جاڭا حابارلار

اۆتونوميالى رايونىمىز ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساعان 8 تيپتىك ماسەلەنى اشىق جاريالادى

    كەلۋ قاينارى: شينجياڭ حالىق راديو ىستانسياسى    2018-07-04 12:36:36  
ستانسيامىزدىڭ حابارى: تاياۋدا، اۆتونوميالى رايوندىق ءتارتىپ تەكسەرۋ باقىلاۋ-تەكسەرۋ كوميتەتى ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساعان 8 تيپتىك ماسەلەنى اشىق جاريالادى. بۇل 8 تيپتىك ماسەلە مىنالار:
1. اۆتونوميالى رايوندىق ازىق-تۇلىك ءدارى-دارمەكتى ساراپتاۋ ورنى پارتكومىنىڭ بۇرىنعى شۋجيى، بۇرىنعى ورىنباسار باستىعى ۋاڭ جىبيننىڭ، پارتكومنىڭ بۇرىنعى مۇشەسى، بۇرىنعى ورىنباسار باستىعى ياڭ ۋىنجۇيدىڭ بەلگىلەمەگە قايشىلىق جاساپ، باسقارۋ جانە قىزمەت وتەۋ وبيەكتىسىنىڭ قوناعاسىسىن قابىلداۋ سياقتى ماسەلەسى. 2016-جىلى 7-ايدا، شينجياڭداعى بەلگىلى اراق زاۆودىندا ورىستەتىلگەن «جاڭا ورگان قۇرىلىسىنداعى جاستاردىڭ ۇلگىلى جۇمىس ورنى» اتىنداعى اراق تەحنولوگياسىنا تاربيەلەۋ قيمىلى كەزىندە، ۋاڭ جىبين مەن ياڭ ۋىنجۇي بىرەە ىستەيتىن 18 قىزمەتكەرىن وسى اراق زاۆودىنىڭ ورنالاستىرعان قوناعاسىسىنا ەرتىپ اپارىپ، جالپى 2 مىڭ 930 يۋان تۇتىنعان. بۇدان سىرت، ۋاڭ جىبيندە تاعى باسقادا تارتىپكە قايشىلىق جاساۋ ماسەلەسى، ال ياڭ ۋىنجۇيدا تاعى ۇيىمنىڭ تەكسەرۋىنە قارسىلاسۋ ماسەلەسى بار. 2018-جىلى 6-ايدا، ۋاڭ جىبين مەن ياڭ ۋىنجۇيگە پارتياداعى مىندەتىنەن، اكىمشىلىك مىندەتىنەن قالدىرۋ جازاسى بەرىلدى.
2. اقسۋ قالالىق سۋ يگىلىگى مەكەمەسى پارتگرۋپپاسىنىڭ بۇرىنعى مۇشەسى، بۇرىنعى مەكەمە باستىعى زاڭ يۇڭليننىڭ بەلگىلەمەگە قايشى تارتۋ-تارالعى، اقشا الۋ ماسەلەسى. 2013-جىلدان 2018-جىلعا دەيىن، زاڭ يۇڭلين شاعان مەرەكەسى ورايىمەن، باسقارۋ جانە قىزمەت وتەۋ وبيەكتىلەرى ۇسىنعان جالپى قۇنى 85 مىڭ 500 يۋاندىق تارتۋ تارالعى مەن اقشانى العان. بۇدان سىرت، زاڭ يۇڭليندا تاعى باسقادا بەلگىلەمەگە قايشىلىق جاساۋ ماسەلەسى بار. 2018-جىلى 5-ايدا، زاڭ يۇڭلينگە پارتيادا قالدىرىپ، ەكى جىل سىنىپ كورۋ، اكىمشىلىك مىندەتىنەن قالدىرۋ جازاسى بەرىلدى.
3. شاپشال سىبە اۆتونوميالى اۋداندىق ورمان شارۋاشىلىعى مەكەمەسى پارتگرۋپپاسىنىڭ بۇرىنعى مۇشەسى، بۇرىنعى مەكەمە باستىعى لي چيڭحايدىڭ ولشەمنەن اسىرىپ قاتىناس كولىگىنە وتىرۋ سياقتى ماسەلەسى. 2015-جىلى 5-ايدان 2016-جىلى 11-ايعا دەيىن، لي چيڭحاي ۇرىمجىگە، جىڭجۋعا ىسساپارمەن بارۋ ورايىندا ولشەمنەن اسىرىپ پويەزدىڭ جۇمساق توسەگىنە وتىرعان، ۇيىمنىڭ بەكىتۋسىز ۇشاققا وتىرعان، 10 مىڭ 900 يۋان قاتىناس قاراجاتىن ولشەمنەن اسىرىپ ەسەپتەن كوتەرتكەن؛ باسقارۋ جانە قىزمەت وتەۋ وبيەكتىلەرىنەن اقشاعا سىندىرعاندا قۇنى 61 مىڭ 500 يۋاندىق جەرگىلىكتى ەرەكشە ءونىم جانە زات ساتىپ الۋ كارتچكاسى سياقتى تارتۋ-تارالعىلاردى العان. 2018-جىلى 4-ايدا، لي چيڭحايعا پارتيادا قالدىرىپ، ەكى جىل سىنىپ كورۋ، اكىمشىلىك مىندەتىنەن قالدىرۋ جازاسى بەرىلدى.
4. گۋما اۋدانى پيشينا اۋىلدىق دەنساۋلىق ساقتاۋ مەكەمەسىنىڭ بۇرىنعى باستىعى مامەتيمىن احىمەتتىڭ جەكە اۆتوكولىگىن ۇكىمەت اقشاسىمەن اسىراۋ سياقتى ماسەلەسى. 2016-جىلى 1-ايدان، 2017-جىلى 10-ايعا دەيىن، مامەتيمىن احىمەت قىزمەت قولايلىلىعىنان پايدالانىپ، جەكە اۆتوكولىگىنىڭ 19 مىڭ 500 يۋان ماي اقىسى مەن تەمەكى، اراق، سۋسىنعا جەكەلەي تۇتىنعان 22 مىڭ 400 يۋان قاراجاتىن قوسىپ، جيىنى 42 مىڭ 200 يۋان اقشانى ۇكىمەت اقشاسىمەن تولەگەن. 2018-جىلى 6-ايدا، مامەتيمىن احىمەتكە پارتيادا قالدىرىپ ءبىر جىل سىنىپ كورۋ، اكىمشىلىك مىندەتىنەن قالدىرۋ جازاسى بەرىلدى.
5. فۋكاڭ قالاسى زىنيچۋانزى قالاشىعى سۋ قۇبىرىن باسقارۋ ورنىنىڭ باستىعى ديڭ ليدىڭ بەلگىلەمەگە قايشىلىق جاساپ، بالاسىنىڭ «ءجۇز كۇنگە تولعاندىعىن قۇتتىقتاۋ قوناعىسىن» بەرۋ ماسەلەسى. 2018-جىلى 4-ايدا، ديڭ لي باعاق تاراتۋ، تەلەفون بەرۋ، كەلتەحات جولداۋ سياقتى فورمالار ارقىلى باسقارۋ جانە قىزمەت وتەۋ وبيەكتىلەرىن بالاسىنىڭ « جۇز كۇنگە تولعاندىعىن قۇتتىقتاۋ قوناعاسىسىنا» شاقىرىپ، 66 مىڭ يۋان شاشۋ العان. 2018-جىلى 6-ايدا ديڭ ليگە پارتيا ىشىندە قاتاڭ ەسكەرتۋ بەرۋ، جۇمىس ورنى دارەجەسىن تومەندەتۋ جازاسى بەرىلدى.
6. اقشي اۋدانى اقشي قالاشىعى ۇش قىستاعى پارتكومىنىڭ بۇرىنعى شۋجيى ىرىسكەلدى ماكەننىڭ بەلگىلەمەگە قايشىلىق جاساپ قوسىمشا قاراجات تاراتۋ ماسەلەسى. 2014-جىلدان 2016-جىلعا دەيىن، ىرىسكەلدى ماكەن ۇش قىستاعى پارتيا ياچەيكاسىنىڭ ( 2017-جىلى 1-ايدا قىستاق پارتيا ياچەيكاسى قۇرىلىپ، قىستاق پارتكومى كۇشىنەن قالدىرىلعان) شۋجيى بولىپ تۇرعان كەزىندە، قىستاق كولەكتيۆىنىڭ 32 مىڭ 400 يۋان قارجىسىن جۇمساپ، وسى قىستاقتىڭ 9 كادرىنا جانارماي اقىسى، تەلەفون اقىسى ءۇشىن بەلگىلەمەگە قايشى قوسىمشا قاراجات تاراتقان. 2018-جىلى 6-ايدا، ىرىسكەلدى ماكەنگە پارتيا ىشىندە قاتاڭ ەسكەرتۋ جانە مىندەتىنەن قالدىرۋ جازاسى بەرىلدى.
7. قارامايلى قالاسى قارامايلى رايوندىق ۇلت-ءدىن ىستەرى كوميتەتىنىڭ قىزمەتكەرى لۇتپوللا اجىنىڭ ۇكىمەت اقشاسىمەن ءىشىپ-جەۋ ماسەلەسى. 2017-جىلى 7-ايدا، لۇتپوللا اجى كۋرسى اشۋ ورايىنان پايدالانىپ، كۋرسى قاراجاتىمەن كىرە اۆتوكولگى اقىسىنا تولەگەن، جەكە ءىشىپ-جەگەن 9 مىڭ 660 يۋان قاراجاتىن ەسەپتەن كوتەرتكەن. 2018-جىلى 5-ايدا، لۇتپوللا اجىعا پارتيا ىشىندە قاتاڭ ەسكەرتۋ جازاسى بەرىلدى.
8. قۇمىل قالاسى ەۋىرعول رايوندىق تۇرعىن ءۇي مەكەمەسى الەۋمەتتىك ىستەر ءبولىمىنىڭ قىزمەتكەرى مۇحامەت مامۇتتىڭ بەلگىلەمەگە قايشى تارتۋ-تارالعى جانە اقشا الۋ ماسەلەسى. 2015-جىلدان 2017-جىلعا دەيىن، مۇحامەت مامۇت ەنەرگيا ۇنەمدەۋ قۇرىلعىلارىن وزگەرتۋ نىسانىنا جاۋاپتى بولۋ قىزمەت قولايلىعىنان پايدالانىپ، باسقارۋ جانە قىزمەت وتەۋ وبيەكتىلەرى ۇسىنعان قۇنى 4 مىڭ 20 يۋاندىق تەمەكى، اراق سياقتى تارتۋ-تارالعىلاردى العان. 2018-جىلى 5-ايدا، مۇحامەت مامۇتقا پارتيا ىشىندە قاتاڭ ەسكەرتۋ جازاسى بەرىلدى.

بەرىپ كەت ورامالىڭدى

دوستار

الىستاعى اق ەركە