جاڭا حابارلار

ءۇرىمجى قالالىق وركەنيەت كەڭسەسى، ءۇرىمجى قالالىق قوعام حاۋىپسىزدىگى مەكەمەسىنىڭ قاتىناس ساقشى تارماق اتىرەتى سياقتى 4 تاراۋ ۇرىمجىدەگى موتورلى كولىك تەرەزەسىنەن نارسە لاقتىرۋ ارەكەتىن ارناۋلى وڭاۋدى اتقارۋ جاعدايىن بىرلەسىپ حابارلاندىردى

    كەلۋ قاينارى: شينجياڭ حالىق راديو ىستانسياسى    2018-07-04 23:00:12  

ستانسيامىزدىڭ ءتىلشىسى ديڭ شياۋدان مەن پراكتيكانت ءتىلشى رىن شينجيەنىڭ حابارى:
-7ايدىڭ  3-كۇنى ءۇرىمجى قالالىق وركەنيەت كەڭسەسى، ءۇرىمجى قالالىق قوعام حاۋىپسىزدىگى مەكەمەسىنىڭ قاتىناس ساقشى تارماق اتىرەتى سياقتى 4 تاراۋ ۇرىمجىدەگى موتورلى كولىك7 تەرەزەسىنەن نارسە لاقتىرۋ ارەكەتىن ارناۋلى وڭاۋدى اتقارۋ جاعدايىن بىرلەسىپ حابارلاندىردى.  

  بيىل 6 - ايدىڭ 1 - كۇنىنەن باستاپ، ءۇرىمجى قالاسى موتورلى كولىك تەرەزەسىنەن نارسە لاقتىرۋ سىندى زاڭعا قايشى ارەكەتتەردى ارناۋلى وڭاۋ قىزمەتىن ورىستەتىپ، شوفەرلەردىڭ تەرەزەدەن نارسە لاقتىرۋ ارەكەتىنە  200 يۋان ايىپ سالىپ، 2 ءنومىر تارتتى. 7 - ايدىڭ 2 - كۇنىنە دەيىن، ءۇرىمجى قالالىق قالا باسقارۋ كوميتەتى موتورلى كولىك تەرەزەسىنەن نارسە لاقتىرۋ سىندى زاڭعا قايشى 105 رەتكى ارەكەتتى تەكسەرىپ ءبىر ءجايلى ەتتى، ءۇرىمجى قالالىق قوعام حاۋىپسىزدىگى مەكەمەسىنىڭ قاتىناس ساقشى تارماق اترەتى موتورلى كولىك تەرەزەسىنەن نارسە لاقتىرۋ سىندى 77 رەتكى زاڭعا قايشى  ارەكەتتى تەكسەرىپ ءبىر جايلى ەتىپ، 205 ادام رەت سىن ايتىپ تاربيە بەردى. ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتىنىڭ ورىنباسار باستىعى يلحام يبىرايىم بىلاي دەدى: « الداعى جەردە، تەك موتورلى كولىك تەرەزەسىنەن نارسە لاقتىرۋ سىندى وركەنيەتسىز ارەكەتتەردى عانا ەمەس، تاعى جۇرگىنشىلەردىڭ قىزىل شىراققا قاراماي جولدان كەسىپ ءوتۋ، جاياۋلارعا ارنالعان الا سىزىقتى جولىمەن جۇرمەۋ، موتورلى  كولىكتىڭ جۇرگىنشىلەرگە جول بەرمەۋى سياقتى وركەنيەتسىز ارەكەتتەردى تەكسەرىپ ءبىر ءجايلى ەتۋ تەبىنىن كۇشەيتىپ، ايىپ سالۋ مەن تاربيە بەرۋدى ۇشتاستىرۋ ءتاسىلى ارقىلى وركەنيەتتى قالا قۇرۋعا كۇش سالامىز».  وسى رەتكى ارناۋلى وڭاۋ ارەكەتىندە، اشكەرەلەپ مالىمدەگەندەردى سيلاۋ مەحانيزمى ارناۋلى ورناتىلدى، قالا تۇرعىندارىنىڭ موتورلى كولىك تەرەزەسىنەن نارسە لاقتىرۋ سىندى زاڭعا قايشى ارەكەتتى اشكەرەلەپ مالىمدەۋىنە، باقىلاۋىنا بولادى، تەكسەرىپ شىن ەكەنى راستالسا، ولار ايىپ سوماسىنىڭ %80 ى بويىنشا سيلانادى. ءۇرىمجى قالالىق قالا باسقارۋ كوميتەتىنىڭ ورىنباسار مەڭگەرۋشىسى گى جيا بىلاي دەدى: « ءبىز  موتورلى كولىك يەلەرىنىڭ قول تەلەفون، موتورلى كولىك قاتىناسىن ەستەلىككە الۋ اسپابى ارقىلى دەرەكتەردى بايقاپ اڭىس ەتۋىن، وسى قىزمەتتى ۇرتىس ىلگەرىلەتۋىن دارىپتەيمىز».    2017 - جىلى، ءۇرىمجى «الەۋمەتتىك وركەنيەتتى ارەكەت ەرەجەسىن» اتقارىپ، موتورلى كولىكتىڭ تەرەزەسىنەن نارسە لاقتىرۋ، جۇرگىنشىلەردىڭ قىزىل شىراققا قاراماي جولدان كەسىپ ءوتۋ ارەكەتى سياقتىلاردى قامتىعان الەۋمەتتىك وركەنيەتكە جات ارەكەتتەردى زاڭمەن جونگە سالۋ قۇرىلىسىنىڭ كولەمىنە تۇڭعىش رەت ەنكىزدى، مۇنداعى ماقسات تاماشا قالا ورتاسىن قۇرىپ جانە ءتارتىبىن  جاقسارتىپ، مەملەكەتتىك وركەنيەت قالا قۇرۋ جەتىستىگىن بەكەمدەۋ بولىپ تابىلادى. ءۇرىمجى قالالىق وركەنيەت كەڭسەسىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى ما جۇڭفۋ بىلاي دەدى: «  زاڭ اتقارۋ تاراۋلارى زاڭدى عىلمي، قاتاڭ اتقارىپ، زاڭ اتقارۋ بارىسىن ۇگىت جۇرگىزۋ، حالىققا قولايلىلىق جاساۋ بارىسى ەتىپ، بۇقارانى مويىنداتۋ، رازى ەتۋ كەرەك. قوعامنىڭ ءار سالاسىنىڭ رولىن تولىق ساۋلەلەندىرىپ، وسىنداي وڭ ەنەرگيانى بارلىق ادام بىلەتىن جاعداي قالىپتاستىرۋ ءتيىس » .


بەرىپ كەت ورامالىڭدى

دوستار

الىستاعى اق ەركە