جاڭا حابارلار

شوفەرلاردىڭ قاتىناس قاعيداسىنا قيعاشتىق جاساۋ ىستەرىن دەر كەزىندە ءبىر جايلى ەتتىرۋىنە قولايلىلىق جاسادى

    كەلۋ قاينارى: شينجياڭ حالىق راديو ىستانسياسى    2018-07-03 21:43:30  

 ستانسيامىزدىڭ ءتىلشىسى لان تياننىڭ حابارى :بۇگىننەن باستاپ،  ءۇرىمجى  قالالىق قوعام حاۋىپسىزىگى  مەكەمەسىنىڭ قاتىناس  ساقشى تارماق  اترەتى ءۇرىمجى قالاسىنداعى يمين سارايىنىڭ اكىمشىلىك ىستەر  قىزمەت  وتەۋ زالىنان قاتىناس قاعيداسىنا قيعاشتىق جاساعانداردى ءبىر جايلى ەتەتىن 8 تەرەزەلىك  ورىن  اشىپ، قالىڭ  شوفەرلاردىڭ  قاتىناس  قاعيداسىنا  قيعاشتىق جاساۋ ىستەرىن دەر كەزىندە  ءبىر جايلى  ەتتىرۋىنە  قولايلىلىق جاسادى.تاڭەرتەڭ  ساعات  10 دا،  ءۇرىمجى  قالاسىنداعى يمين سارايىنىڭ اكىمشىلىك ىستەر  قىزمەت  وتەۋ زالىندا  قالا تۇرعىنى الماس  ءنابيوللا  ۇلى  قاتىناس قاعيداسىنا  قيعاشتىق جاساۋ  ىستەرىن ءبىر جايلى ەتۋ كاسىبىن ءبىتىرىپ  جاتتى، ول قاتارعا تۇرىپ، ءنومىر الۋدان ءراسميات  بىتىرگەنگە دەيىن  نەبارى  15  مينۋت  ۋاقىت جۇمسادى . الماس  ءنابيوللا  ۇلى  بىلاي  دەدى : « ادام  كوپ  بولعانىمەن، ءراسميات  ءبىتىرۋ  بارىسى  تەز  بولدى.  بۇل سارايدىڭ  ورتاسى دا ، قىزمەتكەرلەردىڭ قىزمەت وتەۋ پوزيتسياسى دا  جاقسى ەكەن، بىزگە  وتە  قولايلى  بولدى . وسى ماڭداعىلار  باسقا جەرگە  شاقپىلاماي-اى  شارۋاسىن  ءۇيىنىڭ  قاسىنان  ءبىتىرىپ  الاتىن بولدى.»     ۇعىسۋعا قاراعاندا، وسى  رەت  جاڭادان قوسىلعان  9B  دان 16B  عا دەيىنگى  8  تەرەزەلىك ورىن  دۇيسەنبىدەن  جۇماعا  دەيىن  ءار كۇنى  تاڭەرتەڭ  ساعات  10 جارىمنان  تۇستەن كەيىن  ساعات  18 جارىمعا  دەيىن  قالا تۇرعىندارى ءۇشىن ۇزىلىسسىز  قىزمەت وتەيدى  ەكەن . ءۇرىمجى  قالالىق قوعام حاۋىپسىزىگى  مەكەمەسى  قاتىناس  ساقشى تارماق  اتىرەتىنىڭ   ءۇرىمجى  قالاسىنداعى  يمين  سارايىندا تۇراتىن  باس  ۋاكىلى  پىڭ ۋيحۇڭ :  « قىزىل شامنان  وتە  شىعۋ، بەلگىلەنگەن  قارقىننان اسىرىپ  اۆتوكولىك جۇرگىزۋ، ەرەجەگە  قايشى جول باعىتىن وزگەرتۋ،  جولداعى  سىزىقتى  باسۋ ،  بەتالدى  كولىك توقتاتۋ  سياقتىلاردى  قامتىعان قاتىناس قاعيداسىنا  قيعاشتىق جاساۋ  ارەكەتتەرىنىڭ  ءبارى  وسى  جەردە  ءبىر جايلى  ەتىلەدى»، - دەدى. ءۇرىمجى  قالالىق قوعام حاۋىپسىزىگى  مەكەمەسى  قاتىناس  ساقشى تارماق  اتىرەتىنىڭ  ورىنباسار  باستىعى يىلحام  ءيبىرايىم  تانىستىرىپ   بىلاي  دەدى:  «قازىرگە  دەيىن، ءۇرىمجى  قالاسىنداعى  قاتىناس قاعيداسىنا  قيعاشتىق جاساۋ  ارەكەتتەرىن  ءبىر جايلى ەتەتىن، شوفەرلارعا قىزمەت وتەيتىن  تەرەزەلىك  ورىن  40  قا كوبەيتىلدى ءارى  توراپتا    ءراسميات  ءبىتىرۋ ، اۆتوماتتى قىزمەت  وتەۋ ،  حالىققا قولايلى  ساقشى ىستەرى  پونكىتىندە  ءبىتىرۋ  سياقتى  كوپ  ارنا  بويىنشا  ءبىترۋ  ءتۇزىمى  اتقارىلدى . قازىر  حالققا قولايلى  ساقشى ىستەرى  پونكىتىنەن  جەتى  پونكىتتە  وسىنداي  ءراسمياتتاردى  بىتىرۋگە  بولادى .  بۇل ورىندار قازىرشە  قاتىناس  زاڭىنا قيعاشتىق  جاساعان كىشىگىرىم ىستەردى  بىتىرەدى، ءبىز وسىنداي  ءراسميات  بىتىرەتىن  حالىققا قولايلى ساقشى ىستەرى  پونكىتىن 30 عا  جەتكىزۋدى جوسپارلاپ  وتىرمىز.  اۆتوكولىك  جۇرگىزۋ  ىستەرىن  باسقارۋ  كاسىبىندە  اۆتوكولىك  ءنومىر تاقتاسىن  الۋ،  اۆتوكولىكتى  تىزىمدەتۋ سياقتى ءراسمياتتاردى  قازىر ۇرىمجىدەگى  50 نەشە 4S دۇكەنى  بىتىرە  بەرەدى. كەلەسى قادامدا، باسقادا قاتىناۋ  كۋالىگىن ءبىتىرۋ، جول يەلەۋدى قاراپ-بەكىتۋ  سياقتى ءراسمياتتاردى تۇگەل يمين  سارايىنىڭ اكىمشىلىك ىستەر  قىزمەت  وتەۋ زالىنان ءبىتىرۋدى  ويلاستىرىپ  وتىرمىز.»   


بەرىپ كەت ورامالىڭدى

دوستار

الىستاعى اق ەركە