جاڭا حابارلار

ۇنەمى شارشاپ تۇرۋدىڭ سەبەپتەرى

    كەلۋ قاينارى: ءتاڭىرتاۋ تورابى    2018-07-01 23:55:51  

 ا ق ش «حيوفەن پوچتا گازەتىنىڭ» حابارىنا قاراعاندا، ەگەر ۇزاق ۋاقىت جىگەرىڭ قۇم بولىپ شارشاپ تۇراتىنداي سەزىنسەڭ، تومەندەگىدەي سەبەپتەر بولۋى مۇمكىن، ولاردى ءبىر-بىرلەپ جويساڭ، تاسقىنداعان شابىتقا يە بولۋعا بولادى.
  دەنەنىڭ سۋسىزدانۋى
  سۋسىزدانۋ — بۇكىل مۇشەلەرگە كەرى اسەر بەرەدى. مىسالى: قان ايلانىس مولشەرىنىڭ تومەندەۋى، جۇرەكتىڭ سالماعى ارتۋ قاتارلىلاردى كەلتىرىپ شىعارىپ، قاتتى قالجىراتادى. سۋ ءىشۋ مولشەرى ادام تۇلعاسىنىڭ ۇلكەن-كىشىلىگى، قيمىل دارەجەسى قاتارلى كورسەتكىشتەرگە بايلانىستى بولادى. ءار ادام كۇنىنە 2000 ميلليليتىر سۋ ءىشۋى كەرەك.
  ءۇيدىڭ ويران توپىرى شىعۋ
  استاڭ-كەستەڭى شىققان ورتادا ۇلكەن مي زەيىنى شوعىرلانبايتىندىقتان، قالجىراعانداي سەزىنەسىڭ. ەگەر ءۇيدى جاساتۋدا بۇيىمداردى ءيىن تىرەستىرىپ جاساتسا نە جويداقسىز بوس قالسا، ادامعا قىسىم ءتۇسىرىپ، كوزدى بولدىرتادى.
  ءۇي تەمپەراتۋراسىنىڭ شەكتەن تىس جوعارى بولۋى
  زەرتتەۋدەن ءۇي ءىشىنىڭ تەمپەراتۋراسىنىڭ جوعارى بولۋىنا ىلەسە ادامدى ۇيقى باسىپ، ۇيىقتاعانمەن ۇيقىسى قانباي، ۇيقىلى-وياۋ كۇي كەشىپ، دەل-سال بولادى. ءار كۇنى ءۇيدىڭ تەرەزەسىن اشىپ اۋاسىن الماستىرىپ، ءۇي تەمپەراتۋراسىن 20 سەلتسي گرادۋس اينالاسىندا ۇستاۋ ەڭ لايىق.
  ءىشى كەپكەنشە ۇيىقتاۋ
  ۇيىقتاعان كەزدە ۇلكەن مي قاباتى تەجەۋلى كۇيدە بولادى. كوپ ۇيىقتاعان سايىن تەجەلۋ ۋاقىتى ۇزارىپ، ۇلكەن ميعا قان جەتىسپەيدى. مىنە بۇل جالقاۋلاردىڭ ۇيىقتاپ تۇرعان سوڭ مەڭ-زەڭ بولىپ سەرگي الماۋىنىڭ سەبەبى. ءار كۇنى 7 ساعات ۇيىقتاۋعا كەپىلدىك ەتۋمەن بىرگە، ەرتە جاتىپ، ەرتە تۇرۋ كەرەك.
  دەنە شىنىقتىرۋدىڭ ازدىعى
  دەنە قيمىلى ازايعان سايىن دەنە سالعىرتتانىپ، قالجىراپ جانە سەمىرەدى. زەرتتەۋ ناتيجەسىنە قاراعاندا، لايىقتى جەڭىل دەنەتاربيە قيمىلى قالجىراۋدى %65 جەڭىلدەتىپ، قۋاتتى %20 جوعارىلاتادى.
  دەنەدەگى تەمىر مەن ماگني قۇرامىنىڭ جەتىسپەۋى
  تەمىر قۇرامىنىڭ جەتىسپەۋى وتتەگىنە اسەرىن تيگىزىپ، بۇلشىق ەت پەن كلەتكانىڭ قوزعالىسىنا ىقپال جەتكىزىپ، اشۋشاڭ، بەيجاي قىلىپ دەنە قۋاتىنىڭ السىرەۋى مەن زەيىننىڭ شوعىرلانباۋىن كەلتىرىپ شىعارادى. كۇن سايىن لايىقتى مولشەردەگى ەت، تاۋىق جۇمىرتقاسى، جاسىل ءتۇستى كوكونىس، جاڭعاق قاتارلىلاردى كوپتەپ تۇتىنۋمەن بىرگە، ۆيتامين C قۇرامى مول ازىقتىقتاردى قوسىپ تۇتىنسا، تەمىردىڭ ءسىمىرىلۋى ارتادى. بۇدان سىرت، دەنەدە ماگني كەم بولسا شارشاۋدى كەلتىرىپ شىعارادى. كۇن سايىن لايىقتى بانان، كارتوپ جەپ ماگنيدى تولىقتاپ، بەلوك، ماي تۇتىنۋ قاجەت. ويتكەنى، قانت ەنەرگياعا اينالۋىنىڭ ءتۇپ قاينارى ەسەپتەلەدى.
  تاڭەرتەڭگى استى ىشپەۋ
  تاڭەرتەڭگى اسقا تويا تاماقتانعاندا عانا دەنەدەگى زات الماسىپ، ادامنىڭ ءبىر كۇنگى ەنەرگياسى جەتكىلىكتى بولادى دا، تاڭەرتەڭگى استى ىشپەگەندەردىڭ جەلكەسىنەن تارتىپ تۇرعانداي سەزىلەدى. تاڭەرتەڭگى استا استىق، بەلوك، جەمىس جانە تازا ماي تولىق بولۋ ءتيىس.
  ءنارسىز جەمەكتىكتەردى قۇمارتا جەۋ
  ءنارسىز جەمەكتىكتەردى كوپ تۇتىنعاندا قانت قۇرامى بارعان سايىن تومەندەپ، بويكۇيەزدىككە باستىرادى. تالشىقتىق ازىقتىقتاردى كوپ تۇتىنعاندا، مىسالى: ءبيداي، كوكونىس قاتارلىلاردى كوپ تۇتىنسا، قانتتىڭ تەپە-تەڭدىگىن ساقتايدى.
  قالقانشا بەز اۋرۋى بارلار
  شارشاپ تۇرۋ قالقانشا بەز قىزمەتىنىڭ السىرەۋى نەمەسە قالقانشا بەز قىزمەتىنىڭ ارتۋىنىڭ باستى بەينەسى، ەگەر جەتەرلىك ۇيىقتاپ نە ارپالىسقان دەنەتاربيە قيمىلىمەن شۇعىلدانباسا دا قالجىراعان ادامداي سەزىنسە، دەرەۋ شيپاحاناعا بارىپ، قالقانشا بەزىنىڭ قىزمەتىن تەكسەرتۋ كەرەك.
  قانتتى نەسەپ اۋرۋىنىڭ العاشقى مەزگىلى
  دەنەدە ينسۋلين مولشەرىنىڭ ءبولىنۋى جەتىسپەگەندە، ازىقتىق ارقىلى سىمىرىلگەن ەنەرگيا كلەتكاعا جەتكىزىلۋى قىيىنعا سوعىپ، دارمەنسىزدىكتى كەلتىرىپ شىعارادى. كوپشىلىكتىڭ جايشىلىقتا تازا اس-سۋعا كوڭىل ءبولىپ، دەنەتاربيە قيمىلىنا بەلسەنە قاتىناسىپ، دەنە سالماعىن تەجەپ، 45 جاستان اسقان نەمەسە سەمىزدىك اتا تەگىنەن جالعاسقان ادامدار كۇن سايىن قانت قۇرامىن ولشەتىپ، قانتتى نەسەپ اۋرۋىنىڭ اسقىنۋىنان ساقتانعالى ەڭ ابزال.


بەرىپ كەت ورامالىڭدى

دوستار

الىستاعى اق ەركە