جاڭا حابارلار

حىنان ولكەسى ساياحات جاعىندا شينجياڭعا كومەكتەسەتىن 60 ارناۋلى پويەزدى ۇيىمداستىرىپ، شينجياڭعا 50 مىڭنىڭ ۇستىندە ساياحاتشى جىبەرمەكشى

    كەلۋ قاينارى: شينجياڭ حالىق راديو ىستانسياسى    2018-07-04 12:26:04  

شينجياڭ ەكونوميكا گازەتىنىڭ حابارى: بيىل حىنان ولكەسى ساياحات جاعىندا شينجياڭعا كومەكتەسەتىن 60 ارناۋلى پويەزدى ۇيىمداستىرىپ، شينجياڭعا 50 مىڭنىڭ ۇستىندە ساياحاتشى جىبەرىپ، شينجياڭ ساياحاتىن دامىتۋدىڭ قوزعاۋشى كۇشىن دەمەپ جوعارىلاتۋدى جوسپارلادى. قازىرگە دەيىن، 15 ارناۋلى پويەز قاتىناپ، 9 مىڭ 244 ساياحاتشى تاسىمالداندى.
بيىل جىل باسىنان بەرى، حىنان ولكەسىنىڭ شينجياڭعا كومەكتەسۋ الدىڭعى شەپ قولباسشىلىق ءبولىمى حىناننىڭ ساياحاتتاعى ءىرى ولكەسى جانە جان سانى مول ولكەسى سىندى باسىمدىلىعىنان پايدالانىپ، ۇكىمەت باستاماشىلىق ەتۋ، بازار ارقىلى جەتەكتەۋ، قوعام قاتىناسۋ سىندى سايكەسىپ سەلبەسۋ ءتاسىلى ارقىلى، «ساياحاتقا ۇشتاستىرۋ» ستراتەگياسىن جاپپاي اتقارىپ، قۇمىل ساياحات كاسىبىنىڭ دامۋىن دەمەپ، جەرگىلىكتى بۇقارانىڭ ءوز جەرىندە كاسىپتەنۋىن جەبەدى.
تانىستىرۋعا قاراعاندا، قۇمىل ساياحات كاسىبىن دامۋىتۋدىڭ ىشكى قوزعاۋشى كۇشىن ارتتىرۋءۇشىن، «13-بەسجىلدىق» پىلان كەزىندە حىنان ولكەسىنىڭ شينجياڭعا كومەكتەسەتىن الدىڭعى شەپ قولباسشىلىق ءبولىمى 138 ميلليون يۋان شينجياڭعا كومەكتەسۋ قارجىسىن ورنالاستىرىپ، جەرگىلىكتى ورننىڭ ساياحات دارەتحاناسى، كورسەتكىش بەلگى تاقتاسى، اۆتوكولىك توقتاتۋ الاڭى، كورىنىس رايونىنىڭ جاياۋلار جولى سياقتى نەگىزگى قۇرىلعىلاردى قۇرۋىنا كومەكتەسىپ، ساياحاتشىلاردى قابىلداۋ قابىلەتى مەن قامتاماسىزداندىرۋ دەڭگەيىن جوعارىلاتتى، بۇدان سىرت 15 ميلليون يۋان ارناۋلى شيجياڭعا كومەكتەسۋ قارجىسىن ورنالاستىرىپ، ساياحاتشىلار قاينارىنىڭ شينجياڭعا بەتتەۋىن ارناۋلى قولدايدى ەكەن.


بەرىپ كەت ورامالىڭدى

دوستار

الىستاعى اق ەركە