جاڭا حابارلار

رايونىمىز وسىزامانعى الەۋمەتتىك مادەنيەت قىزمەتىن كورسەتۋ جۇيەسىن قۇرۋدى جەدەلدەتتى

    كەلۋ قاينارى: شينجياڭ حالىق راديو ىستانسياسى    2018-07-04 12:54:29  

ستانسيامىزدىڭ ءتىلشىسى دۇڭ جىيۇڭ، ەرىكتى ءتىلشى جاڭ لانلان مەن لي ياننىڭ حابارى: پارتيا 19-قۇرىلتايىنىڭ بايانداماسىندا بىلاي دەپ اتاپ كورسەتىلدى: الەۋمەتتىك مادەنيەتكە قىزمەت ەتۋ جۇيەسىن كەمەلدەندىرىپ، مادەنيەت جاعىنداعى حالىققا تيىمدىلىك جەتكىزۋ ينجەنەرياسىن ىشكەرلەي اتقارىپ، بۇقارالىق سيپات العان مادەنيەت قيمىلدارىن بايىتۋ كەرەك. كەزەكتە، رايونىمىز مادەنيەت-كوڭىل اشۋ قۇرىلعىلارىن مىقتى يگەرۋ، مادەنيەت ينفورماتسياسىنان ورتاق يگىلىكتەندىرەتىن جابدىقتاردى تولىقتاۋ سياقتى شارالاردى قولدانىپ، رايون، ايماق، اۋدان، اۋىل جانە قىستاق دارەجەلى الەۋمەتتىك مادەنيەتكە قىزمەت ەتۋ تورابىن قۇردى.
ءار كۇنى كەشكى ساعات 9 دا، شىحىزى شىرعاناق قىزىل گۇلى اتىنداعى ءبي اتىرەتىنىڭ مۇشەلەرى شىحىزى قالاسىنداعى بەس جۇلدىز الاڭىنا وزدىكتەرىنەن جينالىپ ءان ايتىپ، ءبي بيلەيدى. ولاردىڭ وسىندا ءان ايتىپ،ءبي بيلەگەنىنە ەكى جىلدان استى. ءبي اتىرەتىنىڭ مۇشەسى شۇي جينحۋا: «بۇل ارانىڭ جابدىعى تولىق، ساحناسى كەڭ، تاعى قول سوعىپ بىزگە شابىت بەرەتىن كورەرمەن كوپ، ءبىز وزىمىزدى وتە باقىتتى سەزىنەمىز، ءبي اترەتىنىڭ مۇشەلەرى وسى اراعا كەلىپ ءان ايتىپ، ءبي بيلەگەندى ۇناتادى. وسىلاي جالعاستىرا بەرمەكشىمىز، ءبىز ءان ايتىپ،ءبي بيلەپ، تاماشا تۇرمىستى جىرلاپ، وڭ ەنەرگيا تاراتامىز»،-دەدى.
سوڭعى جىلدارى، شىحىزى قالاسى الاڭ نەگىزدىك قۇرىلعى قۇرىلىسىنا قوسىلاتىن ۇسىنىلىمدى ۇزدىكسىز مولايتىپ، زال ىشىندەگى جانە سىرتتاعى مادەنيەت، دەنە تاربيە الاڭ-ورنىنان 70 نەشەسىن سالۋمەن بىرگە، تاعى مىڭنان استام مادەنيەت ەرىكتىسىن بۇقارا ءۇشىن قىزمەت ەتۋگە تاربيەلەدى، وسىنىڭ ناتيجەسىندە، شىرعاناق قىزىل گۇلى ءبي اتىرەتى سياقتى حالىقتىق كوركەمونەر ۇيىرمەلەرى الاڭدار مەن مادەنيەت سارايلارىن دۇمانعا بولەپ، وسى جەردەگى كوز تارتاتىن كوركەم كورىنىسكە اينالدى. بيڭتۋان 8-شى شىحىزى قالالىق مادەنيەت-دەنە تاربيە مەكەمەسىنىڭ ورىنباسار باستىعى داي جۇنحۇي: «بۇل ادامدار بەينە مادەنيەتتىڭ وركەنى سپەتتى، ءتۇرلى مادەنيەت پەن كوركەمونەر ويىندارىن الاڭدا قويىپ، ءتىپتى كوپ بۇقارانى الاڭ مادەنيەتىنە ات سالىسۋعا باۋرايدى. بۇدان بىلاي ءبىز الەۋمەتتىك مادەنيەت جۇيە قۇرىلىسىنا قىزمەت وتەۋ دەڭگەيىن ۇزبەي جوعارىلاتىپ، بۇقاراعا ءتىپتى تاماشا مادەنيەت ونىمدەرىن تارتۋ ەتەمىز»،-دەدى.
سونىمەن بىرگە، الەۋمەتتىك كىتاپحانا، شارۋالار كىتاپ ءۇيى سياقتى ورىندار دا الەۋمەتتىك اۋماقتار مەن اۋىل-قىستاقتاردا مولايىپ، قالا مەن اۋىل-قىستاق تۇرعىندارىنىڭ رۋحاني تۇرمىسىن بايىتتى. قىستاق تۇرعىندارى ءار كۇنى كەشتە نىلقى اۋدانى قاراسۋ اۋىلى ۇلكەن قاراسۋ قىستاعىنداعى 60 نەشە شارشى مەترلىك شارۋالار كىتاپ ۇيىنە جينالىپ، باعىمشىلىق، ەگىنشىلىك جونىندەگى كىتاپتاردى وقىپ، تاجىريبە اۋىستىرادى. قىستاق تۇرعىنى تۇرسۇنگۇل جاڭانۇر قىزى بىلاي دەدى: «كەي كەزدەرى كۇندىز ۋاقىت شىقپاعاندىقتان، كىتاپتى قارىزعا الىپ كەشكى مەكتەپكە بارىپ وقىپ ۇيرەنەمىن، مۇنىڭ پايداسى زور»،-دەدى.
نىلقى اۋدانى قاراسۋ اۋىلى ۇلكەن قاراسۋ قىستاعىنداعى شارۋالار كىتاپ ءۇيىنىڭ جاۋاپتىسى باتيگۇل داۋلەتباي قىزى تىلشىگە: «وسى كىتاپ ۇيىندە 2 مىڭنان استام كىتاپ بار، ءبىر جىلدىڭ 12 ايىندا قىستاق تۇرعىندارىنا تەگىن اشىلادى. ءبىز مەزگىل سايىن كىتاپتاردى تولىقتاپ تۇرامىز، كىتاپ وقۋعا كەلگەن قىستاق تۇرعىندارىن شايمەن-سۋسىنمەن قامداپ، كوپشىلىكتىڭ جانعا جايلى ۇيرەنۋ ورتاسىندا بەرىلە ۇيىەنۋىنە مۇمكىندىك جاسايمىز»،-دەدى.
ۇعىسۋعا قاراعاندا، كەزەكتە رايونىمىزدا ءار دارەجەلى، ءار ءتۇرلى الەۋمەتتىك كىتاپحانا، مادەنيەت سارايى، مۇراجاي، اسەمونەر سارايى، اۋىل-قالاشىق، ءمالى باسقارماسىنىڭ امبەباپ مادەنيەت پونكتى سياقتى مادەنيەتكە قىزمەت ەتۋ قۇرىلىمىنان 9 مىڭ 430 ى، وسى سالادا كاسىپپەن شۇعىلداناتىن 37 مىڭ 700 دەن استام ادام بار ەكەن. اۆتونوميالى رايوندىق مادەنيەت مەڭگەرمەسى الەۋمەتتىك مادەنيەت باسقارماسىنىڭ باستىعى ۋاڭ شۋشىڭ: «كەلەسى قادامدا، مادەنيەتتىڭ باستاماشىلىق رولىن ويداعىداي ساۋلەلەندىرىپ، ۇكىمەتتىڭ الەۋمەتتىك مادەنيەتكە قىزمەت ەتۋدى ساتىپ الۋ جاعىنداعى قىزمەت تەبىنىن ۇزدىكسىز كۇشەيتىپ، ءتۇرلى بايلىقتان تولىق پايدالانىپ، نەگىزگى ساتىداعى بۇقارانىڭ الۋان ءتۇرلى مادەنيەتتەن تولىق سۋسىنداۋىنا مۇمكىندىك جاسايمىز»،-دەدى.


بەرىپ كەت ورامالىڭدى

دوستار

الىستاعى اق ەركە