جاڭا حابارلار

قالىپتان تىس تويا تاماقتانۋ دەنساۋلىققا زياندى

    كەلۋ قاينارى: شينجياڭ حالىق راديو ىستانسياسى    2018-07-04 21:36:52  

   اقاۋسىزدىق تاربيەسىنىڭ مامانى حۇڭ جاۋگۋاڭ: ەرتە زاماندا اسقازان اس قورتۋدان تىس، قورەكتىك ساقتاۋ رولىن اتقارىپ، ءبىر رەت تويا تاماقتانعان سوڭ، بىرنەشە كۇنگە دەيىن ءنار تاتپاي جۇرە بەرۋگە بولاتىن ەدى؛ ال قازىر ادامداردىڭ تۇرمىس شارت - جاعدايى جاقسارىپ، ءار ۋاققى تاماعى دايىن ءارى ءنارلى بولاتىن بولدى، ەگەر اسقازانعا ءار كۇنى 500 گرام  ازىقتىق ساقتاۋعا بولسا، تەك وسىنىڭ جارتىسىن تولىقتاسا بولعانى ءبىر كۇندىك   قاجەتىڭىزدەن شىعادى. الايدا، بۇدان ارتىق بولىپ كەتسە، اسقازاننىڭ جۇگى اۋىرلاپ، ءبىر قىدىرۋ اقاۋسىزدىق ماسەلەسىن تۋدىرادى» -دەيدى.
  1. سەمىزدىك
       كۇندەلىكتى تۇتىناتىن ماي جانە بەلوك قۇرامى جوعارى ازىقتار وڭاي قورتىلمايدى، ونىڭ ۇستىنە باسى ارتىق قورەكتىك زاتتار دەنەدە جينالىپ، سەمىزدىك پەن قوسالقى اۋرۋلاردى تۋدىرادى. حۇڭ جاۋگۋاڭ: «عىلمي زەرتتەۋلەر سەمىزدىكتىڭ جۇرەك - قان تامىر اۋرۋى، قان قىسىمىنىڭ جوعارلاۋ اۋرۋى، قانتتى نەسەپ اۋرۋى، باۋىردى ماي باسۋ، ارتەريانىڭ قاتايۋى، ءوت قابىنۋى سياقتى اۋرۋلاردى تۋدىراتىندىعىن دالەلدەي كەلىپ، بۇعان وسى اۋرۋلاردان تۋىندايتىن قوسالقى اۋرۋلاردى قوساتىن بولساق، اۋرۋدىڭ ءتۇرى ءتىپتى دە كوبەيىپ كەتۋى مۇمكىن، بۇل   توتەنشە قورقىنىشتى» -دەيدى.
    2. اسقازان اۋرۋى
     تاماقتى ارتىق جەۋ اسقازان مەن ىشەكتىڭ جۇگىن اۋىرلاتىپ، اس قورتۋعا ىقپال جەتكىزەدى. مۇنان تىس، اسقازاننىڭ كىلەگەي قابىعىنداعى كلەتكالاردىڭ ءومىرى قىسقا بولاتىندىقتان، 2 دە 3 كۇندە ءبىر رەت جاڭالانىپ تۇرادى. ەگەر ءبىر ۋاققى تاماقتى تولىق قورتىپ بولماي، جالعاستى ۇستىنە تولىقتاي بەرسە، اسقازان ۇزاق ۋاقىت تىرسيىپ كەرىلىپ تۇراتىندىقتان، كىلەگەي قابىق جاڭالانۋ ورايىنا يە بولا المايدى.      3. ىشەك اۋرۋلارى
تايۋاننىڭ عالىمدارى ىشەكتىڭ ىشىنە ماي جينالىپ قالسا، ىشەك توسىلىپ، ۇلكەن دارەت قارا ءتۇستى  بولىپ، قان ارالاسىپ كەلەتىندىگىن بايقاعان.
4. شارشاپ-شالدىعۋ
تويا تاماقتانۋ ۇلكەن ميدىڭ سەزىمتالدىق قۋاتىن تومەندەتىپ، قارتايۋىن جەدەلدەتەدى. جايشىلىقتا تاماقتانعان سوڭ دەنەدەگى قاننىڭ ءبارى اسقان - ىشەك جۇيەسىنە شوعىرلانىپ قاربالاستىققا تۇسەتىندىكتەن، ادامدا ۇزاق ۋاقىت شارشاپ-شالدىعۋ جانە ماجاۋراۋ ءجايتى بايقالادى.


بەرىپ كەت ورامالىڭدى

دوستار

الىستاعى اق ەركە