جاڭا حابارلار

ءۇرىمجى امبەباپ قورعامالى باجى رايونى كەدەندى جاۋىپ، اينالىمىن باستادى

    كەلۋ قاينارى: شينجياڭ حالىق راديو ىستانسياسى    2018-06-25 10:41:54  

ستانسيامىزدىڭ حابارى: ءۇرىمجى امبەباپ قورعامالى باجى رايونى 6-ايدىڭ 22-كۇنى رەسىمي كەدەندى جاۋىپ، اينالىمىن باستادى. بۇل امبەباپ قورعامالى باجى رايونى الاتاۋ ساعاسى امبەباپ قورعامالى باجى رايونى مەن قاشقار امبەباپ قورعامالى باجى رايونىنان كەيىن، شينجياڭنىڭ قۇرعان ءۇشىنشى قورعامالى باجى رايونى بولدى، سونىمەن بىرگە قازىر شينجياڭدا قۇرىلىس قارقىنى ەڭ تەز، دەڭگەيى ەڭ جوعارى قورعامالى باجى رايونى سانالادى.
جىبەك جولى ەكونوميكالىق بەلدەۋى وزەكتى رايونىنىڭ سىرتقا باعىتتالعان ەكونوميكالىق دامۋدىڭ ماڭىزدى دانەكەرى بولعانءۇرىمجى امبەباپ قورعامالى باجى رايونى قورعامالى باجىعا قاتىستى ىستەردى ءبىر جەردەن ءبىتىرۋ، قورعامالى باجى زات اينالىمى، شەكارا وتكەل جۇمىسى جانە امبەباپ قىزمەت وتەۋ سياقتى يقۋاتتاردى ءبىر تۇلعالاندىرعان كەدەن ەرەكشە باقىلاۋ-باسقارۋ رايونىن كۇش سالا قۇرادى ءارى ءۇرىمجى حالىقارالىق قۇرلىقتىق پورتىنا جانە جۇڭگو-ەۆورپا كەزەكشى پويەزىنە سۇيەنىپ، جىبەك جولى ەكونوميكالىق بەلدەۋى وزەكتى رايون قۇرىلىسىنا بەلسەنە ات سالىسادى.
2015-جىلى 7-ايدا، جۇڭگو مەملەكەتتىك كەڭەسى ءۇرىمجى امبەباپ قورعامالى باجى رايونىن رەسىمي بەكىتىپ قۇردى، 2016-جىلى 12-ايدا مەملەكەتتىڭ ون مينيسترلىك-كوميتەتى بىرلىكتە تەكسەرىپ وتكىزىپ الدى، 2017-جىلى 1-ايدا، كەدەن باس مەكەمەسى كەدەن رايونى ءنومىرىن بەكىتىپ، 2017-جىلى 11-ايدا، امبەباپ قورعامالى باجى رايونى كەدەندى جاۋىپ، سىناق رەتىندە اينالىمعا ءتۇستى، 2018-جىلى 3-ايدان بەرى، قورعامالى باجى ىستەرىن ءبىتىرۋ، قورعامالى باجى زات اينالىمى كاسىپتەرىن تىڭنان باستادى. قازىرگە دەيىن، ءۇرىمجى قورعامالى باجى رايونىنا جالپى 2 ميلليارد 800 ميلليون يۋان قارجى قوسىلىپ، باقشا رايونىنداعى نەگىزدىك قۇرىلعى مەن باقىلاۋ-باسقارۋ قۇرىلعىلارى سايكەستى تۇراقتاندى، الدا حالىقارالىق ساۋدا قىزمەت وتەۋ رايونىنىڭ ءبىرىنشى مەرزىمدىك قۇرىلىسىنىڭ ءىشىنارالارى پايدالانۋعا بەرىلەدى، شەكارا اتتايتىن ەلەكتروندى ساۋدا زات اينالىم قويماسى دا سالىنۋ ۇستىندە، بۇل جەرگە31 كاسىپورىن ىرگە تەپتى.


بەرىپ كەت ورامالىڭدى

دوستار

الىستاعى اق ەركە