جاڭا حابارلار

شي جينپيڭ افريكا ەلدەرى وداعىنىڭ 31 - كەزەكتى باسشىلار ءماجىلىسىنىڭ اشىلعاندىعىن تەلەگرامما جولداپ قۇتتىقتادى

    كەلۋ قاينارى: شينجياڭ گازەتى    2018-07-03 19:14:11  
 شينحۋا اگەنتتىگىنىڭ 7 - ايدىڭ 1 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 7 - ايدىڭ 1 - كۇنى ماۆريتانيانىڭ استاناسى نۋاكشوتتا وتكىزىلگەن افريكا ەلدەرى وداعىنىڭ 31 - كەزەكتى باسشىلار ماجىلىسىنە تەلەگرامما جولداپ، افريكا ەلدەرى مەن حالىقتارىن ءماجىلىستىڭ اشىلۋى بايلانىسىمەن قىزۋ قۇتتىقتادى.
  شي جينپيڭ مىنالاردى اتاپ كورسەتتى: افريكا ەلدەرى وداعى − افريكانىڭ بىرلەسىپ ءوزىن الۋەتتەندىرۋىنىڭ تۋى. افريكا ەلدەرى وداعى افريكانى ءبىرتۇلعالاندىرۋ اياق الىسىن بەلسەنە ىلگەرىلەتتى، افريكا ەلدەرى حالىقارالىق جانە وڭىرلىك كەلەلى ماسەلەلەردە ۇزدىكسىز ءبىر اۋىزدى ءۇن قاتىپ، بەيبىتشىلىك پەن حاۋىپسىزدىكتى قورعاۋداعى قابىلەتتەرىن ۇزبەي جوعارىلاتتى. افريكا ەلدەرى وداعىنىڭ افريكا ەلدەرىن باستاپ، تىڭ دا كەسەك تابىستارعا قول جەتكىزە بەرۋىن شىن جۇرەكتەن تىلەيمىن.
  شي جينپيڭ مىنالاردى باسا دارىپتەدى: بيىل 9 - ايدا جۇڭگو - افريكا ەلدەرى ىنتىماقتاستىق تالقى مىنبەرىنىڭ بەيجيڭ باسشىلار باس قوسۋى وتكىزىلەدى. ءماجىلىس «ىنتىماقتاستىق جاساسىپ، تەڭ يگىلىككە كەنەلىپ، اناعۇرلىم نىعايعان جۇڭگو - افريكا ەلدەرى تاعدىرلاس ورتاق تۇلعاسىن قول ۇستاسا قۇرۋدى» نەگىزگى تاقىرىپ ەتەدى. جۇڭگو جاق افريكا جاقپەن بىرگە باسشىلار باس قوسۋىنىڭ نەگىزگى تاقىرىبىن جۇڭگو مەن افريكا ەلدەرىنىڭ «ءبىر بەلدەۋ، ءبىر جولدى» بىرگە قۇرۋىمەن، ب م ۇ - نىڭ 2030 - جىلعى باياندى دامۋ كۇن تارتىبىمەن، افريكا ەلدەرى وداعىنىڭ «2063 - جىلعى كۇن تارتىبىمەن»، سونداي - اق افريكا ەلدەرىنىڭ دامۋ ستراتەگياسىمەن ۇشتاستىرىپ، جۇڭگو مەن افريكا ەلدەرىنىڭ جان - جاقتى ستراتەگيالىق ىنتىماقتاستىق سەرىكتەستىك قاتىناسىن تىڭ ساتىعا كوتەرۋگە قول ۇستاسا قۇلشىنادى. مەن افريكا ەلدەرى باسشىلارىمەن بەيجيڭدە كەلەلى ىستەرگە بىرگە كومەك كورسەتىپ، جۇڭگو مەن افريكا ەلدەرىنىڭ ىنتىماقتاستىق، دامۋ ۇلى جوسپارىن بىرگە اقىلداسىپ، جۇڭگو - افريكا ەلدەرى حالقىن باقىتقا كەنەلتۋگە، دۇنيە ءجۇزىنىڭ بەيبىتشىلىگى مەن دامۋىن جەبەۋگە كۇش قوسۋدى اسىعا كۇتۋدەمىن.

بەرىپ كەت ورامالىڭدى

دوستار

الىستاعى اق ەركە