جاڭا حابارلار

«لۇڭتاي ءنومىرلى» حيلۇڭجياڭ ولكەسىنىڭ ساياحاتتا شينجياڭعا كومەكتەسۋ ارناۋلى پويەزى التايعا جەتتى

    كەلۋ قاينارى: شينجياڭ حالىق راديو ىستانسياسى    2018-07-04 12:33:51  

پراكتيكانت ءتىلشى شۇي ۋيفىڭ مەن التاي راديو ستانسياسىنىڭ ءتىلشىسى ۋاڭ جيڭرۋدىڭ حابارى: «لۇڭتاي ءنومىرلى» حيلۇڭجياڭ ولكەسىنىڭ ساياحاتتا شينجياڭعا كومەكتەسۋ ارناۋلى پويەزى 7-ايدىڭ 2-كۇنى تۇستەن كەيىن التايعا جەتتى، بۇل 2018-جىلى حيلۇڭجياڭ ولكەسىنىڭ تۇڭعىش قاتىناتقان ساياحاتتا شينجياڭعا كومەكتەسۋ ارناۋلى پويەزىنىڭ شينجياڭعا جەتۋى.
سول كۇنى تۇستەن كەيىن ساعات 17 دە، «لۇڭتاي ءنومىرلى» ساياحاتتا شينجياڭعا كومەكتەسۋ ارناۋلى پويەزىنا وتىرعان 500 ساياحاتشى بەيتۇن پويەز ۆاگزالىنان شىعا سالىسىمەن، ولاردى شوق-شوق گۇل مەن ءان-ءبي قارسى الدى. ساياحاتشى داڭ ليجۇڭ: «شينجياڭعا تۇڭعىش رەت كەلۋىم، شينجياڭ حالقى ەرەكشە قىزعىندى ەكەن، شينجياڭنىڭ ۇلتتىق كيىم-كەشەكتەرىن ۇناتامىن. وسىنشا كوپ ادام ءبىزدى قارسى الا شىقتى، قۋانىپ قالدىق،-دەسە؛ تاعى ءبىر ساياحاتشى جاڭ جيە: «جۇبايىم ەكەۋىمىزدە شينجياڭعا كەلىپ كورمەگەنبىز، شينجياڭعا كەلۋدى ويلاعانىمىزعا ۇزاق بولعان ەدى، وسى رەت شينجياڭعا كەلىپ وسى ارانىڭ كوركەم تاۋ-وزەنىن تاماشالاعانىمىزعا ەرەكشە قۋانىشتامىز، شينجياڭنىڭ كوركەم كورىنىسىن قۇماردان شىعا تاماشالايمىز»،-دەدى.
الداعى ءۇش كۇندە، ساياحاتشىلار قاناس، ءتۇستى كەرىش سياقتى كوپتەگەن ساياحات كورىنس تۇيىندەرىنە بارادى. وتكەن جىلى 9-ايدا، حيلۇڭجياڭ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى حاربين تەمىرجولى مەملەكەتتىك ساياحات مەكەمەسىمەن بىرلەسىپ، ساياحاتتا شينجياڭعا كومەكتەسۋ ارناۋلى پويەزىنان 4 ىن قاتىناتتى. بيىل قاتىناعان تۇڭعىش رەتكى «لۇڭتاي ءنومىرلى» ساياحاتتا شينجياڭعا كومەكتەسۋ ارناۋلى پويەزىنىڭ ساياحات مەرزىمى 15 كۇنگە ۇزارتىلىپ، ساياحاتشىلاردىڭ شينجياڭنىڭ كوركەم كورىنسىن شىنايى سەزىنۋىنە مۇمكىندىك جاسايدى. التاي ايماقتىق پارتكومنىڭ ورىنباسار شۋجيى، حيلۇڭجياڭ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابىنىڭ باس قولباسشىسى لي بيڭ بىلاي دەدى: «لۇڭتاي ءنومىرلى» ساياحات ارناۋلى پويەزىنىڭ ساياحات لەنياسى ۇزاق، كوپتەگەن ولكە، قالانى باسىپ وتەدى، ىقپال كۇشى زور، التاي ايماعىنىڭ «جاسىل تاۋ، تۇنىق سۋ-كوركەم كورىنىس» ساياحات ماركاسىنىڭ تانىمالىلىعىن بارىنشا ارتتىرىپ، اتاعىن اسپانداتىپ، ساياحاتشىلاردىڭ شينجياڭنىڭ كوركەم تابيعاتىنان ءلاززاتتانۋىنا مۇمكىندىك جاسايدى.


بەرىپ كەت ورامالىڭدى

دوستار

الىستاعى اق ەركە