جاڭا حابارلار

 اقسۋ ايماعى توپ ۇلگىسىندە مەكتەپ باسقارۋدى بەلسەنە دامىتىپ، قالا- اۋىل مىندەتتى وقۋ-اعارتۋىنىڭ ءبىر كەلكى دامۋىن جەبەدى. 

    كەلۋ قاينارى: شينجياڭ حالىق راديو ىستانسياسى    2018-07-04 22:22:21  


 ىستانسيامىزدىڭ ءتىلشىسى ۋاڭ يىڭ، كۇشار راديو ستانسياسىنىڭ ءتىلشىسى ۋي شياۋحۇڭنىڭ حابارى :سوڭعى جىلداردان بەرى، اقسۋ ايماعى وقۋ- اعارتۋدى ينفورماتسيالاندىرۋ قۇرىلىسىندا،  توپ ۇلگىسىندە مەكتەپ باسقارۋ،  وقىتۋدى قوساقتامالى قولداۋ، قالا- اۋىل سايكەسە دامۋ ۇلگىسىن پارمەندى ىلگەرلەتىپ، شەكتى بولعان  ساپالى بايلىقتاردان بۇرىنعىدان دا كوپ مەكتەپتىڭ، اناعۇرلى كوپ ساباقحانانىڭ جانە وقۋشىنىڭ يگىلىكتەنۋىنە مۇمكىندىك جاساپ، قالا- اۋىل مىندەتتى وقۋ-اعارتۋىنىڭ ءبىر كەلكى دامۋىن جەبەدى.  ستانسيامىزدىڭ ءتىلشىسى ۋاڭ يىڭ، كۇشار راديو ستانسياسىنىڭ ءتىلشىسى ۋي شياۋحۇڭنىڭ حابارى :    « شەڭبەردەن قانشاسى بار؟»   «بەسەۋ»  «بۇل قانداي ءپىشىن؟ ».   اقسۋ قالالىق 2- باستاۋىش مەكتەپ 1- جىلدىق 2- كلاسىندا وقىتۋشى ۋ شۋحۇڭ  وقۋشىلاردى باستاپ ماۋسىم سوڭى پىسىقتاۋىن جاسادى. وسى كەزدە، قالا رايونىنان 80 كيلومەتر جەردەگى قاراتال قالاشىعىنىڭ عالدىر باستاۋىش مەكتەبىندە 1- جىلدىقتىڭ وقۋشىلارى  «اقسۋ الىس ارالىقتاعى» تىكە تاراتۋ تەكشەسى ارقىلى ۋ شۋحۇڭ مۇعالىممەن بىرگە ساباق پىسىقتادى. ءبىر وقۋشى: « مۇنداي ءتاسىل توتەنشە تارتىمدى، بىرلىكتە ساباق پىسىقتاعانىمىزعا قۋانامىن»،- دەسە، ەندى ءبىر وقۋشى: « ساباق ۇستىندە تۇسىنبەگەن مازمۇندى ساباقتان كەيىن وقىتۋشى  قايتالاي پىسىقتاپ بەرەدى»،- دەدى.  

     ۋ شۋحۇڭ تىلشىگە، وسىنداي الىس ارالىقتا ءبىر ۋاقىتتا وقىتۋ ءتاسىلىنىڭ 2017- جىلى اقسۋ قالاسىنىڭ اتقارعان قالا- اۋىلدى ءبىر تۇلعالاندىرىپ وقىتۋدى باسقارۋ ساياساتىنىڭ ارقاسىندا ىسكە اسقانىن، مۇنىڭ مەكتەپتەر اراسىنداعى ساپالى وقىتۋ بايلىعىنىڭ ءوزارا جەبەۋى مەن جەتەكتەۋ رولىن تولىق ساۋلەلەندىرە الاتىندىعىن ايتا كەلىپ: « مەنىڭشە وسىنداي تىكە تاراتاتىن ساباقحانا ۇلگىسى  بالالاردىڭ سەنىمى مەن ۇيرەنۋ قىزعىندىلىعىن جەتىلدىرىپ، وقۋشىلاردىڭ ساباق وقۋ بەلسەندىلىگى توتەنشە ارتتى. ءبىزدىڭ توپتىڭ باس مەكتەبىندەگى بالالار مەن توپتىڭ بولىمشە مەكتەبىندەگى بالالار ءوزارا سەرىكتەسىپ دوستاسىپ، ۇلتتار ىنتىماعى دا كۇشەيدى»،- دەدى.   

 اقسۋ ايماعىنداعى قازىرگى 700 دەن استام ورتا- باستاۋىش مەكتەپ، 9 مىڭ 500 دەن استام وقىتۋ كلاسى ىشىندە، %98 مەكتەپ وپتيكانى مەكتەپكە ەنگىزىپ تۇتاستىرۋ قىزمەتىن ورىنداپ، كوپ مەديالى جابدىقتاردى بارلىق كلاستا جالپىلاستىرۋ مولشەرى %82 كە جەتتى. ساپالى ۇلگى كورسەتۋ ساباعىن الىس ارالىقتا تىكە تاراتۋ قيمىلى اقسۋ ايماعىنداعى ءار قايسى اۋدان- قالا مەكتەپتەرىنىڭ ورىستەتەتىن ۇدايلانعان وقىتۋ قىزمەتىنە اينالىپ، شەتكەرى، شالعاي نەگىزى ءالسىز مەكتەپ وقىتۋشىلارىنىڭ وقىتۋ، تاربيەلەۋ قابىلەتىن بارىنشا جوعارىلاتتى. كۇشار اۋدانىندا، 8- باستاۋىش مەكتەپ وقۋ- اعارتۋدى دامىتۋ وداقتاس مەكتەپتەرىنىڭ ءتۇيىندى مەكتەبى رەتىندە، ۇچار قالاشىعى ساقاعۋ باستاۋىش مەكتەبى، كەلپىن اۋداندىق جۋجۋ باستاۋىش مەكتەبى ، كەلپىن اۋداندىق يۇىرچي اۋىلى  يۇقۇرىس قىستاعى باستاۋىش مەكتەبىن باسقارىپ،  ءتورت مەكتەپتە بىرلىكتە باسقارۋ، ورنالاستىرۋ، تياناقتاندىرۋ، باعالاۋ ءتۇزىمىن اتقاردى. كۇشار اۋداندىق 8- باستاۋىش مەكتەپتىڭ باستىعى فاڭ فىڭ بىلاي دەپ تانىستىردى: « ءبىر جىلدان بەرى وداقتاستىق قاتىناس ورناتتىق، وتە- موتە ساقاعۋ مەكتەبىنە باس مەكتەپتىڭ ورىنباسار مەكتەپ باستىعىن جىبەرىپ، مەكتەبىمىزدەگى بەس تىرەكتى ۇزدىك وقىتۋشىنى بولىمشە مەكتەپتەرگە ورنالاستىرىپ، ءار قايسى جىلدىقتىڭ ساباقحانا وقىتۋ وتكەلىن مەڭگەردىك، سونىمەن بىرنەشە وداقتاس مەكتەپتىڭ ورتاشا ناتيجەسى ىشىندە  ماتەماتيكا مەن ادەبيەتتىڭ ناتيجەسى 20 دا 30 ءنومىر جوعارىلادى»،- دەدى.     سوڭعى جىلداردان بەرى، اقسۋ ايماعى قالا- اۋىلد  مىندەتتى وقۋ-اعارتۋىنىڭ ءبىر تۇلعالانىپ دامۋىن ىلگەرلەتۋدە كورنەكتى ونىمدىلىككە قول جەتكىزدى. اۆتونوميالى رايوننىڭ 2017-، 2018- جىلعى ءبىرىنشى وقۋ ماۋسىمىنىڭ مىندەتتى وقۋ-اعارتۋ كەزەڭىندە جىلدىقتاردىڭ ادەبيەت جانە ماتەماتيكا سىناۋىندا اقسۋ قالاسىنىڭ ورتالاۋ مەكتەپ 1- جىلدىعىنىڭ ادەبيەت ناتيجەسى رايونىمىز بويىنشا  الدىڭعى قاتارعا ءوتىپ، ماتەماتيكاسى رايونىمىز بويىنشا ءۇشىنشى ورىندى يەلەدى. اقسۋ ايماقتىق وقۋ- اعارتۋ مەكەمەسىنىڭ ورىنباسار باستىعى حۋاڭ شىحاي: « كەلەسى كەزەكتە، ءبىز  توپ ۇلگىسىندە مەكتەپ باسقارۋ، وقىتۋدى قوساقتامالى قولداۋ، قالا- اۋىلدى سايكەستىرە دامىتۋ ۇلگىسىن پارمەندى جالپىلاستىرىپ ، كۇشتى مەكتەپتەر ءالسىز مەكتەپتەردى جەتەكتەۋدى جالعاستىرىپ، وقۋ- اعارتۋدى ينفورماتسيالاندىرۋمەن  توپ ۇلگىسىندە مەكتەپ باسقارۋدى دەمەپ، قالا- اۋىل وقۋ-اعارتۋىنىڭ جۇيەلى اينالىمعا تۇسۋىنە، تەڭ جوعارلاۋىنا كەپىلدىك ەتەمىز. وقۋ- اعارتۋدى ينفورماتسيالاندىرۋ تاسىلىنەن پايدالانىپ،  قالا- اۋىل وقۋ-اعارتۋىن ءبىر تۇلعالاندىرۋداعى پارىقتى ونان ارى ازايتىپ، وقىتۋدىڭ ءبىر كەلكى دامۋىن جەبەپ، ءاربىر بالانىڭ   ءادىل دە ساپالى وقىتۋدان يگىلىكتەنۋىنە مۇمكىندىك جاسايمىز»،- دەدى. 
 


بەرىپ كەت ورامالىڭدى

دوستار

الىستاعى اق ەركە