جاڭا حابارلار

ديحاندار سىزعان سۋرت پەن قاعاز ويما كوركەمونەرىن ايگىلەۋ اۋىس-كۇيس جاساۋ تاربيەلەۋ قيمىلى شينجياڭ قازىرگى زامان اسەمونەر سارايىندا وتكىزىلدى

    كەلۋ قاينارى: شينجياڭ حالىق راديو ىستانسياسى    2018-06-23 08:46:29  

ستانسيامىزدىڭ ءتىلشىسى دۇڭ جىيۇڭ مەن پراكتيكانت ءتىلشى شۇي ۋيفىڭنىڭ حابارى: اۆتونوميالى رايوندىق مادەنيەت سارايى مەن ءۇرىمجى قالالىق مادەنيەت مەكەمەسى ۇستىنە الىپ وتكىزگەن «جۇڭحۋا ءداستۇرى ـــ اۋىل سالتى» اتىنداعى ديحاندار سىزعان سۋرت پەن قاعاز ويما كوركەمونەرىن ايگىلەۋ اۋىس-كۇيس جاساۋ تاربيەلەۋ قيمىلى 6-ايدىڭ 22-كۇنى شينجياڭ قازىرگى زامان اسەمونەر سارايىندا وتكىزىلدى.
شينجياڭ قازىرگى زامان اسەمونەر سارايىنىڭ ءبىرىنشى قاباتىنداعى ۇلكەن زالداعى قاعاز ويما تۋىندىلارى كوزدىڭ جاۋىن الادى. ەلىمىزدىڭ ايگىلى تاۋ-سۋلارى، دۋماندى ءوندىرىس ورىندارى، 12 مۇشەل سياقتى مازمۇنداعى قاعاز ويما تۋىندىلارى جۇڭحۋانىڭ تاڭداۋلى ءداستۇرلى مادەنيەتىنىڭ وزگەشە كەرەمەتىن ايگىلەدى. كورمەنى تاماشالاۋعا بارعان لي حۋا: «بۇرىن ۇيىمىزگە دە وسىنداي قاعاز ويمالاردى جاپسىراتىنبىز، قازىرگى كورگەن وسى تۋىندىلار تۇرمىسقا وتە جاناسىمدى، بۇگىن بالامدى ەرتىپ كەلىپ كورمەنى تاماشالادىم، بالام دا ۇناتادى، ۇيرەنسىن دەپ ونى ەرتە كەلدىم»،-دەدى.
ەكىنشى قاباتتاعى كورمە زالعا ديحاندار سىزعان سۋرەتتەر قويىلدى. ديحاندار سىزعان وسى سۋرەتتەردىڭ مازمۇنى الۋان ءتۇرلى، وندا مالشىلاردىڭ قوي قىرقىپ، ديحانداردىڭ تۇقىم ءسىڭىرىپ جاتقانى، بالالاردىڭ اسىر سالىپ ويناپ جۇرگەنى سياقتى اۋىل-قىستاق ءوندىرىسى مەن تۇرمىسى بەينەلەنگەن. ماكىت اۋدانىنان كەلگەن ديحان سۋرەتشى ءمينۋار ءمۇتالىپ «حالىق اراسىنداعى ايەل ونەرپازداردىڭ» سۋرەتىن سىزدى، وندا جەرگىلىكتى ورىنداعى ايەلدەردىڭ ادەمى ۇزىن كويلەك كيىپ، بىرلىكتە شات-شادىمان ءان ايتىپ، مۋزىكا اسپاپتارىن ورىنداعانى سىزىلعان. ول: «پارتيانىڭ جاقسى ساياساتىنىڭ قامقورلىعىندا، تۇرمىسىمىز بارعان سايىن جاقساردى، وتە-موتە، ايەلدەر مۋزىكا اسپاپتارىن شەرتىپ، جاقسى تۇرمىستى، تاماشا ءداۋىردى جىرلادى»،-دەدى.
ۇعىسۋعا قاراعاندا، وسى رەتكى كورمەگە شينجياڭ، گۋاڭدۇڭ، سانشي، شاندۇڭ سياقتى 9 ولكە، رايون، قالاداعى ديحاندار سىزعان 240 سۋرەت پەن قاعاز ويما قويىلعان. كورمە 7-ايدىڭ 1-كۇنىنە دەيىن، قالا تۇرعىندارىنا تەگىن اشىلادى. سونىمەن بىرگە، جۇڭحۋانىڭ تاڭداۋلى ءداستۇرلى مادەنيەتىن تاراتۋ تەبىنىن ارتتىرۋ ءۇشىن، كورمە كەزىندە تاعى جۇڭحۋانىڭ تاڭداۋلى ءداستۇرلى كوركەمونەرىن مەكتەپ اۋلاسىنا، الەۋمەتتىك اۋماققا ەنگىزۋ قيمىلى وتكىزىلەدى ءارى ىشكى ولكەدەگى ماماندار ديحاندار سىزعان سۋرەت پەن قاعاز ويما كوركەمونەرى جونىندە اۋىس-كۇيىس جاساۋعا ۇسىنىس ەتىلەدى ەكەن. اۆتونوميالى رايوندىق مادەنيەت مەڭگەرمەسى الەۋمەتتىك مادەنيەت باسقارماسىنىڭ باستىعى ۋاڭ شۋشىڭ بىلاي دەدى: جۇڭحۋانىڭ تاڭداۋلى ءداستۇرلى مادەنيەتىن ساۋلەلەندىرۋ، جالپىلاستىرۋ، تاراتۋ تەبىنىن اناعۇرلىم ارتتىرامىز؛ ءتۇرلى فورمانداعى، باي مازمۇنداعى مادەنيەت قيمىلدارىن ۇيىمداستىرىپ، سوتسياليستىك وزەكتى قۇن كوزقاراسىن جەتىلدىرۋ مەن امالياتتا ايگىلەۋدى جانە مادەنيەت سەنىمىن بەكەمدەۋ تالابىن مادەنيەت قىزمەتىندە تياناقتاندىرامىز.


بەرىپ كەت ورامالىڭدى

دوستار

الىستاعى اق ەركە