جاڭا حابارلار

ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتىنىڭ اۆتوموبيل باسقارۋ ورنى جۇمىس بىتىرەتىن بۇقاراعا قولايلىلىق جاسادى

    كەلۋ قاينارى: شينجياڭ حالىق راديو ىستانسياسى    2018-07-04 12:04:06  

ستانسيامىزدىڭ ءتىلشىسى لان تياننىڭ حابارى: 7-ايدىڭ 3-كۇنىنەن باستاپ، ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتىنىڭ اۆتوموبيل باسقارۋ ورنى شوفەرلىك كۋالىك پەن اۆتوموبيلگە قاتىستى جۇمىستاردى «ءبىر جەردەن» ءبىتىرۋ جانە «ماتەريال كەم بولعان جاعدايدا كۋالىك ءبىتىرۋ» بەلگىلەمەسىن اتقارىپ، جۇمىس بىتىرەتىن بۇقاراعا قولايلىلىق جاسادى.
7-ايدىڭ 3-كۇنى تۇستەن بۇرىن، ءۇرىمجى قالاسىنىڭ تۇرعىنى ۋاڭ لەي قاتىستى ماتەريالدارىن الىپ كا-زى-ۋان اۆتوموبيل باسقارۋ ورنىنىڭ ءبىرىنشى ءنومىرلى امبەباپ جۇمىس بىتىرۋ زالىنا ءنومىر تاقتاسىن الۋعا باردى. ۋاڭ لەي تىلشىگە، اۆتوموبيلىنىڭءنومىر تاقتاسىن وسىمەن ءۇشىنشى رەت اۋىستىرىپ تۇرعانىن، بۇرىنعىمەن سالىستىرعاندا، بۇل جولى جۇمىسىنىڭ نەداۋىر تەز بىتكەنىن ايتىپ: «قازىر بارلىق جۇمىس شوعىرلى ءبىر زالدا بىتەتىندىكتەن، قايتا-قايتا شاپقىلاۋ قاجەتسىز، بۇرىنعىمەن سالستىرعاندا، كەم دەگەندە ۋاقىتتىڭ ۇشتەن ءبىرى ۇنەمدەلەتىن بولىپتى»،-دەدى.
ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى اۆتوموبيل باسقارۋ ورنىنداعى ءبىرىنشى ءنومىرلى امبەباپ جۇمىس ءبىتىرۋ زالىنىڭ جاۋاپتى حالىق ساقشىسى جياڭ شياۋدۇڭ، كا-زى-ۋان اۆتوموببل باسقارۋ ورنىنىڭ اپتا سايىن بىتىرەتىن شوفەرلىك كۋالىك كاسىبى مەن اۆتوموبيلگە قاتىستى جۇمىس مولشەرمەن 3 مىڭ 500 گە تۋرا كەلەتىندىگىن، «ءبىر جەردەن» قىزمەت ەتۋ اتقارىلعاننان بەرى، جۇمىس ءبىتىرۋ ونىمدىلىگىنىڭ بارىنشا جوعارىلاعاندىعىن تانىستىرا كەلىپ: «ءۇش كۋالىك جاساۋ تەرەزەلىگى، ءۇش اقى الۋ تەرەزەلىگى ورنالاستىرىلىپ، كۋالىك ءبىر تۇتاس جاسالىپ، ءبىر تۇتاس شىعارىلادى»،-دەدى.
ءۇرىمجى كا-زى-ۋان اۆتوموبيل باسقارۋ ورنى تاعى بۇقارانىڭ جۇمىس ءبىتىرۋ بارىسىندا ءىشىنارا ماتەريالدارىنىڭ تولىق بولماۋىنان جۇمىسى اياقسىز قالۋ جاعدايىنا قاراتا، «ماتەريال كەم بولعان جاعدايدا كۋالىك ءبىتىرۋ» بەلگىلەمەسىن شىعاردى، جياڭ شياۋدۇڭ بىلاي دەدى: «جۇمىس بىتىرەردە ازاماتتىق كۋالىكتىڭ اۋەلگى نۇسقاسى بولماي، ازاماتتىق كۋالىكتىڭ كوبەيتىلگەن نۇسقاسى بولسا، ىشكى جاقتان قوعام حاۋىپسىزدىگى تورابىندا سول ادامنىڭ راسىمياتتى ءوزى بىتىرگەندىگى تەكسەرىپ انىقتالسا، ونىڭ جۇمىسىن الدىمەن بىتىرۋگە بولادى. ىشكى جاقتا تەكسەرىپ انىقتالسا بولعانى، ءبىز بۇقارانى قايتا-قايتا جۇگىرتپەيمىز، ايتالىق، كەيبىر اۆتوموبيلگە قاتىستى ىستەردە قامسىزداندىرۋ تالونى قاجەت بولادى، كەيدە سيفىر قاتە جازىلىپ قالۋى مۇمكىن، ءبىز الدىمەن قاتىستى ادامنىڭ جۇمىسىن ءبىتىرىپ، ارتىنان كەيبىر راسىمياتتاردى تولىقتاۋدى تاپسىرامىز، مۇنى ءوزى اكەلىپ بەرۋىنە نەمەسە پوچتا ارقىلى جولداۋىنا بولادى».


بەرىپ كەت ورامالىڭدى

دوستار

الىستاعى اق ەركە