جاڭا حابارلار

اۆتونوميالى رايونىمىز اۆتونوميالى رايون، ايماق، اۋدان، اۋىل ءتورت دارەجەلى وزەن باستىعى تۇزىمىمەن باسقارۋ جۇيەسىن ورناتتى

    كەلۋ قاينارى: شينجياڭ گازەتى    2018-07-01 23:38:20  

 

بۇكىل شينجياڭداعى 3355 وزەندى، 110 كولدى تۇگەلدەي قامتىدى
سۋرەتتە: بۇراتالا قالاسى «1 - مامىر» سۋ قويماسىنىڭ قىزمەتكەرلەرى سۋداعى قالقىما زاتتاردى ءسۇزىپ الۋدا. بۇراتالا قالاسىندا جالپى ۇلكەندى - كىشىلى 30 وزەن، ءبىر كول بار. جاقىنعى جىلداردان بەرى، بۇراتالا قالاسى سۋ ەكولوگياسى وركەنيەت قۇرىلىسىن جەدەلدەتىپ، قالا، اۋىل (قالاشىق، الاڭ)، قىستاق 3 دارەجەلى وزەن باستىعى ءتۇزىمىن قاتاڭ تياناقتاندىرىپ، قاراستىلىعىنداعى وزەن، سۋ قويمالارى سياقتىلاردى بولەككە، اۋماققا، تۇيىندەرگە ءبولىپ باسقارۋدى ىسكە اسىردى. سۋرەتتى يۇسۇپ ءاني تۇسىرگەن 

 

 

 

  تىلشىلەرىمىز دۇڭ شاۋحۋا، لياڭ ليحۋا 6 - ايدىڭ 28 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق وزەن (كول) باستىعى ءتۇزىمىن جاپپاي اتقارۋعا باسشىلىق ەتۋ گرۋپپاسى كەڭسەسىنەن ۇعىسۋىنشا، قازىرگە دەيىن، اۆتونوميالى رايونىمىزدىڭ وزەن باستىعى، كول باستىعى ءتۇزىمى قىزمەتى ءساتتى ورىستەتىلىپ، وزەن باستىعى ءتۇزىمى، كول باستىعى ءتۇزىمى جاپپاي ورناپ، اۆتونوميالى رايون، ايماق، اۋدان، اۋىل ءتورت دارەجەلى وزەن باستىعى ءتۇزىمى باسقارۋ جۇيەسى قالىپتاسىپ، وزەن - كولدى جاپپاي جونگە سالۋ جانە باسقارۋ، باقىلاۋ قىزمەتى كورنەكتى ناتيجەلەرگە قول جەتكىزگەن.  

 جۋىقتا اۆتونوميالى رايون وزەن (كول) باستىعى ءتۇزىمىن جاپپاي اتقارۋعا باسشىلىق ەتۋ گرۋپپاسى كەڭسەسى 6 وتكىزىپ الۋ گرۋپپاسىن قۇرىپ، بۇكىل اۆتونوميالى رايونداعى ايماق، وبلىس، اۋدان - قالا، اۋىل - قالاشىق جانە بيڭتۋاننىڭ شى، تۋان، ليانداردىڭ وزەن باستىعى ءتۇزىمىن، كول باستىعى ءتۇزىمىن جاپپاي ورناتۋ قىزمەتىن وتكىزىپ الدى، قىزمەت جوباسىن تياناقتاندىرۋ، ۇيىمدىق جۇيە جانە جاۋاپكەرشىلىكتى تياناقتاندىرۋ، قاتىستى تۇزىمدەردى جانە ساياسات - شارالاردى تياناقتاندىرۋ، باقىلاۋ - تەكسەرۋدى جانە سارالاۋ - باعالاۋدى تياناقتاندىرۋ تالابىنا ساي، اۆتونوميالى رايونىمىزدىڭ وزەن باستىعى ءتۇزىمى، كول باستىعى ءتۇزىمى جاپپاي قامتۋدى ىسكە اسىردى. 

  اۆتونوميالى رايوندىق پارتكوم، حالىق ۇكىمەتى وزەن باستىعى، كول باستىعى ءتۇزىمى قىزمەتىنە وسكەلەڭ ءمان بەرىپ، شي جينپيڭنىڭ جاڭا ءداۋىر ەكولوگيالىق وركەنيەت قۇرىلىسى يدەياسىن مۇقيات دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ وزەن باستىعى ءتۇزىمى، كول باستىعى ءتۇزىمى جونىندەگى شەشىمدەرى مەن ورنالاستىرۋلارىن تياناقتاندىرىپ، قاشاندا جوعارى ورەدە ىلگەرىلەتۋگە، جوعارى دەڭگەيدە جوبالاۋعا تاباندى بولىپ، وزەن باستىعى ءتۇزىمىن، كول باستىعى ءتۇزىمىن جاپپاي ىلگەرىلەتۋدىڭ ۋاقىت كەستەسىن، جوباسىن ايقىندادى. اۆتونوميالى رايوندىق پارتكومنىڭ، حالىق ۇكىمەتىنىڭ نەگىزگى باسشىلارى، سالالارعا جاۋاپتى باسشىلارى كوپ رەت ورنالاستىرۋلار جاساپ، قىزمەتتىڭ تياناقتانۋىن ىلگەرىلەتتى؛ 5 - ايدىڭ 6 - كۇنى اۆتونوميالى رايون وزەن باستىعى، كول باستىعى ءتۇزىمىن جاپپاي ىلگەرىلەتۋ جونىندەگى تەلەۆيزور - تەلەفون ءماجىلىسىن اشىپ، وسى قىزمەتكە قايتالاي ورنالاستىرۋلار جاسادى. 

  اۆتونوميالى رايوندىق پارتكومنىڭ، حالىق ۇكىمەتىنىڭ نەگىزگى باسشىلارى اۆتونوميالى رايوننىڭ وزەن (كول) باستىعى ءتۇزىمىن جاپپاي اتقارۋعا باسشىلىق ەتۋ گرۋپپاسىنىڭ باستىعى جانە اۆتونوميالى رايون باس وزەن (كول) باستىعى مىندەتىن، بيڭتۋاننىڭ پارتيا، ۇكىمەت ورىندارىنىڭ نەگىزگى باسشىلارى جانە اۆتونوميالى رايوندىق پارتكومنىڭ، حالىق ۇكىمەتىنىڭ سالالارعا جاۋاپتى باسشىلارى باسشىلىق ەتۋ گرۋپپاسىنىڭ ورىنباسار باستىعى، اۆتونوميالى رايوننىڭ ورىنباسار باس وزەن (كول) باستىعى مىندەتىن اتقارادى، اۆتونوميالى رايوندىق پارتكومنىڭ 8 تۇراقتى مۇشەسى، اۆتونوميالى رايوندىق حالىق ۇكىمەتىنىڭ ءبىر باسشىسى اۆتونوميالى رايوننىڭ ورىنباسار باس وزەن (كول) باستىعى، اۆتونوميالى رايون دارەجەلى 9 وزەن الابىنىڭ وزەن باستىعى مىندەتىن اتقارادى، ورىنباسار وزەن باستىعى مىندەتىن اۆتونوميالى رايوندىق حالىق قۇرىلتايىنىڭ، ساياسي كەڭەستىڭ قاتىستى سالالارعا جاۋاپتى باسشىلارى مەن بيڭتۋاننىڭ پارتيا، ۇكىمەت ورىندارىنداعى باسشىلار اتقارادى، وسىنىڭ ارقاسىندا وزەن (كول) باستىعى ءتۇزىمىنىڭ ۇيىمدىق باسشىلىعى كۇشەيدى، تاراۋلار سايكەسە قيمىلداۋ، جەرگىلىكتى ورىن مەن بيڭتۋان ءبىر تۇتاس جوسپارلاپ ىلگەرىلەتۋ ىسكە اسىرىلدى. 

 بۇكىل شينجياڭداعى 3355 وزەندى (بيڭتۋاندى قامتيدى) تۇگەلدەي دارەجەگە، بولەككە ءبولىپ، وزەن باستىعى، وزەن بولەگى باستىعى ءتۇزىمى ورناتىلدى، 4 دارەجە بويىنشا 6760 وزەن باستىعى تاعايىندالدى، بۇنىڭ ىشىندە، اۆتونوميالى رايون دارەجەلى وزەن الابىنىڭ وزەن باستىعى، ورىنباسار وزەن باستىعى 28، ايماق، وبلىس، قالا جانە بيڭتۋان شى دارەجەلى وزەن الابىنىڭ وزەن باستىعى 223، اۋدان - قالا، رايون جانە تۋان، الاڭ دارەجەلى وزەن الابىنىڭ وزەن باستىعى 2205، اۋىل - قالاشىق جانە ليان - دۇي دارەجەلى وزەن الابىنىڭ وزەن باستىعى 4304. تۇتاس اۆتونوميالى رايونىمىزداعى سۋ اۋماعى ءبىر شارشى كيلومەتردەن اساتىن 110 كولدى تۇگەلدەي دارەجەگە، بولەككە، الاپقا ءبولىپ، كول باستىعى، كول بولەگى (الابى) باستىعىن تاعايىندادى، 247 ادامدى كول باستىعى، كول بولەگى (الابى) باستىعىنا تاعايىندادى.  

 بۇدان سىرت، وزەن - كولدى جاپپاي تەكسەرۋدى، قايتالاي تەكسەرۋدى جاپپاي ورىنداۋ نەگىزىندە، ءار دارەجەلى وزەن - كولدەر تىزىمدىگىن شىعارىپ، سانى دۇرىس، جاعدايى ايقىن بولۋدى ىسكە اسىردى؛ ءار دارەجەلى وزەندەردىڭ، كولدەردىڭ «ءبىر وزەنگە ءبىر ساياسات»، «ءبىر كولگە ءبىر ساياسات» جوباسى جاسالىپ، «ءبىر وزەنگە ءبىر ارحيۆ»، «ءبىر كولگە ءبىر ارحيۆ» بىرتىندەپ ورناتىلىپ، وزەن الابىن، كولدەردى باسقارۋ، قورعاۋ قىزمەتى ۇزدىكسىز كۇشەيدى.  

 قازىر بۇكىل اۆتونوميالى رايونداعى وزەن باستىقتارىنىڭ، كول باستىقتارىنىڭ شارلاۋ قىزمەتى ۇنەمىلىككە اينالدى. تەك بيىلدىڭ وزىندە، اۆتونوميالى رايونداعى اۋىل - قالاشىق، ليان - دۇي دارەجەسىنەن جوعارى وزەن باستىقتارى، كول باستىقتارى وزەن - كولدەردى 17 مىڭ 200 ادام - رەتتەن استام شارلاعان. كەلەسى قادامدا، بۇكىل اۆتونوميالى رايونداعى ءار دارەجەلى وزەن باستىقتارى، كول باستىقتارى اۆتونوميالى رايوننىڭ تالابىنا ساي، وزدەرى جاۋاپتى وزەن - كولدەرگە جۇيەلى جاپپاي شارلاۋ، تەكسەرۋ - زەرتتەۋ جۇرگىزىپ، وزەن - كولدەردى جونگە سالۋ، قورعاۋ قىزمەتىن جاپپاي تياناقتاندىرۋدى ىلگەرىلەتەدى. 


بەرىپ كەت ورامالىڭدى

دوستار

الىستاعى اق ەركە