلۋ، ىستەتۋ كەرەك.
  شي جينپيڭ مىنالاردى اتاپ كورسەتتى: ءار دارەجەلى پارتكومدار (پارتيا باسشىلىق گرۋپپالارى) پارتيا قۇرىلىسىنا باسشىلىقتى كۇشەيتىپ، باستى جاۋاپكەرلىكتى ارقالاپ، باستى جۇمىستى مىقتى يگەرىپ، باستى رولدارىن ويداعىداي اتقارىپ، ءار شەپتىڭ، ءار سالانىڭ، ءار بۋىننىڭ پارتيا قۇرىلىسى قىزمەتىن ناقتى ۇستاپ، تەرەڭدەتۋ كەرەك. پارتكوم (پارتيا باسشىلىق گرۋپپاسى) شۋجيى 1 - جاۋاپتى ادام رەتىندە پارتيا قۇرىلىسىنىڭ جاۋاپكەرلىگىن ساتى - ساتى بويىنشا ناقتى تياناقتاندىرۋدى ىلگەرىلەتىپ، پارتيا قۇرىلىسى قىزمەتىن شىنايى يگەرۋ، ەگجەي - تەگجەيلى يگەرۋ، تياناقتى يگەرۋ كەرەك.
  ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇيىمداستىرۋ ءبولىمىنىڭ باستىعى چىن شي قورىتىندى سوزىندە مىنالاردى اتاپ كورسەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ پارتيا قۇرىلىسى جانە ۇيىمداستىرۋ قىزمەتى جونىندەگى ماڭىزدى يدەياسىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ ۇيتقى ورنىن باتىل قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، جاڭا داۋىردەگى پارتيانىڭ ۇيىمدىق لۋشيانىن اماليات بارىسىندا اتقارىپ، جاڭا داۋىردەگى پارتيا قۇرىلىسىنىڭ باس تالابىن تياناقتاندىرىپ، ۇيىمداستىرۋ قىزمەتىنىڭ ساپاسى مەن دەڭگەيىن ۇزدىكسىز جوعارىلاتىپ، دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدى، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋدى پارمەندى ۇيىمدىق كەپىلدىكپەن قامتاماسىز ەتۋ كەرەك.
  بەيجيڭ قالاسىنىڭ، تيانجين قالاسىنىڭ، فۋجيان ولكەسىنىڭ، سۋ يگىلىگى مينيسترلىگىنىڭ، جۇڭگو اليۋمين شارۋاشىلىق توبى شەكتى سەرىكتەستىگىنىڭ، حاربين ونەركاسىپ داشۋەسىنىڭ جاۋاپتىلارى پىكىر اۋىستىرىپ، سوزگە شىقتى.
  ج ك پ ورتالىق كوميتەتى ساياسي بيۋروسىنىڭ ءىشىنارا مۇشەلەرى، ورتالىق كوميتەت شۋجيچۋىنىڭ شۋجيلەرى ماجىلىسكە قاتىناستى.
  ورتالىقتىڭ پارتيا قۇرىلىسى قىزمەتىنە باسشىلىق ەتۋ گرۋپپاسىنىڭ مۇشەلەرى، ولكەلەردىڭ، رايونداردىڭ، قالالاردىڭ، جوسپارى بولەك جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ، ورتالىقتىڭ جانە مەملەكەتتىك ورگانداردىڭ قاتىستى تاراۋلارىنىڭ، قاتىستى حالىقتىق ۇيىمداردىڭ، قاتىستى فينانس قۇرىلىمدارىنىڭ، مەملەكەت مەنشىگىندەگى ءىرى كاسىپورىنداردىڭ جانە جوعارى مەكتەپتەردىڭ، ارميانىڭ قاتىستى ورىندارىنىڭ جاۋاپتىلارى، ت.ب ماجىلىسكە قاتىناستى.


بەرىپ كەت ورامالىڭدى

دوستار

الىستاعى اق ەركە