جاڭا حابارلار

2018-جىلعى جۇڭگو شينجياڭ ىلە تۇلپارى مەرەكەسى 7-ايدىڭ ورتاسىندا وتكىزىلەدى

    كەلۋ قاينارى: شينجياڭ گازەتى    2018-07-01 23:40:05  


  وتكەن كەزەكتى تۇلپار مەرەكەسىنىڭ اشىلۋ سالتى.


 
  7-ايعا جاقىنداعان سايىن، شىلىڭگىر ىستىق بولۋدا، اۋا رايى كارتاسىنا قاراعاندا، كوپتەگەن ولكە رايونداردا ءالى دە ىستىق بولادى ەكەن، ال، شينجياڭنىڭ كوپتەگەن جەرلەرىندە 20 سەلتسي گرادۋس اينالاسىندا بولادى، سالقىنداۋدىڭ تاپتىرماس جەرى، ىلە قازاق اۆتونوميالى وبلىسى موڭعۇلكۇرە اۋدانى دا بۇنىڭ ىشىندە.
  6-ايدىڭ 28-كۇنى، ءتىلشىنىڭ موڭعۇلكۇرە اۋدانى تۇتاس رايوندىق ساياحاتقا قارجى قوسۋ دامۋ شەكتى سەرىكتەستىگىنەن ۇعىسۋىنشا، 2018-جىلعى جۇڭگو شينجياڭ ىلە تۇلپارى حالىقارالىق ساياحات مەرەكەسى (تومەندە قىسقارتىلىپ تۇلپار مەرەكەسى دەلىنەدى) 7-ايدىڭ ورتاسىندا موڭعۇلكۇرە اۋدانىندا وتكىزىلەدى، اتالعان مەرەكە 8-ايدىڭ سوڭىنا دەيىن جالعاسادى، شوعىرلى قۇتتىقتاۋ قيمىلى 7-ايدىڭ 16-كۇنىنەن 18-كۇنىنە دەيىن ورىستەتىلەدى.
  ۇعىسۋعا قاراعاندا، وسى كەزەكتى تۇلپار مەرەكەسى مەزگىلىندە 2018-جىلعى قارقىندى ات بايگەسى، كوركەمونەر قيمىلى، وزگەشە تاعام كورمەسى، ۆەلوسيپەد جارىسى، ات ونەرى ويىنى، جاس وسپىرىمدەردىڭ ات ونەرى جازدىق لاگەرى، جەكە كولىكپەن ساياحاتتاۋ، تۇنەۋ جينالىسى، شاعىن مارافون جارىسى، شىراق شوۋى، «ەڭ كوركەم گۇل» باعالاۋى قاتارلى 20 دان استام قيمىل ورىستەتىلەدى، قيمىلعا قاتىناسىپ دارەجەگە يە بولعاندار نەمەسە بەينەسى جاقسى بولعان شاباندوزدار نەمەسە ساياحاتشىلار سيلانادى.
 
  «تۇلپار مەرەكەسىنە جەلىلەس قيمىلدار ۇسىنۋمەن قاتار، موڭعۇلكۇرە اۋدانى كوپتەگەن ساياحات لەنياسىن ۇسىنادى»،-دەدى موڭعۇلكۇرە اۋدانى ساياحاتقا قارجى قوسۋ سەرىكتەستىگى تيجارات ەتۋ ساتۋ ءبولىمىنىڭ باستىعى جاڭ پيڭ، ساياحاتشىلار وزدەرىنىڭ اۋەسىنە قاراي ۇقساماعان ساياحات لەنياسى مەن تاقىرىپتىق قيمىلداردى تاڭداۋىنا بولادى. تۇلپار مەكەنى بولعان موڭعۇلكۇرەدە قىشى گۇلى تەڭىزى، مۇزدىق، ساحارا كورىنىسىن تاماشالاي الادى، شىلىڭگىر ىستىق بولسا دا تەمپەراتۋرا 20 سەلتسي گرادۋس اينالاسىندا بولىپ، شينجياڭداعى ايگىلى سالقىن جەر.
  سالقىنداۋ ءۇشىن، شي-ان قالاسىنىڭ 62 جاستاعى تۇرعىنى ءۇش جىلدان بەرى، 7-،8-ايلاردا وتباسىنداعىلارمەن بىرگە شينجياڭعا كەلىپ، 7-ايدى موڭعۇلكۇرەدە وتكىزەدى. لي شيانچيڭ بىلاي دەيدى: «انامنىڭ جاسى 80 گە كەلدى، اۋا باپتاعىشتى جاقسى كورمەيدى، شينجياڭ ساياحاتتاۋدىڭ، سالقىنداۋدىڭ تاپتىرماس جەرى، تۇلپار مەرەكەسىنە ءار جىلى قاتىناسامىز».
  بۇدان سىرت، موڭعۇلكۇرە اۋدانى وڭىرلىك ساياحاتتى دامىتۋدى ارقاۋ ەتكەن «ەكى رايون، ەكى وزەك، كوپ ءتۇيىن» (ءۇيسىن تاۋى قىزمەت وتەۋ رايونى، اقبوزات قىزمەت وتەۋ رايونى، شاتى 4A دارەجەلى كورىنىس رايونى، تۇلپار ساياحات، مادەنيەت باقشاسى 4A دارەجەلى كورىنىس رايونى جانە A دارەجەلى كورىنىس رايونىنان 32، سونداي-اق، ايالداۋ تۇيىندەرى) وتكىزگەن تۇلپار حالىقارالىق ساياحات مەرەكەسى جەلىلەس قيمىلى موڭعۇلكۇرە اۋدانىنىڭ ەكولوگيالىق ومىرشەڭدىك كۇشىن، تاريحي مادەنيەت استارىن، باي مازمۇندى سالت-ساناسى مەن تۇلپار مادەنيەتىن تولىق ايگىلەيدى، سونىمەن بىرگە، ساياحاتشىلارعا موڭعۇلكۇرەنىڭ وڭىرلىك ساياحاتىنىڭ تارتىمدىلىعى مەن قولايلى جوعارى ءونىمدى قاتىناسى، دەمالىسى، كوڭىل اشۋى، حابارلاسۋ قىزمەت وتەۋىن، موڭعۇلكۇرە اۋدانىنىڭ وڭىرلىك ساياحات كاسىبىنىڭ ستراتەگيالىق جوعارىلاۋىن، «تۇلپار مەكەنى — موڭعۇلكۇرە» ماركاسىن سەزىندىرەدى

.
 


بەرىپ كەت ورامالىڭدى

دوستار

الىستاعى اق ەركە