جاڭا حابارلار

شي جينپيڭ پاپۋا - جاڭا گۆينەيانىڭ زۇڭليى ونەيلمەن كەزدەستى

    كەلۋ قاينارى: شينجياڭ گازەتى    2018-06-24 01:38:17  

 شينحۋا اگەنتتىگىنىڭ 6 - ايدىڭ 21 - كۇنى بەيجيڭنەن بەرگەن حابارى ( ءتىلشى حوۋ ليجۇن). مەملەكەت ءتوراعاسى شي جينپيڭ 6 - ايدىڭ 21 - كۇنى دياۋيۇيتاي مەملەكەتتىك قوناق ۇيىندە پاپۋا - جاڭا گۆينەيانىڭ زۇڭليى ونەيلمەن كەزدەستى.

  شي جينپيڭ مىنانى اتاپ كورسەتتى: پاپۋا - جاڭا گۆينەيا تىنىق مۇحيت ارال ەلدەرى وڭىرىندەگى ماڭىزدى ىقپالعا يە مەملەكەت. جۇڭگو مەن پاپۋا - جاڭا گۆينەيا ديپلوماتيالىق قارىم - قاتىناس ورناتقان 42 جىلدان بەرى، ەكى ەلدىڭ قارىم - قاتىناسى تاريحي دامۋشىلىققا قول جەتكىزدى. اسىرەسە، 2014 - جىلى مەن ستراتەگيالىق سەرىكتەستىك قارىم - قاتىناس ورناتۋ جونىندە زۇڭلي مىرزامەن ورتاق تانىمعا كەلگەننەن بەرى، ەكى ەلدىڭ قارىم - قاتىناسى قارىشتاي دامىپ، ەكى جاقتىڭ ءبىر - بىرىنە ساياسي سەنىمى جانە ءوزارا تيىمدىلىك جەتكىزىپ، ىنتىماقتاسۋى تاريحتان بەرگى تىڭ ورەگە كوتەرىلدى. جۇڭگو پاپۋا - جاڭا گۆينەيانىڭ ءبىر جۇڭگو ساياساتىنا تاباندى بولعاندىعىن القايدى، پاپۋا - جاڭا گۆينەيامەن بىرگە قۇلشىنىپ، تىلدەسۋدى كۇشەيتىپ، ىنتىماقتاستىقتى تەرەڭدەتىپ، اۋىس - كۇيىستى كەڭەيتىپ، ەكى ەل قارىم - قاتىناسىنىڭ تىڭ ساتىعا كوتەرىلە بەرۋىن ىلگەرىلەتۋگە پەيىل.
  شي جينپيڭ مىنانى باسا دارىپتەدى: ەكى ەل ءبىر - بىرىنە ساياسي سەنىمدى كۇشەيتۋدەن جازباي، ءبىر - بىرىنە قۇرمەت ەتۋ، تەپە - تەڭ مامىلەدە بولۋ پرينسيبىندە تاباندى بولىپ، يەلىك ۇقىققا، تەرريتوريا تۇتاستىعىنا، مەملەكەتتىڭ بەدەلىنە ساياتىن ماسەلەلەردە ءبىر - ءبىرىن قولداپ، ءبىر - بىرىنە كوڭىل ءبولىپ، ەكى ەل قارىم - قاتىناسىنىڭ ساياسي نەگىزىن ۇزدىكسىز بەكەمدەۋ كەرەك. ءوزارا تيىمدىلىك جەتكىزۋدى، ىنتىماقتاسۋدى كەڭەيتۋدەن جازباي، ىنتىماقتاستىقتىڭ پايداسىن ۇزدىكسىز مولايتىپ، ىنتىماقتاستىقتىڭ جاڭا سالاسىن اشۋ كەرەك. پاپۋا - جاڭا گۆينەيا تاياۋدا ازيا نەگىزدىك قۇرىلعىلارىنا قارجى قوسۋ بانكەسىنە رەسمي قوسىلدى ءارى تىنىق مۇحيت ارال ەلدەرى وڭىرىندەگى جۇڭگومەن «ءبىر بەلدەۋ، ءبىر جول» قۇرىلىسىنىڭ ەسكەرتپە حاتىنا قول قويعان بىردەن - ءبىر مەملەكەت بولدى، ەكى جاق وسىنى جاڭا باستاما ەتىپ، «ءبىر بەلدەۋ، ءبىر جول» اياسىنداعى سىندارلى ىنتىماقتاستىقتى بەلسەنە كەڭەيتىپ، ەكى جاقتى قارىم - قاتىناستىڭ ۇزدىكسىز ورنىقتى دامۋى ءۇشىن پارمەندى قوزعاۋشى كۇش ازىرلەۋ كەرەك. حالىقتىڭ دوستىعىن تەرەڭدەتۋدەن جازباي، ەكى ەلدىڭ حالىقتىق اۋىس - كۇيىسى مەن جەرگىلىكتى ىنتىماقتاستىعىن كەڭەيتىپ، ەكى ەل حالقىنىڭ ەكى جاقتى قارىم - قاتىناستى كۇشەيتۋدەگى قاتىناسۋ سەزىمىن، تابىس سەزىمىن كۇشەيتۋ كەرەك. جۇڭگو پاپۋا - جاڭا گۆينەيامەن كوپ جاقتى مەحانيزمدەگى سايكەستىكتى كۇشەيتىپ، پاپۋا - جاڭا گۆينەيانىڭ بيىلعى ازيا - تىنىق مۇحيت ەكونوميكالىق ىنتىماقتاستىق ۇيىمى باسشىلارىنىڭ بەيرەسمي كەڭەسىن ويداعىداي وتكىزۋىن قولدايدى، ازيا - تىنىق مۇحيت ءوڭىرىنىڭ اشىق ەكونوميكاسىن بىرگە قۇرۋعا پەيىل.
  ونەيل بىلاي دەدى: پاپۋا - جاڭا گۆينەيا جۇڭگومەن ستراتەگيالىق سەرىكتەستىك قارىم - قاتىناستى تەرەڭدەتۋگە كۇش سالادى، ءبىر جۇڭگو ساياساتىنا تاباندى بولادى، ءتوراعا شي جينپيڭ العا قويعان ۇلى «ءبىر بەلدەۋ، ءبىر جول» باستاماسىن جوعارى باعالايدى ءارى مۇنى بەلسەنە قولدايدى، ەكونوميكا، ساۋدا، قارجى قوسۋ، اۋىل شارۋاشىلىعى، ساياحات، نەگىزدىك قۇرىلعىلار سياقتى سالالاردا جۇڭگومەن ىنتىماقتاستىقتى كەڭەيتۋدى ءۇمىت ەتەدى. پاپۋا - جاڭا گۆينەيا جۇڭگونىڭ پاپۋا - جاڭا گۆينەيانىڭ ازيا - تىنىق مۇحيت ەكونوميكالىق ىنتىماقتاستىق ۇيىمى باسشىلارىنىڭ بەيرەسمي كەڭەسىن وتكىزۋىن زور كۇشپەن قولداعاندىعىنا العىس ايتادى، جۇڭگونىڭ كليمات وزگەرىسى سياقتى جاقتاردا باسشىلىق رولىن ساۋلەلەندىرگەندىگىن القايدى، ەكى جاقتىڭ كوپ جاقتى جانە وڭىرلىك ىستەردەگى تىلدەسۋىن، سايكەستىگىن كۇشەيتۋدى قالايدى.
  ياڭ جيەچى، ۋاڭ ي، حى ليفىڭ كەزدەسۋدە بىرگە بولدى.


بەرىپ كەت ورامالىڭدى

دوستار

الىستاعى اق ەركە