جاڭا حابارلار

بيىلعى تۇڭعىش كەزەكتى «لۇڭتاي ءنومىرلى» شينجياڭعا كومەكتەسۋ ساياحات ارناۋلى پويەزى شينجياڭعا جەتتى

    كەلۋ قاينارى: ءتاڭىرتاۋ تورابى    2018-07-04 13:00:08  

«لۇڭتاي ءنومىرلى» شينجياڭعا كومەكتەسۋ ارناۋلى ساياحات پويەزى شينجياڭعا جەتتى، ساياحاتشىلار قىزۋ مەرەيمەن قارسى الىندى.

  7-ايدىڭ 2-كۇنى تۇستەن كەيىن، 500 ساياحاتشى وتىرعان «لۇڭتاي ءنومىرلى» شينجياڭعا كومەكتەسۋ ارناۋلى ساياحات پويەزى بەيتۇن پويەز ايالداماسىنا كىردى، بۇل 500 ساياحاتشى حيلۇڭجياڭنان كەلگەن، الداعى 3 كۇندە بۋىرشىن، قاناس، ۋسايۋان قاتارلى التايدىڭ كورىنىس تۇيىندەرىندە ساياحاتتايدى.
  «لۇڭتاي ءنومىرلى» پويەز — جۇڭگو تەمىر جولى حاربين مەكەمەسى توبى شەكتى سەرىكتەستىگىنىڭ ۇيىمداستىرىپ اشقان شينجياڭعا كومەكتەسۋ ارناۋلى ساياحات پويەزى، ارناۋلى پويەز جالپى ارالىققا 15 كۇندە بارىپ-كەلەدى، جالپى 9000 كيلومەتر باسادى، جولدا حيلۇڭجياڭ، ىشكى موڭعۇل، گانسۋ، نيڭشيا، شينجياڭدى باسىپ وتەدى.
  سول كۇنى، ساياحاتشىلار پويەزدەن تۇسە سالا ىستىق ىقىلاسقا بولەندى، حاربين قالاسىنان كەلگەن ساياحاتشى ۋاڭ يۇيكۇن جەرگىلىكتى بويجەتكەنمەن بىرگە بيگە باستى، ۋاڭ يۇيكۇن بىلاي دەدى: «شينجياڭنىڭ كورىنىسى وتە كوركەم دەگەندى بۇرىننان ەستۋشى ەدىم، بۇل رەتكى ارناۋلى ساياحات پويەزىن دە اسىعا كۇتتىم، ەرەكشە قولايلى ەكەن، شينجياڭنىڭ كورىنىسى مەن ءدامدى تاعامدارىنان مەيىلىنشە ءلاززاتتانامىن».
  ۇعىسۋعا قاراعاندا، «لۇڭتاي ءنومىرلى» شينجياڭعا كومەكتەسۋ ارناۋلى ساياحات پويەزى 2017-جىلى تۇڭعىش رەت ىسكە قوسىلعان، بيىل اتالعان پويەز وتكەن جىلعى 4 جۇپتان 10 جۇپقا ارتتى. قاتىناۋ سانى ارتىپ قانا قالماي، وتكەن جىلداعىمەن سالىستىرعاندا، بۇل رەتكى شينجياڭعا كومەكتەسۋ ارناۋلى ساياحات پويەزىنىڭ قىزمەت وتەۋ ساپاسى مەن ساياحات ونىمدەرىن جوبالاۋ جاعىندا دا وزگەرىستەر بولدى.
  ۇعىسۋعا قاراعاندا، «لۇڭتاي ءنومىرلى» شينجياڭعا كومەكتەسۋ ارناۋلى ساياحات پويەزى 7-، 8-، 9-ايلاردا ارت-ارتىنان ىسكە قوسىلىپ، تاسىمالداعان ساياحاتشى مولشەرى مەجەمەن 10 مىڭ ادامعا جەتىپ، التاي ايماعىنىڭ ساياحات بازارىن ونان ارى گۇلدەندىرەدى.


بەرىپ كەت ورامالىڭدى

دوستار

الىستاعى اق ەركە